لاہور (ویب ڈیسک ) ایک ہسپتال کے زچہ و بچہ وارڈ یا لیبروارڈ میں حاملہ خواتین کا آنا جانا لگا رہتا ہے، جن کی دیکھ بھال کے لیے وہاں نرسیں بھی موجود ہوتی ہیں۔مگر کبھی ایسا دیکھنے میں نہیں آیا کہ لیبر وارڈ کی تمام نرسیں بیک وقت حاملہ ہوجائیں اور ان کے بچوں کی پیدائش بھی لگ بھگ ایک ساتھ ہو۔مگر امریکی شہر پورٹ لینڈ کے میئن میڈیکل سینٹر میں ایسا انوکھا واقعہ ہوا ہے جہاں کی 9 نرسیں آگے پیچھے حاملہ ہوئیں اور بچوں کی پیدائش اپریل سے جولائی کے درمیان متوقع ہے۔سی سی این سے بات کرتے ہوئے ایک نرس ایرن گرینیر نے کہا ‘جب ہم سب نے ایک دوسرے کو کہا کہ ہم حاملہ ہیں تو میرے خیال میں ہر بار اس اعلان پر ہمیں خوشی ہوئی اور ہم ایک دوسرے کا خیال رکھنے کے لیے تیار ہیں’۔اس ہسپتال نے اس انوکھے واقعے کا اعلان کیا اور نرسوں کو مبارکباد بھی دی۔ہسپتال نے لوگوں کے ان خدشات کا بی جواب دیا جو یہ سوچ کر پریشان تھے کہ گرمیوں میں وہاں عملے کی کمی کا سامنا ہوگا۔ہسپتال کا کہنا تھا کہ فکر مت کریں ہم نے منصوبہ تیار کررکھا ہے۔تمام نرسیں اس حوالے سے ایک دوسرے کی مدد کررہی ہیں اور ان کا کہنا ہے کہ ہسپتال میں آکر کام کرنا اچھا لگتا ہے جہاں دیگر خواتین بچوں کو جنم دیتی ہیں اور اس تجربے کے بارے میں بتاتی ہیں، جس سے ہم سب اکھٹے گزرنے والے ہیں۔

لاہور( ویب ڈیسک ) سام سنگ نے 20 فروری کو اپنا پہلا فولڈ ابیل فون گلیکسی فولڈ متعارف کرایا جو 4.6 انچ سے 7.3 انچ کے ٹیبلیٹ کی شکل اختیار کرلیتا ہے جس کے بعد ہواوے نے ایسی ہی ڈیوائس میٹ ایکس پیش کی جو فون کی شکل میں 6.6 انچ اور ٹیبلیٹ میں 8 انچ کی ہوجاتی ہے۔مگر ان دونوں کو ٹکر دینے کے لیے شیا?می اپنا فولڈایبل فون سامنے لارہی ہے جس کا ایک ٹیزر تو کچھ عرصے پہلے سامنے آیا تھا اور اب دوسرا ٹیزر بھی پیش کردیا گیا ہے۔شیا?می کے چینی سوشل میڈیا سائٹ ویبو کے اکا?نٹ میں پوسٹ 10 سیکنڈ کی ویڈیو میں دکھایا گیا کہ یہ فون ڈبل فولڈ ہونے کی صلاحیت رکھتا ہے یعنی گلیکسی فولڈ کے برعکس یہ فون اسکرین کے دونوں جانب فولڈ ہوسکتا ہے جس کے بعد درمیان میں فون اسکرین رہ جاتی ہے، جیسا آپ نیچے ویڈیو میں دیکھ سکتے ہیں۔

یعنی یہ کمپنی دنیا کا پہلا ڈبل فولڈنگ فون متعارف کرانے والی ہے اور یہ اعلان جنوری میں اس فون کے پہلے ٹیزر کے موقع پر کیا گیا تھا۔

کمپنی کا کہنا تھا کہ ہم دنیا کا پہلا ڈبل فولڈنگ بنارہے ہیں جو کہ ٹیبلیٹ اور موبائل فون کا تجربہ فراہم کرے گا۔

اس فون کی تفصیلات تو زیادہ معلوم نہیں مگر یہ واضح ہے کہ یہ ہواوے اور سام سنگ کے فولڈ ایبل فونز کے مقابلے میں کافی سستا یعنی 999 ڈالرز کا ہوگا یعنی گلیکسی فولڈ سے ایک ہزار ڈالر جبکہ ہواوے کے فون سے ڈیڑھ ہزار ڈالرز سستا۔

لاہور (ویب ڈیسک ) اگر تو آپ اسمارٹ فون کیمرے کی وجہ سے لینا پسند کرتے ہیں تو اچھی خبر یہ ہے کہ اب دنیا کا پہلا 100 میگا پکسل سنسر سے لیس فون جلد سامنے آنے والا ہے، یا کم از کم ایک کمپنی نے ایسا عندیہ دیا ہے۔ابھی کسی فون میں سب سے زیادہ میگا پکسل کا ریکارڈ شیامی اور ہواوے کے فونز کے پاس ہے جن میں 48 میگا پکسل مین کیمرہ استعمال ہورہا ہے۔چین کی ہی کمپنی لیناوو نے نے اپنے نئے فونز زی سکس پرو کے لیے سو میگا پکسل کیمرا دینے کا اشارہ دیا ہے۔ابھی تک فون تو سامنے نہیں آیا مگر لیناوو کے نائب صدر نے چینی سوشل میڈیا سائٹ پر اس ڈیوائس کا ٹیزر جس چینی ہیش ٹیگ کے ساتھ شیئر کیا، اس کا ترجمہ 100 میگا پکسل بنتا ہے۔ویسے یہ اتنا حیرت انگیز بھی نہیں کیونکہ پراسیسر بنانے والی کمپنی کوالکوم پہلے ہی رواں برس سو میگا پکسل کیمرا فونز کی آمد کی بات کرچکی ہے۔لیناوو نے فروری میں بارسلونا میں ہونے والی موبائل ورلڈ کانگریس کے موقع پر فائیو جی ٹیکنالوجی سے لیس ایسے فون کی بات کی تھی جس میں ہائپر ویڑن کیمرا دیا جائے گا اور زی سکس پرو وہی ڈیوائس ہے۔اس کمپنی نے اس موقع پر بتایا تھا کہ وہ اپنے نئے فون میں ہائپر ویڈیو اور سپر میکرو کیمرا موڈز دے گی۔

لاہور( ویب ڈیسک ) اس کو ہاتھ سے چھوڑنا تو مشکل ہے مگر اپنے اسمارٹ فونز کو رات میں بار بار دیکھنا کوئی اچھی عادت نہیں۔اسمارٹ فون کی اسکرین سے چمکدار نیلی روشنی خارج ہوتی ہے تاکہ آپ انہیں سورج کی تیز روشنی میں بھی دیکھ سکیں۔مگر رات میں یہ روشنی دماغ کو الجھن میں ڈال دیتی ہے کیونکہ یہ سورج جیسی چمک کی نقل ہوتی ہے۔اس کے نتیجے میں دماغ ایک ہارمون میلاٹونین کو بنانا چھوڑ دیتا ہے جو ہمارے جسم کو سونے کے وقت کے بارے میں آگاہ کرتا ہے، اس طرح اسمارٹ فون کی روشنی نیند کے چکر میں مداخلت کرتی ہے اور سونا مشکل تر ہوجاتا ہے۔اس کے نتیجے میں سنگین طبی مسائل کا سامنا ہوسکتا ہے جن میں چند ایک درج ذیل ہیں۔نیچر نیورو سائنسز، ہارورڈ یونیورسٹی اور دیگر جامعات و اداروں کی طبی تحقیقی رپورٹس کے مطابق اسمارٹ فونز سے خارج ہونے والی روشنی نیند کے شیڈول میں تبدیلی کا باعث بنتی ہے جس سے اگلے دن کی یاداشت پر اثرات مرتب ہوسکتے ہیں۔اسمارٹ فونز کی روشنی کے باعث ایک رات کی نیند خراب ہونے سے اگلے دن طالبعلموں کے لیے اپنے اسباق یاد رکھنا مشکل ہوجاتا ہے، جبکہ طویل المعیاد بنیادوں پر نیند پوری نہ ہونے سے اچھی نیند کا حصول لگ بھگ ناممکن ہوجاتا ہے۔اسی طرح کچھ شواہد یہ بھی سامنے آئے ہیں کہ یہ روشنی پردہ چشم کو نقصان پہنچا کر بینائی کے لیے تباہ کن ثابت ہوسکتی ہے جبکہ اس حوالے سے تحقیق کی جارہی ہے کہ یہ روشنی کہیں آنکھوں میں موتیے کا سبب تو نہیں بنتی۔مختلف طبی تحقیقی رپورٹس میں یہ بات بھی سامنے آئی ہے کہ اسمارٹ فونز کی روشنی خارج ہونے سے اگر میلاٹونین کی مقدار متاثر ہو تو نہ صرف ڈپریشن بلکہ موٹاپے کا خطرہ بھی بڑھ جاتا ہے۔

لاہور (ویب ڈیسک ) جو کیمرون کو اپنی جلد جلنے کا احساس اس وقت ہوا جب انہیں گوشت جلنے کی بو محسوس ہوئی، ان کا بازو اکثر اوون میں جل جاتا ہے مگر انہیں کوئی درد ہی نہیں ہوتا جو انہیں خبردار کرے۔اس کی وجہ یہ ہے کہ وہ دنیا کے ان محض 2 افراد میں سے ایک ہیں جن کے جینز میں ایک مخصوص تبدیلی واقع ہوئی ہے۔اس تبدیلی کے نتیجے میں انہیں کوئی درد محسوس نہیں ہوتا اور نہ ہی وہ ذہنی طور پر بے چین یا خوفزدہ ہوتی ہیں۔دلچسپ بات یہ ہے کہ اسکاٹ لینڈ سے تعلق رکھنے والی معمر خاتون کو اس بات کا احساس 65 سال کی عمر میں ہوا کہ وہ دوسروں سے مختلف ہیں اور وہ بھی اس وقت جب ایک بڑے آپریشن کے بعد ڈاکٹر یہ یقین کرنے میں ناکام ہوگئے کہ جو کیمرون کو دردکش ادویات کی ضرورت نہیں۔جب ان کے ہاتھ کی سرجری ہوئی تو ڈاکٹروں نے انہیں خبردار کیا تھا کہ انہیں شدید تکلیف کا سامنا کرنا پڑے گا۔جب خاتون کو کسی قسم کی تکلیف محسوس نہیں ہوئی تو ڈاکٹروں نے انہیں لندن کالج یونیورسٹی اور آکسفورڈ یونیورسٹی کے سائنسدانوں کے پاس بھیجا۔وہاں ٹیسٹوں سے ماہرین نے جینز میں آنے والی تبدیلی کو دریافت کیا جس کے نتیجے میں انہیں دیگر افراد کی طرح درد محسوس نہیں ہوتا۔انہوں نے ایک انٹرویو کے دوران بتایا کہ ڈاکٹروں کو یقین نہیں آیا تھا کہ سرجری کے بعد انہیں درد میں کمی کے لیے کسی دوا کی ضرورت نہیں، جس کے بعد مجھے سائنسدانوں کے پاس بھیجا گیا۔وہاں تشخیص کے بعد جو کیمرون کو احساس ہوا کہ وہ بہت زیادہ صحت مند نہیں جیسا وہ خود کو سمجھتی تھیں۔انہوں نے بتایا ‘ماضی میں جھانکنے پر مجھے احساس ہوا کہ مجھے کبھی دردکش ادویات کی ضرورت نہیں پڑی اور کبھی اس بارے میں سوچا بھی نہیں’۔

لاہور (ویب ڈیسک ) ہر بچہ اپنے بہنوں اور بھائیوں سے مختلف شخصیت کا حامل ہوتا ہے اور عام خیال ہے کہ پیدائش کی ترتیب کسی حد تک شخصی خوبیوں یا خامیوں پر اثرانداز ہوسکتی ہے۔درحقیقت سائنسدانوں کا بھی کافی عرصے سے یہی ماننا ہے۔ان کے مطابق پہلوٹھی یا بڑے بچے قائدانہ کردار کے حامل ہوسکتے ہیں اور زندگی میں کامیابی حاصل کرسکتے ہیں۔منجھلے بچوں میں عام طور پر اپنے سے بڑے اور چھوٹے بہن بھائیوں کی ملی جلی عادتیں ہوتی ہیں اور وہ رشتے مضبوط بنانے پر زیادہ توجہ مرکوز کرتے ہیں۔سب سے چھوٹے بچے توجہ کا حصول اور احترام چاہتے ہیں۔مگر اب ایسے شواہد سامنے آرہے ہیں جو اس تاثر کو مسترد کرتے ہیں اور اب سائنسدانوں کے ایک حلقے کا ماننا ہے کہ پیدائش کی ترتیب بالغ ہونے پر شخصیت پر اثرانداز نہیں ہوتی۔حالیہ تحقیقی رپورٹس میں اس حوالے سے بڑے پیمانے پر ڈیٹا اور اعدادوشمار کا تجزیہ کیا گیا ہے۔اسپین میں ہونے والی ایک تحقیق میں بتایا گیا کہ پیدائش کی ترتیب لوگوں کی شخصیت اور رویوں پر اثرانداز نہیں ہوتی۔رواں ہفتے جریدے پروسیڈنگز آف دی نیشنل اکیڈمی آف سائنسز میں شائع تحقیق میں کہا گیا کہ اس حوالے سے اتفاق بڑھ رہا ہے کہ پیدائش کی ترتیب بلوغت میں شخصیت اور رویوں پر اثرانداز نہیں ہوتی۔اس تحقیق میں 11 ہزار گھرانوں کا جائزہ لینے کے بعد بلوغت میں ان کے رویوں کا تجزیہ کیا گیا اور دریافت کیا گیا کہ یہ تاثر غلط ہے کہ بہن بھائیوں میں سب سے چھوٹے خطرات پسند ہوتے ہیں اور کامیابی کے لیے کچھ بھی دا? پر لگانے کی ذہنیت نہیں رکھتے۔

محققین کا کہنا تھا کہ نتائج سے واضح ہوجاتا ہے کہ پیدائش کی ترتیب اور خطرات مول لینے کی فطرت کے درمیان کوئی تعلق نہیں۔

اس سے قبل 2015 کی ایک تحقیق میں دریافت کیا گیا کہ پیدائش کی ترتیب سے شخصیت کی 5 بنیادی عادتوں پر کوئی اثرات مرتب نہیں ہوتے یعنی یہ تاثر غلط ہے کہ پہلوٹھی کے بچے زیادہ ذہین ہوسکتے ہیں یا منجھلے بچے حالات سے مطابقت اختیار کرنے کی صلاحیت رکھتے ہیں۔

لاہور (ویب ڈیسک ) کیا ایسی ملازمت بلکہ دنیا کی سب سے بہترین ملازمت کرنا پسند کریں گے جس میں آپ کو کچھ نہیں کرنا بلکہ درحقیقت آپ کو تو بس اپنی جگہ سے بھی نہیں ہلنا ہوگا۔جی ہاں اگر آپ کو لگتا ہے کہ امریکی خلائی ادارے ناسا میں ملازمت کے لیے آپ کو سائنسی ڈگری اور سخت محنت کرنا پڑے گی تو ایک بار پھر سوچ لیں۔درحقیقت دنیا بھر میں معروف یہ ادارہ ایک ایسی ملازمت کی پیشکش کررہا ہے جس کو پانے والے کو بس بستر پر 2 ماہ تک لیٹ کر گزارنا ہوں گے۔اس کا مقصد مصنوعی کشش ثقل کے انسانی جسم پر مرتب ہونے والے اثرات کو سمجھنا ہے۔آرٹی فیشل گریویٹی بیڈ ریسٹ اسٹڈی نامی اس تجربے کو رواں ہفتے ناسا نے یورپین اسپیس ایجنسی کے اشتراک کے ساتھ جرمن ایرو اسپیس سینٹر میں متعارف کرایا۔اس تحقیق کے دوران پہلی بار سائنسدان مصنوعی کشش ثقل کو استعمال کریں تاکہ جان سکیں کس طرح کشش ثقل نہ ہونے پر بے وزنی کی حالت میں انسانی جسم کو منفی اثرات سے بچانا ممکن ہوسکے گا۔اس مقصد کے لیے ناسا 12 خواتین اور 12 مردوں کو بھرتی کرے گا جن کو 2 ماہ یا 60 دن بستر پر گزارنا ہوں گے۔اور ہاں اس دوران کامیاب امیدواروں کو بس لیٹ کر ہی سب کچھ کرنا ہوگا جیسے کھانا پینا وغیرہ، مگر 60 دن کے اس آرام پر انہیں ساڑھے 18 ہزار ڈالرز (26 لاکھ پاکستانی روپے) ملیں گے، بس ایک شرط ہے اور وہ ہے جرمن زبان روانی سے بولنا ہوگی۔اور ہاں مجموعی طور پر کامیاب امیدواروں کو اس مرکز میں 89 دن گزارنے ہوں گے، یعنی 60 دن بستر پر آرام اور باقی دیگر تجربات کے لیے۔