لاہو ر (صدف نعیم)وزیر اعظم عمران خان نے کہاہے کہ پرانے وزیر اعظم سے میں اس لئے الگ ہوں کہ پرانے وزیر اعظم اپنے آپ کو بادشاہ سمجھتے تھے، اس لئے وہ جس کیلئے چاہتے تھے پیسے دینے کیلئے حکم جاری کردیا کرتے تھے،اشرفیوں کی تھیلیاں پھینک دیا کرتے تھے، لیکن میں ایک جمہوری وزیراعظم ہوں، ایسا نہیں کرسکتا۔تفصیلات کے مطابق لاہور میں جناح ایکسپریس ٹرین کی افتتاحی تقریب سے خطاب وزیر اعظم عمران خان نے کہا کہ پرانے وزیر اعظم سے میں اس لئے الگ ہوں کہ پرانے وزیر اعظم اپنے آپ کو بادشاہ سمجھتے تھے، اس لئے وہ جس کیلئے چاہتے تھے پیسے دینے کیلئے حکم جاری کردیا کرتے تھے،اشرفیوں کی تھیلیاں پھینک دیا کرتے تھے، لیکن میں ایک جمہوری وزیراعظم ہوں، ایسا نہیں کرسکتا۔ انہوں نے کہا کہ جتنی مہنگائی ہے ، مزدوروں کی تنخوا ہ بڑھنی چاہئے ، تنخواہ دار طبقے اور مزدوروں کیلئے ہیلتھ انشورنس شروع کررہے ہیں، پاکستان میں تمام کمزور طبقات کو ہیلتھ کارڈ ملنا چاہئے۔انہوں نے کہا کہ پاکستان میں طبقہ اشرافیہ کی طرف زیادہ توجہ دی جاتی رہی ہے ، یہ جتنی بھی سہولیات ہسپتال ، تعلیم ادارے اور دیگر سہولیات ایلیٹ کلاس کے لئے الگ ہیں اور غریبوں کیلئے الگ ہیں۔ انہوں نے کہا کہ میں اس لئے نئے پاکستان کی بات کرتا ہوں کہ نچلے طبقے کواوپر لایا جاسکے ، ہمارا اوپر کاطبقہ اوپر چلا گیا اور ہمارا نیچے کا طبقہ مزید نیچے چلا گیا اور اب ہم پور ے برصغیر میں سب سے پیچھے ہیں۔ انہوں نے کہا کہ عام آدمی ریلوے پر سفر کرتاہے، کراچی سے پشاور تک ایم ایل ون بننے سے پاکستان میں انقلاب آجائیگا ، ملک میں ریل کی پٹڑی کو بڑھانا ہے۔ انہوں نے کہا کہ میں شیخ رشیدکوخراج تحسین پیش کرتا ہوں کہ جس طرح وہ ریل کوپاکستان میں اوپر اٹھانے کی کوشش کررہے ہیں ، ریل کا سفربڑھنے سے سڑکوں پر دبا? کم ہوگا اور اس سے سیاحت میں بھی انقلاب آجائیگا۔ انہوں نے کہا کہ میں سارے پاکستان میں ٹرین کا جال پھیلانے کیلئے وزارت ریلوے کی مدد کروں گا ، اس کے لئے ہم چائنہ کاماڈل اپنائیں گے اورچائنہ سے مدد حاصل کریں گے۔

ملتان (ویب ڈیسک)پنجاب اسمبلی کے حلقہ 218 میں ضمنی انتخاب کل ہو گا، الیکشن کمیشن نے ضمنی انتخاب کیلئے انتظامات مکمل کرلئے ہیں۔
واضح رہے کہ پی پی 218 کی نشست پی ٹی آئی کے رکن اسمبلی مظہرراں کے انتقال کے باعث خالی ہوئی تھی۔پنجاب اسمبلی کے حلقہ 218 ملتان میں ضمنی انتخاب کل ہو گا،الیکشن کمیشن نے ضمنی انتخابات کیلئے انتظامات مکمل کر لئے۔الیکشن کمیشن کے مطابق ضمنی انتخاب کیلئے 138 پولنگ سٹیشن قائم کر دیئے گئے جبکہ 6 امیدوار مدمقابل ہوں گے، پی ٹی آئی کے واصف مظہر، پی پی اورن لیگ کے ارشدراں میں سخت مقابلہ متوقع ہے ،ضمنی انتخاب میں 2 لاکھ 3 ہزار 189 ووٹرزحق رائے دہی استعمال کریں گے،حلقے میں مردووٹرزکی تعدادایک لاکھ 11 ہزارجبکہ خواتین ووٹرز 91 ہزار 227 ہیں۔

لاہور ( صدف نعیم ) سابق وزیر اطلاعات فیاض الحسن چوہان نے اپنے ایک ٹویٹ میں کہا ہے کہ خورشید شاہ کے شر سے پناہ مانگنے میں حق بجانب ہیں کیونکہ زر کے پجاری اور زرداری کے حواری احتساب کے کھلاڑی سے پناہ ہی مانگا کرتے ہیں ۔میٹر ریڈر اپنا لیڈرگود میں پالتے ہیں اور عمران خان جیسے حقیقی لیڈر اپنی قوم کو اپنی قائدانہ گودمیں پال کر معاشی طور پر جوان کرتے ہیں ۔

اسلام آباد (ویب ڈیسک) صدر مملکت ڈاکٹرعارف علوی کی ایئرپورٹ پر سوتے ہوئے تصویر سوشل میڈیا پر وائرل ہوگئی۔نیوزویب سائٹ کے مطابق صدرمملکت کی یہ تصویراسلام آباد ایئرپورٹ کی ہے جن کی سادگی دیکھنے کے بعد پاکستانی انہیں سراہ رہے ہیں، عمران خان جب وزیراعظم بنے تو انہوں نے یقین دہانی کرائی کہ ایسی ٹیم بنائیں گے جو ملک کو بہتر کرے گی ، جب ڈاکٹرعارف علوی کو صدر پاکستان منتخب کیاگیا تو لوگوں نے سکھ کا سانس لیاکیونکہ ان کا ماضی بے داغ تھا، ان پر کرپشن کا کوئی کیس بھی نہیں جبکہ صدر اور وزیراعظم دیرینہ دوست بھی ہیں۔حال ہی میں صدر مملکت کو اسلام آباد ایئرپورٹ کی لاﺅنج میں ایک نشست پر آرام کرتے دیکھا گیا اور کسی نے ان کی تصویر بنالی جو بعدازاں سوشل میڈیا پر وائرل ہوگئی۔ اس پر لوگوں نے تبصرے بھی شروع کردیئے ، کچھ نے عارف علوی کو ڈرامے باز قراردیا اور کہاکہ وہ اپنے ساتھ ایسی تصاویر لینے کے لیے فوٹوگرافر رکھتے ہیں، کچھ لوگوں کا خیال ہے کہ صدر مملکت کو ایسے عوامی مقام پر آرام کرتے دیکھ کر کسی شہری نے تصویر اتار لی۔

لاہور ( صدف نعیم ) یہ فوٹو سٹوڈیو یا فلم کا سیٹ نہیں ہے یہ ہے فیصل مسجد اسلام آباد ، جسے دن بہ دن مسجد کے درجے سے نکال کر نعوذباللہ تفریحی مقام بنایا جارہا ہے۔ جہنوں نے یہ گھٹیا حرکت کی ان سے پہلے مسجد کی انتظامیہ سے پوچھنا چاہیے کہ اس گھٹیا حرکت کی اجازت کس نے دی اور کتنا مال لے کر ایمان بیچا ہے؟ حکومت اس بے حیائی اور بے غیرتی کو کم از کم مسجد سے دور رکھے اور مسجد کو مسجد رہنے دے بلکہ اس میں آنے والوں کیلئے ضابطہ اخلاق بنایا جائے اور سب سے بڑھ کر مسجد میں یہ جو بےہودہ حرکت ہوئی ہے اس بارے انتظامیہ سے پوچھا جائے۔ مسجدوں کا احترام کرنا سیکھیں ورنہ سوشل میڈیا یہ بھی سکھا دے گا ۔

کراچی (آن لائن) ڈالر کی قیمت میں ایک مرتبہ پھر اضافہ اور روپے کی قدر میں ایک مرتبہ پھر سے کمی ہو گئی۔ تفصیلات کے مطابق ڈالر کی قیمت میں 70پیسے کا اضافہ ہو گیا ہے۔ ایکسچینج کرنسی ایسوسی ایشن کے مطابق اوپن مارکیٹ میں ڈالر کی قیمت میں 70پیسے کا اضافہ ہوا جس کے بعد اوپن مارکیٹ میں ڈالر کی قیمت 142روپے ہو گئی۔جبکہ کاروبار کے دوران انٹربینک میں ڈالرکی قدر140 روپے 79پیسے ہوگئی۔ واضح رہے کہ رواں ہفتے ڈالر کی قیمت 200 روپے تک ہو جانے کی خبریں بھی گردش کر رہی تھیں جس پر 26 مارچ کو وزارت خزانہ نے وضاحت جاری کی اور بتایا کہ آئی ایم ایف کے ساتھ قرضے کے حصول کے لیے ڈالر کے ریٹ سے متعلق کوئی معاہدہ نہیں کیا گیا۔ ڈالر سے متعلق کئی خبریں زیر گردش تھیں کہ ملک میں ڈالر کا ریٹ 180روپے سے 200روپے تک جانے کا خدشہ ہے۔

لاہور( این این آئی)وزیر اعظم عمران خان آج بروز ہفتہ کو لاہور ریلوے اسٹیشن پر وی آئی پی ٹرین ” جناح ایکسپریس “ کا افتتاح کریں گے ۔وزیرا عظم کی ہدایت پر ٹرین کا کرایہ کم کر کے 6500روپے مقرر کیا گیا ہے جبکہ بچوں کا کرایہ4900روپے کرایہ رکھا ہے جس میں ناشتہ ، ڈنر اور لائٹ ریفریشمنٹ بھی دی جائے گی ۔ ٹرین میں ٹی وی، وائی فائی ، ہمہ وقت کیبن سروس، آن ویل ریسٹورنٹ ، بیڈنگ ، ساﺅنڈ سسٹم اور اسسریز کی سہولت بھی میسر ہو گی ۔ لاہور سے ٹرین دوپہر ڈھائی بجے جبکہ لاہور کینٹ سے سہ پہر تین بجے روانہ ہو گی۔ کراچی سے ٹرین سہ پہر تین بجے لاہور کےلئے روانہ ہو گی۔