کراچی: پاک فوج کے سربراہ جنرل قمر جاوید باجوہ کا کہنا ہے کہ نیشنل ایکشن پلان پر بروقت عمل ہوا تو سیاسی و معاشی استحکام کے براہ راست نتائج سامنے آئیں گے۔کراچی میں معیشت اور سلامتی پر سیمینار سے خطاب کرتے ہوئے جنرل قمر جاوید باجوہ نے کہا کہ شروع سے ہی پاکستان کو کئی بحرانوں کا سامنا رہا، ہم دنیا کے سب سےزیادہ غیر مستحکم خطے میں رہتے ہیں۔ تاریخی بوجھ اور منفی مقابلے نے خطے کو اسیر بنا رکھا ہے، مشرق میں جارحیت پر آمادہ بھارت اور مغرب میں غیر مستحکم افغانستان ہے، ہم مغربی سرحد کو فوجی،معاشی اور سفارتی اقدامات کے ذریعے محفوظ بنا رہے ہیں، ہم نے فاٹا میں جو کیا اور بلوچستان میں جو شروع کیا وہ سیکیورٹی بہتر کرنے کی زبردست مثال ہے۔سربراہ پاک فوج نے کہا کہ ملک میں داخلی سلامتی کی صورتحال میں بہتری آئی ہے، ریاست کی رٹ کو چیلنج کرنے والے عناصر کو شکست دی گئی ہے۔ صورت حال مستحکم ہے مگر کہیں کہیں خطرات باقی ہیں، ہم اپنی نوجوان نسل کی بڑی تعداد کو کم آپشنز کے ساتھ نہیں چھوڑ سکتے، مدارس اصلاحات بھی بہت اہم ہیں، مدارس کو اپنے طلباء کو معاشرے کا مفید رکن بنانا ہوگا، ہمیں یقینی بنانا ہوگا کہ مدارس کے طلباء زندگی کی دوڑ میں کسی سے پیچھے نہ رہیں،

آرمی چیف نے کہا کہ نیشنل ایکشن پلان پر عمل درآمد کی جامع کوششیں ضروری ہیں، نیشنل ایکشن پلان پر بروقت عمل ہوا تواثر براہ راست سیاسی و معاشی استحکام کی صورت میں آئے گا، آج کے دور میں سیکیورٹی ایک وسیع موضوع ہے، سلامتی اور معیشت ایک دوسرے سےجڑے ہوئے ہیں۔ روس کے پاس ہتھیار کم نہ تھے لیکن کمزور معیشت کے سبب ٹوٹا۔

جنرل قمر جاوید باجوہ نے کہا کہ فوج اور قانون نافذ کرنے والے اداروں کی سخت محنت سے سیکیورٹی صورتحال بہتر ہوئی، حالیہ محرم گزشتہ برسوں کے مقابلے میں پرامن ترین رہا، اس سال ملک میں کھیلوں اور کلچر کے میگا ایونٹس منعقد ہوئے، بوہری برادری نے بہتر سیکیورٹی کی تصدیق کی اور اپنے سالانہ اجتماع کے لیئے پاکستان کو چنا۔ یقین دلاتا ہوں کراچی محفوظ رہے گا۔

سربراہ پاک فوج کا مزید کہنا تھا کہ سی پیک کے منصوبے مکمل ہو رہے ہیں، ان کامیابیوں کے باوجود ابھی لمبا سفر طے کرنا ہے، ملکی معیشت ملے جلے اشارے دے رہی ہے، شرح نمو اوپر جا رہی ہے مگر قرضے بھی آسمان سے باتیں کر رہے ہیں، انفراسٹرکچر اور توانائی بہتر ہو رہی ہے مگر کرنٹ اکاؤنٹ بیلنس حق میں نہیں، ہمیں اگر کشکول توڑنا ہے تو ٹیکس ٹو جی ڈی پی شرح میں اضافہ کرنا ہو گا۔ پاکستان بھر میں عام آدمی کو ازسر نو یقین دلانا ہو گا کہ ریاست کی جانب سے یکساں برتاؤہو گا۔

راولپنڈی (مانیٹرنگ ڈیسک) آرمی چیف جنرل قمر جاوید باجوہ کا کہنا ہے کہ پاکستان خطے میں امن کے لئے تمام کوششوں کی حمایت جاری رکھے گا، علاقائی معیشت میں پاکستان کا کردار بہت اہم ہے۔آئی ایس پی آر کے مطابق آرمی چیف جنرل قمر جاوید باجوہ دو روزہ دورے پر آسٹریلیا پہنچ گئے ہیں، جہاں انہوں نے آسٹریلوی ہم منصب، آسٹریلیا بحریہ کے سربراہ، وزیر خارجہ اور وزیر دفاع سے ملاقاتیں کی۔ اس موقع پر آرمی چیف نےآ سٹریلین سویلین، فوجی قیادت کوخطے کی سلامتی کی صورتحال سے آگاہ کیا، جبکہ ا من و استحکام کیلئے پاک فوج کی کوششوں سے بھی آگاہ کیا۔ جنرل قمر جاوید باجوہ کاکہنا تھا کہ پاکستان نے سیکیورٹی صورت حال بہترکی ہے، پاکستان امید کرتا ہے اسکے سکیورٹی تحفظات کو بھی دور کیا جائےگا، جبکہ علاقائی معیشت میں پاکستان کا اہم کردار ہے۔ آسٹریلوی لیڈر شپ نے دہشتگردی کیخلاف کوششوں پر پاکستان کے کردار کو سراہا، جبکہ قیادت نے دفاع، سلامتی کے شعبے میں تعاون بڑھانے کیلئے عزم کااظہارکیا ہے۔

راولپنڈی(ویب ڈیسک) آرمی چیف جنرل قمر جاوید باجوہ نے کہا ہے کہ پاک فوج دہشت گردی کے ناسور کو ختم کرنے کے لیے کوششیں جاری رکھے گی۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے ایبٹ آباد کا دورہ کیا جہاں انہوں نے 2 روزہ بلوچ رجمنٹ کانفرنس میں پہلے دن شرکت کی۔آئی ایس پی آر کے مطابق کانفرنس میں کمانڈر 10 کور لیفٹیننٹ جنرل ندیم رضا نے بھی شرکت کی جب کہ سابق آرمی چیف جنرل (ر) اشفاق پرویز کیانی سمیت دیگر ریٹائرڈ جنرلز بھی کانفرنس میں شریک تھے۔ترجمان پاک فوج کے مطابق آرمی چیف جنرل قمر جاوید باجوہ نے یادگار شہدا پر پھول چڑھائے اور فاتحہ خوانی کی ۔آئی ایس پی آر کے مطابق جنرل قمر جاوید باجوہ کو اعزازی طور پر چیف آف بلوچ رجمنٹ کے رینکز پیش کیے گئے اور انہیں کرنل انچیف کے اعزازی رینک لگائے گئے۔ترجمان پاک فوج کے مطابق اس موقع پر آرمی چیف نے پاک فوج میں بلوچ رجمنٹ کی خدمات اور کاوشوں کو سراہتے ہوئے کہا کہ ملکی دفاع میں بلوچ رجمنٹ کے اہم کردار پر فخر ہے، بلوچ رجمنٹ سے تعلق رکھنے والے شہدا کی قربانیوں کو ہمیشہ یاد رکھا جائے گا۔جنرل قمر جاوید باجوہ کا کہنا تھا کہ ہم اپنی سرحدوں کے امین ہیں اور ان کا تحفظ یقینی بنائیں گے، پاک فوج دہشتگردی کے ناسور کو ختم کرنے کے لیے کوشش جاری رکھے گی ،دہشتگردی کے خاتمے اور سرحدوں کے تحفظ کےلئے ہر حد تک جائیں گے ۔پاک فوج وطن کے دفاع کے لیے جانیں قربان کرنے والے شہدا اور ان کے اہل خانہ کو کبھی نہیں بھولے گی۔بری فوج کے سربراہ نے کہاکہ ملک کی خدمت، یقین کامل کے اعلی معیار، پیشہ وارانہ صلاحیت اور ثابت قدمی کا تقاضا کرتی ہے۔

لاہور(ویب ڈیسک) آرمی چیف جنرل قمر جاوید باجوہ کی زیر صدارت لاہور میں اہم سیکیورٹی اجلاس جاری ہے جس میں لاہور دھماکے اور آپریشن ردالفساد کے حوالے سے معاملات کا جائزہ لیا جارہا ہے۔لاہور میں سربراہ پاک فوج جنرل قمر جاوید باجوہ کی زیر صدارت امن وامان کی صورتحال پر اعلی سطحی اجلاس جاری ہے جس میں ا?رمی چیف کو لاہور میں ارفع کریم ٹاور فیروز پور روڈ پر دھماکہ کے بارے میں آگاہ کیا جارہا ہے۔ ذرائع کے مطابق ا?رمی چیف کی سربراہی میں جاری اجلاس میں اہم سیکورٹی معاملات سمیت پنجاب میں آپریشن رد الفساد میں اب تک ہونے والی پیش رفت کے بارے میں آگاہ کیا جائے گا۔آرمی چیف قمر باجوہ نے لاہور پہنچنے کے بعد جنرل اسپتال کا بھی دورہ بھی کیا جہاں انہوں فیروز پور روڈ پر دھماکے کے زخمیوں کی خیریت دریافت کی۔

راولپنڈی (مانیٹرنگ ڈیسک )پانامالیکس کیس کی تحقیقات کرنے والی جے آئی ٹی کی جانب سے سپریم کورٹ میں رپورٹ جمع کرانے کے بعد پاک فوج کا پہلا رد عمل سامنے آگیا ہے۔نجی ٹی وی کے مطابق پاک فوج نے کہا ہے کہ ہمارے لیے کرپشن قابل برداشت نہیں ہے۔نجی ٹی وی ذرائع کے مطابق پاک فوج نے کہا کہ ہمیشہ قانون اور انصاف کے ساتھ کھڑے ہیںاور پاک فوج نے کئی بار عزم دہرایا ہے کہ کرپشن قابل برداشت نہیں ہے۔انہوں نے مزید کہا کہ مسلح افواج جمہوریت کی مکمل حمایت کرتی ہے لیکن پھر بھی فوج پر ناجائز تنقید کی جا رہی ہے۔ان کا کہنا تھا کہ ماضی میں بھی فوج پر اسی طرح کے ناجائز الزامات لگائے گئے لیکن ہم ہمیشہ قانون کے ساتھ کھڑے ہیں۔