امریکا:(ویب ڈیسک)ہولی وڈ کی جرائم پر مبنی فلم ’جوکر‘ کا آخری ٹریلر بھی منظر عام پر آگیا جو فلم بینوں کا دل جیتنے میں کامیاب دیکھائی دیتا ہے۔دل دہلا دینے والے واقعات اور جسم میں خوف کی لہر پیدا کر دینے والے مناظر سے بھرپور کرائم فلم ’جوکر‘ رواں سال اکتوبر میں ریلیز ہوگی۔ٹوڈ فلپس کی ہدایات میں بننے والی فلم کی کہانی ایک اسٹینڈ اَپ کامیڈین کے گرد گھومتی ہے جو حالات و واقعات سے پریشان ہو کر جرائم کی دنیا میں قدم رکھ دیتا ہے اور اس کے بعد پیش ا?نے والے واقعات لوگوں کو حیران و پریشان کر دیں گے۔اس فلم کو بریڈلی کوپر اور ٹوڈ فلپسکی پروڈیوس کررہے ہیں۔فلم میں ہولی وڈ اداکار جوا کوائین فیونکس مرکزی کردار نبھاتے نظر آئیں گے جبکہ دیگر کاسٹ میں رابرٹ ڈی نیرو، زیزی بیٹس، بِل کیمپس، فراسنسزکونروئے اور بریٹ کولن سمیت کئی فنکار موجود ہیں۔55 ملین ڈالر لاگت سے مکمل ہونے والی یہ فلم وارنر بروس پکچرز کے تحت نمائش کے لیے پیش کی جائے گی۔

کراچی:(ویب ڈیسک)یہ بات تو کسی سے نہیں چھپی کہ پاکستانی فیشن انڈسٹری میں ماڈلز کو بڑی مشکلات کا سامنا رہتا ہے۔طویل دورانیے کا کام، بغیر کسی کنٹریکٹ کے، دیر سے معاوضہ ملنا اور بڑے برینڈز کی جانب سے لاپرواہی کا مظاہرہ یہ سب وہ مسائل ہیں جو فیشن انڈسٹری کے ماڈلز کو آئےدن پیش آتے ہیں۔ایسے ہی ایک مسائل کا سامنا نامور ماڈل و اداکارہ صحیفہ جبار خٹک کو کرنا پڑا جنہوں نے یہ واقع اپنے انسٹاگرام اکاو¿نٹ پر شیئر کیا۔پوسٹ شیئر کرتے ہوئے صحیفہ نے لکھا کہ ‘مایوس ہوں کہ ساڑھے چار سال تک اس انڈسٹری سے وفادار رہی’۔ماڈل نے اپنی پوسٹ میں برینڈ کا نام لیے بغیر بتایا کہ وہ ایک بڑے برینڈ کے لیے 2 ستمبر کو ایک شوٹ کرنے جارہی تھی، اس دوران انہیں ایک اور نامور برینڈ نے پروجیکٹ کے لیے سائن کرنے کی آفر دی تاہم پہلے برینڈ کو حامی دینے کے باعث انہوں نے دوسرے کو انکار کیا۔انہوں نے مزید بتایا کہ بعدازاں جس برینڈ کے ساتھ انہوں نے پروجیکٹ سائن کیا تھا، ایک ہفتے بعد ہی ان کی کال آئی، اس دوران انہوں نے بتایا کہ وہ شوٹ جس کا صحیفہ حصہ بننے جارہی تھی وہ منسوخ ہوچکا ہے۔اس پر اپنی مایوسی کا اظہار کرتے ہوئے صحیفہ نے مزید لکھا کہ ‘ہماری انڈسٹری میں ہمیں آئے دن اس قسم کے مسائل کا سامنا کرنا پڑتا ہے، لیکن جب ایک بڑا اور نامور برینڈ ہی پروفیشنل ہونے کا ثبوت نہ دے تو یقیناً ابھی بہتری کی جانب جانے کے لیے ماڈلز اور اداکاروں کا سفر بہت طویل ہے’۔ماڈل نے مزید کہا کہ ‘میں کسی برینڈ کا نام نہیں لوں گی، لیکن انہیں اتنا ضرور یاد دلانا چاہتی ہوں کہ یہ کام ہماری کامئی کا ذریعہ ہے اور وہ یہی سوچ کر کچھ احساس کریں’۔یاد رہے کہ پاکستان میں فیشن انڈسٹری تیزی سے مزید کامیابی کی جانب گامزن ہورہی ہے، اس کے باوجود اس انڈسٹری سے تعلق رکھنے والی ماڈلز کو متعدد پریشانیوں کا سامنا رہتا ہے۔ماضی میں انعم ملک، فروا کاظمی اور زارا پیرزادہ نامی ماڈلز بھی فیشن انڈسٹری میں ماڈلز کے ساتھ کیے جانے والے برے سلوک کے خلاف آواز اٹھا چکی ہیں۔

وینس(ویب ڈیسک)و یسے تو دنیا کے سب سے بڑے فلمی میلے کا اعزاز ’کانز‘ کو حاصل ہے لیکن ’وینس‘ کو دنیا کے قدیم ترین فلم فیسٹیول ہونے کا اعزاز حاصل ہے۔اٹلی کے شہر وینس میں ہونے والا یہ فلمی میلہ نہ صرف دنیا کا قدیم ترین فلم فیسٹیول ہے بلکہ یہ کانز اور برلن فیسٹیول کے بعد تیسرا بڑا فیسٹیول بھی مانا جاتا ہے۔28 اگست سے 7 ستمبر تک جاری رہنے والے 76 ویں وینس فلم فیسٹیول میں شرکت کے لیے دنیا بھر سے فلمی ستارے، ہدایت کار، گلوکار، موسیقار، ڈانسرز، پروڈیوسرز، فوٹوگرافرز اور فلمی ناقدین اٹلی پہنچ رہے ہیں۔ہر

سال کی طرح اس سال بھی فیسٹیول میں 4 درجن سے زائد فلمیں دیکھی جائیں گی۔