لاہور (ویب ڈیسک)پنجاب کے وزیر اطلاعات فیاض الحسن چوہان نے کہا ہے کہ صوبے بھر میں جمعہ، ہفتہ اور اتوار مکمل لاک ڈاو¿ن ہوگا۔وفاقی حکومت نے ملک میں جاری لاک ڈاو¿ن میں 9 مئی سے مرحلہ وار نرمی کا اعلان کررکھا ہے جبکہ گزشتہ روز پنجاب حکومت نے وفاق سے صوبے کے بڑے شہروں میں لاک ڈاو¿ن میں نرمی نہ کرنے کی سفارش کی تھی۔تاہم اب صوبائی حکومت نے ہفتے میں 4 دن کاروبار کھولنے اور 3 دن مکمل لاک ڈاو¿ن کا فیصلہ کیا ہے۔صوبائی وزیر اطلاعات فیاض الحسن چوہان کا کہنا تھا کہ ہفتے میں چار دن پیر، منگل، بدھ اور جمعرات کو لاک ڈاو¿ن میں نرمی ہوگی۔انہوں نے کہا کہ نرمی کے دنوں میں ساری دکانیں اور بازار کھلے رہیں گے تاہم بڑے پلازہ اور شاپنگ سینٹر مکمل بند رہیں گے۔صوبائی وزیر اطلاعات کا کہنا تھا کہ صوبے بھر میں جمعہ، ہفتہ اور اتوار کو مکمل لاک ڈاو¿ن کیا جا ئے گا۔ان کا کہنا ہے کہ پنجاب میں نئے فیصلوں سے متعلق نوٹیفکیشن جلد جاری ہوگا۔یاد رہے کہ صوبہ پنجاب میں کورونا سے اب تک 191 افراد ہلاک ہوچکے ہیں جبکہ متاثرہ مریضوں کی تعداد 10 ہزار سے تجاوز کرچکی ہے۔

اسلام آباد (ویب ڈیسک)سابق وزیراعظم اور مسلم لیگ (ن) کے سینیئر نائب صدر شاہد خاقان عباسی نے کہا ہے کہ حکمران جماعت پاکستان تحریک انصاف کے روح رواں کرپشن میں ملوث رہے ہیں اور شوگر کمیشن جب تک وزیراعظم عمران خان کو نہیں بلاتا تب تک اس کی رپورٹ تسلی بخش نہیں۔سابق وزیراعظم شاہد خاقان عباسی اور سابق وفاقی وزیر خرم دستگیر نے شوگر انکوائری کمیشن کے سربراہ واجد ضیاءسے وفاقی تحقیقاتی ایجنسی (ایف آئی اے ہیڈکوارٹرز میں ملاقات کی۔ خیال رہے کہ گزشتہ دنوں شاہد خاقان عباسی نے شوگر انکوائری کمیشن کے سربراہ واجد ضیاءکو خط لکھ کر چینی بحران کی انکوائری میں تفصیلات دینے کی پیشکش کی تھی جس پر انہیں آج بلایا گیا تھا۔ملاقات کے بعد میڈیا سے گفتگو میں شاہد خاقان عباسی کا کہنا تھا کہ آج ہم اپنی پارٹی کی ہدایات پر کمیشن کے سامنے پیش ہوئے اور ہم نے کوئی سیاسی بات نہیں کی، ہم نے کہا کہ کمیشن بنا ہے تو 100 ارب روپے کا ڈاکہ بے نقاب ہو سکے، ہم شواہد دیں گے تا کہ حقائق سامنے آئیں۔انہوں نے کہا کہ اقتصادی رابطہ کمیٹی (ای سی سی) اور کابینہ کی وجہ سے چینی کی قیمیں بڑھیں، قیمتیں بڑھنے کی ذمہ دار حکومت ہے اور یہ ثابت ہوتا ہے، وزیراعظم نالائق بھی ہیں اور کرپٹ بھی۔ان کاکہنا ہے کہ آج کمیشن کو زبانی بتایا گیا لیکن ضرورت پڑی تو لکھ کر بھی دے سکتے ہیں۔شاہد خاقان عباسی کا کہنا تھا کہ ای سی سی اورکابینہ کے فیصلوں کی وجہ سے چینی کی قیمت بڑھی، 16 مہینے چینی کی برآمد جاری رہی لیکن حکومت نے قیمت بڑھنےکا نوٹس نہیں لیا، ای سی سی اور کابینہ ممبران کو بلا کر پوچھا جائے برآمد کیوں نہ روکی گئی؟ ای سی سی اور کابینہ کو چینی کے معاملے پر جواب دینا ہوگا۔انہوں نے مزید کہا کہ ای سی سی کا چیئرمین کرپٹ اور نالائق ہے، کمیشن کے سامنے تمام حقائق رکھ دیے ہیں، چینی سرپلس نہ ہونے کے باوجود برآمد کی اجازت دی گئی اور درآمد پر ایسا ٹیکس لگایا گیا کہ چینی کی درآمد ممکن نہیں رہی۔شاہد خاقان عباسی کا کہنا تھا کہ جب تب وزیراعظم کو نہیں بلایاجاتا چینی کی قیمت بڑھنے کی وجہ سامنے نہیں آئے گی، چینی کی درآمد کو بھی روکا گیا، مفادات کا ٹکراو¿ بھی سامنے آیا، عوام پر تو ڈاکہ پڑ چکا ہے لہٰذا وزیراعظم اور چیئرمین ای سی سی کو انکوائری کمیشن میں بلایا جائے۔سابق وزیراعظم کا کہنا ہے کہ کرپشن کا ریکارڈ کابینہ کے فیصلے اور ای سی سی کے میٹنگ منٹس ہیں، انکوائری کمیشن سے کہا ہے جب بلائیں گے آجائیں گے، ہم نے 20 ارب روپے سے زیادہ کی سبسڈی دی لیکن جب ہم نے سبسڈی دی تو چینی کی قمیت ایک پیسہ نہیں بڑھی۔انہوں نے مزید کہا کہ چینی کی قمیت کا بڑھنا بتاتا ہے کہ چینی ملک میں موجود نہیں تھی، چینی کی برآمد کی اجازت کیوں دی گئی؟ پی ٹی آئی کے روح رواں کرپشن میں ملوث رہے ہیں اور کمیشن جب تک وزیراعظم کو نہیں بلاتا تب تک کمیشن کی رپورٹ تسلی بخش نہیں۔
چینی بحران
رواں سال کے آغاز میں پیدا ہونے والے چینی بحران پر وفاقی تحقیقاتی ایجنسی (ایف آئی اے) کی تحقیقاتی رپورٹ میں انکشاف کیا گیا تھاکہ ملک میں چینی بحران کا سب سے زیادہ فائدہ حکمران جماعت کے اہم رہنما جہانگیر ترین نے اٹھایا، دوسرے نمبر پر وفاقی وزیر خسرو بختیار کے بھائی اور تیسرے نمبر پر حکمران اتحاد میں شامل مونس الٰہی کی کمپنیوں نے فائدہ اٹھایا۔چینی بحران کی ایف آئی اے رپورٹ کا اب فرانزک کیا جا رہا ہے جس کی رپورٹ 25 اپریل کو وزیراعظم عمران خان کو جمع کرائی جانی تھی لیکن کمیشن کی جانب سے مزید مہلت مانگی گئی جس پر تین ہفتوں کا وقت دیا گیا ہے۔وزیراعظم نے فرانزک رپورٹ موصول ہونے کے بعد مزید ایکشن لینے کا اعلان کیا ہے۔ چینی بحران رپورٹ سامنے آنے کے بعد جہانگیر ترین نے اپنے اوپر لگے الزامات کو مسترد کیا ہے اور وفاقی وزیر خسرو بختیار کی وزارت بھی تبدیل کر دی گئی ہے

اسلام آباد(ویب ڈیسک) وزیراعظم نے جان بچانے والی ادویات کی آڑ میں بھارت سے معمول کی ادویات درآمد کرنے کا نوٹس لے لیا جب کہ انھوں نے معاون خصوصی برائے احتساب شہزاد اکبر کو تحقیقات کی ہدایت کردی۔جان بچانے والی ادویات کی آڑ میں بھارت سے معمول کی ادویات درآمد کرنے کا معاملہ کابینہ کے گزشتہ اجلاس میں مزید 429 ادویات درآمد کرنے کی سمری پیش کرنے پر سامنے آیا جو مسترد کردی گئی تھی۔دریں اثناءوزیر اعظم آفس نے وفاقی کابینہ کے فیصلوں پر عملدرآمد نہ کرنے پر16وزارتوں کو دوسری بارسرخ پروانہ جاری کردیا جس میں کہا گیا کہ متعلقہ وزارتوں سے متعلق 8 فیصلے کئے تاہم 5 پرعمل درآمد نہیں ہوا، جس کیلئے 21 دنوں کی مہلت دے دی گئی۔ وزیر اعظم ڈلیوری یونٹ ،کابینہ کو رپورٹ دے گا ،عملدرآمد میں کوتاہی کارکردگی رپورٹ میں شامل ہو گی۔ذرائع کے مطابق وزارتوں کو خالی آسامیوں کے لئے قوائد و ضوابط بنانے کے علاوہ سرکاری ملازمین کی سنیارٹی اورترقی کا معاملہ نمٹانے کی ذمہ داری دی گئی تھی۔

وا شنگٹن (ویب ڈیسک)امریکی کمپنی گیلیڈ کو فوڈ اینڈ ڈرگ ایڈمنسٹریشن (ایف ڈی اے) کی جانب سے حال ہی میں کورونا وائرس کے علاج کے لیے منظور ہونے والی دوا ‘رمڈیسیویر’ کی قیمت طے کرنے کا ایک نیا چیلنج درپیش ہے۔گیلیڈ نے چند سال قبل 2003 میں ہیپاٹائٹس سی کے علاج کی دوا ‘سووالدی’ بھی تیار کی تھی لیکن اس نے ایک گولی کی قیمت 1000 ڈالر (موجودہ ایک لاکھ 60 ہزار پاکستانی روپے) رکھی تھی جس کی وجہ سے اسے بدنامی اور شدید تنقید کا سامنا کرنا پڑا۔اگرچہ سووالدی دوا کے نتائج اس وقت ہیپاٹائٹس سی کے دستیاب دیگر علاج کی نسبت کافی بہتر تھے مگر انتہائی زیادہ قیمت کی وجہ سے اس وقت ایک نئی بحث شروع ہوئی تھی اور لوگوں سے مطالبہ کیا تھا کہ دواو¿ں کی مناسب قیمتیں رکھنے کی پالیسی پر عمل ہونا چاہیے۔لیکن اب دنیا بھر میں 40 لاکھ سے زائد افراد کو متاثر اور 2 لاکھ 75 ہزار سے زیادہ لوگوں کی جانیں لینے والے موجودہ کورونا وائرس کی وجہ سے یہ بحث کافی حد تک پس پشت چلی گئی ہے کیونکہ یہ بات ضروری سمجھی جا رہی ہے دوا ساز کمپنیاں تحقیق کر کے اس عالمی وبا کی ویکسین تیار کریں۔نیامریکی کمپنی گیلیڈ اب ایک مرتبہ پھر سے سب کی نظروں میں ہے کیونکہ اب تک کے نتائج کے مطابق اس کی اینٹی وائرل دوا ‘رمڈیسیویر’ کورونا وائرس سے متاثر مریضوں کے علاج میں مددگار ثابت ہو رہی ہے۔وال اسٹریٹ کے ماہرین کا کہنا ہے کہ گیلیڈ اگلے برس تک ‘رمڈیسیویر’ کی فروخت سے 75 کروڑ ڈالر یا اس سے بھی زیادہ کما سکتی ہے جب کہ 2022 میں اس دوا کی فروخت سے ہونے والی آمدن ایک ارب 10 کروڑ ڈالر سے زیادہ ہو گی۔فارما سوٹیکل انڈسٹری کے ماہرین کا کہنا ہے کہ گیلیڈ اور دیگر کمپنیوں کو اس وبا کی وجہ سے پیدا ہونے والے صحت کے عالمی بحران کو منافع کے لیے استعمال کرنے سے اجتناب کرنا ہوگا۔

شیخوپورہ: (ویب ڈیسک) شیخوپورہ کے علاقے کھاریانوالہ میں بچوں کی لڑائی پر جھگڑے کے بعد ایک گروپ نے فائرنگ کردی جس کے نتیجے میں 8 افراد جاں بحق اور متعدد زخمی ہوگئے۔شیخوپورہ میں افسوناک واقعے نے دور جہالت کی یاد تازہ کر دی۔ چند روز قبل بچوں کی لڑائی پر 2 گروپوں میں جھگڑا ہوا تھا، ایک گروپ نے اشتعال میں آکر دوسرے گروپ کے لوگوں پر فائرنگ کر دی، کئی افراد کی اموات پر علاقے میں کہرام مچ گیا۔پولیس کی بھاری نفری بھی علاقے میں پہنچی، جائے وقوعہ کا معائنہ کیا، لاشوں اور زخمیوں کو ہسپتال پہنچایا گیا۔ واقعے کے بعد علاقے میں حالات کشیدہ ہوگئے، متاثرہ گروپ کے افراد نے حملہ آروں کے گھروں کو آگ لگا دی جس کے بعد صورتحال مزید خراب ہونے کا خدشہ ہے۔ متاثرین کا کہنا تھا پولیس نے پہلے ایکشن لیا ہوتا تو حالات ایسے نہ ہوتے۔وزیراعلیٰ پنجاب نے شیخوپورہ کے علاقے میں پیش آنیوالے واقعے کا نوٹس لیا، آر پی او سے رپورٹ طلب کرلی اور ملزمان کو جلد گرفتار کرنے کا حکم دیدیا۔ عثمان بزدار نے کہا مقتولین کے لواحقین کو ہر قیمت پر انصاف فراہم کیا جائے۔

ممبئی (ویب ڈیسک)گذشتہ تین روز سے انڈیا میں روزانہ 3000 سے ز?ادہ کورونا کے نئے کیسز سامنے آرہے ہیں۔انڈیا میں جمعرات کو آل انڈیا میڈیکل ایسوسی ایشن یعنی ایمیز کے ڈائریکٹر ڈاکٹر رندیپ گولیریا کے حوالے سے ایک بیان تمام سوشل میڈیا پلیٹ فارمز اور نیوز چینلز پر چل رہا ہے جس میں کہا گیا ہے کہ ’انڈیا میں جون اور جولائی کے مہینے میں کورونا وائرس اپنے عروج پر ہو گا۔‘لیکن یہ پیک یا عروج کیا ہے، اس کا مطلب کوئی نہیں سمجھا رہا۔ جب کورونا وائرس اپنے عروج پر ہوگا تو تب روزانہ کتنے متاثرین سامنے آئیں گے، اس بارے میں بھی کوئی بات نہیں ہورہی ہے۔ہر کوئی اس بیان کو اپنے طریقے سے سمجھ رہا ہے۔ کوئی کہہ رہا ہے کہ لاک ڈاو¿ن کو مزید جاری رکھا جائے گا، کوئی کہہ رہا ہے کہ اب دوکانیں پھر سے بند کرنی پڑیں گی، وغیرہ وغیرہ۔