کراچی(ویب ڈیسک)دارالصحت اسپتال میں غلط انجکشن لگنے سے انتقال کرجانے والی ننھی نشوا کے والد قیصر علی نے مطالبات پورے نہ ہونے پر اتوار سے احتجاج کا اعلان کردیا۔کراچی پریس کلب میں سماجی کارکن جبران ناصر کے ہمراہ نیوز کانفرنس سے خطاب کرتے ہوئے نشوہ کے والدنے کہا کہ وزیراعلی سندھ مراد علی شاہ کے ساتھ اسپتال سیل کرنے، مالکان کی گرفتاری اور آزاد تحقیقاتی کمیشن کے قیام کے نکات طے پائے تھے، اسپتال تو سیل ہوگیا مگر ابھی دو مطالبات پورے نہیں ہوئے اور اگر کل تک مالکان کو گرفتار کرکے آزاد تحقیقاتی کمیشن کا اعلان نہ کیا گیا تو ہمارے پاس اتوار سے احتجاج کے سوا کوئی اور چارہ نہیں ہوگا۔قیصر علی کا کہنا تھا کہ ہم نے غفلت کا مقدمہ درج کرایا تھا مگر اب اس میں 302 کی دفعات شامل ہونی چاہئیں کیونکہ ایف آئی آر درج کرانے کے بعد معلوم ہوا تھا کہ آئی سی یو بچوں کا نہیں بلکہ بڑوں کا تھا، اسپتال نے غفلت چھپانے کے لیے میری بیٹی کی زندگی داﺅ پر لگادی، اس کیس میں اسپتال کے تینوں مالکان کو گرفتار کرنا ہوگا، لگتا ہے اداروں پر دباﺅ کی وجہ سے مالکان کو گرفتار نہیں کیا جارہا۔نشوہ کے والدنے مطالبہ کیا کہ آزاد تحقیقاتی کمیشن کسی جج کی نگرانی میں بنایا جائے، بچوں کا مستقبل ہیلتھ کئیر کمیشن کے ہاتھ میں نہیں دے سکتے۔ قیصر علی نے سیاسی جماعتوں سے اس معاملے کو کوئی اور رنگ نہ دینے کی بھی سفارش کی۔

بیجنگ(ویب ڈیسک) وزیر اعظم عمران خان نے بیلٹ اینڈ روڈ فورم سے خطاب کرتے ہوئے کہا کہ اس منصوبے سے پاکستان میں توانائی بحران کم ہوا۔وزیراعظم عمران خان نے چین کے دارالحکومت بیجنگ میں دوسرے بیلٹ اینڈروڈ فورم 2019 کی افتتاحی تقریب سے خطاب کرتے ہوئے کہا کہ دوسرے بیلٹ اینڈ روڈ فورم سے خطاب کرنامیرے میرے لیےاعزازہے، اس منصوبے کاخواب حقیقت بن رہا ہے، یہ باہمی رابطوں اورشراکت داری کا اہم ذریعہ ہے جبکہ ثقافت و سیاحت کوفروغ دینے کے لیے بھی اہم ہے، پاکستان، چین کی اس بڑی کاوش کا ابتدائی شراکت دارہے۔وزیر اعظم نے پاکستان کی غیرمشروط حمایت پرچین کاشکریہ ادا کرتے ہوئے کہا پاکستان میں بیلٹ اینڈروڈ منصوبے سے توانائی بحران کم ہوا، پاکستان اورچین سی پیک کے اگلے مرحلے کی طرف بڑھ رہے ہیں۔ وزیراعظم عمران خان نے تمام شرکاءکو پاکستان میں سرمایہ کاری کی دعوت دیتے ہوئے کہا کہ پاکستان غیرملکی سرمایہ کاروں کوپرکشش مواقع فراہم کرتاہے، اقتصادی ترقی کے لیے نجی شعبے کی حوصلہ افزائی کررہے ہیں۔ وزیراعظم نے کہا چین کے ساتھ بنیادی ڈھانچے، ریلوے، توانائی اور آئی ٹی میں تعاون بڑھانا چاہتے ہیں جب کہ زراعت، صحت اورتعلیم میں تعاون کا فروغ بھی چاہتے ہیں۔تقریب سے خطاب کرتے ہوئے وزیراعظم نے کہا وائٹ کالر کرائمزنے ترقی پزیر دنیا پراثرات مرتب کیے، پاکستان وائٹ کالر کرائمز کے خاتمے کے لیے اقدامات کررہا ہے، وائٹ کالرکرائم ہی ترقیاتی کاموں کو برباد کرتاہے، ماحولیاتی تغیرات کے منفی اثرات روکنے کے اقدامات کرنا ہوں گے، بہترماحول کے لیے10 ارب درخت لگانے کا منصوبہ شروع کیا ہے۔وزیراعظم عمران خان نے کہا چین کے تعاون سے گوادرتیزی سے دنیا کا تجارتی مرکزبن رہا ہے، سی پیک کے اگلے مرحلے میں خصوصی اقتصادی زونز کا قیام ہوگا، غربت کے خاتمے کے لیے پاکستان میں احساس کے نام سے ایک پروگرام شروع کیا ہے، اقتصادی ترقی کے لیے نجی شعبے کی حوصلہ افزائی کررہے ہیں، پاکستان خطے میں امن واستحکام کے لیے بھرپور کوششیں کررہا ہے، پرامن اورترقی یافتہ دنیا کے لیے ہماری کوششیں جاری ہیں۔واضح رہے کہ وزیراعظم عمران خان 4 روزہ سرکاری دورے پر چین میں موجود ہیں، چین کے دارالحکومت بیجنگ میں جاری دوسرے بیلٹ اینڈ فورم 2019 کی تقریب میں وزیر اعظم عمران خان، روسی صدر پیوٹن، ملائیشیا کے وزیراعظم مہاتیرمحمد سمیت متعددعالمی رہنما شریک ہیں۔

لاہور(صدف نعیم سے) میٹنگ میں اہم کیسز میں ہونیوالی پیش رفت پر ڈی جی نیب لاہور کو جامع بریفنگ ،میٹنگ میں پیراگون سوسائٹی کیس میں جاری تحقیقات کو منطقی انجام تک پہنچاتے ہوئے ریفرنس دائر کرنیکی منظوری، ریفرنس میں خواجہ سعد رفیق،خواجہ سلمان رفیق اور ندیم ضیاء بطور مرکزی ملزمان نامزد، تینوں ملزمان پر عوام سے دھوکہ دہی اور مالی بدعنوانی کا مرتکب ہونیکے الزامات عائد،2003 میں قیصر امین بٹ اور ندیم ضیاءنے ایئر ایونیو نامی کمپنی تشکیل دی جسے بعد ازاں پیراگون سٹی پرائیویٹ لمیٹڈ کے نام منتقل کر دیا گیا، قیصر امین بٹ اور ملزم ندیم ضیاء بطور ڈائریکٹرز پیراگون سٹی نامی سکیم کو آپریٹ کرتے رہے،ملزمان کے پاس 1000 کنال کے قریب زمین موجود تھی جبکہ انہوں نے 7000 کنال زمین کے لے آﺅٹ پلان کی منظوری کیلئے ٹاﺅن پلاننگ سے استدعا کی، پیراگون سٹی نامی ہاﺅسنگ سکیم تاحال ایل ڈی اے سے منظور شدہ نہیں،ملزمان خواجہ سعد رفیق و سلمان رفیق نے 50 کنال زمین کے عوض 2، 2 کنال کے 20 ڈویلپڈ پلاٹ پیراگون سٹی سے حاصل کئے،ملزمان سعد رفیق و سلمان رفیق کے نام پیراگون سٹی ہاﺅسنگ سوسائٹی کی پراکسی کمپنی کے اکاﺅنٹ سے 5کروڑ 80 لاکھ اور 3 کروڑ 90 لاکھ کی رقوم غیرقانونی طور پر منتقل ہوئیں، ملزمان نے 2 کروڑ روپے پیراگون سٹی کے آفیشل اکاﺅنٹ سے وصول کئے جسکی خاطر خواہ وضاحت نہ دی جاسکی، نیب لاہور کیجانب سے قیصر امین بٹ کی نومبر 2018 میں گرفتاری عمل میں لاءگءجو بعد ازاں ملزمان کیخلاف وعدہ معاف گواہ بنے، نیب لاہور نے ملزمان خواجہ سعد رفیق و سلمان رفیق کو 11 دسمبر 2018 کو گرفتار کیا جو جوڈیشل ریمانڈ پر جیل میں ہیں، ملزمان کیخلاف 54 کروڑ سے زائد مالیت پر مشتمل دھوکہ دہی اور مالی بدعنوانی کی 68 شکایات نیب کو موصول ہوچکی ہیں، ملزم ندیم ضیاءتاحال مفرور ہے، پیراگون سٹی کیس میں ریفرنس کی حتمی منظوری چیئرمین نیب جسٹس جاوید اقبال سے حاصل کی جائیگی۔

لاہور(صدف نعیم سے) ڈپٹی اسپیکر نے ن لیگی ایم پی اے عظمی بخاری کی رکنیت بھی معطل کرنے کا فیصلہ کرلیا، ذرائع کے مطابق عظمی بخاری کی رکنیت معطل کرنے کا فیصلہ ڈپٹی اسپیکر کی زیر صدارت میٹنگ میں کیا گیا،اجلاس میں صمصام بخاری، محسن لغاری، مخدوم عثمان، ڈی جی پارلیمانی امور عنایت اللہ لک اور دیگر نے شرکت کی،اسمبلی سیکرٹریٹ نے ویڈیو دیکھنے کے بعد مزید اراکین کی نشاندہی کی،عظمی بخاری کے علاوہ مزید اراکین نے بھی ہنگامہ آرائی کی،کم سے کم چار اراکین کی رکنیت معطل کی جانی چاہیے، ویڈیو میں ن لیگ کے کئی اراکین ہنگامہ آرائی کررہے ہیں ان کے خلاف کاروائی ضروری ہے۔

اسلام آباد(ویب ڈیسک) سابق وزیراعظم شاہد خاقان عباسی اور مفتاح اسماعیل سمیت 7 افراد کے نام ای سی ایل میں شامل کرلیے گئے ہیں۔مسلم لیگ (ن) کے رہنما اور سابق وزیراعظم شاہد خاقان عباسی اور مفتاح اسماعیل سمیت 7 افراد کے نام ای سی ایل میں شامل کرلیے گئے ہیں،ذرائع کے مطابق نیب کی سفارش پر نام ای سی ایل میں ڈالے گئے ہے، اس سے قبل تمام افراد کے نام اسٹاپ لسٹ میں ڈالے گئے تھے۔ای سی ایل میں مزید جن افراد کے نام ڈالے گئے ہیں ان میں چیئرپرسن اوگرا عظمی عادل، سابق ایم ڈی پی ایس اوعمران الحق، مبین صولت، شاہداسلام الدین اورعامر نسیم بھی شامل ہیں۔

لاہور( صدف نعیم ) سیدصمصام بخاری نے وزیراعظم کو پنجاب میں ذرائع ابلاغ کی صورتحال اور عمومی سیاسی فضا سے آگاہ کیا۔پی ٹی آئی ارکان اسمبلی عوام کو سسٹم کے جبر کا نشانہ بنانے کی بجائے اداروں کو فعال بنا کر لوگوں کے مسائل حل کر رہے ہیں: صمصام بخاری
وزیراعظم نے کرپشن کو ملک کا نمبرون دشمن اور قومی انحطاط کی بنیادی وجہ قرار دیا:صمصام بخاری
لاہور 25 اپریل:-صوبائی وزیراطلاعات و ثقافت سید صمصام علی بخاری نے آج اسلام آباد میں وزیراعظم عمران خان سے ملاقات کی۔ ملاقات میں سید صمصام بخاری نے وزیراعظم کو پنجاب میں ذرائع ابلاغ کی صورتحال اور حکومت کی سرگرمیوں اور پالیسیوں کی میڈیا کوریج کے بارے میں تفصیلی بریفنگ دی۔ ملک کی عمومی سیاسی صورتحال پر بھی گفتگو کی۔ سید صمصام علی بخاری نے بتایا کہ وزیراعظم عمران خان نے ہدایت کی کہ ملک کی ترقی و خوشحالی کے لئے سخت محنت اور لگن سے کام کیا جائے عوامی مسائل کے حل اور لوگوں کو ریلیف دینے کے لئے ہر ممکن اقدامات کئے جائیں۔ انہوں نے کہا کہ وزیراعظم عمران خان کی ہدایت کے مطابق عوامی مینڈیٹ کے احترام میں پی ٹی آئی کے تمام ارکان قومی و صوبائی اسمبلی اور وزرائ عام آدمی کے مسائل کے پائیدار حل کے لئے عوامی رابطہ مہم چلا رہے ہیں۔ ہمارے نمائندے گلی گلی، گاو¿ں، گاو¿ں اورہر کوچہ و شہر میں عوام کو درپیش مسائل کے حل کے لئے کوشاں ہیں۔ اس مقصد کے لئے روایتی حکمرانوں کے مخصوص ہتھکنڈوں کے ذریعے عوام سے پیسے پکڑ کر سسٹم کے جبر کا نشانہ بنانے کی بجائے ہماری پارٹی کے نمائندے اداروں کی مضبوطی اور انہیں فعال بنانے پر یقین رکھتے ہیں۔ صوبائی وزیرنے کہا کہ وزیراعظم نے نئے بلدیاتی نظام کے ذریعے عوام کو ان کی دہلیز پر ریلیف فراہم کرنے کی ہدایت کی ہے اور ترقیاتی کاموں کی بنیاد پر روایتی سیاست کا کھیل کھیلنے سے منع کیا ہے۔ یہی وجہ ہے کہ ترقیاتی فنڈز ارکان اسمبلی کی بجائے بلدیاتی اداروں کو منتقل کرنے کا اصولی فیصلہ ہو چکاہے۔
سید صمصام علی بخاری نے کہا کہ وزیراعظم عمران خان نے بجاطور پر کرپشن کو وطن عزیز کی ترقی کا دشمن نمبر ون قرار دیا ہے۔ کرپشن، منی لانڈرنگ، اقرباپروری اور سرکاری فنڈز کی خوردبرد میں ملوث عناصر خواہ وہ سیاسی ہوں یا غیر سیاسی کو کسی صورت معاف نہیں کیا جائے گا۔ کیونکہ یہ وہ لوگ ہیں جو قومی ترقی کو قومی تنزلی میں بدلنے کے مجرم ہیں۔ انہی لوگوں کی وجہ سے پاکستان خطے کے دیگر ممالک سے پیچھے رہ گیا اور آج ملکی معیشت زبوں حالی کا شکار ہے جس سے غریب آدمی کی زندگی اجیرن ہو گئی ہے۔ صوبائی وزیرنے کہا کہ وزیراعظم نے ملک کو مشکلات کے بھنور سے نکالنے کا پختہ عزم کر رکھا ہے اور ذاتی دیانتداری، بہترین صلاحیت اور آگے بڑھنے کے جذبے سے سرشار ہمارے وزیراعظم انشائ اللہ پاکستانی قوم کے حقیقی مسیحا ثابت ہوں گے۔ ٭٭٭

لاہور(مانیٹرنگ ڈیسک)چینل فائیو کے تجزیوں اور تبصرو ں پر مشتمل پروگرام ”کالم نگار“میں گفتگو کرتے ہوئے کالم نگار ضمیر آفاقی نے کہا ہے کہ شیخ رشید وزیراعظم کے استاد ہیں، وزیراعظم نے جو زبان استعمال کی وہ شیخ رشید کی زبان ہو سکتی ہے۔ شیخ رشید نے لالہ موسیٰ جلسہ میں بھی کہا تھا بلاول میں کوئی ٹیکنیکل فالٹ ہے ، ان کے
باقی صفحہ 5بقیہ نمبر 52

باپ کے پاس بہت پیسہ ہے انکا فالٹ دور کروائیں۔ اس پر عمران خان کی ہمشیرہ نے ہنگامہ کیا اور عمران خان سے کہا کہ آپ نے یہ کیسے لوگ ساتھ رکھے ہیں۔ وزیراعظم عوام کی مینڈیٹ کے مطابق خدمت کریں۔ عمران خان آئین کے محافظ ہیں ، لٹکانے کی باتیں کرنی ہیں تو ادارے ختم کر کے ون مین شو لے آئیں۔پاکستان میں مہنگائی کے باعث خودکشیوں کی تعداد بڑھتی جارہی ہے۔ افغانستان کی تاریخ ہے کہ ان پر کوئی حملہ نہ کرے تو وہ آپس میں لڑ پڑتے ہیں۔وہاں طالبان اور داعش لڑ رہے ہیں۔ پاکستان میں امن کے لیے افغانستان کے معاملات میں مداخلت ضروری ہے۔ پولیو کے خلاف مذہبی حلقوں نے جنسی کمزوری کی باتیں پھیلائیں۔ محراب و منبر سے پولیو مہم چلنی چاہئے۔سیوریج کے پانی میں پولیو وائرس بھر چکا ہے اور ریاست اپنا کردار ادا کرنے سے قاصر ہے۔
میزبان کالم نگارعبدالباسط خان نے کہا کہ قوم کو پتا ہی نہیں ہے کہ ڈیم پر کام ہو رہا ہے یا نہیں۔سیاستدانوں کو مل بیٹھ کر پاکستان کا سوچنا چاہیے ، کوئی پارٹی اکیلے نظام ٹھیک نہیں کر سکتی۔معیثت ملک و قوم کا مسئلہ ہے، وزیراعظم کا اپوزیشن کیساتھ بیٹھ کر قومی ایشوز پر بات کرنا انکا قد بڑھائے گا۔ عمران خان کی بات میں تندہی نہیں ہونی چاہیے۔افغانستان کے حوالے سے عمران خان کا بیانیہ حقیقت پسندانہ ہے۔ افغانستان سے جان چھڑانے کے لیے ٹرمپ کے پاکستان مخالف بیانات میں کمی آئی ہے۔ پولیو مہم پر سیاست نہیں ہونی چاہئے۔ پاکستان کا پیسہ لوٹ کر باہر لیجانے والے بڑے ڈاکووں کے تحفظ کے لیے ٹیکس ایمنسٹی سکیم لائی جاتی ہے اور 100روپے کا موبائل کارڈ لینے والے غریب عوام سے بھی 25روپے ٹیکس کاٹنا ناانصافی ہے۔
تجزیہ کارشاہد اقبال بھٹی نے کہا کہ وزیراعظم عمران خان کی زبان نہیں پھسل سکتی، انہیں عالمی طور پر کوئی کمزور گیند نہیں دینی چاہیے۔ بلاول کے وزیراعظم کو جاہل اور سلیکٹڈ کہنے پر عمران خان کوانہیںبلاول صاحبہ کہہ کر اپنا قد کم نہیں کرنا چاہیے تھا۔ملک میں تبدیلی لانی ہے تو اسمبلی میں دشمن سے ہاتھ ملا نا پڑے گا۔وزراءکی تبدیلی کے بعد بیان بازی کی ذمہ داری عمران خان نے خود لے لی ہے۔انکے سیاسی جلسوں سے لگتا ہے کہ ملک میں الیکشن ہونے والے ہیں۔
افغانستان جیسے حساس موضوعات پر وزیراعظم کی جانب سے تمام سیاسی جماعتوں کیساتھ مفاہمت کے بعد متفقہ بیانیہ آنا چاہیے۔پاکستان کو افغانستان کے مسائل میں فریق بنے بغیر اپنے مفادات کی حفاظت کے لیے بھرپور کردار ادا کرنا چاہیے۔ عمران خان اپنے بیانات میں سفارتی لہجہ استعمال نہیں کرتے انہیں بیانات نہیں دینے چاہئیں۔ ایٹمی ملک میں پولیو وائرس توہین آمیز ہے۔ پولیو مہم کے لیے بلدیاتی نظام کو فعال ہونا چاہئے۔
کالم نگارناصر اقبال کا کہنا تھا کہ پاکستان میں گالی گلوچ اور الزام تراشی کی سیاست کا کلچر 90 کی دہائی سے شروع ہوا۔ بابائے قوم کا اسلوب تھا کہ کسی کی ذاتیات پر حملے نہیں کرتے تھے، سیاستدانوں نے ان سے سیکھا نہیں۔ عمران خان کو 22سال سیاست کا انعام ملا ہے،کوئی جماعت اکیلے نظام نہیں بدل سکتی ،
وزیراعظم تمام سیاسی جماعتوں کیساتھ مفاہمت سے پاکستان کا نظام بدلیں۔ہمارا نظام کرپٹ ہے، اسے تبدیل کیے بغیر کچھ نہیں بدلے گا۔عمران خان کو سیاسی جلسے کرنے کا مشورہ دینے والا انکا دشمن ہے۔ پولیو مہم کو مضر کہنے والے جاہل ہیں،علماءسمیت ہر باشعور فرد کو سوشل میڈیا، میڈیا اور منبر سمیت ہر پلیٹ فارم سے پولیو مہم کے حق میں مہم چلانی چاہئے۔

لاہور (خصوصی رپورٹر) شفیق آباد کے علاقہ میں مبینہ گھریلو جھگڑے پر نوجوان کا باپ اور 2 بہنوں کو قتل کرنے کے بعد خودکشی کرنے کا معاملہ، پولیس نے لاشیں پوسٹ مارٹم کے بعد ورثا حوالے کردی جبکہ ملزم کی لاش کا تاحال پوسٹ مارٹم نہ ہوسکا ہے۔ پولیس کے مطابق شفیق آباد کے علاقے فیروز پورہ میں اویس نامی نوجوان نے رات گئے اپنے باپ ریاض، 2 بہنوں مریم اور سدرہ پر اندھا دھند گولیاں برسا دیں جس سے تینوں جاں بحق ہوگئے جبکہ فائرنگ سے اس کا بھائی فرحان زخمی ہوگیا۔ بعد میں ملزم نے خود کو بھی گولی مار کر زندگی ختم کرلی۔ پولیس کی بھاری نفری موقع پر پہنچ گئی اور لاشیں پوسٹمارٹم کیلئے ہسپتال منتقل کر دیں۔ زخمی فرحان کو بھی ہسپتال داخل کرا دیا گیا۔ اس حوالے سے مقتول ریاض کے بڑے بیٹے شہزاد کا کہنا تھا فائرنگ کرنے والا اویس کا اکثر گھر والوں سے جھگڑا رہتا تھا۔ محلے دار فرید نے بتایا اویس کی اکثر اپنے گھر والوں کے ساتھ تلخ کلامی ہوتی تھی اور اسکا اپنے سسرال والوں کے ساتھ جھگڑا چل رہا تھا۔ متاثرہ خاندان کے عزیز و اقارب اور پڑوسی اس واقعے پر انتہائی غمزدہ تھے۔ ملزم اویس کے بھائی شہزاد کا کہنا ہے کہ اویس نے اپنی بیوی کو طلاق دیدی تھی اب ا±سے واپس گھر لانا چاہتا تھا جس پر اکثرا±س کا گھر والوں کیساتھ جھگڑا رہتا تھا، گزشتہ شب بھی جھگڑا ہوا تو ا±س نے طیش میں آکر فائرنگ کردی۔ محلے دار فرید کا کہنا تھا کہ واقعہ افسوسناک ہے، مقتول ریاض انتہائی شریف انسان تھا، اویس کی گھر والوں کیساتھ اپنی بیوی کو واپس لانے پر اکثر اوقات تلخ کلامی ہوتی رہتی تھی، اویس کا اپنے سسرال والوں کیساتھ بھی جھگڑا چل رہا تھا۔ اس حوالے سے ڈی آئی جی آپریشنز لاہور محمد وقاص نذیر نے تہرے قتل کے موقعہ واردات کا دورہ کیا۔ ایس پی سٹی سید غضنفر علی، ڈی ایس پی شفیق آباد سرکل، ایس ایچ اوشفیق آباد و دیگر پولیس افسران بھی ان کے ہمراہ تھے۔ ڈی آئی جی آپریشنز لاہور محمد وقاص نذیر نے ایس پی سٹی سید غضنفر علی کو واقعہ کی وجوہات کا تعین کر کے فوری رپورٹ پیش کرنے اور تمام شواہد کا سائنسی و فرانزک بنیادوں پر جائزہ لے کر اصل حقائق تک پہنچنے کی ہدایت کی۔ یاد رہے کہ گذشتہ رات گئے ملزم اویس نے طیش میں آکر اپنے والد ریاض اور دو بہنوں سدرہ اور مریم کو فائرنگ کر کے قتل کر دیا تھا۔ بعد ازاں ملزم اویس نے مبینہ طورپر خود کو گولی مار کر خودکشی کر لی تھی۔ واقعہ میں ملزم اویس کا بھائی فرحان بھی فائرنگ کی زد میں آ کر زخمی ہوگیا تھا۔ واردات کے تمام پہلوو¿ں کا جائزہ لیا جارہا ہے۔ ملزم اویس کے زخمی بھائی فرحان سے بھی اس حوالے سے معلومات حاصل کی جارہی ہیں۔ تحقیقات کی روشنی میں مزید انکشافات کی توقع ہے۔