ممبئی(ویب ڈیسک) بالی ووڈ کے دبنگ اداکار سلمان خان کے کیس کے جمعرات کو آنے والے فیصلے سے قبل ان کی سابق محبوبہ کترینہ کیف نے ان کیلئے مندر میں جاکر دعا کی تاہم سلمان خان کو پھر بھی سزا ہوگئی اور انہیں 2 راتیں جیل میں ہی گزارنا پڑیں۔سلمان خان اور کترینہ کیف کی دوستی سے ہر کوئی واقف ہے ، دونوں کا کئی سال تک چلنے والا معاشقہ بھی زبان زد عام رہا ہے تاہم علیحدگی کے باوجود دونوں نہ صرف اچھے دوست ہیں بلکہ ایک دوسرے کا بھرپور ساتھ دیتے اور ہر مشکل وقت میں مدد کرتے ہیں ۔ یہی وجہ ہے کہ جمعرات کو سلمان خان کے کالا ہرن شکار کیس کا فیصلہ آنا تھا تاہم کترینہ کیف نے ایک روز پہلے (بدھ کو) سلمان خان کی چھوٹی بہن ارپتا خان کے ساتھ سدھی ونایک مندر جا کر ان کیلئے دعا کی ۔اس موقع پر سلمان خان کا بھانجا آہل بھی ان کے ہمراہ تھا ۔ جب سلمان خان جیل سے رہا ہو کر آئے تو کترینہ کیف سب سے پہلے ان کے گھر پہنچنے والوں میں شامل تھیں۔

نئی دہلی(ویب ڈیسک) معروف بھارتی اداکار سلمان خان کا کہنا ہے کہ ان کے والد مسلمان اور والدہ ہندو ہیں لیکن وہ خود کو ہندو یا مسلمان کے بجائے ’انسان‘ کہتے ہیں۔ہندوستان ٹائمز کی 15 ویں لیڈرز شپ سمٹ کے دوران بھارت کے مختلف شعبہ جات سے تعلق رکھنے والے متعدد افراد نے اپنے خیالات کا اظہار کیا۔ جب کہ انٹرٹینمنٹ انڈسٹری کی نمائندگی کرتے ہوئے بالی ووڈ کے سلطان سلمان خان بھی اس سمٹ میں شریک ہوئے اور اپنے والدین ،مذہب، ذاتی زندگی اور رئیلیٹی شو بگ باس کے حوالے سے بہت سی باتیں منظر عام پر لے کرآئے۔سمٹ کے دوران سلمان خان نے انڈیاٹوڈے گروپ کے سابق وائس چیئرمین، ایڈیٹران چیف دی پرنٹ اور معروف بھارتی صحافی شیکھرگپتا سے بات چیت کے دوران کہا کہ بالی ووڈ کا کوئی مذہب نہیں ہے۔ میرے والد سلیم خان مسلمان ہیں اوروالدہ سشیلا کا تعلق ہندو مذہب سے ہے لیکن میں خود کو’انسان‘کہتا ہوں۔ انہوں نے کہا فلم انڈسٹری میں کام کرنے والے تمام لوگ چاہے ان کا تعلق کسی بھی مذہب سےہو سب مل کر کام کرتے ہیں۔ انڈسٹری میں کام کرنے والا ہر شخص چاہے وہ کارپینٹر ہو، اسپاٹ بوائے ہو، لائٹ مین ہو، ہیرو، ہیروئن ہوں، ہدایت کارہویا پروڈیوسرہو کوئی بھی اس بات کو محسوس نہیں کرتا کہ کون کس مذہب سے تعلق رکھتا ہے۔ یہاں ہندو، مسلم،سکھ، عیسائی جیسا کچھ نہیں ہے۔ جب کہ کوئی اونچ نیچ بھی ہماری انڈسٹری میں نہیں ہے۔ یہاں کام کرنے والا ہر انسان عزت کا مستحق ہے۔ سلمان خان کی اس بات سے صاف ظاہر ہے کہ وہ خود کو ہندو یا مسلمان کے بجائے ’انسان‘قرار دیتے ہیں اور’انسانیت‘ان کے نزدیک سب سے بڑا مذہب ہے۔
سمٹ کے دوران سلمان خان نے بھارت کےمتنازعہ ترین رئیلٹی شو بگ باس کے بارے میں بات کرتے ہوئے کہا میڈیا میں یہ باتیں گردش کررہی ہیں کہ بگ باس کا مواد پہلے سے طے شدہ ہوتا ہے اور گھر میں موجود لوگ بگ باس کے احکامات کے مطابق لڑائی جھگڑے کرتے ہیں لیکن یہ بالکل غلط ہے۔ آپ خود سوچیں کہ بگ باس کی ٹیم شو کو ہربارایک نیا موڑ دیتی ہے تو یہ کس طرح پہلے سے طے شدہ ہوسکتا ہے۔

ممبئی (خصوصی رپورٹ) اداکار سلمان خان ”ریس“ سیریز کی تیسری فلم کا حصہ ہوں گے۔ ”ریس“ کی پہلی دو فلموں میں سیف علی خان نے مرکزی کردار ادا کیا تھا لیکن پروڈیوسر رمیش تورانی اس کے تیسرے سلسلے کی فلم میں اداکار سلمان خان کو کاسٹ کرنا چاہتے تھے جس کی ہدایتکاری ریموڈی سوزا دیں گے۔ واضح رہے کہ 2008ءمیں بنائی گئی فلم ”ریس“ میں سیف علی خان‘ انیل کپور‘ کترینہ کیف‘ بپاشا باسو‘ اکشے کھنہ اور سمیرا ریڈی جبکہ 2013ءمیں بنائی گئی دوسری فلم میں سیف علی خان‘ انیل کپور‘ دپیکا پدوکون‘ جان ابراہم‘ جیکولین فرنینڈس اور ادیتیا پنچولی نے مرکزی کردار ادا کیا تھا۔

ممبئی(ویب ڈیسک) بالی ووڈ سلطان سلمان خان کی فلم ”ٹیوب لائٹ“ نے ریلیزسے قبل ہی 132کروڑ کی ریکارڈ کمائی کرکے فلم انڈسٹری میں تہلکہ مچادیا۔تفصیلات کےمطابق کروڑوں دلوں کی جان سپراسٹار سلمان خان کی فلم’ٹیوب لائٹ‘ نے نمائش سے قبل ہی ڈسٹری بیوشن رائٹس کی مد میں 132 کروڑ کی کمائی کرثابت کردیاکہ فلم انڈسٹری کےحقیقی سلطان وہ ہی ہیں۔نریندرا ہیراوت اسٹوڈیوز نے فلم ساز کبیرخان کی ڈائریکشن میں بننے والی فلم ’ٹیوب لائٹ‘کے ڈسٹری بیوشن رائٹس پورے بھارت کے لیے132کروڑ میں خریدے ہیں۔اوربالی ووڈ کی تاریخ کی یہ سب سے بڑی ڈیل بن چکی ہے۔سلمان خان کی فلم نے شاہ رخ خان کی فلم ’دل والے‘کو پیچھے چھوڑ دیا ہےجس نے ڈسٹری بیوشن رائٹس کی مد میں 125 کروڑ کا معاہدہ کیا تھا۔بالی ووڈ کے سلطان سے متعلق فلمی ناقد جےپرکاش چوکسے کاکہناہےکہ سلمان خان ’اس وقت بالی وڈ کےٹاپ اسٹار ہیں۔

ممبئی(ویب ڈیسک)بالی ووڈ دبنگ اسٹار سلمان خان کا کہنا ہےکہ وزن میں اضافے کے بعد کمی کرنا انتہائی مشکل عمل ہے جس میں کافی تکلیف اٹھانی پڑتی ہے۔بالی ووڈ اسٹار سلمان خان نے فلم ”ٹائیگر زندہ ہے“ کے لیے وزن میں 17 کلو کمی کرلی ہے جس کے لیے انہوں نے ورزش، سائیکلنگ اور کھانے پینے میں احتیاط شروع کررکھی ہے لیکن اب سلو میاں نے وزن میں کمی کو تکلیف دہ عمل قرار دیا ہے۔بھارتی میڈیا رپورٹس کے مطابق سلمان خان کا کہنا تھا کہ وزن میں اضافے کے بعد دوبارہ کم کرنا کسی صورت آسان نہیں ہے بلکہ تکلیف دہ عمل ہے جب کہ فلم ”سلطان“ میں میرا وزن 96 کلو تھا لیکن اب فلم”ٹائیگر زندہ ہے“ کے لیے سخت محنت و مشقت کے بعد وزن میں 18 سے 20 کلو کمی کی ہے۔ انہوں نے بتایا کہ رقص پر مبنی فلم کے لیے بھرپور تیاری کررہا ہوں۔واضح رہے کہ سلمان خان نے فلم ”سلطان“ میں پہلوان کا کردار نبھایا تھا اور فلم نے پاکس آفس پر 300 کروڑ سے زائد کی کمائی کی تھی۔