اسلام آباد: (ویب ٖ ڈیسک ) وفاقی وزیر اطلاعات ونشریات شبلی فراز نے کہا ہے کہ اپوزیشن حکومت پر پریشر ڈال رہی ہے لیکن عمران خان کسی صورت کمپرومائز نہیں کریں گے۔ بلاول بھٹو لاکھ کوشش کر لیں، این آر او نہیں ملے گا۔

اسلام آباد میں پریس کانفرنس کرتے ہوئے ان کا کہنا تھا کہ فیٹف قانون سازی پاکستان کے لیے ہے لیکن اپوزیشن اسے نیب ایکٹ سے منسلک کر دیتی ہے۔ ان کی ترامیم کو پڑھیں گے تو ہنسی ضرور آئے گی۔ ان کا بنیادی مقصد این آر او ہے۔ یہ کرپشن کو اپنی نظر سے قانون بنانا چاہتے ہیں۔ اپوزیشن کی ترامیم ردی کی ٹوکری میں ڈالی جائیں گی۔

شبلی فراز نے کہا کہ بلاول بھٹو شیشے کے گھر میں رہ کر دوسروں کے گھروں میں پتھر پھینک رہے ہیں۔ انہوں نے وزیراعظم عمران خان کو تنقید کا نشانہ بنایا۔ وہ یا تو لاعلم ہیں یا سب کچھ جانتے ہوئے جھوٹ بولتے ہیں۔

وفاقی وزیر کا کہنا تھا کہ وزیراعظم اور ان کی فیملی نے محنت سے اثاثے بنائے۔ ان کے پاس وہ اثاثے نہیں جو بلاول بھٹو کے پاس ہیں۔ عمران خان نے کرکٹ کی تمام کمائی کا ریکارڈ عدالت کو دیا۔

انہوں نے کہا کہ پاناما کیس کے بعد عمران خان پر سیاسی کیس بنایا گیا تھا، تاہم عدالت نے انھیں صادق اور امین قرار دیا جبکہ بلاول کی فیملی پر صداقت اور امانت کے بڑے سوالیہ نشان ہیں۔

انہوں نے چئیرمین پیپلز پارٹی پرتنقید کرتے ہوئے کہا کہ بلاول بھٹو کے پاس کرپشن پر سوال کرنے کا اخلاقی جواز نہیں ہے۔ وہ بتائیں کہ سرے محل کیسے خریدا گیا؟ سوئس اکاؤنٹ کا کیا ہوا؟ اومنی گروپ کیلئے منی لانڈرنگ کس نے کی؟ بلاول بھٹو کو ان سوالوں کا جواب اپنی فیملی سے مل جائے گا۔

ایک سوال کا جواب دیتے ہوئے ان کا کہنا تھا کہ دوہری شہریت اور معاونین پر قانون میں قدغن نہیں ہے۔ تحریک انصاف نے کوئی غیر قانونی کام نہیں کیا۔ مشیروں کے استعفوں بارے ابھی کچھ کہنا قبل ازوقت ہوگا۔ اگر کسی وزیر کو تبدیل یا ہٹایا جاتا ہے تو وجہ پرفارمنس یا کسی بہتر کھلاڑی کو لانا بھی ہو سکتا ہے۔ ٹیم کو تبدیل کرنا وزیراعظم کا اختیار ہے۔

اپوزیشن پر تنقید کرتے ہوئے انہوں نے کہا کہ کہتے ہیں نواز شریف اور زرداری کھاتا ہے نہیں لگاتا بھی ہے لیکن عمران خان کہتا ہے نہ کھاؤں گا نہ کھانے دونگا۔ وزیراعظم اپنی پارٹی سمیت کسی کو بھی نہیں چھوڑیں گے۔ وقت بدل گیا ہے، بلاول نئے دور کی حقیقت کو سمجھیں، وہ نہیں سمجھیں گے تو ان کا مستقبل تاریک نظر آ رہا ہے۔

ویب ڈیسک : اسلام آباد، حکومت نے عید الاضحیٰ کے بعد دفاتر کے پرانے اوقات کار بحال کردیئے ہیں۔

تفصیلات کے مطابق عید الاضحیٰ کے بعد سرکاری دفاتر صبح 9 سے شام 5 بجے تک کھلے رہیں گے ، اسٹیبلشمنٹ ڈویژن نے باضابطہ نوٹیفکشن جاری کردیا ہے جوکہ تمام سرکاری اداروں کو ارسال بھی کر دیا گیا ہے۔

میں نے یہ آفر ٹھکرا دی تھی کیونکہ میں مستقبل کا فیصلہ صبر و تحمل سے لینا چاہتا تھا، پاکستان تحریک انصاف میں شمولیت کا فیصلہ میں نے خود اپنی مرضی سے کیا تھا، وفاقی وزیر خارجہ

اسلام آباد(ویب ڈیسک )ن لیگ نے مجھے پارٹی میں شمولیت کی آفر کروائی تھی۔ نجی ٹی وی چینل میں بات کرتے ہوئے وفاقی وزیر خارجہ شاہ محمود قریشی کی جانب سے انکشاف کیا گیا ہے کہ 2013 میں ن لیگ نے انہیں پارٹی میں شمولیت کی آفر کروائی تھی۔ بات کرتے ہوئے ان کا کہنا تھا کہ مجھے یہ بھی کہا گیا تھا کہ آپ کو آئندہ الیکشن کے بعد وزیر خارجہ بنا دیا جائے گا۔وفاقی وزیر کی جانب سے کہا گیا ہے کہ میں نے اس آفر کو ٹھکرا دیا تھا، میں مستقبل کا فیصلہ صبر و تحمل سے لینا چاہتا تھا، پاکستان تحریک انصاف میں شمولیت کا فیصلہ میں نے خود اپنی مرضی سے کیا تھا۔

بات کرتے ہوئے وفاقی وزیر کا کہنا تھا کہ میں نے ہمیشہ اپنے دل کی سنی ہے، اگر میں چاہتا تو 2013 میں شمولیت اختیار کر لیتا، اس وقت ن لیک کا طوطی بول رہا تھا، لیکن میں نے ایسا نہیں کیا کیونکہ مجھے تحریک انصاف میں شامل ہونا تھا اور اب میرا فیصلہ درست ثابت ہو گیا ہے۔

خیال رہے کہ اس سے قبل وفاقی وزیر کی جانب سے پریس کانفرنس میں بھی یہی بات دہرائی گئی تھی جس میں ان کی جانب سے کہا گیا تھا کہ بہت سوچ سمجھ کر ن لیگ کے بجائے تحریک انصاف جوائن کی، ن لیگ نے مجھے وزارت خارجہ کی آفر کی تھی جو میں نے قبول نہیں کی۔ بات کرتے ہوئے ان کا کہنا تھا کہ پاکستان کو فیٹف گرے لسٹ سے نکالنے کیلئے قانون سازی ضروری ہے۔بھارت کی پوری کوشش ہے کہ وہ پاکستان کو گرے سے بلیک لسٹ میں دھکیلے۔ ایف اے ٹی ایف کی گرے لسٹ سے نکالنے یار کھنے کا فیصلہ اکتوبر میں ہوگا۔ انہوں نے کہا کہ قانون سازی میں اپوزیشن سے تعاون کا کہا۔ اپوزیشن نے ایف اے ٹی ایف سے متعلق قانون سازی میں ساتھ دینے کیلئے شرائط رکھیں۔ اپوزیشن ولاوں کی شرط تھی کہ وہ نیب قانون میں بھی ترامیم چاہتے ہیں۔ تاہم دوسری جانب ابھی تک نیب قوانین میں ترمیم کے حوالے سے اپوزیشن اور حکومت کے درمیان تکرار جاری ہے جبکہ اپوزیشن کی جانب سے ترامیم کی صورت میں فیٹف میں حمایت کا اعلان کرنے کی شرط رکھ دی گئی ہے۔