لاہور(مانیٹرنگ ڈیسک) کرکٹرکامران اکمل نے کہا کہ گزشتہ تین چار سال سے پاکستانی ٹیم نے کارکردگی نہیں دکھائی جب تک بڑی ٹیموں سے نہیں جیتیں گے اعتماد کیسے بحال ہو گا میں نے تو ایک سال قبل ہی کہہ دیا تھا کہ ہم نے جیسی ٹیم بنائی ہے اس ٹیم سے کوئی امید نہ لگائی جائے۔ چینل فائیو کے پروگرام گگلی میں گفتگوکرتے ہوئے انہوں نے کہا کہ میرے خیال میں میڈیا کو بھی کھلاڑیوں پر پرزیادہ تنقید نہیں کرنی چاہئے اس سے کارکردگی متاثر ہوتی ہے۔۔جو لڑکے فارم میں ہیں انہیں ہی کھلایا جائے۔کوئی پلااننگ نہیں بیٹنگ آرڈر درست نہیں ہماری تو دعا ہے پاکستان آئندہ میچز جیتے لیکن ٹیم میں اعتماد نہیں۔جو پرفارم کرے کھیلے کسی کی ذاتی زندگی میں مداخلت نہیں ہونی چاہئے۔سابق فرسٹ کلاس کرکٹر طاہر شاہ نے کہا ہے کہ نیوزی لینڈ کے کپتان ولیم سن بہترین تجربے کے حامل ہیں۔نیوزی لینڈ نکلتی ہوئی ٹیم ہے۔ماضی میں جنوبی افریقہ کی ٹیم بڑی متوازن تھی۔صرف نام کافی نہیں میدان میں خود کو ثابت کرنا پڑتا ہے۔پہلے بھی کہہ چکا ورلڈ کپ وہی ٹیم جیتے گی جو ناصر ف پرفارم کرے گی بلکہ مضبوط اعصاب کی مالک اور بہترین منصوبہ بندی کی صلاحیت رکھتی ہو گی۔خاص طور پر کپتان کا ذہنی طور پر مضبوط ہونا بہت ضروری ہے۔کوئی ٹیم جیتے یا ہارے پاکستان کو اس کا فائدہ یا نقصان نہیں پاکستان کو اپنی پوزیشن بہتر کرنا پڑے گی بنگلہ دیش کی ٹیم تو بہت بہتر ہے جس طرح کی ہماری ٹیم ہے ڈر ہے افغانستان سے ہم نہ ہار جائیں۔جب تک کرکٹ میں سفارش سسٹم ختم نہیں ہو گی ٹیم بہتر نہیں ہو گی۔پھر پی سی بی میں بھاری تنخواہیں لینے والے ارکان کو بغیر کارکردگی کیوں رکھا گیا ہے۔ نجی زندگی اپنی جگہ لکن کھلاڑی ایسی حرکت مت کریں کہ ملک بدنام ہو۔
