لاہور (ویب ڈیسک) وزیراعظم عمران خان نے 7 روز میں 70 ملاقاتیں کرکے ریکارڈ قائم کر دیا۔ ایک بھی لمحہ ضائع کیے بغیرعمران خان کشمیر اور پاکستان کا مقدمہ بھرپور انداز میں لڑتے نظر آئے۔کشمیرکے سفیرنے سفارتکاری کا حق ادا کر دیا، وزیراعظم عمران خان نے 7 روزہ دورے کے دوران 70سے زائد نہایت اہم ملاقاتیں کیں، ہر ملاقات کے ایجنڈے میں کشمیر سر فہرست رہا۔وزیراعظم دورہ امریکا کے دوران امریکی صدر ڈونلڈ ٹرمپ، برطانوی وزیر اعظم بورس جانسن، ترک صدر طیب اردوان، ملائیشین وزیراعظم مہاتیر محمد، ایرانی صدر حسن روحانی، روسی وزیر خارجہ اور نیوزی لینڈ کی وزیراعظم جسینڈا آرڈن سے ملاقاتیں کیں۔اپنے اہم ترین دورے کے دوران عمران خان امریکی کے نمائندہ خصوصی زلمے خلیل زاد سے بھی ملے۔ بل گیٹس سے بھی تفصیلی ملاقات ہوئی،معروف امریکی اخبارات کے ایڈیٹوریل بورڈ سے ملاقاتیں ہوئیں۔اقوام متحدہ میں مختلف موضوعات پر منعقدہ سیمینار میں شرکت کر کے عمران خان نے پاکستان کا مقدمہ موثر انداز میں پیش کیا۔ افغانستان میں قیام امن سے لے کر دہشت گردی اور مسئلہ کشمیر پر دنیا کو حقائق سے آگاہ کیا۔وزیراعظم عمران خان نے اقوام متحدہ میں کشمیر کےساتھ ساتھ مسلم امہ کا مقدمہ بھی بہترانداز میں لڑا۔ اپنے 50منٹ کے خطاب میں موسمیاتی تبدیلیوں، منی لانڈرنگ، اسلامو فوبیا اور مسئلہ کشمیر پر سیر حاصل اور مدلل گفتگو کرکے مخالفین کو بھی تعریف کرنے پر مجبور کر دیا۔

اسلام آباد(ویب ڈیسک)خوش آمدید وزیراعظم عمران خان،ٹوئٹر پر ٹاپ ٹرینڈ بن گیا،تفصیلات کے مطابق وزیراعظم عمران خان کا طیارہ جونہی پاکستان کی فضائی حدود میں داخل ہوا تو خوش آمدید وزیراعظم ٹو ئٹر پر ٹا پ ٹرینڈ بن گیا۔

لاہور (ضیا شاہد سے) اقوام متحدہ کی 74 ویں جنرل اسمبلی میں عمران خان کی تقریر سب سے طویل تھی۔ اس کا وقت پچاس منٹ اور چالیس سیکنڈ بنتا ہے جبکہ نریندر مودی نے سترہ منٹ پچپن سیکنڈ تقریر کی۔ سعودی عرب کے وزیرخارجہ نے کل بارہ منٹ تقریر کی جبکہ ملائیشیا کے مہاتیر محمد نے 28 منٹ 38 سیکنڈ تقریر کی۔ ترکی کے صدر طیب اردوان نے 36 منٹ تقریر کی، روسی وزیرخارجہ نے 19 منٹ 22 سیکنڈ تقریر کی جبکہ چین کے سٹیٹ کونسلر نے 14 منٹ تقریر کی۔ اسرائیل کے وزیرخارجہ نے کل 12 منٹ تقریر کی جبکہ فلسطین کے صدر محمود عباس نے 25 منٹ تقریر کی۔ ٹرمپ نے کل38 منٹ تقریر کی جبکہ برطانیہ کے وزیراعظم نے 38 منٹ 14 سیکنڈ تقریر کی۔کانگو کے صدر نے 16 منٹ 30 سیکنڈ تقریر کی۔ آذربائیجان والے 16 منٹ بولے۔ عمان کے وزیرخارجہ نے 14 منٹ تقریر کی۔ بحرین والے20 منٹ بولے۔ جنوبی افریقہ کے وزیرخارجہ 22 منٹ 16 سیکنڈ تقریر کرتے رہے۔ سویڈن نے 18 منٹ 19 سیکنڈ بات کی۔ شام کے وزیرخارجہ نے 30 منٹ گفتگو کی۔ نیپال کے وزیرخارجہ نے 20 منٹ بات کی جبکہ بنگلہ دیش کی وزیراعظم 22 منٹ 20 سیکنڈ تک بولتی رہیں۔ بالعموم جنرل اسمبلی میں ہر مقرر کو تقریر کے لئے پندرہ منٹ دیئے جاتے ہیں دو منٹ اضافی دے کر کل سترہ منٹ میں تقریر ختم کرنی ہوتی ہے۔ میز پر کل 3 بتیاں جلتی ہیں۔ گرین یعنی سبز روشنی، ہلکی سبز روشنی اور سرخ روشنی خطرے کی علامت ہوتی ہے جس پر تقریر بند کر دی جاتی ہے۔ عمران خان کی تقریر پر بھی پندرہ منٹ کے بعد سرخ بتی ٹمٹماتی رہی لیکن عمران خان نے مطلق توجہ نہ دی اور اپنی تقریر جاری رکھی۔ تاہم وہ چونکہ حکومت کے سربراہ تھے، اس لئے ایسے موقع پر بولنے دیا جاتا ہے اس سے پہلے بھی لمبی تقریروں کی متالیں ملتی ہیں۔ سب سے پہلے برازیل کو تقریر کا موقع ملتا ہے کیونکہ حروف تہجی کے لحاظ سے باری ملتی ہے۔ تاہم اگر اقوام متحدہ کا صدر دفتر چونکہ نیویارک امریکہ میں ہے اس لئے برازیل کے بعد دوسرے مقرر ہمیشہ امریکہ کے میزبان ملک ہوتے ہیں انہیں بھی وقت کی چھوٹ دی جاتی ہے۔ فیڈرل کاسترو نے ایک بار 2 گھنٹے تقریر کی تھی۔ یاسر عرفات نے اپنی زندگی میں 59 منٹ لمبی تقریر کی تھی۔ انگریزی، فرانسیسی، عربی، چینی، ہسپانوی اور روسی زبان میں تقریر کی اجازت ہوتی ہے تاہم اگر مہمان مقرر ان زبانوں کے علاوہ اپنی زبان میں تقریر کرنا چاہے تو تقریر سے پہلے اُسے اپنی زبان کا مترجم دینا پڑتا ہے تا کہ وہ ساتھ ساتھ ترجمہ کرتا جائے۔ تقریب کے شرکاءریاست کے سربراہ، حکومت کے سربراہ اور وزیرخارجہ کے علاوہ مختلف ملکوں کے سفیر یا اقوام متحدہ کے مندوب تقریر کر سکتے ہیں تاہم اگر کوئی مقرر یہ چاہے کہ کسی دوسرے نے اُس کا یا اس کے ملک کا نام لے کر تنقید کی ہے تو اُسے اس خواہش کا حق حاصل ہے کہ وہ یا اُس کا نمائندہ جواب دینا چاہتا ہے جس طرح مودی اور وہ بھی اپنا مترجم ساتھ لائے تھے۔ عمران خان کی تقریر پر بھارت نے جواب کا حق مانگا تھا لیکن جب وقت ملا تو بھارت نے اپنے مشن کے سب سے جونیئر افسر کو جواب کے لئے بھیجا۔ اسی طرح اگر کوئی جواب الجواب دینا چاہے تو اُسے بھی حق حاصل ہے جس طرح پاکستان نے نریندر مودی کے جواب کا جواب دیا۔ یہ بھی واضح رہے کہ نریندر مودی نے 6 منظور شدہ زبانوں کے علاوہ ہندی زبان میں تقریر کی تھی لہٰذا اُسے اپنی زبان کا مترجم خود لانا پڑا۔ ہر مہمان کے پاس 6 مختلف زبانوں کے ترجمے سننے کے انتظام ہوتے ہیں جو شخص چاہے اپنی پسندیدہ زبان میں تقریر کا ترجمہ سن سکتا ہے۔ قبل ازیں یوگنڈا کے صدر عیدی امین نے بھی اپنی ساحلی زبان میں تقریر کی تھی اور وہ بھی اپنا مترجم ساتھ لائے تھے۔ذوالفقار علی بھٹو ایوب خان کے دور میں وزیرخارجہ تھے جب 15 دسمبر 1971ءکو انہوں نے سقوط ڈھاکہ سے ایک دن پہلے 3 منٹ کی تقریر کی اور نوٹس پھاڑ کر باہر نکل آئے وزیرخارجہ کے طور پر انہوں نے اقوام متحدہ میں متعدد تقاریر کیں تاہم ان کا طویل ترین خطاب 30 منٹ کا تھا وہ لکھی تقریر پڑھتے تھے۔ تاہم جگہ جگہ فی البدیہہ بولنا شروع کر دیتے تھے۔اس طرح اقوام متحدہ یا سلامتی کونسل میں سب سے زیادہ طویل تقریر کا ریکارڈ عمران خان نے توڑا۔

لاہور (حامد جلال سے) پائلٹ ایسوسی ایشن کے سابق صدر سہیل بلوچ نے کہا ہے کہ سعودی پائلٹ کا یہ فیصلہ سو فیصد صحیح تھا کہ جہاز کو سمندر پر اڑانے کی نسبت اسے واپس ایئرپورٹ پر اتار لیا جائے کیونکہ اس کا الیکٹرک سسٹم خراب ہونے کی وجہ سے آئی آر ایس یعنی انٹرنل ریفرنس سسٹم جواب دے چکا تھا اور یہ سسٹم تمام جہازوں میں موجود ہوتا ہے اور اس کے خراب ہونے کی وجہ سے سیٹلائٹ سسٹم سے رابطہ خم ہو جاتا ہے۔ اور اطلاع تک سمندر شروع ہونے والا تھا جس پر چار سے پانچ گھنٹے تک فلائی کرنا تھا۔ اور سمندر کے اوپر اس سسٹم کے بغیر پرواز انتہائی خطرناک ہو سکتی تھی۔ سہیل بلوچ نے کہا کہ کوئی ایمرجنسی نہیں تھی ورنہ طیارہ کینیڈا کے دارالحکومت ٹورنٹو میں اتارا جا سکتا تھا مگر پائلٹ نے واپس نیویارک آنا مناسب سمجھا۔ جس کی وجہ یہ تھی کہ پرواز وی آئی پی تھی اور نیویارک ہی سے چلی تھی اس لئے پائلٹ کے رابطے پر نیویارک ایئرپورٹ نے تمام انتظامات کر رکھے تھے۔ اس سوال کے جواب میں سہیل بلوچ نے کہا کہ وی آئی پی طیارے کے ساتھ کوئی عام طیارہ نہیں قریب آ سکتا تھا لہٰذا نیویارک ہی واپسی مناسب تھی۔ تاہم اگر ایمرجنسی ہوتی اور فوراً اتارنے کی ضرورت ہوتی تو طیارہ ٹورنٹو اتارا جا سکتا تھا۔ پائلٹ ایسوسی ایشن کے سابق صدر نے کہا کہ نیویارک کی فضا میں آدھ گھنٹے تک فضا میں پرواز کا مقصد یہ تھا کہ وی آئی پی پرواز کے لئے گراﺅنڈ پر تمام انتظامات مکمل کر لئے جاتے تا کہ طیارہ کو مناسب جگہ مل سکے۔ سہیل بلوچ نے کہا کہ نیویارک لے جانے کی ایک وجہ یہ بھی تھی کہ وہاں بڑا ایئرپورٹ تھا اور وہاں متعلقہ سازوسامان اور پرزے موجود تھے جبکہ ٹورنٹو میں یہ نظام موجود نہیں ہو سکتا تھا۔ انہوں نے کہا کہ خدا کا شکر ہے کہ وی آئی پی طیارہ بحفاظت تمام واپس نیویارک اتر سکا اور کوئی بڑا نقصان نہیں ہوا۔

اسلام آباد:(ویب ڈیسک)وزیراعظم عمران خان کی امریکا سے واپسی کے موقع پر اسلام آباد ائیرپورٹ پر استقبال کے دوران جیب تراش نے پروٹوکول افسر کی جیب پر ہاتھ صاف کردیے۔عمران خان امریکا میں اقوام متحدہ کی جنرل اسمبلی کے اجلاس میں شرکت کے بعد اسلام آباد ایئر پورٹ پہنچے تو ان کا فقیدالمثال استقبال کیا گیا۔وزیراعظم کا استقبال کرنے والوں میں وفاقی کابینہ کے ارکان، خیبرپختونخوا اور سندھ کے گورنرز، دیگر پارٹی رہنما اور کارکنوں کی بڑی تعداد شامل تھی۔ایسے موقع پر جب وزیراعظم عمران خان کا استقبال کیا جارہا تھا تو ایک جیب تراش نے ہاتھ دکھاتے ہوئے پریس انفارمیشن ڈیپارٹمنٹ (پی ا?ئی ڈی)کے پروٹوکول ا?فیسر مقبول احمد کی جیب کاٹ لی۔ نامعلوم شخص نے مقبول احمدکی جیب سے 40 ہزار روپے اور ضروری کاغذات نکال لیے۔پی ا?ئی ڈی افسر نے تھانہ ائیرپورٹ چوکی میں واقعے کا مقدمہ درج کرنے کیلئے درخواست جمع کرادی ہے تاہم اب تک واقعے کا مقدمہ درج نہیں کیا گیا۔واضح رہے کہ اتوار کی سہہ پہر وزیراعظم عمران خان نیو یارک سے براستہ جدہ وطن واپسی پہنچے تھے۔ اسلام آباد ائیرپورٹ پہنچنے کے بعد استقبال کے لیے آنے والے شرکاء سے خطاب میں کہنا تھا کہ سب سے پہلے قوم کا شکریہ ادا کرنا چاہتا ہوں کہ جس طرح انہوں نے دعائیں تاکہ ہم اپنے کشمیری بھائیوں کا کیس مشکل وقت میں اقوام متحدہ میں لڑ سکیں۔وزیراعظم عمران خان نے کہا کہ دنیا کشمیریوں کے ساتھ کھڑی ہو نا ہو لیکن پاکستان کشمیریوں کے ساتھ کھڑا ہے، میں وعدہ کرتا ہوں کہ مودی کی فاشسٹ اور مسلمانوں سے نفرت کرنے والی حکومت کو بے نقاب کروں گا۔

سری نگر:(ویب ڈیسک) قابض بھارتی فوج نے نام نہاد سرچ ا?پریشن کے دوران فائرنگ کرکے مقبوضہ کشمیر کے دو مختلف اضلاع میں 7 کشمیری نوجوانوں کو شہید کردیا۔کشمیر میڈیا سروس کے مطابق جنت نظیر وادی پر پابندیوں اور جبر کے بادل گہرے ہوتے جا رہے ہیں، مودی سرکار کے ریاستی درندے نہتے کشمیریوں کو بھنبھوڑ رہے ہیں۔ ا?ج ضلع گندربال اور ضلع رمبان مجموعی طور پر 6 کشمیری نوجوانوں کو شہید کردیا گیا۔قابض بھارتی فوج نے مسافر بس کے اغوا کا ڈرامہ رچا کر ضلع گندربال میں داخلی و خارجی راستوں کو بند کرکے نام نہاد سرچ ا?پریشن کیا اور چادر و چار دیواری کے تقدس کو پامال کرتے ہوئے گھر گھر تلاشی کے دوران بنیادی انسانی حقوق کی سنگین کی پامالی کی اور 3 نوجوانوں کو شہید کردیا۔دوسری جانب ضلع رمبان میں بھی حکمراں جماعت بی جے پی کے مقامی رہنما کو اغوا کرکے یرغمال بنائے جانے کا بہانہ بناکر سرچ ا?پریشن کیا گیا جہاں 3 کشمیری نوجوانوں کو شہید کیا گیا، بھارتی فوج نے ساتواں شہری دوران حراست شہید کیا جب کہ سرچ ا?پریشن میں ایک بھارتی فوج کے اہلکار کی ہلاکت کی بھی اطلاع ہے۔واضح رہے کہ مقبوضہ کشمیر میں 5 اگست کو خصوصی حیثیت کے خاتمے کے بعد سے تاحال کرفیو نافذ ہے، اشیائے خورد و نوش میں کمی اور جان بچانے والی ادویہ کا فقدان پیدا ہوگیا ہے، کاروباری سرگرمیاں ٹھپ ہیں، ذرائع ا?مدورفت معطل اور مواصلاتی نظام منقطع ہے۔دریں اثنا عمران خان کے اقوام متحدہ کی جنرل اسمبلی میں خطاب کے دوران مسئلہ کشمیر کو انتہائی درست اور جرات مندانہ طریقے سے اجاگر کرنے پر کشمیری نوجوان جوش و جذبے سے سرشار ہوکر گھروں سے باہر نکل ا?ئے اور ریلیاں نکالیں۔کشمیری باشندوں نے دنیا کے سامنے مسئلہ کشمیر موثر انداز میں پیش کیے جانے پر جشن منایا اور بعض جگہ بھارت کی بدنامی اور کشمیر کو اجاگر کیے جانے پر رقص بھی کیا گیا۔ مظاہرین نے پاکستان اور کشمیر کے حق میں جب کہ بھارت مردہ باد کے نعرے لگائے۔

اسلام آباد (ویب ڈیسک ) سابق سیکرٹری خارجہ شمشاد اختر نے کہا ہے کہامریکہ بھارت کیخلاف کبھی بھی سخت رد عمل نہیں دے گا۔ انہوں نے کہا کہ امریکہ مسئلہ کشمیر حل کرنے پر ا?مادہ ہے لیکن بھارت کو مجبور کرنے پر تیار نہیں ہے، وزیراعظم عمران خان کے پاس افغانستان کا کارڈ ہے اور اب افغان امن عمل میں مسئلہ کشمیربھی زیر بحث ا?ئے گا۔انہوں نے مزید کہا کہ پاکستان کو چاہیے خطے میں اپنی جغرافیائی اہمیت کو استعمال کرے۔ وہ نجی ٹیوی چینل سے گفتگو کر رہے تھے جب انہوں نے کہا کہ پاکستان مضبوط ہوگا تو کشمیرمضبوط ہوگا، جب تک ہم خودانحصارنہیں ہوجاتے مسئلہ کشمی حل نہیں ہو سکتا. ان کا مزید کہنا تھا کہ پاکستان کے وزیراعظم عمران خان نے مخالفین کو تنقید کا موقع نہیں دیا اور جو کشمیریوں کی ذمہ داری لی تھی وہ پوری طرح نبھائی ہے۔انہوں نے کہا جنگ کا خطرہ اور آنے والے دنوں میں کشمیر کے حالات ہی دنیا کو عملی اقدام اٹھانے پر مجبور کر سکتے ہیں۔ اسی پروگرام کے دوران تجزیہ کاررضارومی نے کہا کہ جب تک امریکہ، برطانیہ، روس اور فرانس کی طرف سے دباو¿ نہیں ا?ئے گا بھارت کوئی خاص عملی اقدام نہیں اٹھائے گی، بھارتی سپریم کورٹ سے مسئلہ کشمیر پر زیادہ توقعات نہیں رکھنی چاہیں۔پاکستان کو چاہیے کہ مسئلہ کشمیر کو اجاگر رکھے۔ انہوں نے کہا کہ اگر پاکستان نے مسئلہ کشمیر حل کرانا ہے تو پہلے اپنے گھر کو مضبوط کرنا ہوگا۔ اس حوالے سے بات کرتے ہوئے تجزیہ کار مشرف زیدی نے کہا کہ عمران خان نے دورہ امریکہ کو ٹیسٹ میچ کی طرح کھیلا اور اپنے مقاصد حاصل کرنے میں کامیاب رہے۔ ان کا کہنا تھا کہ اب وزارت خارجہ، ا?ئی ایس پی ا?ر اور دیگر اداروں کو مزید متحرک ہونا پڑے گا۔ مشرف زیدی نے کہا کہ مودی کے پاس کوئی راستہ نہیں ہے لیکن فیصلہ مستقبل کے حالات ہی کریں گے۔