لاہو ر (صدف نعیم)تھانہ کمہارا نوا لہ ضلع ننکا نہ کے محلہ فیض آبا د کے رہائیشوں کا پو لیس نے جینا دو بھر کر دیا۔تشدد او ر ظلم کی نئی تا ریخ رقم ہو نے لگی۔مظلو م انصا ف کی دہائیاں دیتے خبریں آفس پہنچ گئے۔تفصیلا ت کے مطا بق فیض آ با د کے رہائشی محمد امین اور ان کے چھ بیٹوں پر جھوٹے مقدمات در ج ہونیکا انکشا ف ۔ایک کو پو لیس نے اغواءکرلیا جس کا تا حا ل کو ئی پتہ نہیں۔مظلو م خا ندا ن کا کہنا ہے کہ پو لیس نے گھر کی تلا شی کے دورا ن چا لیس ہزار رو پے بھی ہتھیا لئے۔واپسی کی بجا ئے پا نچ لا کھ مذید کا مطا لبہ کر دیا،خواتین کی عزتو ں پر ہا تھ ڈا لا ، چادر اور چا ر دیوا ری کا تقدس پا ﺅں تلے رو ند ڈا لا۔مظلو م خاندا ن کی بے بسی اور بے کسی دیکھئے کہ قا نو ن کے محا فظ ہی ڈا کو بن گئے۔گھر اور زمین پر قبضہ کر لیا ۔اور اب گرفتا ر ہونیوالوں کو پو لیس مقا بلے میں پا ر کر نے کی دھمکیا ںبھی دی جا نے لگی ہیں،متا ثرین کا ڈپٹی عظمت حیا ت ،ایس ایچ او احد گجر ،ملک اشرف ،تفتیشی مظفر بھٹی کیخلاف خبریں اور چینل فا ئیو کے تو سط سے وزیرا عظم عمرا ن خان اور وزیرا علیٰ عثمان بزدا ر سے فو ری نو ٹس کا مطا لبہ ۔

کراچی: (ویب ڈیسک) ڈیری فارمرزنے دودھ کی قیمت میں یک دم 25 روپے فی لیٹراضافے کا اعلان کردیا۔ڈیری فارمرزنے غیرسرکاری طورپردودھ کی قیمت میں یک دم 25 روپے فی لیٹراضافے کا اعلان کردیا۔ عمل درآمد کی صورت میں تازہ دودھ 120 روپے فی لیٹرفروخت ہوگا۔ڈیری فارمرز ایکشن کمیٹی نے دودھ کا فارم ریٹ 108 روپے فی لیٹر مقررکرتے ہوئے کہا کہ بھینس، چارہ، پیٹرولیم مصنوعات مہنگی ہونے کے باعث اضافہ ناگزیر تھا، قیمت پرنظرِثانی کے لئے متعدد بار انتظامیہ کو تحریری درخواستیں دی گئیں، ڈیری فارمنگ کی پوری صنعت دیوالیہ ہونے کے قریب پہنچ چکی ہے۔

لاہور(مانیٹرنگ ڈیسک) چینل فائیو کے تجزیوں اور تبصروں پر مشتمل پروگرام ”کالم نگار“ میں گفتگو کرتے ہوئے عبدالباسط خان نے کہا کہ ہر حکومت اپنے ساتھ زوال کی بیج لاتی ہے۔ وزیراعظما عمران خان کی حکومت کو درپیش مسائل اور غلطیوں کیوجہ داغدار اتحادی اور واضح مینڈیٹ نہ ہونا ہے۔حکومت کیخلاف ن لیگ ، پی پی پی اور فضل الرحمان سمیت کوئی بھی حکومت مخالف تحریک نہیں چلائے گا ،وگرنہ منظر نامہ خوفناک ، ملک دیوالیہ ہوجائے گا۔ بے روزگاری کیساتھ ملک کی آباد بڑھنا تباہ کن ہے۔ عمران خان کو دیہاتوں ، قصبوں کو سڑکوں کے ذریعے شہروں سے ملانا چاہیے کہ وہاں غریب بستے ہیں۔ کشمیریوں کی مرضی کے بغیر بھارتی آئین دوتہائی اکثریت سے بھی کوئی تبدیلی نہیں کر سکتا، نہ کسی ہندو کو کشمیر کی شہریت مل سکتی ہے۔مودی دھمکی دے رہا ہے کہ آئین سے یہ شق ختم کر دی جائے گی جس پر وزیر اعظم عمران خان نے بیان دیا۔پی ایس ایل نے پاکستان کو امید دی ہے۔ ویون رچرڈ کی پاکستان آمد پرپی ایس ایل کے لیے عمران خان ایک اوور کرتے اور ویون رچرڈ کھیلتے۔میزبان تجزیہ کار آغا باقر نے کہا کہ حکومت ایسے اقدامات اٹھا رہی ہے جس سے امن خراب ہو۔ پی ایس ایل کا درخت پھل دینا شروع ہو گیا ہے۔ملک میں بڑی معاشی سرگرمی شروع ہوگئی ہے۔ عوام چاہتے ہیں کہ سیاست اور دیگر شعبہ ہائے زندگی میں بھی درخت پھل دینے لگیں۔کالم نگار ضمیر آفاقی کا کہنا تھا کہ مولانا فضل الرحمان کو ہلکا نہ لیا جائے ، اس مرتبہ گرمیاں بہت گرم ہوں گی اور حدت حکومتی ایوانوں میں محسوس ہوگی۔ تحریک انصاف کی حکومت لاہور میں150افراد کے مجمے کوبھی قابو نہیں کر پائے گی۔حکومت کے پاس عوام کو دینے کو کچھ ہے نہیں اور سیاسی شہید بننا چاہتی ہے۔ ریاست جبری طور پر چلائی جارہی ہے۔ تحریک انصاف کی حکومت گرانے کے لیے اپوزیشن جماعتوں کے پاس پارلیمنٹ میں بہت سے راستے موجود ہیں۔ تجزیہ کار مریم ارشد نے کہا کہ مولانا فضل الرحمان اس قابل بھی نہیں کہ انہیں انکا مفاد ہی دیا جائے۔ عمران خان سے امید نہیں چھوڑ سکتے، سیاستدان اپنی کرپشن کے پیسے لوٹا دیں تو پاکستانی معیثت ٹھیک ہو سکتی ہے۔نواز شریف کا حکومت مخالف مہم پر بات نہ کرنا معاملہ دبانے کا ایک انداز ہے۔ جن پیسوں سے ہسپتال بننے چاہیے تھے ن لیگ نے نالے بنائے گئے۔اسرائیل ، امریکا سمیت طاقتور ممالک خوددنیا میں تیلی لگاتے ہیں اور پھر پناہ بھی دیتے ہیں۔ کسانوں کے گوشہ گندم جلا کرہاﺅسنگ سکیموں بدلا جارہا ہے۔پی ایس ایل کا سہرا اسکے بانی کو جاتا ہے۔

لاہور(مانیٹرنگ ڈیسک)سابق سیکرٹری الیکشن کمیشن کنور دلشاد نے کہا ہے کہ جب کسی ملزم کے خلاف فرد جرم ائد کی جاتی ہے تو وہ انکار تو کرتا ہے اب پراسیکیوٹر جنرل کو چاہئے کہ صحیح ثبوت کے ساتھ احتساب کورٹ کو مطمئن کریں تو ان کے جرم سے انکار کی کوئی حیثیت نہیں۔ چینل فائیو کے پروگرام نیوز ایٹ سیون میں گفتگو کرتے ہوئے انہوں نے کہا کہ شہباز شریف اور حمزہ شہباز سے متعلق احتساب بیورو نے جو حقائق پیش کئے ان کا اب سیاسی مستقبل نہیں۔تمام حقائق جب سامنے ہیں تو ان کو ضمانتیں نہیں ملنی چاہئیں ۔غریب آدمی کو تو کوئی ریلیف نہیں ملتا۔حکومتی وزراءکو بھی چاہئے بلاجواز بیانات نہ دیں۔حمزہ شہباز کی گرفتاری کے لئے گئی نیب ٹیم اگر ادانشمندی سے کام نہ لیتی تو ایک اور سانحہ ماڈل ٹاﺅن ہو سکتا تھا۔ماہر قانون عارف چوہدری نے کہا کہ نیب کی تحقیقاتی ٹیم بارے مسلسل کہا جا رہا ہے ان کی وابستگیاں کسی اور جگہ ہیں خاص طور پر یہ ملزمان کے ساتھ ہیں۔چیئرمین نیب نے اس جانب توجہ نہیں دی۔نیب کی ساکھ کافی حد تک متاثر ہوئی ہے نیب کو پتہ ہونا چاہئے تھا حمزہ شہباز کی گرفتاری اتنی آسانی سے نہیں ہو سکتی تھی پولیس نے بھی کوشش نہیں دکھائی۔ مسلم لیگ ن کے رہنماءرانا افضل نے کہا ہے کہ ہفتے میں ایک دن جیل میں ملاقات کے لئے دن مختص ہوتا ہے نوا ز شریف کو چھ ہفتوں کی رہائی ملی ہے تو ملاقاتوں میں کوئی مضائقہ نہیں۔حکومت انتقامی کارروائیوں پر اتر آئی ہے معیشت کی جانب کوئی توجہ نہیں۔یہ حکومت پاکستان کے لئے سیکیورٹی رسک بن گئی ہے آئندہ بجٹ میں مہنگائی کنٹرول نہیں کر سکے گی حکومت کے اپنے لوگ حکومتی کارکردگی پر تنقید کر رہے ہیں۔پیپلز پارٹی کے رہنماءقمرالزمان کائرہ نے کہا کہ مولانا صاحب زرداری صاحب سے ملیں گے تو پتہ چلے گا ملین مارچ بارے کیا فیصلہ ہو گا۔حکومت کی سمت درست نہ ہوئی تو عوام کا جینا دوبھر ہو جائے گا۔اپوزیشن اکٹھی ہو جائے تو حکومت کے لئے مشکل کھڑی کر سکتی ہے۔ تنقید کا جواب دیا جا سکتا ہے لیکن فواد چوہدری تو جگتیں لگاتے ہیں۔

لاہور (مانیٹرنگ ڈیسک) سابق پراسیکیوٹر نیب راجہ عامر عباس نے کہا کہ پاکستان اور افریقی ممالک میں احتساب کا موثر نظام نہ ہونے کی وجہ سے سیاستدان لوٹ مار کرتے ہیں ادارے کمزور ہیں بڑے مجرموں پر ہاتھ ڈالنے سے کتراتے ہیں۔ سپریم کورٹ میں آج ہباز شریف ضمانت کے خلاف کیس لگا تو نیب پراسیکیوٹر نے تیاری نہ ہونے کا کہہ کر تاریخ لے لی جس پر عدالت نے کہا کہ جب نیب ہی دلچسپی نہیں لے رہا تو ہمیں کیا جلدی ہے اور کیس کو سائڈ پر پھینک دیا۔ ملک میں افراتفری کا ماحول ہے کوئی ادارہ مضبوطی اور مستقل مزاجی سے کام نہیں کر رہا۔ ایک ہی طرح کے کیسز میں ہائیکورٹس مختلف فیصلے دے رہی ہیں۔ ایف بی آر کام نہیں کر رہا، سٹیٹ بنک گورنر اس کو لگا دیا جس پر مختلف الزامات ہیں۔ 8 ماہ میں اداروں میں بہتری آنے کے بجائے مزید کوتاہی نظر آتی ہے۔ پارلیمنٹ کی کارکردگی صرف اتنی ہے کہ پنجاب پارلیمنٹ نے اپنی تنخواہوں کا بل پاس کیا کوئی قانون سازی نہیں ہو رہی۔ تینوں بڑی سیاسی جماعتوں میں زیادہ تر پرانے لوگ ہیں جو نظام کی کمزوری سے فائدہ اٹھاتے ہیں یہ لوگ کیوں قانون سازی کریں یا نظام کو مضبوط بنائیں گے۔ معاشی صورتحال خراب ہے۔ عمران خان اور اسٹیبلشمنٹ کو ان مسائل پر سوچنا چاہئے۔ وزیراعظم تمام حقائق پر قوم کو اعتماد میں لیں اور مشاورت کریں۔ چیف جسٹس نے عام جرائم کے لئے ماڈل عدالتیں بنائیں، بڑے احتساب کیسز کیلئے بھی ماڈل عدالتیں بنائیں کہ ان بڑے مجرموں کو سزا دی جا سکے۔

کراچی(ویب ڈیسک) تفتیشی پولیس افسر کی جانب سے پیش کئے چالان میں کہا گیا ہے کہ ایم کیوایم کے رہنما سابق ایم این اے علی رضا عابدی کو قتل کرنے کے لئے ملزمان کو 8 لاکھ روپے کی رقم دی گئی۔ذرائع کے مطابق ایم کیو ایم کے رہنما علی رضا عابدی کے قتل میں اہم پیش رفت سامنے آئی ہے، کراچی کی انسداد دہشت گردی عدالت میں سابق ایم این اے علی رضا عابدی قتل کیس کی سماعت ہوئی، تفتیشی افسر نے عدالت کے سامنے چالان پیش کیا۔چالان کے متن میں بتایا گیا ہے کہ علی رضا عابدی کے قتل میں ملوث 4 افراد کو گرفتار کیا گیا ہے، گرفتار ملزمان میں محمد فاروق، محمد غزالی، ابوبکر اور عبدالحسیب شامل ہیں، جب کہ حسنین، غلام مصطفی عرف کالی چرن اور بلال نامی ملزمان مفرور ہیں، مفرور ملزمان کی تصاویر حاصل کرلیں ہیں، مفرور ملزمان نو عمر اور کمسن دکھائی دیتے ہیں۔چالان کے متن کے مطابق ایم کیوایم کے رہنما اور سابق ایم این اے علی رضا عابدی کے قتل کے لئے ملزمان کو 8 لاکھ روپے کی رقم دی گئی، رقم کی ادائیگی حسینی بلڈنگ کے پاس نامعلوم شخص نے کی، علی رضا عابدی کے قتل میں استعمال ہونے والی موٹر سائیکل کو کارروائی کے بعد جلا دیا گیا تھا تاکہ کوئی ثبوت باقی نہ رہے۔عدالت نے مفرورملزمان حسنین، غلام مصطفی عرف کالی چرن اور بلال کے ناقابل ضمانت وارنٹ جاری کردیئے، اور مفرور ملزمان کو آئندہ سماعت پر گرفتار کرکے پیش کرنے کا حکم دیتے ہوئے کیس کی سماعت ملتوی کردی۔واضح رہے کہ گزشتہ برس 25 دسمبر کو ایم کیو ایم کے رہنما علی رضا عابدی کو ان کی رہائش گاہ خیابان غازی کے باہر نامعلوم ملزمان نے فائرنگ کرکے زخمی کردیا تھا، انہیں فوری طور پر اسپتال منتقل کیا گیا تاہم وہ جانبر نہ ہوسکے۔