لاہور(مانیٹرنگ ڈیسک)چینل فائیو کے تجزیوں اور تبصروں پر مشتمل پروگرام ”کالم نگار“میں گفتگو کرتے ہوئے شاہد بھٹی نے کہا ہے کہ قومی اسمبلی کے اجلاس میں چار روز میں عوام کے ٹیکس کے 10کروڑ ضائع کرنے کے بعد بالآخربجٹ بحث شروع ہوئی۔حکومت دبا? میں ہے۔ عمران خان کو ہسپتالوں کی صورتحال پر پکڑنا چاہیئے وہ شوکت خانم کے حوالے سے قوم کے رول ماڈل تھے۔اسمبلی میں حکومت اور اپوزیشن ایکدوسرے کو صرف طعنے دے رہے ہیں۔ پاکستان کیخلاف سازشوں میں مصروف بھارت کو مذاکرات کے لیے ٹویٹس کیے جار ہے ہیں مگر میثاق معیثت پر ہم مل بیٹھنے کو تیار نہیں۔ آئی ایم ایف مطمئن ہے کہ ڈالر 150سے اوپر نہیں جانا چاہیئے تاہم اگر حکومت کے لوگ ہی کہیں کہ ڈالر 170پر جائے گا تو جائے گا۔ بیماری پر سیاست نہیں ہونی چاہیئے۔ سندھ کے بعد پنجاب میں ایڈز کے مریض سامنے آرہے ہیں۔میزبان تجزیہ کارامجد اقبال نے کہا کہ حکومتی ادراک سے اسمبلی میںبجٹ بحث کا آغاز ہوا ہے۔ سابق حکومت کی نسبت موجودہ حکومت کے نو ماہ میں ٹیکس اہداف میں شارٹ فال400ارب سے زائد کا ہے۔ اپوزیشن کی میثاق معیثت کی پیشکش کو حکومت کی جانب سے مثبت لینا چاہیئے۔فیصل آباد میں ایڈز کے 2680کیسز سامنے آنا بے حد خوفناک ہے۔ قومی اسمبلی میں اس مسئلے کے حل پر بحث ہونی چاہیئے نہ کہ سیاست کی نظر کر دینا چاہیئے۔میثاق معیثت کی طرح میثاق صحت بھی ہونا چاہیئے۔تجزیہ کاراعجاز حفیظ خان نے کہا ہے کہ شعبدہ شریف کے دور کے ہسپتالوں سے آج کی حکومت میں ہسپتال بہتر ہیں۔ شہباز شریف اسمبلی میں اپنے لوٹے ہوئے پیسے کا ذکر کرتے، انکی منی لانڈرنگ پر وعدہ معاف گواہ بھی سامنے آگئے ہیں۔اپوزیشن لیڈر اپنی لوٹی ہوئی دولت دیدیں تو تنخواہیں سو فیصد بڑھ جائیں گی۔پاکستان کا جھنڈا جلانے والے آج اپنی چوری بچانے کے لیے اکٹھے ہیں تاہم بجٹ بحث کا آغاز خوش آئند ہے۔اپنے ابا جی کو بچانے کے لیے نکلنے والے میثاق معیثت پر بھی حکومت سے مطالبات کریں گے۔نواز شریف اور زرداری کے پاس قوم کے لوٹے ہوئے 500ارب ڈالرز ہیں۔ ڈالر کریسی ، بیوروکریسی سے آگے چلی گئی ہے مگر حکومت چاہے تو ڈالر 125روپے تک آسکتا ہے۔ہمارے معاشرتی مسائل ایڈز پھیلانے کا سبب بن رہے ہیں۔کالم نگارضمیر آفاقی نے کہا ہے کہ حکومتی بجٹ سے اشرافیہ بھی متاثر ہوئی ہے۔ اپوزیشن کا بچاس فیصد تنخواہیں بڑھانے کا مطالبہ غیر ضروری ہے تاہم مہنگائی سمیت دیگر ایشوز پر بحث ہونی چاہیئے۔لاہور میں تعلیمی اداروں کی بہت بری حالت ہے۔ اسمبلی میں عوامی نمائندگان نے اپنے رویے تبدیل نہ کیے تو انہیں عوام اٹھا باہر پھینک دیں گے اور جوتیاں ماریں گے۔ حکومت نے ملک میں پکر دھکڑ کر کے خوف پھیلا دیا ہے ، ڈالر 200روپے تک بھی جا سکتا ہے۔بین الاقوامی سطح پر پاکستان میں ایڈز ایمرجنسی لگادی گئی ہے حکومت کو اس معاملے کو بہت سنجیدگی سے لینا چاہیئے کیونکہ اس بیماری میں ایک مہینے کی دوا60ہزار کی ہے۔

لاہور(مانیٹرنگ ڈیسک) چینل فائیو کے پروگرام نیوز ایٹ سیون کی ٹیم بجٹ اور قومی کرکٹ ٹیم کی کارکردگی کے حوالے سے پارلیمنٹیرینز کی رائے جاننے کے لئے پارلیمنٹ کے باہر پہنچ گئی۔تحریک انصاف کے رہنمائ فیصل خان نے کہا کہ بھارت کے خلاف پاکستان نے ٹاس جیت کر پہلے نہ کھیل کر بڑی غلطی کی۔گزشتہ حکومت نے کرکٹ پر کوئی کام نہیں کیا سٹرکچر تبدیل کرنا پڑے گا۔بجٹ پر انہوں نے کہا اپوزیشن کے بجٹ منظور نہ کرنے سے کچھ نہیں ہو گا بجٹ پاس کرا لیں گے۔محسن شاہ نواز نے بتایا کہ بجٹ سیشن کے دوران ممبران کو پراڈکشن آرڈر ملنا چاہئے تھا یہ اہم معاملہ ہے۔اگر ایسا نہ ہوا ہم اپنی حکمت عملی تیار کریں گے۔اب عمران خان کی دھمکیوں میں وزن نہیں رہا۔میری دعا ہے پاکستانی ٹیم ورلڈ کپ جیتے۔ایم کیو ایم کے خالد مقبول صدیقی نے کہا شور اپوزیشن کا حق ہے اس کے باوجود بجٹ پاس ہو جائے گا۔میرے خیال میں کرکٹ جسمانی سے زیادہ ذہنی مضبوطی کا متقاضی کھیل ہے۔کراچی میں الیکشن ہوں تو ساری سیٹیں ایم کیو ایم لے جائے گی۔پیپلز پارٹی کے آیت اللہ درانی نے کہا کہ حکومت کو سنجیدگی کا مظاہرہ کرنا پڑے گا صورتحال نازک ہے بجٹ پاس کرانے کے لئے حکومتی انداز مناسب نہیں۔کرپشن پر کمیشن بنانا ہے تو سب کا احتساب کریں صرف چند کا نہیں۔بجٹ میں اپوزیشن کا احتجاج تو بنتا ہے۔سینیٹر روبینہ خالد نے کہا پراڈکشن آرڈر سب کا آئینی حق ہے ہم کوئی ناجائز مطالبہ نہیں کر رہے حکومت ہارس ٹریڈنگ میں ملوث ہے۔کے پی میں بجٹ پاس کرنے کے لئے دھمکی دی گئی۔دس سالوں کا نہیں بیس سالوں کا احتساب کریں۔تحریک انصاف کے آفتاب جہانگیر نے کہا ہے کہ بجٹ ضرور پاس کرائیں گے اپوزیشن بلاجواز شور کر رہی ہے حکومت کی سمت بالکل درست ہے ملک ترقی کی جانب گامزن ہے۔مسلم لیگ ن کے ناصر تمام پارٹیز نے محسوس کیا شور شرابے سے صورتحال بگڑے گی۔جہاں تک بجٹ کا تعلق ہے لوگوں کی تو کمر ہی ٹوٹ گئی ہے یہ بجٹ عوامی نہیں مخالفت کریں گے۔ایک سابق کھلاڑی کے وزیراعظم ہوتے ہوئے کرکٹ کی صورتحال افسوسناک ہے۔بھارت سے ہار پر قوم کا دل ٹوٹا۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ اپوزیشن لیڈر کے طور پر شہباز شریف جو بھی مناسب سمجھیں ان کو حق حاصل ہے کہ جو چاہیں کہیں البتہ میں سمجھتا ہوں کہ یہ بہتر فیصلہ ہے کہ ایوان میں ایک دوسرے کو پوری بات کرنے کا موقع دیا جائے اور میرا خیال ہے کہ شہباز شریف کی طرف سے اور باقی لیڈروں کی طرف سے جو دھمکیاں دی گئیں اس کے نتیجے میں جو دھمکی عمران خان صاحب کی طرف سے آئی کہ اینٹ کا جواب پتھر سے دیں گے میں سمجھتا ہوں کہ اس کے نتیجے میں دونوں طرف یہ احساس پیدا ہوا کہ ایک دوسرے کو بات کرنے کا موقع دیا جائے۔ یہ بہتر فیصلہ ہوا۔ البتہ ایک بات بڑی غور لب ہے کہ وہ یہ کہ آج بھی شہباز شریف صاحب نے وہی کہا کہ ہم بجٹ پاس نہیں ہونے دیں گے اب سوال یہ ہے کہ بجٹ پاس نہ ہونے کا مطلب ہے کہ حکومت گر جائے گی حکومت اگر گر جائے گی تو ان ہا?س تبدیلی بھی آ سکتی ہے لیکن یہ دیکھ لینا چاہئے کہ اس قسم کے حالات پیدا ہوں تو پاکستان جیسے ملکوں میں جس کی تاریخ میں طویل ترین مارشل لا ادوار رہے ہیں دس سال ایک، 11 سال ایک اور 9 سال تو پھر اس بات کی گنجائش موجود ہے کہ کوئی غیر جمہوری عمل بھی سامنے آ سکتا ہے میں یہ سمجھتا ہو ںکہ اس سلسلے میں جہاں ایک بہتر فیصلہ کیا ہے دوسرا بہتر فیصلہ بھی اپوزیشن کو کر لینا چاہئے کہ اس قسم کی باتوں سے کہ ہم بجٹ نہیں پاس ہونے دیں گے اس قسم کی باتوں سے غیر جمہوری راستوں کا خود تعین کر رہے ہیں۔ضیا شاہد نے کہا ہے کہ بجٹ پاس ہو گا یا نہیں یہ تو آنے والا وقت بتائے گا لیکن ایک بات واضح ہے کہ یہ جو اتنا ہنگامہ کیا جا رہا تھا کہ اگر اختر مینگل کے 4 ووٹ حکومتی پارٹی کے ساتھ نہ رہے تو حکومت ٹوٹ جائے گی ہم نے جو تجزیہ چھاپا ہے اس کی اب تک تو تردید نہیں ہوئی ہو بھی کیسے سکتی ہے کہ سینٹ سے لئے ہوئے اعداد و شمار ہیں۔ بدقسمتی کی بات ہے کہ ہمارے ہاں طویل تقریر کرنی اچھی بات ہے اور اس کو صبر سے سننا بھی اچھی بات ہے لیکن بجٹ تقریر میں تو پھر اپنی تعریف کی بجائے بجٹ پر تنقید ہونی چاہئے بجٹ کی بہت چیزیں تھیں جن پر تنقید کی جا سکتی تھی لیکن شہباز شریف صاحب نے شاید اسے مناسب نہیں سمجھا پہلے بھی شہباز شریف پر یہ الزام عائد کیا جاتا ہے بلکہ اپوزیشن حلقوں سے بھی کہ وہ اپنی اور اپنی حکومت کی تعریفیں کرتے رہتے ہیں اس کے علاوہ وہ اصل موضوع پر بات نہیں کرتے۔ میں یہ سمجھتا ہوں کہ بجٹ تقریر جو حماد اظہر صاحب نے کی تھی ظاہر ہے کہ وزیراعظم وزیرخزانہ ہیں لیکن اب لیڈر آف اپوزیشن کی تقریر کے بعد اس بات کا تقاضا موجود ہے کہ اپوزیشن اور حکومت بجٹ کو موضوع بنائیں۔ مریم نواز نے کہا ہے کہ سعد رفیق کے پروڈکشن ا??رڈر اس کے لئے نہیں ہو رہے کہ سعد رفیق نے وزیراعظم کو الیکشن میں ہرایا ہے اور اس بات کا تعلق نیب کی گرفتاری پر ہے سعد رفیق پر الزامات ہیں جس پر جواب دے رہے ہیں اور یقینا ان کے بھائی پر بھی الزامات ہیں اس کا وہ عدالت میں جواب دیں گے میں نہیں سمجھتا کہ اس کا تعلق اس بات سے ہے کہ انہوں نے الیکشن میں عمران خان کو ہرایا تھا۔ عمران خان پچھلی دفعہ بھی 5,4 حلقوں سے کھڑے ہوئے تھے تو میں نہیں سمجھتا کہ جو جو شخص عمران خان سے جیتا ہے عمران خان اس سے ساری عمر بدلہ لیتے رہیں گے۔ معلوم ہوتا ہے کچھ گرد بیٹھ رہی ہے آج جس طرح قومی اسمبلی میں تقریریں ہوئیں اور آئندہ بھی اس کی توقع ہے میرا خیال ہے کہ فریقین کو ایک دوسرے کو قبول کرنا پڑے گا اور لگتا ہے کہ معمول کی کارروائی شروع ہو جائے گی۔ پنجاب اسمبلی میں ابھی بجٹ پر بحث شروع ہونی ہے مجھے ا±مید ہے کہ اب ایک دوسرے کی بات سنی جائے گی اور بات کہنے کا موقع بھی ملے گا اپوزیشن کو بھی بات کرنے کا موقع ملنا چاہئے اور حکومتی ارکان کو بھی اپنی بات کرنے کا موقع ملنا چاہئے۔ اسمبلیاں اس لئے ہوتی ہیں کہ ان میں اظہار خیانل ہو اس لئے نہیں ہوئیں کہ ایک دوسرے کو بات ہی نہ کر دی جائے۔ عمران خان کی طرف سے یہ بیان کہ کسی بھی محکمے میں کرپشن برداشت نہیں کی جائے گی۔ ضیا شاہد نے کہا کہ یہ اچھی پالیسی ہے اور اگر وہ اس پر قائم رہے تو اس کے اچھے اثرات برآمد ہوں گے فوری طور پر ہو سکتا ہے اس کا کوئی ردعمل زیادہ اچھا نہ ہو لیکن آخر کار کرپشن کا خاتمہ ملک کو صحیح پٹڑی پر ڈال دے گا۔ اقتصادی رابطہ کمیٹی کے اجلاس میں 13 نکاری ایجنڈے پر غور کیا گیا کہ 40 ہزار روپے کے انعامی بانڈ کو لازماً رجسٹر کروانا ہو گا ضیا شاہد نے کہا کہ رجسٹریشن نہ ہو تو جس کا بھی بانڈ نکلتا تھا وہ اس کا بانڈ ٹیکس کاٹنے کے بعد 25 لاکھ ایک کروڑ سے کٹ جاتا تھا اس لئے جس کا بانڈ نکلتا تھا فوراً بلیک منی والے لینے جاتے تھے اور وہ ان سے پورے ایک کروڑ کا خرید لیتے تھے اور کالے دھن والے 25 لاکھ کٹوا کر کالا دھن سفید کر لیتے تھے اب رجسٹریشن ہو گی تو پھر میرا خیال ہے اس کو بلیک منی والے استعمال نہیں کر سکیں گے۔ یہ ایک لحاظ سے اچھی اصلاحی تجویز ہے۔ مریم نواز نے کراچی سے احتجاجی مہم کا آغاز اور پہلا جلسہ کراچی میں کرنے کا اعلان کیا ہے ضیا شاہد نے کہا کہ عام طور پر سمجھا جاتا ہے کہ ن لیگ صرف پنجاب کی حد تک ہے اس لئے اس تاثر کو ختم کرنے کے لئے کراچی میں جلسہ کرنے کا اعلان کیا گیا ہے۔ لیکن وہاں لیگ ن یا مریم نواز پذیرائی نہیں ملے گی وہ اپنا شوق پورا کر لیں۔ بلاول جلسہ کریں مریم نواز یہ عوامی رابطہ مہم ہے یہ الیکشن کی تیاری نہیں ہے۔ ن لیگ کو کراچی اور پیپلزپارٹی کو لاہور میں کوئی پذیرائی نہیں ملے گی۔ اسحق ڈار لندن میں ہوم آفس میں 4 گھنٹے تک موجود رہے ہیں وہاں ان کا سیاسی پناہ کے لئے دوسرا انٹرویو ہے۔ ضیا شاہد نے کہا ہے کہ فی الحال کوئی دعویٰ نہیں کیا یہ تو وقت ہی بتا سکتا ہے لیکن مشکل ہے۔ چیف جسٹس کے کہنے میں کافی وزن ہے کہ اسمبلیوں میں گزشتہ دنوں یہی کچھ ہوتا رہا ہے اور خدا کا شکر ہے ایک مشکل تو ختم ہوئی اور ایک دوسرے کو برداشت کرنے کی رسم شروع ہو جائے تو یہ ایک بہتر صورت حال ہو گی۔ لیکن بجٹ کے معاملہ میں بجٹ پر بات کی جائے۔ معیشت پر بات کی جائے۔چیف جسٹس پاکستان کی باتوں میں وزن ہے ایوانوں میں وہی کچھ نظر آ رہا ہے جس کی بات انہوں نے کی تاہم اب کچھ بہتری نظر آنے لگی ہے حکومتی اور اپوزیشن ارکان ایک دوسرے کی بات سننے لگے ہیں۔ بجٹ اجلاس میں صرف معاشی مسائل پر بات کی جانی چاہئے ادھر ادھر کی باتیں اور سابق حکوومتوں کے موازنے نہیں کرنے چاہئیں مقبوضہ کشمیر میں جس طرح قتل عام جاری ہے بیگناہ کشمیریوں کے خون سے جس طرح ہاتھ رنگے جا رہے ہیں یہ نسل کشی کی ہی ایک صورت ہے۔ اقوام متحدہ میں پاکستانی مندوب ملیحہ لودھی نے یہ معاملہ وہاں اٹھایا ہے بھارت میں مسلمانوں کی نسل کشی کئی طریقوں سے کی جا رہی ہے ”خبریں“ میں اس معاملے کو اٹھانے پر دن بھر لوگوں کی فون کالز کا تانتا بندھا رہا، لوگ سخت ردعمل اور افسوس کا اظہار کرتےے رہے۔ بھارت میں مسلمانوں کے ساتھ جو کچھ ہو رہا ہے اس پر پاکستان میں ردعمل برھتا جائے گا کیونکہ اسے سنجیدہ معاملات پر خاموشی نہیں رہ سکتی۔ مختلف تنظیموں کی جانب سے بھی ردعمل سامنے آئے گا بھارت کے ناپاک عزاز پر خاموشی اختیار نہیں کی جا سکتی۔ اقوام متحدہ کی مقبوضہ کشمیر میں ظلم پر خاموشی کی ایک وجہ غیر مسلم ممالک کی بے حسی بھی ہے۔ بھارت کا دنیا کی سب سے بڑی جمہوریت ہونے کے دعوے کو امریکہ تسلیم کرتا ہے اس سے باقی دنیا بھی متاثر ہوتی ہے، حالانکہ وہاں اصل صورتحال یہ ہے کہ 22 کروڑ مسلمانوں کا ایک نمائندہ بھی منتخب نہیں ہونے دیا گیا، یہ رویہ بھی جمہوریت کی نفی ہے، بھارت کے آئین میں سیکولر ازم صرف لفظ کی حد تک ہی رہ گیا ہے۔ کانگریس کی حکومت میں تو مسلمانوں کو کچھ نشستیں اور ایک آدھ وزارت دے دی جاتی تھی اب بی جے پی حکومت نے تو کھلم کھلا کہہ دیا ہے کہ مسلم ووٹوں کی ضرورت ہی نہیں ہے۔ بھارت ایک طرف تو او آئی سی میں نمائندگی کے لئے پہنچ جاتا ہے کہ ہمارے یہاں 22 کروڑ مسلمان ہیں دوسری جانب برملا کہا جاتا ہے کہ مسلمانوں کے ووٹروں کی ضرورت نہیں ہے بھارت کے اس منافقانہ رویے بارے پاکستان میں آگہی بڑھ رہی ہے اور لوگ جان رہے ہیں کہ وہاں مسلمانوں کے ساتھ کیا ناروا رویہ اختیار کیا جا رہا ہے۔

کوئٹہ(ویب ڈیسک) بلوچستان حکومت نے آئندہ مالی سال 20-2019 کے لیے 419 ارب روپے حجم کا بجٹ پیش کردیا جب کہ تنخواہوں اور پنشن میں 10 فیصد اضافہ کیا گیا ہے۔بلوچستان اسمبلی کا بجٹ اجلاس پونے 3 گھنٹے کی تاخیر سے اسپیکر میر عبدالقدوس بزنجو کی صدارت میں شروع ہوا، وزیر خزانہ و اطلاعات بلوچستان ظہور بلیدی نے 419 ارب روپے کا صوبائی بجٹ پیش کردیا جس میں 48 ارب روپے کا خسارہ ظاہر کیا گیا ہے۔بجٹ میں ترقیاتی منصوبوں کے لئے 128ارب روپے جب کہ غیر ترقیاتی اخراجات کے لئے 291ارب روپے رکھے گئے ہیں، تعلیم کیلئے 60ارب روپے، امن وامان کے لئے 44 ارب 70 کروڑ روپے، لائیو اسٹاک اور جنگلات کیلئے 2 ارب 98کروڑ اور صحت کیلئے 26ارب روپے مختص کرنے کی تجویز ہے۔صوبائی وزیر خزانہ نے کہا کہ روزگار کی فراہمی کے لئے بلاسود قرض پروگرام شروع کیا جارہا ہے، صوبائی ملازمین کی تنخواہوں میں گریڈ ایک سے 16 کے لئے 10 فیصد اور گریڈ 17 سے 20 کے لئے 5 فیصد اضافہ کیا جارہا ہے، 6 ہزار نئی ملازمتوں کا اعلان بھی کیا گیا ہے۔بجٹ اجلاس کے دوران اپوزیشن اراکین نے ایوان میں ڈیسک بجا کر شدید احتجاج کیا اور بجٹ ”نامنظور نامنظور“ کے نعرے لگاتے ہوئے بجٹ کی کاپیاں پھاڑ کر اسے مسترد کردیا اور ایوان سے واک آﺅٹ کرگئے۔اپوزیشن نے الزام لگایا کہ حکومت نے بجٹ میں ان کے حلقوں کو نظرانداز کیا ہے جس کے بعد بجٹ اجلاس 22 جون شام 4 بجے تک ملتوی کردیا گیا۔

اسلام آباد(ویب ڈیسک) معاون خصوصی برائے اطلاعات و نشریات فردوس عاشق اعوان کا کہنا ہے کہ گیدڑ بھبکیاں دینے والے بجٹ کا کچھ نہیں بگاڑ سکیں گے۔اسلام آباد میں پریس کانفرنس کرتے ہوئے معاون خصوصی برائے اطلاعات و نشریات فردوس عاشق اعوان نے کہا کہ شہبازشریف نے ڈھائی گھنٹے تقریر کی جو 3 دن سے چل رہی تھی، جس کو کمر میں تکلیف ہو وہ ڈھائی گھنٹے قوم کو لیکچر نہیں دیتے، قوم کو مبارکباد کہ شہبازشریف صحت یاب ہوگئے ہیں، شہبازشریف نے آج پھر اپنی تشہیر کا آغاز کیا ہے۔فردوس عاشق اعوان کا کہنا تھا کہ عمران خان کو چور دروازوں سے آنے والے مشن سے نہیں ہٹا سکتے، بجٹ قومی سلامتی اور ملکی دفاع کا ضامن ہے، گیدڑ بھبکیاں دینے والے بجٹ کا کچھ نہیں بگاڑ سکیں گے۔ ان کا کہنا تھا کہ غنڈہ گردی سے نہیں آئینی طریقے سے اپوزیشن ترامیم لائے، قبول کریں گے جب کہ بجٹ سے ناطہ توڑنا عوام سے ناطہ توڑنے کے مترادف ہے۔