تازہ تر ین

پاکستان کرکٹ بورڈ نے ریٹائرڈ کرکٹرز سے رابطوں کا فیصلہ کرلیا

لاہور: (ویب ڈیسک)پاکستان کرکٹ بورڈ نے ریٹائرڈ کرکٹرز سے رابطوں کا فیصلہ کرلیا ہے۔ذرائع کے مطابق ورلڈکپ کے بعد سابق کپتان اور کرکٹ کمیٹی کے رکن مصباح الحق کو بورڈ میں مزید ذمہ داریاں سونپے جانے کا امکان ہے۔ بورڈ سربراہ احسان مانی اور ایم ڈی وسیم خان دور حاضر کے ریٹائرڈ کرکٹرز سے نوجوانوں کی گرومنگ کا کام لینا چاہتے ہیں۔پی سی بی نے اس سے قبل یونس خان، محمد یوسف اور مصباح الحق کو انڈر 19 ٹیم کے ساتھ کام کرنے کی آفر کی تھی لیکن کسی کے ساتھ بات فائنل نہیں ہوپائی تھی۔ کوچز کی تقرری سمیت اہم فیصلوں کا اختیار ملنے کے بعد وسیم خان ایک بار پھرسابق کرکٹرز کو اکیڈمی اور یوتھ ٹیموں کے ساتھ کام کے لیے آمادہ کریں گے۔بورڈ حکام گراس روٹ سطح پر کرکٹ میں بہتری لانے اور یوتھ ماڈل کو بھارت سے زیادہ کامیاب کرنے کے خواہاں ہیں اور اس تجویز کو عملی جامہ پہنانے کے لیے دور حاضر کے ریٹائرڈ کرکٹرز کی ہر صورت خدمات لینے کا فیصلہ کیا گیا ہے۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv