پشاور (خصوصی رپورٹ) چند ہزار روپوں کے عوض محنت کش بچیوں اور بچوں کو ایڈوانس تنخواہ کے نام پر گھروں میں ٹھیکے پر دینے کا انکشاف ہوا ہے۔ اس حوالے سے باقاعدہ معاہدہ طے پاتا ہے جس میں گھروں کی مالکان بچوں کے والدین یا دیگر رشتہ دار موجود ہوتے ہیں اور مدت ملازمت ،کام کی نوعیت اور دیگر شرائط طے کرکے بچوں کو مالکان کے حوالے کر دیا جاتا ہے۔ اس قسم کے معاہدے خفیہ کیے جاتے ہیں جس میں کوئی کاغذی کارروائی عام طور پر نہیں کی جاتی۔ تاہم پنجاب کے بڑے شہروں میں اس قسم کے معاہدوں کی شرح نسبتاً زیادہ ہے۔ تفصیلات کے مطابق ایڈوانس تنخواہ کے نام پر خریدوفروخت کے معاملے سے گزرنے والی بچیاں اور بچے دن رات وہی رہتے اور انہی سے کھاتے پیتے ہیں یہ محنت کش بچیاں چوبیس گھنٹے ڈیوٹی پر رہتی جس وقت جس طرح کی مشقت کا کام انہیں کہا جاتا ہے وہ کرنے پر مجبور ہوتی ہیں اس دوران ان کی صحت، جسمانی طاقت اور اوقات کار کو ملحوظ خاطر نہیں رکھا جاتا وہ خریدی اور بیچی گئیں، مشقت پیشہ بچیاں نہ تو سر اٹھایت ہیں اور نہ ہی شکایت کر سکتی ہیں اور جب ان کی مدت ملازمت ختم ہو جاتی ہے اور پیسے پورے ہو جاتے ہیں تو نئے معاہدے کرلیے جاتے ہیں ان بچیوں پر ان گھروں میں ہر طرح کا غیر انسانی اور غیر اخلاقی رویہ اختیار کیا جاتا ہے۔ بعض کو جسمانی ذہنی تشدد کے ساتھ ساتھ جنسی تشدد کا نشانہ بھی بنایا جاتا ہے، تاہم بے کسی اور مجبوری کی تصویر گھروں میں کام کرنے والی بچیاں محنت کشوں کے دنوں، انسانی حقوق، مزدوروں کے حقوق، خوایتن اور بچیوں کے حقوق سے نابلد غربت اور محنت کی چکی میں پسنے پر مجبور ہیں۔ خواتین کے حقوق کے حوالے سے کامکرنے والی خواتین نے کہا ہے کہ بچوں اور بچیوں کی مشقت کرنے پر سختی سے پابندی لگائی جائے اور نہ صرف ان کے والدین بلکہ ایسے مالکان کو بھی سزا دی جائے جو ان معصوموں کی غربت اور مجبوریوں کا سودا کرتے ہیں گھروں میں کام کرنے والی کمسن بچیوں پر تشدد کے بڑھتے ہوئے واقعات کی روک تھام کے لیے ضروری ہے کہ گھروں میں بچیوں اور ورکشاپوں، دکانوں میں بچوں کی محنت پر حقیقی معنوں میں پابندی لگائی جائے اور ایسے والدین کو بھی سزا دی جائے جو درجنوں کے حساب سے بچے پیدا کرکے پھر انہیں مختلف قسم کے تشدد کا نشانہ بننے کیلئے دوسروں کے حوالے کردیتے ہیں۔

لاہور (خصوصی رپورٹ) ڈان لیکس رپورٹ کی بنیاد پر ہونے والے اقدامات اور ان اقدامات پر آئی ایس پی آر کے ٹویٹ سے پیدا ہونے والی صورتحال کیا رُخ اختیار کرے گی، صلح صفائی ہوگی یا محاذ آرائی؟ اس حوالے سے 48 گھنٹے انتہائی اہم قرار دیئے جارہے ہیں۔ امکان ہے کہ اس کا کوئی درمیانی حل نکالا جائے گا تاکہ اس صورتحال کا خاتمہ ہوسکے جو ہفتہ کے روز پیدا ہوئی۔ اس حوالے سے یہ تاثر بنا ہے کہ جیسے حکومت اور بعض اداروں کے درمیان تناو¿ ہے۔ حکومتی ذرائع مصر ہیں کہ حکومت خود کو آئین و قانون کی پابند سمجھتی ہے اور اپنے آئینی دائرہ کار میں رہ کر کام کرتی ہے اور اقدامات کرتی ہے۔ لہٰذا حکومت سمجھتی ہے کہ تمام آئینی ادارے بھی خود کو آئین و قانون کے تابع رکھ کر کام کریں گے اور دائرہ کار سے باہر نہیں آئیں گے۔ لہٰذا اگر کہیں کسی کے کسی مسئلہ پر تحفظات ہیں تو حکومت تحفظات دور کرنے کی پابند ہے لیکن حکومتی اقدامات اور احکامات کو چیلنج کرنا درست نہیں۔ دوسری جانب ایسی اطلاعات بھی آرہی ہیں کہ ڈان لیکس کی تحقیقات اور اس حوالے سے رپورٹ پر سکیورٹی اداروں کے تحفظات ہیں اور اس حوالے سے انہوں نے اپنے طور پر تحقیقات شروع کررکھی ہیں کیونکہ وہ یہ سمجھتے ہیں کہ یہ خبر جس نے بنائی اور چھپوائی اس کا کھوج لگانا ضروری ہے تاکہ مستقبل میں ایسی کوئی صورتحال نہ ہو۔ مذکورہ صورتحال کی روشنی میں وزارت داخلہ کے اس نوٹیفکیشن کو اہمیت کا حامل قرار دیا جارہا ہے جس کا ذکر خود ہفتہ کو وزیرداخلہ چودھری نثار علی خان نے کراچی میں اپنی پریس کانفرنس میں کیا تھا اور کہا تھا کہ رپورٹ کی بناءپر نوٹیفکیشن وزارت داخلہ جاری کرے گی۔ لہٰذا اس نوٹیفکیشن کے ذریعہ واضح ہوگا کہ حکومت کہاں کھڑی ہے اور یہی نوٹیفکیشن صورتحال میں بہتری کا باعث بھی بن سکتا ہے جبکہ نوٹیفکیشن ایک اور نئی صورتحال کو بھی جنم دے سکتا ہے۔ وزیراعظم نوازشریف اسلام آباد پہنچ چکے ہیں اور امکان ہے کہ وہ آج مذکورہ صورتحال پر اپنے قانونی ماہرین سے بھی مشاورت کریں گے۔
نیوز گیٹ سکینڈل

لاہور (خصوصی رپورٹ) عوامی مسلم لیگ کے سربراہ اور معروف سیاستدان شیخ رشید عوامی سیاست دان کہلاتے ہیں لیکن وہ اتنے بھی عوامی نہیں جتنے وہ سمجھے جاتے ہیں۔ شیخ رشید ایک دن میں 1380، ایک ماہ میں 41,400 جبکہ سال میں 5لاکھ روپے سے زائد کے سگاروں کا دھواں ہوا میں اڑا دیتے ہیں۔ شیخ رشید سے جب اس ضمن میں بات کی گئی تو انوہں نے بتایا کہ 1985ءسے سگار پیتے آ رہے ہیں اور وہ 25 سگار کا پیکٹ 11,500 روپے میں خریدتے ہیں اور ایک دن میں تین سگار پیتے ہیں۔ اس طرح اگر حساب لگایا جائے تو 32 برس میں ایک کروڑ 61 لاکھ 18 ہزار 400 روپے کے سگار پی چکے ہیں۔ شیخ رشید کے ٹیکس گوشواروں کے مطابق انہوں نے 2015-16 میں 3لاکھ 12ہزار383 روپے کا ٹیکس جمع کرایا جبکہ اسی عرصے کے دوران انہوں نے پانچ لاکھ سے زائد ے سگار بھی پی لیے۔

سرگودھا (محمد کامران ملک سے ) چک 95 شمالی واقعہ کے بعد نام نہاد پیروں کے کالے کرتوتوں کے انکشافات کا سلسلہ جاری و ساری ہے۔ سرگودھا کی تحصیل پرانا بھلوال میں واقع دربار شاہ سلیمان نوری حضوری کے گدی نشین پیر کا اپنے بیٹوں، ملنگ اور نشئی خاوند کے ہمراہ خاتون کو اپنے حجرہ خاص میں بلوا کر کپڑے اتارنے کا حکم ، انکار پر ہمراہ مذکوران خاتون پر تشدد ، تھپڑوں ، ٹھڈوں کی بارش ، کپڑے پھاڑ دیئے ، پیر کے ایک بیٹے نے دانت سے بازو پر بھی کاٹا ، شور و وایلا کرنے پر بھاگ کر عزت بچائی۔ 10 ہزار ، موبائل اور سونے کی انگوٹھی بھی چھین لی۔ عورت ذات ہونے کی وجہ سے کوئی ساتھ چلنے کو تیار نہیں۔ بااثر ہونے کی وجہ سے اہل دیہہ نے چپ کا روزہ رکھ لیا۔ پولیس کارروائی کرنے سے انکاری”خبریں“فورم کے توسط سے وزیراعلیٰ پنجاب ، چیف جسٹس لاہور ہائی کورٹ اور چیف جسٹس آف پاکستان سے واقعہ کا نوٹس لیتے ہوئے فوری طور پر انصاف دلانے کا مطالبہ، بصورت دیگر میں اپنے 5 بچوں سمیت خود سوزی کرنے پر مجبور ہوجاﺅں گی۔ تفصیلات کے مطابق پرانا بھلوال دربار شاہ سلیمان نوری حضوری کے عقب میں رہائش پذیر روبینہ بی بی نے ظلم کی داستان سناتے ہوئے بتایا کہ میری تیرہ سال قبل غلام مصفطیٰ سے شادی ہوئی میرے بطن سے اس کے پانچ بچے پیدا ہوئے جن میں سے 4 بیٹے اور ایک بیٹی ہے۔ میرا خاوند نشے کا عادی ہے اور آرے پر کام کرتا تھا اور آرے والوں کا 50 ہزار کا مقروض تھا۔ گزشتہ روز صبح کے وقت بچوں کو سکول چھوڑ کر گھر آئی تو میرے خاوند نے مجھ سے کہا کہ چلو دربار پر پیر بلوا رہے ہیں کوئی خاص بات کرنی ہے میں نے گندم کی خریداری کیلئے 10 ہزار روپے جمع کر رکھے تھے میں نے سوچا کہ پیروں کی بات سن کر گندم خرید کر لے آﺅں گی میں اپنے خاوند کے ہمراہ دربار پر گئی تو میں دربار کے صحن میں رک گئی میرے خاوند نے مجھے مجبور کیا اور کہا کہ اندر حجرہ میں جانا ہے وہیں پربات ہوگی جب میں اندر حجرہ میں داخل ہوئی تو وہاں پر پیر ظہور الحسن قادری گیلانی اس کے بیٹے خرم ، عنیب اور اس کا خاص ملنگ بیٹھے تھے میرا شوہر بھی ان کے ساتھ جاکر بیٹھ گیا پیر ظہور الحسن نے مجھے پکاراکہ اب کیا پروگرام ہے میں نے کہا کیسا پروگرام پیر نے حکم جاری کیا کہ کپڑے اتار دو میں نے کہا کیوں اتار دوں اسی اثناءمیں‘ میں نے حجرہ سے نکل کر باہر کی طرف بھاگنے کی کوشش کی تو ان لوگوں نے مجھے صحن میں دبوچ لیا اور پیرنے حکم دیا کہ مین گیٹ بند کردو پیر کے دونوں بیٹوں نے مجھے تھپڑ ، ٹھڈے اور زبان سے بازو پر کاٹنا شروع کردیا جبکہ پیرنے مجھے گلے میں کپڑا ڈال کر دم گھوٹ کر مارنے کی کوشش کی میرا نشئی خاوند بھی ان کے ساتھ ملا ہوا تھا میرے شور و وایلا پر اپنی عزت کے خوف سے مجھے چھٹکارا ملا اور میں نے باہر نکل کر شور مچایا کہ میں اپنے ساتھ ہونے والی زیادتی کا مقدمہ درج کراﺅں گی جس پر انہوں نے مجھے سنگین نتائج کی دھمکیاں دیں، میرا خاوند مجھے گھسیٹتا ہوا گھر چھوڑ گیا اور مجھے زبردستی دھندہ کروانے کی دھمکیاں دیتا رہا میں نے تھانہ درخواست گزاری لیکن بااثر ہونے کی وجہ سے پولیس کارروائی کرنے سے انکاری ہے۔ میرے بچے پچھلے تقریباً 24 گھنٹے سے بھوکے پیاسے ہیں اور ان کا کوئی پرسان حال نہ ہے ۔اس سلسلہ میں جب پیر ظہور الحسن قادری گیلانی سے مو¿قف لینے کیلئے رابطہ کیا گیا تو انہوں نے کہا کہ ہم نے روبینہ بی بی کے خاوند کو فری رہائش کیلئے مکان دیا ہوا تھا اب چونکہ مردم شماری ہورہی ہے تو ہم نے انہیں مکان خالی کرنے کا کہا لیکن یہ عورت بدتمیزی پر اتر آئی اور ہم پر بہتان لگانے شروع کردیئے ہیں۔ آپ کے پاس آپ کے دفتر آتا ہوں اور ثبوت پیش کردوں گا کہ یہ عورت جھوٹی ہے لیکن پیر صاحب فوراً آنے کا کہہ کر کئی گھنٹے گزر جانے کے باوجود بھی نہ آئے اور موبائل فون بھی بند کردیا۔