اسلام آباد (آن لائن) وزیر اعظم میاں محمد نواز شریف نے ڈان لیکس تحقیقاتی رپورٹ کی سفارشات کی منظوری دے دی ۔ طارق فاطمی کو عہدے سے ہٹانے اور دیگر دو ذمہ داروں کے خلاف ضابطہ کار کے تحت کارروائی کا حکم دیا گیا جبکہ پرویز رشید کو کلین چٹ دی گئی ۔ ذرائع کے مطابق وزیر اعظم نواز شریف نے ہفتے کو ڈان لیکس سے متعلق تحقیقاتی کمیٹی کی رپورٹ میں کی گئی سفارشات کی باقاعدہ منظوری دے دی ہے،یہ احکامات وزیر اعظم ہاﺅس سے سیکرٹری فواد حسن فواد کے دستخط سے جاری ہوئے جس کے مطابق طارق فاطمی کو وزیر اعظم کے معاون خصوصی کے عہدے سے ہٹایا گیا اور پرنسپل انفارمیشن آفیسر کے خلاف محکمانہ کارروائی کےلئے ان کا معاملہ اسٹیبلشمنٹ ڈویژن کے سپرد کیا گیا ہے ۔ راﺅ تحسین کے خلاف 1973رولز کے تحت کارروائی کی جائے گی، اخبار کے ایڈیٹر ظفر عباس اور رپورٹر سر ل المیڈ کا معاملہ اے پی این ایس کے حوالے کیا گیا۔

لاہور، اسلام آباد (مانیٹرنگ ڈیسک، ایجنسیاں) ڈان لیکس کی رپورٹ کے معاملے پر چیئرمین تحریک انصاف عمران خان نے ٹویٹر پر جاری کردہ اپنے ردعمل میں مطالبہ کیا ہے کہ حکومت انکوائری رپورٹ فوری طور پر عوام کے سامنے لائے۔اس سے قبل سماجی رابطے کی ویب سائٹ پر جاری کردہ اپنے ایک ویڈیو پیغام میں عمران خان نے کل مزار قائد سے عوامی آگاہی واک کا اعلان کر دیا۔ ان کا کہنا تھا کہ عوام کے باہر نکلنے تک مسائل حل نہیں ہونگے۔ انہوں نے کہا کہ میں چاہتا ہوں کہ کراچی کے تمام لوگ ہمارے حقوقِ کراچی مارچ میں شرکت کریں۔ تحریک انصاف کے وائس چیئرمین شاہ محمود قریشی نے کہا ہے کہ ڈان لیکس کے معاملے پر حکومت اور فوج کے درمیان اختلافات کھل کر سامنے آگئے ،قومی ادارے نے حکومتی رپورٹ کو مسترد کردیا، حکومت ڈان لیکس سے متعلق شواہد قوم سے چھپا رہی ہے، اصل حقائق سامنے لائے جائیں۔ ملتان ائیر پورٹ پر میڈیا سے گفتگو کرتے ہوئے شاہ محمودقریشی کہا کہ پی ٹی آئی ڈان لیکس کی رپورٹ کو یکسر مسترد کرتی ہے اور اب تو پاک فوج نے بھی رپورٹ کو مسترد کردیا ہے لہذا حکومت اداروں کی جانب سے بھیجی گئی رپورٹ قوم کے سامنے پیش کرے، پاک فوج ملکی نیشنل سیکیورٹی کی معاون ہے اس لیے قومی ادارے نے بے معنی رپورٹ کو مستردکیا ۔اس معاملے پر حکومت اور فوج کے درمیان اختلافات سامنے آگئے ہیں ، ڈان لیکس کو ئی عام معاملہ نہیں حکومت چند لوگوں کو بچانے کی کوشش کر رہی ہے جبکہ اصل لوگوں کو بے نقاب ہو نا چاہیئے۔ تحریک انصاف سنٹرل پنجاب کے صدر عبدالعلیم خان نے کہا ہے کہ ڈان لیکس کے نام نہا دفیصلے نے”مسکین”مارے گئے اور اصل مجرم پھر بچ نکلے ،4ماہ کی تاخیر کے باوجود انصاف کی دھجیاں اڑائی گئیں درحقیقت ڈان لیکس کا سرکاری فیصلہ آنکھوںمیں دھول جھونکنے کے مترادف ہے۔ تحرےک انصاف کے سےنئر مرکزی رہنما اعجازاحمد چوہدری نے کہا ہے کہ پی ٹی آئی ڈان لےکس تحقیقاتی رپورٹ کے نوٹیفکےشن کو فوج کی طرف سے مسترد کر نے کی بھر پور حماےت کر تی ہے ، چند لوگوںکو قربانی کابکرا بنا کر اصلی ذمہ داروں کو بچاےا گےا ہے۔ پاکستان تحریک انصاف کے ترجمان نعیم الحق نے ڈان لیکس کی رپورٹ کو مسترد کرتے ہوئے مطالبہ کیا ہے کہ ڈان لیکس کی مکمل رپورٹ قوم کے سامنے لائی جائے تاکہ اس سکیورٹی لیپس کے پیچھے موجود عناصر کا تعین کیا جاسکے ، تحریک انصاف ڈان لیکس کی رپورٹ کے پیرا18کو نہیں مانتے۔ ان خیالات کااظہار انہوں نے ڈان لیکس کی رپورٹ ٹی وی چینلز پر نشر ہونے کے بعد نجی ٹی وی سے گفتگو کرتے ہوئے کیا ۔ انہوں نے کہا کہ حکومت ماڈل ٹاﺅن کی طرح ڈان لیکس کی رپورٹ کو بھی چھپانا چاہتی ہے لیکن پی ٹی آئی کا مطالبہ ہے کہ ڈان لیکس کی رپورٹ کو پوری دنیا کے سام نے لایا جائے تاکہ ذمہ داروں کا تعین ہو سکے کہ نوازشریف سمیت کن کن لوگوں نے ڈان لیکس کی رپورٹ میں بیان دیا ہے اور کس کا کیا کردار ہے ۔انہوں نے کہاکہ وزیراعظم ہاﺅس میں اتنا معاملہ لیک ہو نے کے پیچھے آخر کون سی وجوہات ہیں ، عوام ڈان لیکس کی رپورٹ کے پیرا اٹھارہ کو نہیں مانتی بلکہ پوری رپورٹ کو قوم کے سامنے لانا چاہیے ۔

اوکاڑہ ( بیورورپورٹ)وزیر اعظم پاکستان میاں محمد نواز شریف نے کہا ہے کہ یہ استعفیٰ کا مطالبہ کرنے والے کون ہوتے ہیں ان کے مطالبے پر استعفیٰ نہیں دیں گے انہیں کہتا ہوں جاﺅ جا کر کرکٹ کھیلو نہ تم ملک چلا سکتے ہو اور نہ ہی سیاست کرنا بھی تمہارے بس کی بات نہیں ہے ہم نے کرکٹ بھی کھیلی ہے اور ملک بھی چلا رہے ہیں ہم سڑکیں بنانتے رہیں گے تم ناپتے رہنا اوکاڑہ کا جلسہ
دیکھو اپنی یہ چھوٹی چھوٹی جلسیاں بند کرو پاکستان کی خدمت بھی کر رہے ہیں اور ملک سے دہشت گردی کا خاتمہ بھی کر رہے ہیں 2018بجلی لوڈ شیڈنگ کے خاتمہ کا سال ہو گا اپنے وعدے کی پاسداری کرتے ہوئے بجلی پوری کریں گے اور پھر کبھی بجلی بند نہیں ہو گی ان خیالات کا اظہار انہوں نے اوکاڑہ فٹ بال اسٹیڈیم میں ایک بڑے عوامی جلسہ عام سے خطاب کرتے ہوئے کیا جلسہ سے رکن قومی اسمبلی چوہدری ریاض الحق جج ،ندیم عباس ربیرہ نے بھی خطاب کیا ریاض الحق جج نے میاں نواز شریف کے خطاب سے قبل سپاسنامہ پیش کیا جس میں انہوں نے ا وکاڑہ کو انڈسٹریل اسٹیٹ بنانے اوکاڑہ کو موٹر وے سے لنک کرنے اور دیگر ترقیاتی کاموں کے حوالے سے گزارشات کیں میاں نواز شریف نے کہا کہ اوکاڑہ پنجاب کا ہارٹ لائن ہے جو جوش و خروش2013کے جلسہ میں تھا آج اس میں کمی نہیں ہوئی بلکہ پہلے سے بھی زیادہ جوش و خروش نظر آ رہا ہے انہوں نے کہا کہ اوکاڑہ کی عوام سے میں پیار کرتا ہوں اور عوام مجھ سے پیار کرتی ہے انہوں نے کہا کہ 2013کے جلسے میں کیے جانے والے وعدوں کی پاسداری کے لیے خود اوکاڑہ آیا ہوں میاں نواز شریف اوکاڑہ جلسہ گاہ میں عوام کو دیکھ کر بے حد خوش ہوئے اور مخالفین کو مخاطب کرتے ہوئے کہا کہ اپنی چھوٹی جلسیاں بند کرو اگر جلسہ دیکھنا ہے تو اوکاڑہ کا جلسہ دیکھو میاں نواز شریف نے اوکاڑہ کو انڈسٹریل اسٹیٹ بنانے کا وعدہ کیا انہوں نے اوکاڑہ کو موٹروے سے منسلک کرنے کا بھی اعلان کیا میاں نواز شریف نے ڈسٹرکٹ ہیڈ کوارٹر ہسپتال کی اپ گریڈیشن کا اعلان کرتے ہوئے اسے دو سو بیڈز سے بڑھا کر پانچ سو بیڈز کا ہسپتال بنانے کا اعلان کیا اوکاڑہ شہر کو سوئی گیس کی فراہمی کے لیے47کروڑ روپے فراہم کرنے اور چوک دیپالپور کے فلائی اوور کے لیے74کروڑ روپے دینے کا اعلان کیا میاں نواز شریف نے ا وکاڑہ کی سڑکوں کے لیے بیس کروڑ کی فراہمی کا علان بھی کیا میاں نواز شریف نے اپنے خطاب میں ایک مرتبہ پھر2018میں لوڈ شیڈنگ کے مستقل خاتمے کا علان کیا اور عوام سے کہا کہ ان لوگوں سے ضرور پوچھیں جنہوں نے قوم کو اندھیروں میں ڈبویا ہے اور آج احتجاج کی کال دے رہے ہیں میاں نواز شریف نے کہا کہ ہم نے ملک سے دہشت گردی کے خاتمہ کا تہیہ کر رکھا ہے انہوں نے کہا کہ کراچی کے امن کو بحال کر نے کا سہرا بھی موجودہ حکومت کے سر ہے انہوں نے کہا کہ بجلی لوڈ شیڈنگ ختم کرنے کے ساتھ ساتھ اس کو سستی بھی کریں گے انہوں نے کہا کہ کسانوں کو کھاد اور بیج بھی سستے فراہم کرنے کے لیے حکومت اپنے وعدے کو پورا کر رہی ہے قبل ازیں میاں نواز شریف نے اوکاڑہ کے نواحی قصبہ شیر گڑھ میں گندم کی کٹائی کا افتتاح کیا اس موقع پر انہوں نے ایم این اے عاشق کرمانی کے حلقہ میں بریگیڈئر جاوید کرمانی سے مخاطب ہوتے ہوئے کہا کہ ہم اپنے دوستوں کو کبھی نہیں بھولتے انہوں نے شیر گڑھ کے سو گاﺅں کو بجلی کی فراہمی کے لیے پچاس کروڑ روپے اور یونین کونسلوں کے ترقیاتی کاموں کے لیے پچاس کروڑ گرانٹ کا اعلان کیا انہوں نے وعدہ کیا کہ اوکاڑہ کی تحصیل رینالہ کے ریلوے اسٹیشن کی اپ گریڈیشن اور ماڈل اسٹیشن بنانے کے لیے خواجہ سعد رفیق کو کہوں گا انہوں نے کہا کہ ٹرینوں کی آمدو رفت بہتر بنانے اورا سپیڈ بڑھانے کے لیے ریلوے پر سات سو ارب خرچ کیے جا رہے ہیں اس موقع پر میاں نواز شریف کو ایم این اے عاشق کرمانی ا ور بر یگیڈئیر جاوید حسن کرمانی نے ایک گھوڑا تحفہ میں دیا۔