واشنگٹن (خصوصی رپورٹ) امریکی خفیہ ایجنسی سی آئی اے کی عام کی گئی خفیہ فائلوں سے پتا چلا ہے کہ اسے 1954ءمیں انٹیلی جنس اطلاعات ملی تھی کہ اڈولف ہٹلر زندہ ہے اور کولمبیا میں مقیم ہے۔ یہ خفیہ اطلاع ایک سابق نازی ایجنٹ فلپ کٹروئن نے امریکی ایجنٹوں کو دی تھی۔ یہ انٹیلی جنس ”آپریشنل اڈولف ہٹلر کے عنوان سے سی آئی اے کے مغربی ڈویژن کے سربراہ کو بھیجی گئی۔ فلپ نے بتایا کہ مغربی ڈویژن کے سربراہ کو بھیجی گئی۔ فلپ نے بتایا کہ اس شخص کا نا اڈولف شٹل مائر ہے اور وہ کولمبیا کے دارالحکومت بگوٹا سے 85 میل دور ایک قصبے ٹونجا میں مقیم ہے جہاں اس کے ساتھ سینکڑوں سابق نازی فوجی اور ایجنٹس بھی مقیم ہیں۔ سابق نازی شٹل مائر کو دی فیورز کہتے ہیں جو جرمن میں صرف ہٹلر کیلئے مخصوص تھا اور اس کا مطلب رہبر یا رہنما کے ہیں جبکہ اسے نازی انداز میں سلیوٹ کرتے ہیں۔ فلپ نے شٹل مائر کی تصویر بھی امریکی ایجنٹوں کو دی جس کی ہٹلر سے حیرت انگیز حد تک
مشابہت تھی۔ فلپ کے مطابق ہٹلر جنوری 1955 ءمیں کولمبیا سے فرار ہوگیا اور ارجنٹائن چلا گیا جس کے بعد اس کے متعلق اطلاعات نہیں مل سکیں۔ ان حالات نے سی آئی اے کے شک کو مزید پختہ کردیا کہ شٹل مائر بہت اہم شخصیت ہے۔

نیو یارک: (ویب ڈسک) امریکا میں ہیلوین ڈے پر ورلڈ ٹریڈ سینٹر میموریل کے قریب ایک اور حملہ، نیویارک کے علاقے مین ہٹن میں ایک شخص نے پک اپ ٹرک لوگوں پر چڑھا دی۔ حملے میں 8 افراد ہلاک جبکہ 15 زخمی ہو گئے۔ واقعہ کی اطلاع ملتے ہی پولیس کی بڑی تعداد موقع پر پہنچ گئی اور فائرنگ کرتے ہوئے ملزم کو گرفتار کر لیا۔ واقعہ کے بعد علاقے کو سیل کرتے ہوئے زخمیوں کواسپتال منتقل کر دیا گیا۔ نیو یارک مئیر نے اپنی گفتگو میں حملے کو دہشت گردی کا واقعہ قرار دیا۔ امریکی میڈیا کے مطابق ملزم کا تعلق ازبکستان سے ہے اور وہ 2010 میں امریکا منتقل ہوا۔ امریکی صدر ٹرمپ نے واقعہ کو پاگل پن قرار دیتے ہوئے کہا کہ سکیورٹی فورسز معاملے کو بہت قریب سے دیکھ رہی ہیں۔ میلانیا ٹرمپ نے بھی اپنے ٹویٹ میں گہرے دکھ کا اظہارکیا۔

واشنگٹن: (ویب ڈسک)جنوبی بحیرہ چین سے متعلق امریکی صدرٹرمپ کے حالیہ بیان پر چین نے اظہار برہمی کرتے ہوئے کہا ہے کہ امریکی صدر کو ہر معاملے میں ٹانگ اڑانے سے گریز کرنا چاہیے ، یہاں پریس کانفرنس سے خطاب کرتے ہوئے امریکا میں تعینات چینی سفیر چھوئی ٹیان کائی نے کہا کہ بھارت سمیت کوئی ملک چین کا راستہ نہیں روک سکتا۔ انہوں نے بھارت کو خبر دار کیا ہے کہ وہ امریکی ڈرونز اور دفاعی ٹیکنالوجی حاصل کر کے چین کو نقصان نہیں پہنچا سکتا، امریکا جس مقصد کے حصول کیلئے بھارت کے ساتھ ہے ، اس میں وہ کبھی کامیاب نہیں ہو سکتا، بھارت کو امریکی اسلحہ کی فراہمی دراصل چین کا گھیراﺅ کرنے کی پالیسی کا حصہ ہے۔جنوبی بحیرہ چین سے متعلق صدر ٹرمپ کے حالیہ بیان پر اظہار برہمی کرتے ہوئے چینی سفیر نے کہا کہ امریکا کو چین کے علاقائی تنازعات میں نہیں الجھنا چاہئے، امریکا کو ان تنازعات پر موقف کے اظہار کا حق بھی حاصل نہیں ہے ،اس لیے کہ چین ضابطہ اخلاق کا مکمل پابندی کررہا ہے۔ چینی سفیر چھوئی ٹیان کائی نے کہا کہ میرا ملک واضح کرچکا ہے کہ وہ علاقائی تنازعات کا حل بین الاقوامی قوانین کے مطابق چاہتا ہے ، اس کے بعد امریکی صدر کو اپنے کام سے کام رکھنا چاہئے۔ ان کو یہ زیب نہیں دیتا کہ وہ ہر معاملہ میں ٹانگ اڑاتے پھریں۔ انہوں نے کہا کہ جنوبی بحیرہ چین ہمارا آپس کا علاقائی تنازع ہے ، امریکا کو چین کے علاقائی تنازعات میں نہیں الجھنا چاہئے۔ چین نے ہمیشہ مذاکرات کے ذریعے مسائل کے حل کی کوششیں کی ہیں اور اب بھی چین اسی پالیسی کے تحت مسائل کو حل کرے گا ، امریکا اس خطے میں اپنی پالیسیوں کے سبب عدم استحکام پیدا کرتا رہا ہے ، چین اپنے تمام تنازعات کا حل بین الاقوامی قوانین کے مطابق حل کرے گا اور کرتا رہا ہے ، واضح رہے کہ چینی سفیر کا یہ بیان اس وقت سامنے آیا ہے جب امریکی صدر ٹرمپ چین سمیت جنوبی ایشیا کے دورے پر روانہ ہو رہے ہیں۔