لاہور (خصوصی رپورٹ) جماعت اسلامی پاکستان کی شوریٰ کے بعض اہم ارکان کے بارے میں معلوم ہوا ہے کہ بیشتر ارکان یہ سمجھتے ہیں کہ آئندہ عام انتخابات میں جماعت کو ملک بھر میں تحریک انصاف کے ساتھ اتحاد یا سیٹ ایڈجسٹمنٹ کرنی چاہئے جس کا دونوں جماعتوں کو لاہور‘ کراچی اور پشاور سمیت دیگر اہم شہروں میں سیاسی فائدہ ہو گا۔ تینوں صوبائی ہیڈکوارٹرز لاہور‘ کراچی اور پشاور میں تحریک انصاف کو اپنی کامیابی کیلئے ایک اچھا اتحادی ووٹ بینک درکار ہے جس سے وہ اپنی آئندہ کی پارلیمانی سیاست کو بڑھا سکتا ہے۔ جماعت اسلامی کے ارکان کا خیال ہے کہ تحریک انصاف کو درکار ووٹ بینک ہمارے پاس ہے۔ کراچی کے بعض حلقوں میں تحریک انصاف اچھی پوزیشن کی حامل ہے اس لئے اگر دونوں جماعتوں کا اتحاد یا سیٹ ایڈجسٹمنٹ ہو جاتی ہے تو ایم کیو ایم کو آﺅٹ کر کے کراچی میں تبدیلی لائی جا سکتی ہے۔ اسی طرح لاہور کے ہر حلقے میں جماعت اسلامی کا اچھا ووٹ بینک ہے۔ تحریک انصاف سے اتحاد کی صورت میں حکمران جماعت کیلئے سیاسی مشکلات پیدا کی جا سکتی ہیں جبکہ پشاور میں بھی یہی صورتحال ہے۔ ذرائع نے بتایا ہے کہ پاکستان تحریک انصاف اور جماعت اسلامی پاکستان کی قیادت پاکستانی سیاست میں کرپشن سمیت قومی اداروں کی تباہی کے حوالے سے کافی ہم خیال اور ایک دوسرے کے قریب ہیں اس لئے یہ الائنس ممکن ہو سکتا ہے۔ ذرائع نے بتایا کہ پانامہ کیس کے حوالے سے عمران خان اور سراج الحق دونوں ایک ہی وکٹ پر کھیل رہے ہیں اس لئے عوامی سطح پر اس الائنس یا سیٹ ایڈجسٹمنٹ کو دل سے قبول کریں گے۔ جب اس حوالے سے جماعت اسلامی کے اہم ذمہ دار سے بات کی گئی تو انہوں نے کہا کہ یہ ایشو ابھی قبل از وقت ہے‘ ابھی الیکشن میں بہت وقت ہے‘ سیاسی جماعتوں کے ساتھ مختلف امور اور اتحاد یا الائنس بارے بات چیت سارا سال چلتی رہتی ہے تاہم حتمی فیصلہ الیکشن کے قریب شوریٰ کے متفقہ فیصلے سے ہو گا لیکن فی الحال کسی جماعت کے ساتھ اتحاد یا سیٹ ایڈجسٹمنٹ کا فیصلہ نہیں کیا گیا‘ تاہم شوریٰ کے ممبران اس ضمن میں آزاد ہیں کہ وہ سیاسی معاملات پر کیا سوچتے ہیں اور کیا تجاویز دیتے ہیں‘ فی الحال کوئی تجویز نہیں آئی۔

لاہور، پشاور،درگئی، جہلم، سوات، قصور، نارووال، سیالکوٹ (نمائندگان خبریں) ظالمانہ لوڈ شیڈنگ کے aخلاف ورتیر کے عوام کا احتجاج،مظاہرین پر فائرنگ سے آئی ایس ایف کے سابق صدرجاوید خان طوفان جان بحق ہوگئے ، درگئی واپڈا سب ڈویژن ٹو کے دفاتر کو نذر آتش کردیا گیا،گیٹ توڑ کر مظاہرین واپڈا دفاتر میں داخل ہوگئے،کمپیوٹر اور دیگر آلات کی توڑ پھوڑ ،لیویز کی شیلنگ سے 17 افراد زخمی،مظاہرین کے پتھراﺅ سے اسسٹنٹ کمشنر درگئی سردار بہادر زخمی، مظاہرین نے درگئی چوک میں توڑ پھوڑ کرکے مین مالاکنڈ روڈ بلاک کردیا، مظاہرین نے دکانوں، سرکاری املاک ، چوک میں نصب کیمروں اور سائن بورڈ پرپتھراﺅ کیا ، کئی گاڑیوں کے شیشے توڑ ڈالے، پی ٹی آئی کے این ایم اے مالاکنڈ جنید اکبر خان درگئی عین موقع پر پہنچ کر مظاہرین کے ساتھ شامل ہوگئے اور بعد ازاں تحصیل ہیڈ کوارٹر ہسپتال درگئی زخمیوں کی عےادت کے لئے روانہ ہو ئے ۔ تفصیلات کے مطابق تحصیل درگئی کے یونین کونسل ورتیر کے ہزاروں مظاہرین نے ظالمانہ لوڈ شیڈنگ کے خلاف زبردست ڈنڈا بردار احتجاجی جلوس نکالتے ہوئے پیسکو درگئی سب ڈویژن کے دفاتر پر دھاو بول دیا اور واپڈا سب ڈویژن ٹو کے دفاتر کو نظر آتش کرکے واپڈا کے کمپیوٹرز اور دیگر آلات تورڈالے۔ ادھر حالات بے قابو ہونے کی صورت میں مالاکنڈ لیویز کی مبینہ فائرنگ سے انصاف سٹوڈنٹس فیڈریشن درگئی کالج کے سابقہ صدر جاوید خان طوفان ولد باور خان ساکن ورتیر فائرنگ کی زد میں آکر جاں بحق ہوگئے ہیں اور فائرنگ اور پتھراﺅ سے 14مظاہرین زخمی ہوگئے جن میں دو لیویز سپاہیوں سمیت اسسٹنٹ کمشنر درگئی سردار بہادر بھی شدید زخمی ہوگئے ۔ پیسکو دفاتر کو نظر آتش کرنے اور فائرنگ واقعہ کے بعد مظاہرین مین درگئی چوک میں جمع ہوگئے۔ جہاں مین مالاکنڈ روڈ کو ہر قسم کے ٹریفک کے لئے بند کرتے ہوئے مظاہرین نے سرکاری املاک ، ٹیلیفون کیبلز ، سیاسی پارٹیوں کے سائن بورڈز ، مین چوک درگئی میں نصب کیمرے پر شدید پتھراﺅ کیاگیا جس سے ان سرکاری املاک کو شدید نقصان پہنچا۔ پی ٹی آئی کے این ایم اے مالاکنڈ جنید اکبر خان نے درگئی عین موقع پر پہنچ کر مظاہرین کے ساتھ شامل ہوگئے اور بعد ازاں تحصیل ہیڈ کوارٹر ہسپتال درگئی زخمیوں کی عےادت کے لئے روانہ ہوگئے۔مشتعل مظاہرین نے درگئی بزار میں دکانداروں اور گاڑیوں پر بھی شدید پتھراﺅ کیا جس سے کئی دکانوں اور گاڑیوں کے شیشے بھی ٹوٹ گئے ۔ مظاہرین پر فائرنگ کے دوران شدید زخمی جاوید خان کے جاںبحق ہونے کے بعد تحصیل ہیڈ کوارٹر ہسپتا ل درگئی سے جاوید خان طوفان کی نعش درگئی چوک اور بعد ازاں درگئی لیویز تھانہ درگئی لایا گیا جہاں نعش رکھ کر مظاہرین نے زبردست نعرہ بازی کی اور مشتعل مظاہرین نے اس دوران درگئی لیویز تھانہ کی عمارت کو بھی آگ لگادی بعد ازاں حالات کی کشیدگی پر فوج کو طلب کرلیا گیا ۔تحصیل ہیڈ کوارٹر ہسپتال درگئی میںپہنچائے گئے زخمیوں میں دو لیویز جوان سمیت اسسٹنٹ کمشنر درگئی سردار بہادر گاﺅں ورتیر قدم خیلہ ، دوبندئی سے تعلق رکھنے والے شہاب خان ولد سید رحمان ، نیاز علی ولد سید آمین، ابراہیم ولد سید احمد شاہ ، سید آمین ولد گلیم شاہ ، محمد شاہ ولد احمد گل و دیگر کل 14زخمی شامل ہیں۔ زخمیوں کو تحصیل ہیڈ کوارٹر ہسپتال درگئی میں فوری طبی امداد فراہم کی گئی جبکہ اسسٹنٹ کمشنر درگئی سردار بہادر سمیت کئی دیگر زخمیوں کو فوری طبی امداد کے بعد مردان ریفر کردئے گئے ۔ درگئی لیویز تھانہ کو نظر آتش کرنے کے بعد حالات کشیدہ ہیں اور پر تشدد ہنگامہ کے واقعہ کی ایف آئی آر تاحال درج نہیں کرائی جاسکی ۔ خیبر پختونخوا میں بجلی کی طویل اور غیر اعلانیہ لوڈ شیڈنگ کے خلاف احتجاج کا سلسلہ پیر کو بھی جار رہا ¾ مالاکنڈ میں مشتعل افراد نے واپڈا ہاو¿س کو ہی آگ لگا دی ¾ حالا ت پر قابو پانے کےلئے مقامی انتظامیہ کی جانب سے مظاہرین کو منتشر کر نے کی کوشش کی گئی تاہم فائرنگ سے ایک شخص جاں بحق اور گیارہ زخمی ہوگئے ۔تفصیلات کے مطابق خیبر پختونخوا میں بجلی کی طویل اور غیر اعلانیہ لوڈ شیڈنگ سے تنگ عوام سراپا احتجاج بن گئے ¾ مالاکنڈ کے علاقے درگئی میں لوگوں نے احتجاج کرتے ہوئے واپڈا ہاو¿س کا گھیراو¿ کرلیا ¾لوگوں نے دفتر میں گھس کر ریکارڈ اور دیگر سامان کو آگ لگانے کے بعد عمارت کو نذر آتش کردیا۔ صورت حال قابو سے باہر ہونے پر مقامی انتظامیہ اورپولیس کی جانب سے مظاہرین کو منتشر کرنے کی کو شش کی گئی تاہم فائرنگ سے ایک شخص جاں بحق اور گیارہ زخمی ہوگئے۔چارسدہ کے علاقے عمرزئی میں غیر اعلانیہ لوڈ شیڈنگ کے خلاف مظاہرے کے دوران تنگی روڈ کو ٹریفک کےلئے بند کردیا گیا احتجاج کرنے والوں نے کہا کہ لوڈ شیڈنگ کا مسئلہ حل نہ ہوا تو وہ واپڈا آفس کا گھیراو¿ کریں گے۔پشاور میں تحریک انصاف کے رکن صوبائی اسمبلی فضل الہی کی قیادت میں رنگ روڈ پر بڑی تعداد میں مظاہرین نے پتھر، اینٹیں اور دیگر رکاوٹیں لگا کر سڑک ٹریفک کےلئے بند کردی تاہم پیسکو کی یقین دہانی کے بعد لوگ منتشر ہوگئے۔پی ٹی آئی کے رکن اسمبلی فضل الٰہی نے کہا کہ اگربجلی کی لوڈشیڈنگ ہوئی توہم دوبارہ سڑکوں پرآئیں گے اور صوبے کے ایم پی ایز کو اکٹھا کرکے احتجاجی مظاہرے کیے جائیں گے۔مظاہرین نے پتھر، اینٹوں اور دیگر رکاوٹیں لگا کر سڑک کو ٹریفک کے لیے بند کردیا تھا جو بعد ازاں کھول دیا گیا۔دوسری جانب پیسکو کے ترجمان کا کہنا ہے کہ جن علاقوں کے لوگ احتجاج کر رہے ہیں وہاں 88 فیصد خسارے کا سامنا ہے اور وہاں 18 گھنٹے لوڈ شیڈنگ ہو رہی تھی۔ انہوں نے کہا کہ جلاو¿ گھیراو¿ کے بجائے معاملات مذاکرات سے بھی حل ہو سکتے ہیں۔ بجلی لوڈشیڈنگ کے خلاف احتجاج کے دوران فائرنگ سے زخمی ہونے والا نوجوان دم توڑ گیا،ورثا اور علاقہ مکینوں نے لاش لیویز تھانہ کے سامنے رکھ کر احتجاج کیا،مشتعل مظاہرین نے لیویز تھانے اور گاڑیوں کو آگ لگا دی‘ جاں بحق نوجوان انصاف سٹوڈنٹس فیڈریشن کا جنرل سیکرٹری تھا۔ ملک میں جاری حالیہ گرمی کی شدید لہر نے تربت میں گرمی کا آٹھ سالہ ریکارڈ توڑ دیا۔محکمہ موسمیات کے مطابق ملک کے میدانی علاقوں میں گرمی کی موجودہ لہر مزید دو سے تین روز تک برقرار رہے گی جبکہ گوجرانوالہ، لاہور ڈویڑن اور کشمیر میں بعض مقامات پر تیز ہواو¿ں اور گرج چمک کے ساتھ بارش کا امکان ہے۔ملک میں گذشتہ کچھ روز سے جاری گرمی کی شدید لہر نے شہریوں کو مشکلات سے دوچار کردیا ہے جبکہ ساتھ ہی محکمہ موسمیات نے ملک کے بیشتر علاقوں میں آئندہ چند روز تک موسم خشک اور گرم رہنے کا امکان ظاہر کردیا۔محکمہ موسمیات کے مطابق ملک کے بیشتر علاقوں میں گرمی کی موجودہ لہر 3 روز تک جاری رہے گی اور اس دوران صوبہ سندھ، پنجاب اور بلوچستان کے مختلف شہروں میں درجہ حرارت 44 سے لے کر 54 ڈگری سینٹی گریڈ تک جانے کا امکان ہے۔اس کے علاوہ آئندہ چوبیس گھنٹوں کے دوران لاہور، فیصل آباد، سرگودھا، گوجرانوالہ، ساہیوال، ملتان، ڈی جی خان اور بہاولپور میں شدید گرمی پڑنے کا امکان ظاہر کیا گیا ہے۔آئندہ دو سے تین روز کے دوران پشاور، بنوں، سکھر، لاڑکانہ، شہید بے نظیر آباد، حیدرآباد، میرپور خاص، مکران، سبی اور نصیر آباد میں شدید گرمی پڑے گی۔محکمہ موسمیات کے مطابق گوجرانوالہ، لاہور ڈویڑن اور کشمیر میں بعض مقامات پر تیز ہواو¿ں اور گرج چمک کیساتھ بارش کا امکان ہے۔گذشتہ روز تربت میں ریکارڈ درجہ حرارت 53.5 ڈگری سینٹی گریڈ تھا، اس سے قبل تربت میں 30 مئی 2009 کو سب سے زیادہ 52 ڈگری سینٹی گریڈ ریکارڈ کیا گیا تھا۔محکمہ موسمیات کی جانب سے شدید گرمی کی پیش گوئی کے بعد کراچی میں شہریوں کو ہیٹ اسٹروک سے بچانے کیلئے امدادی کیمپ لگا دیئے گئے ہیں۔محکمہ موسمیات کے مطابق کراچی میں کم سے کم زیادہ سے زیادہ 39 سینٹی گریڈ رہنے کا امکان ہے۔اس کے علاوہ لاہور 41 ڈگری، پشاور 44 ڈگری اور کوئٹہ 37 ڈگری رہنے کا امکان ہے۔ ماہ رمضان المبارک میں روزہ داروں کے لےے غیر اعلانیہ اور بد ترین لوڈشیڈنگ عذاب بن گئی ہے حکومتی دعوے ٹھس ہو کر رہ گئے ہیں ہارون آباد میں لوڈشیڈنگ کا عذاب مسلط کر دیا گیا ہے دن کے اوقات میں کئی کئی گھنٹے غیر اعلانیہ لوڈشیڈنگ ہو رہی ہے روزہ دار حیران وپریشان ہیں کہ روزہ دن کے شدید ترین وقت پر محیط ہوتا ہے مگر ہارون آباد میں دن کے اوقات میں آٹھ سے بارہ گھنٹے کی لوڈشیڈنگ ہو تی ہے روزہ دار شدید گرمی میں بد ترین لوڈشیڈنگ کے باعث تڑپتے رہے۔ پنجاب کے دوسرے حصوں کی طرح قصور میں بھی لوڈشیڈنگ کا سلسلہ حسب معمول ہوتا رہا، مرید کے قیامت خیز گرمی میں ہر ایک گھنٹہ بعد ایک گھنٹہ بجلی کی بندش کئی علاقوں سے افطار، سحری اور تراویح کے اوقات میں ٹرپنگ کے نام پر بجلی کی بندش شہریوں کااحتجاج۔ جہلم، جہلم میں رمضان میں لوڈشیڈنگ نہ کرنے کے حکومتی دعوے دھرے کے دھرے رہے گئے، پہلی سحری اور افطاری سمیت دن بھر لوڈشیڈنگ نے عوام کا جینا محال کردیا ،رمضان المبارک کے مقدس ماہ میں بھی حکومت غیر اعلانیہ لوڈشیدنگ پر قابو پانے میں ناکام ہو گئی شہری علاقوں میںچار گھنٹے اور دیہاتی علاقوں میں چھ تاآٹھ گھنٹے شیڈول کی بجائے چھ اوردس گھنٹے لوڈ شیڈنگ ہو رہی ہے ،بچے،بوڑھے اور مریضوں کو مشکلات کا سامنا عوام پانی کو بھی ترسنے لگے، اٹھارہ ہزاری، اٹھارہ ہزاری تحصیل بھر میں جاری اعلانیہ اورغیر اعلانیہ لوڈشیڈنگ روزے داروں کیلئے عذاب بن گئی، بچے، عورتیں، بزرگ سب بلبلا اٹھے، وفاقی وزیر پانی و بجلی عابد شیر علی سے نوٹس لینے کا مطالبہ،کوٹ رادھا،کوٹ رادھا کشن اورگردو نواح میں ماہ رمضان میں بھی لوڈشیڈنگ بے قابو12 گھنٹے سے زائد کی لوڈشیڈنگ نے روزے داروں کا بھرکس نکال دیا، حکومت کو بددعائیں،سیالکوٹ کے بیشتر علاقوں میں بجلی کی بدترین لوڈشیڈنگ، شہری کربناک لوڈشیڈنگ میں بلبلا اٹھے، گھنٹوں بجلی بند، تفصیلات کے مطابق سیالکوٹ میں بجلی کی بد ترین لوڈشیڈنگ کا سلسلہ جاری۔ بصیر پور میں ماہ صیام شروع ہوتے ہی حکومتی دعوو¿ں کے برعکس بجلی کی لوڈشیڈنگ میں اضافہ۔

اسلام آباد، لاہور، پشاور (نمائندگان خبریں) پاکستان تحریک انصاف کے رہنما فواد چوہدری نے کہا ہے کہ (ن) لیگ جمہوری پارٹی نہیں بچہ جمہوری پارٹی ہے‘ (ن) لیگ جمہوری پارٹی ہوتی تو نیا وزیراعظم منتخب کرچکی ہوتی‘ نواز شریف کی آدھی کابینہ پرویز مشرف کے ساتھ تھی‘ ِ حسین نواز سولہ سال میں کیسے ارب پتی بنے‘ وہ پاکستانی یونیورسٹیوں میں لیکچر دیں‘ امید ہے سپریم کورٹ کے فیصلے پر مکمل عمل درآمد ہوگا۔ پیر کو میڈیا سے گفتگو کرتے ہوئے فواد چوہدری نے کہا کہ الیکشن کمیشن میں جواب جمع کرادیا ہے۔ نواز شریف کی آدھی کابینہ پرویز مشرف کے ساتھ تھی۔ حسین نواز سولہ سال میں کیسے ارب پتی بنے وہ پاکستانی یونیورسٹیوں میں لیکچر دیں۔ فواد چوہدری نے کہا کہ مسلم لیگ (ن) کے وکیل پرویز مشرف کے دور میں اٹارنی جنرل تھے۔ جے آئی ٹی پر اعتراض اس لئے لگائے جارہے ہیں وہ ساٹھ دن میں کام مکمل نہ کرسکے۔ امید ہے سپریم کورٹ کے فیصلے پر مکمل عمل درآمد ہوگا۔ انہوں نے کہا کہ (ن) لیگ جمہوری پارٹی ہوتی تو نیا وزیراعظم منتخب کرچکے ہوتے (ن) لیگ جمہوری پارٹی نہیں بچہ جمہوری پارٹی ہے۔ تحریک انصاف کے رہنماﺅں نے کہا ہے کہ جے آئی ٹی کی تحقیقات 60روز سے آگے ایک روز بھی نہیں جائیں گی، عید کے چاند کے ساتھ لوگوں کو وزیراعظم نوازشریف کی نااہلی کی خوشخبری بھی ملے گی۔ تحریک انصاف کے سینئر مرکزی رہنما اعجاز احمد چودھری نے کہا ہے کہ منی لانڈرنگ میں عمران خان نہیں بلکہ نواز شریف ملوث ہیں، شریف خاندان نے پاکستانی قوم کے اربوں روپے لوٹ کر باہر منتقل کیے جس سے جائیدادیں بنائی گئیں جبکہ مہنگائی کا سارا بوجھ غریب عوام پر ڈالا جا رہا ہے، پورا کا پورا شریف خاندان مال بنانے میں مصروف ہے۔ تحریک انصاف سنٹرل پنجاب کے صدر عبدالعلیم خان نے کہا ہے کہ رمضان المبارک میں بھی لوڈشیڈنگ نہ کرنے کے حکومتی دعوے دھرے کے دھرے رہ گئے اور شہروں و دیہی علاقوں میں غیراعلانیہ بجلی غائب ہونے سے روزہ داروں کا جینا دوبھر ہو گیا ہے۔ تحریک انصاف کے رہنما نعیم الحق نے میڈیا سے گفتگو میں الزام عائد کیا ہے کہ جے آئی ٹی کی راہ میں رکاوٹ ڈالی جا رہی ہے۔ نواز شریف کی پوری کوشش ہو گی کہ جے آئی ٹی کی تحقیقات کو طول دیں۔ ان کا کہنا تھا کہ حکمرانوں کے گرد گھیرا تنگ ہوتا جا رہا ہے۔ نواز شریف کے اقتدار کی کشتی ڈوب رہی ہے۔ عید کے قریب سب کو وزیراعظم کی نااہل ہونے کی خوشخبری ملے گی۔ سابق گور نرپنجاب چوہدری محمدسرور نے کہا ہے کہ کر پشن اور دہشت گردی مےں صرف نام کا فرق ہے ‘دونوں ملک کےلئے ناسور ہےں‘ملک مےں شفاف احتساب سے جمہو رےت اور پار لےمنٹ مضبوط ہوگی پوری قوم ملک مےں شفاف احتساب کے معاملے پر متحد ہے ‘حکمرانوں کو اپنی تر جےحات ملک اور قوم کے مفادات کو سامنے رکھ کر بنانا ہونگےں تاکہ ملک کو بحرانوں سے نکالا جا سکے ‘تحر ےک انصاف اصولوں کے مطابق سےاست کر رہی ہے جس پر کسی قسم کا سمجھوتہ نہےں کےا جا ئےگا۔