لاہور: (ویب ڈیسک) گلوکار شہزاد رائے بھی کورونا وائرس کا شکار ہو گئے، انہوں نے پرستاروں کو اپنی خیریت سے آگاہ کرتے ہوئے عید قرباں سادگی سے منانے کی اپیل بھی کی۔
میڈیا رپورٹ کے مطابق شہزاد رائے نے سوشل میڈیا پر مداحوں کو بتایا کہ کچھ روز قبل وہ اور ان کے خاندان کے افراد کورونا وائرس کا شکار ہو گئے تھے تاہم وہ خیریت سے ہیں۔
Few days ago my family & myself contracted the Corona virus.With Allah’s blessings, we r fine. Here https://t.co/1rmXY0ym0f you can see a family of corona virus in my body & then transforming into its true shapes&colours, & then how v can beat them forever @EUPakistan @AKaminara pic.twitter.com/g9zSjpYOkW
— Shehzad Roy (@ShehzadRoy) July 29, 2020
انہوں نے ایک ویڈیو بھی شیئر کی جس میں کورونا وائرس سے بچتے ہوئے روزمرہ معمولات زندگی چلانے اور معاشرے کے دوسرے افراد کے ساتھ تعلقات نبھانے سے متعلق آگاہی دی گئی ہے۔
گلوکار نے اپنے مداحوں سے عید الاضحی بھی سادگی سے منانے کی اپیل کی، ان کا کہنا تھا کہ ماسک پہننا اتنا ضروری ہے کہ یہ کورونا بیماری میں مبتلا ہونے سے نہ صرف آپ کو بچا سکتا ہے بلکہ آپ کے پیاروں کو بھی جو آپ کے ارد گرد بستے ہیں۔ انہوں نے اپنی بات کو ایک سلوگن میں یوں سمویا، ’چہرے پہ ماسک، ہر پاکستانی کا ٹاسک‘۔
