لاہور (خصوصی رپورٹ) امریکی حکومت کے اعلیٰ عہدیداروں اور فیصلہ سازوں سے خوشگوار تعلقات قائم کرنے کے جنون میں مبتلا عرب ممالک کے سربراہوں کی جانب سے یہودی خواتین کا سہارا لینے کا انکشاف ہوا ہے۔ متعدد عرب حکمرانوں کے بارے میں معلوم ہوا ہے کہ انہوں نے سیاسی مفادات کے حصول کیلئے امریکہ میں آف شور بیویاں رکھی ہوئی ہیں جن کے شاہانہ رہن سہن اور قیام و طعام کے اخراجات عرب ممالک کے سرکاری خزانوں سے ادا کئے جاتے ہیں۔ عرب حکمرانوں کی آف شور بیویوں کا تشویشناک پہلو یہ ہے کہ اسلامی ممالک کے اخراجات پر پرتعیش زندگی گزارنے والی ان عورتوں کی اکثریت یہودی ہے جو عالمی سطح پر سرگرم مخصوص خفیہ نیٹ ورک سے منسلک رہ کر ان کے اشاروں پر عملدرآمد کرتی ہیں۔ امریکہ میں یہودی لابی کو غیرمعمولی آزادی حاصل ہے جس کے باعث یہودی خواتین کو امریکی حکومتی عہدیداروں سے ملنے جلنے میں کوئی خاص مشکل پیش نہیں آتی جس کے باعث عرب حکمرانوں کیلئے صرف یہودی خواتین ہی کارآمد ثابت ہوتی ہیں لیکن پس پردہ ان خواتین کے امریکی اور اسرائیلی خفیہ اداروں کے ساتھ خفیہ روابط ہوتے ہیں۔ عرب حکمرانوں کی امریکہ میں یہودی خواتین سے شادیوں کے راز سے پردہ گزشتہ دنوں اس وقت اٹھا جب امریکہ میں مقیم ایک خاتون نے مصری صدر عبدالفتاح السیسی کی آف شور بیوی ہونے کا دعویٰ کیا۔ عرب ذرائع ابلاغ کے مطابق صدر السیسی کی خفیہ بیوی کی دعویدار خاتون کی شناخت گیزل یازجی کے نام سے ہوئی ہے تاہم مذکورہ خاتون اس دعوے کے بعد اچانک منظرعام سے غائب ہو گئی ہیں۔ السیسی کی مبینہ بیوی امریکی ریاست میری لینڈ میں ایک پرتعیش رہائش گاہ میں زندگی بسر کر رہی ہیں۔ لگژری گاڑیوں میںگھومنے والی اس خاتون کے بارے میں کہا جاتا ہے کہ ان کے پاس واشنگٹن اور نیویارک میں بھی پرتعیش رہائشی فلیٹس ہیں جہاں وہ بغیر کسی رکاوٹ کے جاتی رہتی ہیں۔ عرب حکمرانوں کی زندگی سے متعلقہ خفیہ رپورٹیں شائع کرنے والے عرب میگزین نے دعویٰ کیا ہے کہ اس خاتون نے امریکی صدر ڈونلڈ ٹرمپ کے ساتھ مصری صدر السیسی کے تعلقات بنانے میں اہم کردار ادا کیا ہے۔ خاتون نے اپنی دلکش شخصیت اور ذہانت کے ذریعے صدر ٹرمپ کی بیٹی ایوانکا سے دوستی بنائی ہے اور خود کو ان کی مشیر ظاہر کرتی ہیں۔ ایوانکا کے ساتھ تعلقات کے ذریعے وہ واشنگٹن ڈی سی میں منعقدہ تقریبات میں اہم امریکی شخصیات سے ملاقاتیں کر کے مصری صدر کیلئے لابنگ کرتی رہی ہیں۔ عبدالفتاح السیسی کے رواں سال اپریل میں دورئہ امریکہ اور امریکی صدر سے ملاقات میں ان کی اس آف شور بیوی نے کلیدی کردار اداکیا تھا۔ السیسی کی آف شور بیوی خود کو لبنان کی عیسائی ظاہر کرتی ہیں تاہم تحقیقات سے ظاہر ہوا ہے کہ حقیقت میں وہ اسرائیلی شہریت یافتہ یہودی ہیں اور عرب گاہکوں کو پھانسنے کیلئے اپنی لبنانی شہریت کو ظاہر کرتی رہتی ہیں۔ عرب میگزین کے مطابق گیزل یازجی السیسی سے قبل بھی عرب زعمائ‘ اہم حکومتی شخصیات اور دولتمند تاجروں کو اپنی سحرانگیز شخصیت اور ذہانت کے دام میں پھانس چکی ہیں اور ان کی آف شور بیوی بن کر ان سے بھاری رقوم بٹور چکی ہیں۔ صرف عرب حکمران ہی نہیں بلکہ وینزویلا کے آنجہانی صدر ہوگوشاویز بھی اس خاتون کے فریب کا شکار ہوئے تھے۔ گیزل یازجی نے ہوگوشاویز کی بیوی بن کر ان سے وعدہ کیا تھا کہ وہ امریکی حکومت سے ان کے تعلقات بہتر بنانے میں کردار ادا کرے گی۔ وینزویلا سربراہ نے انہیں بھاری رقوم اور پرکشش مراعات دی تھیں تاہم خاتون نے ان کیلئے کچھ نہیں کیا۔ رپورٹ کے مطابق السیسی کی مبینہ آف شور بیوی کا معاملہ اس وقت سامنے آیا جب اس خاتون کے خلاف نیویارک کے مونٹگو مری کاﺅنٹی میں دھوکہ دہی کے الزامات کی تحقیقات شروع ہوئیں۔ امریکی باشندوں کی شکایت پر پراسیکیوشن نے اس پراسرار خاتون کے بارے میں تحقیقات شروع کی ہیں۔ السیسی کی مبینہ بیوی پر الزام یہ بھی ہے کہ انہوں نے ماضی میں وینزویلا کی فوج کیلئے وردیاں بھجوانے کے بہانے سے کئی امیر امریکی شہریوں سے رقوم لی ہیں جبکہ امریکی چینل فاکس نیوز کی ایک اینکر خاتون کے امیر والدین کو بھی دھوکہ دے کر ان سے قیمتی تحفے وصول کر چکی ہیں۔ ذرائع ابلاغ پر امریکی شہریوں کو دھوکہ دینے کی خبریں آنے کے بعد امریکی اداروں نے خاتون کے خلاف تحقیقات کا حکم دیا ہے۔ عرب جریدے کے مطابق اپنے خلاف کارروائی کا خطرہ محسوس کرتے ہی معمہ بننے والی خاتون منظر سے غائب ہو گئی ہیں۔ ادھر لبنانی ذرائع ابلاغ نے کہا ہے اس خاتون تک رسائی ایک مشکل کام ہے۔ وہ بین الاقوامی سطح پر خفیہ دستاویزات اور جعلی ناموں سے سفر کرنے کی ماہر ہیں اور ان کا سابقہ ریکارڈ دیکھ کر محسوس ہوتا ہے کہ وہ کسی بہت ہی اہم بین الاقوامی نیٹ ورک کا اہم مہرہ ہے جس کے باعث ان کی گرفتاری عمل میں نہیں آئی۔ رپورٹ کے مطابق 90ءکی دہائی سے دھوکہ دہی کے دھندے میں ملوث خاتون کے بارے میں مزید تحقیقات کر کے ان کے دیگر مبینہ عرب شوہروں کے ناموں کو بھی عنقریب سامنے لایا جائے گا۔ دوسری جانب عرب تجزیہ کاروں نے اس معاملے کو نہایت خطرناک قرار دیتے ہوئے کہا ہے کہ عرب سربراہان مملکت اور حکومتی ذمہ داروں کی جانب سے امریکی اداروں سے تعلقات بہتر بنانے کیلئے ایسی مشکوک خواتین کا سہارا لینا عرب ممالک کے قومی رازوں کیلئے خطرناک ثابت ہو سکتا ہے۔

لاہور (خصوصی رپورٹ) آج کل ایک کتاب دنیا بھر میں موضوع بحث بنی ہوئی ہے اور وہ ہے الفرقان الحق۔ یہ نئی کتاب قرآن مجید کی طرز پر شائع کی گئی ہے اور اس کتاب کو اس حد تک قرآن کریم فرقان حمید سے مشابہ کرکے شائع کیا گیا ہے کہ عام شخص اس کتاب کی اصلیت سے اس وقت تک واقف نہیں ہوسکتا جب تک اس کے مواد کو غور سے نہ پڑھ لے۔ وائس آف جرمنی کے مطابق امریکہ سے شائع ہونے والا یہ نیا قرآن سیفی السیفی اور مہدی نامی دو عرب عیسائیوں نے لکھا ہے۔ فرقان الحق کے نام سے شائع ہونے والا یہ جعلی قرآن 77 سورتوں پر مشتمل ہے اور اس کے 366 صفحات ہیں۔ عربی زبان میں متن اور انگریزی ترجمے کے ساتھ اسے امریکہ سے شائع کیا گیا ہے۔ کویت کے شائع ہونے والے ایک مجلے الفرقان نے اس کتاب کے بارے میں ایک رپورٹ شائع کی ہے۔ اس رپورٹ کے مطابق اس جعلی قرآن کی اشاعت میں دو امریکی کمپنیاں ملوث ہیں۔ اومیگا 2001ءاور وائس پریس نامی یہ کمپنیاں دنیا بھر کے ان نوجوانوں کو اسلام کے نام پر عیسائیت کی تعلیم دینے کا دھوکہ کر رہی ہیں۔ جو اسلام اور اس کی تعلیمات کو جاننا چاہتے ہیں۔ مجلے کی رپورٹ کے مطابق اس مقصد کیلئے ان کمپنیوں کی جانب سے یہ جعلی قرآن کویت کے پرائیویٹ انگلش میڈیم سکولوں میں مفت تقسیم کیا گیا ہے۔ اس جعلی قرآن میں مختلف ابواب کو قرآنی سورتوں سے ملتے جلتے ناموں سے موسوم کیا گیا ہے اور قرآنی آیتوں میں تبدیلیاں کرکے اسے عیسائی تعلیمات کے مطابق ڈھالا گیا ہے۔ یہ کتاب دراصل کوئی نئی کتاب نہیں۔ اس کی پہلی اشاعت 1999ءمیں ہوئی تھی۔ عربی زبان میں لکھی جانے والی اس کتاب کا انگریزی ترجمہ آنس شوروش نے کیا تھا۔ جب سے اب تک اس کتاب کے تین ایڈیشن شائع ہوچکے ہیں۔ 25جون 2010ءکو لاہور ہائیکورٹ بہاولپور بنچ نے اس کتاب کی ویب سائٹ پر پابندی عائد کر دی تھی۔ بھارتی حکومت نے بھی اس کتاب پر پابندی عائد کی ہوئی ہے اور بھارتی پارلیمنٹ نے انڈین سکیورٹی ایکٹ کے تحت اس کتاب کی بھارت میں درآمد پر مکمل پابندی کردی تھی۔ دنیا بھر کے مسلمانوں اور مذہبی اسکالرز نے اس کتاب کی شدید مذمت کی ہے اور کہا ہے کہ اس کتاب کی اشاعت دراصل امریکہ کی جانب سے مسلمانوں پر کاری ضرب لگانے کی کوشش ہے۔ اس کتاب میں تمام قرآنی آیات کو تبدیل کرکے کتاب کا متن عیسائی تعلیمات کے مطابق کر دیا گیا ہے۔ کتاب میں کلمہ طیبہ میں ترمیم کرکے اس کی جگہ کلمہ تثلیث شامل کیا گیا ہے۔ اس نئے قرآن میں دو بیویوں سے شادی کو زنا قرار دیا گیا ہے، ساتھ ہی جہاد کو ممنوع قرار دیا گیا ہے۔ کتاب کے پہلے ایڈیشن کی اشاعت کے وقت مسلمانوں کا کہنا یہ تھا کہ قرآن کے مقابلے میں اس کتاب کو امریکہ کے صدر بش کی نگرانی میں یا ان کے علم میں لانے کے بعد ہی لکھا اور شائع کیا گیا ہے۔ امریکی حکومت نے الزام کی تردید یا تصدیق کرنے کی بجائے مجرمانہ خاموشی اختیار کیے رکھی۔ اب امریکی حکام نے اس بات کا اعتراف کیا ہے کہ اس نئے قرآن کی اشاعت امریکہ میں ہوئی ہے اس کتاب کی کویت اور قطر میں تقسیم اور وہاں کے نجی انگریزی تعلیمی اداروں میں پڑھائے جانے کے حوالے سے متعلقہ حکومتوں کی جانب سے ابھی کوئی موقف سامنے نہیں آیا ہے، نہ ہی حکومت پاکستان کی جانب سے اس بارے میں کوئی واضح بات سامنے آئی ہے۔ تاہم امید یہی کی جا رہی ہے کہ مسلمان ممالک اور ان کے حکمران ان مسئلے کو سنجیدگی سے لیں گے اور اس کتاب کے ذریعے پھیلنے والے شر سے مسلمان نوجوانوں کو بچانے کیلئے اپنا مثبت کردار ضرور ادا کریں گے۔

پیانگ یانگ (خصوصی رپورٹ) جاپانی وزیر دفاع اتسونوری اونودیرا نے انکشاف کیا ہے کہ شمالی کوریا 10اکتوبر کو اعلان کردہ دھماکہ کرنے جا رہا ہے جس کے بعد تیسری عالمی جنگ کا ٹلنا ناممکن ہو جائے گا۔ غیرملکی خبررساں ایجنسی کی ایک رپورٹ کے مطابق جاپانی وزیر دفاع اتسونوری اونودیرا نے کہا ہے کہ 10اکتوبر کو شمالی کوریا کی کمیونسٹ پارٹی کا یوم تاسیس بھی ہے چنانچہ کم جونگ ان اسی جشن کے موقع پر دھماکہ کرنے کا فیصلہ کر چکے ہیں۔