لاہور(ویب ڈیسک)پیپلزپارٹی کے چیئرمین بلاول بھٹو زرداری کا کہنا ہے کہ نوازشریف کو صرف پاناما کا نہیں بلکہ اپنے تمام ادوار کا حساب دینا پڑے گا۔لاہورمیں میڈیا سے گفتگوکرتے ہوئے پیپلزپارٹی کے چیئرمین بلاول بھٹو زرداری کا کہنا تھا کہ نوازشریف کو سپریم کورٹ کا نااہلی کا فیصلہ ماننا پڑے گا، کسی ایک آدمی کے لئے قانون تبدیل نہیں کیا جاسکتا، نوازشریف نے یوسف رضا گیلانی کومشورہ دیا تھا کہ عدالت کا فیصلہ مانیں اوراستعفیٰ دے کر گھر جائیں اب نوازشریف کو اپنے مشورے کا پاس رکھنا چاہیے، (ن) لیگ نے جان بوجھ کر خود کومشکل صورتحال میں ڈالا، جعلی تبدیلی کی سیاست نہیں بلکہ ملک میں صرف جمہوریت چاہتے ہیں، انصاف اور مساوات پرمبنی معاشرہ چاہتے ہیں جب کہ اقتدارمیں آئے تو کسانوں کو طاقت ور بنائیں گے۔

لاہور (مانیٹرنگ ڈیسک) چیئرمین پاکستان پیپلزپارٹی بلاول بھٹو زرداری نے کہا ہے کہ تمام کارکن5دسمبر کو اسلام آباد پریڈ گراونڈ پہنچیں، میں سب کا انتظار کروں گا۔تفصیلات کے مطابق بلاول بھٹوکا گولڈن جوبلی جلسے کیلئے اپنے ویڈیو پیغام میں جیالوں اور عوام کو اسلام آباد پریڈگراونڈ آنے کی دعوت دیتے ہوئے کہنا تھا کہ محبتوں، قربانیوں، انتھک محنت، لازوال جذبے اور دعاں کا شکریہ کیونکہ جیالوں اور عوام کے بنا 50 سال کا یہ سفر ممکن نہیں تھا جبکہ محترمہ شہید نے ذوالفقار بھٹو کی روایات برقراررکھیں۔ انہوں نے کہا کہ ملکی دولت چند خاندانوں تک محدود ہوکررہ گئی ہے جبکہ حکمرانوں نے قرضوں کیلئے ملکی اثاثے گروی رکھ دیے ہیں۔ ملک میں ہر سال 30ہزار نوجوان بیروزگار ہور ہے ہیں اور نا اہل سیاستدانوں نے ملک کو مشکلات میں مبتلاکردیا ہے۔ بلاول بھٹو زرداری نے کہا ہے کراچی میرا شہر ہے اورہم سب ملکر اس شہر کو بدلیں گے انہوں نے کہا کہ کراچی روشنیوں کا شہر کہلاتا ہے۔اس شہر کی گزشتہ 30 برس کی بد نصیبی ہمارے سامنے ہے۔ہم غریبوں کی سیاست کرتے ہیں۔بنیادی اور مفت تعلیم سب کے لئے ہونی چاہیے۔انہوں نے کہا کہ ہم دیہی اور شہری کی سیاست نہیں کرتے ہیں ۔میں وعدہ کرتاہوں اپنے نانا اور اپنی ماں کے نقش قدم پر چلوں گا۔ میرا جنم بھی اسی شہر میں ہوا ہے۔ میں یقین دلاتا ہوں اس شہر کا کھویا ہوا مقام ہم مل کر واپس دلائیں گے ۔ہم تباہی اور بربادی کا دور ختم کر ینگے انہوں نے کہا کہ کراچی میں سازش کے تحت تعلیم یافتہ شہریوں پر مذہبی اور لسانی تعصب تھونپ دیا گیا اور اسٹریٹ کرائمز، بھتہ خوری اور دہشت گردی کو شہر کی پہچان بنا دیا گیا، ثابت کریںگے کہ بربادی کا دور ختم، رواداری کا دور شروع ہو گیا ہے، وعدہ کرتاہوں کہ اپنے نانا اور والدہ کی طرح سیاست کروں گا۔ بلاول بھٹو زرداری نے کہا ہے کہ سندھ حکومت کا نوکریوں میں خصوصی افراد کیلئے 5 فیصد کوٹہ خوش آئندہ ہے ،2018 کے انتخابات میں کامیابی حاصل کر کے وفاق سمیت دیگر صوبوں میں بھی خصوصی افراد کیلئے پانچ فیصد کوٹہ مختص کرائیں گے ۔ اتوار کے روز بلاول بھٹو نے خصوصی افراد کے عالمی دن کے موقع پر اپنے ایک پیغام میں کہا ہے کہ جسمانی طور معزور افراد معاشرے پر بوجھ نہیں بلکہ معزور افراد کو مواقع اور سہولتیں آگے بڑھنے کے لئے دی جائیں خصوصی افراد بھی سماجی بہبود میں بہتر کردار ادا کرسکتے ہیں اور معاشرے کے تعاون سے خصوصی افراد ملک کی ترقی میں اپنا حصہ ڈال سکتے ہیں بلاول بھٹو نے کہا کہ تجارت کھیل سمیت دیگر شعبوں بھی خصوصی افراد کے لئے اقدامات کیے جانے چائیے

مانسہرہ: پاکستان پیپلز پارٹی کے چیرمین بلاول بھٹو زرداری نے کہا ہے کہ مسلم لیگ (ن) اور پی ٹی آئی کو ملک کی کوئی فکر نہیں دونوں ہی جماعتیں اقتدار کی لڑائی لڑ رہی ہیں۔ مانسہرہ میں عوامی جلسے سے خطاب کرتے ہوئے پاکستان پیپلز پارٹی کے چیرمین بلاول بھٹو زرداری نے کہا کہ 2018 کا الیکشن میرا پہلا اور عمران خان کا آخری الیکشن ہوگا، ہم نے پہلے بھی ملک کو نازک صورتحال سے نکال کر جمہوریت پرڈالا ہے، جبکہ پی ٹی آئی ہو یا ن لیگ ، دونوں اقتدار کی لڑائی لڑ رہےہیں، ان کو ملک کی کوئی فکر نہیں، لوگوں کے اصل مسائل پر یہ بات نہیں کرتے، ملکی مسائل کا حل ان کے پاس ہے ہی نہیں ، ان کے پاس ملک چلانے کی نہ اہلیت ہے اور نہ صلاحیت۔بلاول بھٹو زرداری نے سابق وزیراعظم نواز شریف کو تنقید کا نشانہ بناتے ہوئے کہا کہ میاں صاحب، آپ کتنا بھی چیخ لیں عوام آپ کے دھوکےمیں نہیں آئیں گے، آپ نے ترقی کے نام پر بڑے بڑے نمائشی منصوبوں پر کھربوں روپے ضائع کردیے، جب آپ کی کرسی کو خطرہ ہوا آپ نے پارلیمنٹ کا سہارا لیا، اور جب خطرہ نہیں رہا تو پارلیمنٹ کی طرف دیکھنا بھی گوارہ نہیں کیا، انقلاب کا لفظ آپ کےمنہ سے اچھا نہیں لگتا، پ سازشی ہوسکتے ہو ، انقلابی نہیں۔چیرمین پی پی پی نے کہا کہ عمران خان نے خیبرپختون خوا میں سیاسی دشمنی میں نصرت بھٹو کینسر اسپتال کو بند کردیا، اگر بیگم نصرت بھٹو کے نام پر اعتراض ہے تو اسے بھی شوکت خانم کا نام دے دو، ہمارے لیے تو مائیں سانجھیں ہوتی ہیں، تبدیلی کے دعوے داروں نے صحت کے پورے  نظام کو تباہ کردیا جس کی نج کاری کی جارہی ہے، آپ کی اتحادی جماعت پر خیبر بینک میں کرپشن کا الزام ہے اس کی کب تحقیقات ہوں گی، جبکہ اب جھوٹ، پروپگینڈے اور گالی کی سیاست مزید نہیں چلے گی۔بلاول بھٹو زرداری کا کہنا تھا کہ خیبرپختون خوا میں  سرکاری اسکولوں میں تعلیم پستی کی طرف جارہی ہے، مگر پی ٹی آئی کےلوگوں کے نجی اسکول ترقی پر ترقی کررہےہیں،  عمران خان نے کیا نیا کردیا ہے، صوبے میں صحت کا نظام تباہ ہے، بے روزگاری عروج پر ہے، عمران خان دہشت گردوں کی مذمت کرتے ہوئے بھی ڈرتے تھے، انہوں نے طالبان کو دفتر کھولنے کی پیشکش کی تھی، طالبان کے مدرسے کو کروڑوں روپے دیے، عسکریت پسندوں کے خلاف آپریشن کی مخالفت کی اور انہیں اپنا بھٹکا ہوا بھائی قرار دیا۔

انہوں نے کہا کہ عمران خان کا ایک لاکھ بچوں کے سرکاری اسکولوں میں داخلے کا بیان جھوٹ ہے، پی ٹی آئی چیرمین جھوٹ پر جھوٹ بول رہے ہیں، عمران خان کہتے ہیں کہ لیڈر کو صادق اور امین ہونا چاہیے لیکن خود ہمیشہ اسٹیج پر آکر عوام سے جھوٹ بولتے ہیں۔

بلاول بھٹو نے مزید کہا کہ نواز شریف نے بے نظیر کی حکومت گرانے کے لیے القاعدہ کے سربراہ اسامہ بن لادن سے پیسے لیے تھے۔

کراچی، سکھر (نمائندگان خبریں) پیپلزپارٹی کے چیئرمین بلاول بھٹو زرداری نے کہا ہے کہ پاکستان جس مقصد کے لئے حاصل کیا گیا پیپلزپارٹی اسے ضرور حاصل کرے گی، پاکستان کو روشن خیال اور ترقی یافتہ ملک بنائیں گے، پیپلزپارٹی کے اپنے اصول ہیں، آئین میں ترمیم کے لئے (ن) لیگ کا ساتھ نہیں دے سکتے۔ بلاول بھٹو زرداری نے کہا کہ ہماری جماعت اصولوں کی سیاست کرے گی اور آئین میں ترمیم کے لئے مسلم لیگ (ن)کا کبھی ساتھ نہیں دے گی، پاکستان کوروشن خیال اورترقی یافتہ ملک بنائیں گے،پنجاب کی قیادت کواداروں کیخلاف بیان نہیں دینے چاہئیں۔کراچی میں میڈیا سے بات کرتے ہوئے چئیرمین پیپلزپارٹی بلاول بھٹو زرداری نے کہا کہ پاکستان اس وقت مشکل صورتحال سے گزررہا ہے موجودہ حالات میں سیاسی کشیدگی ہرگز مناسب نہیں لیکن پنجاب کے لیڈر جو کررہے ہیں انہیں نامناسب بیانات کے بجائے اپنی سرحدوں کے حالات کو مدنظر رکھنا ہوگا۔بلاول بھٹو زرداری کا کہنا تھا کہ پیپلز پارٹی کے اپنے اصول ہیں اور ہم اپنے اصولوں پر سیاست کرتے ملک کے امن کے لئے جدوجہد جاری رکھیں گے۔ نوازشریف کی نااہلی کے بعد اب حکومت حد سے تجاوز کرنے کی کوشش میں ہے اور آئین میں ترمیم کے پیچھے پڑگئی ہے اگر یہ لوگ کوئی ترمیم کرتے بھی ہیں تو اس کا فائدہ نواز شریف کو نہیں ہوسکتا اور یہ لوگ جو چاہتے ہیں وہ نہیں ہوسکتا جب کہ پیپلزپارٹی اس معاملے میں کبھی بھی(ن)لیگ کا ساتھ نہیں دے گی۔ بلاول بھٹو زرداری نے کہا کہ موجودہ صورتحال میں سیاسی کشیدگی مناسب نہیں ،پنجاب کی قیادت دیکھنا چاہئے کہ سرحدوں پر کیا حالات ہیں ،چیئرمین پیپلزپارٹی نے کہا کہ پیپلز پارٹی عوام کے اصولوں کی سیاست کی کرتی ہے ، ملک کسی بھی انارکی کا متحمل نہیں ہو سکتااورمسلم لیگ ن جو کر رہی ہے ہم ایسا نہیں کر سکتے پیپلزپارٹی نے مستحکم اور مضبوط پاکستان کیلئے کوشش کی۔ یوم آزادی کے موقع پر چیئرمین پیپلزپارٹی بلاول بھٹو زرداری نے مزار قائد پر حاضری دی۔ وزیراعلیٰ سندھ مراد علی شاہ، سپیکر سندھ اسمبلی آغا سراج درانی ساتھ تھے۔ تفصیلات کے مطابق یوم آزادی کے موقع پر وزیراعلیٰ سندھ مراد علی شاہ، سپیکر سندھ اسمبلی آغا سراج درانی، ڈپٹی سپیکر شہلا رضا اور چیئرمین پیپلزپارٹی بلاول بھٹو زرداری نے مزار قائد پر حاضری دی۔ قومی اسمبلی میں قائد حزب اختلاف سید خورشےد شاہ نے کہا ہے کہ سابق صدر آصف علی زرداری کو میموگیٹ سکینڈل میں پھنسانے کیلئے نوازشریف نے آئین کے آرٹیکل 62,63 کو ختم نہیں کرنے دیا تو اب بھی62,63ختم نہیں ہوگا،نئی اسمبلیاں بنیں گی تو تب دیکھا جائے گا۔ان خیالات کا اظہار انہوں نے سکھر میں یوم آزادی کی تقریب میں میڈیا سے گفتگو میں کیا۔اپوزیشن لیڈر خورشےد شاہ نے کہا کہ میاں صاحب کے خلاف کسی سیاسی جماعت نے تو سازش نہیں کی پھر احتجاجی ریلی کس کے خلاف تھی؟نوازشریف کی ریلی اداروں کے خلاف تھی اور اس ریلی پر40سے50کروڑ روپے خرچ ہوئے جو کہیں اور سے آئے۔انہوں نے کہا کہ گیلانی کو نااہل کیا گیا تو میاں صاحب نے کہا فوراً گھر جا¶ یہ انسانوں کی بستی ہے حیوانوں کی نہیں،نوازشریف بتائیں جو اس وقت جو کہا وہ ٹھیک تھا یا جو آج کہہ رہے ہیں یہ ٹھیک ہے،3بار وزیراعظم بننے والے کو عدلیہ نے نااہل قرار دیاا اسے ماضی یاد کرنا چاہئے کیونکہ عدلیہ نے جب بے نظیر بھٹو اور آصف علی زرداری کو نااہل قرار دیا تو اس میں نوازشریف اور شہبازشریف کا بہت بڑا ہاتھ تھا اور انہو ںنے بے نظیر بھٹو اور زرداری کو نااہل کرانے میں کردار ادا کیا،انہیں وہ وقت یاد کرنا چاہئے اورچیخنا نہیں چاہئے کہ مجھے کیوں نکالا،(ن) لیگ کا انقلاب دراصل نوازبچا¶ انقلاب ہے۔انہوں نے مزےد کہا کہ اٹھارہویں ترمیم کے بعد صوبے اینٹی کرپشن میں آزاد ہیں،اپنا قانون بنا سکتے ہیں اس لئے ہم نے سندھ میں نیب کا قانون حتم کردیا مگر اس کا یہ مطلب نہیں کہ ہم آئین کے خلاف ہیں،سب کچھ ختم ہو جائے ہم آئین کو ہلنے نہیں دیں گے اور آرٹیکل62,63 کی شق کیسے ختم ہوگی کیوں حتم ہوگی یہ نئے مینڈیٹ میں دیکھےں گے،۔ اپوزیشن لیڈر کا کہنا تھا کہ سب کچھ جل جائے ہم آئین کو جلنے نہیں دیں گے۔

لاہور: پیپلز پارٹی کے چیئرمین بلاول بھٹو زرداری نے عائشہ گلالئی کے انکشافات پر انتہائی افسوس کا اظہار کرتے ہوئے ان انکشافات کی تحقیقات کا مطالبہ کر دیا ہے۔ بلاول بھٹو نے اپنے بیان میں کہا ہے کہ خواتین کی عزت و غیرت کا محفوظ نہ ہونا سیاست پر داغ ہے، پیپلز پارٹی خواتین کے حقوق اور ان کی عزت پر کوئی آنچ آنے نہیں دینگی۔ بلاول بھٹو نے کہا کہ شہید محترمہ بینظیر بھٹو کی پارٹی خواتین کے تحفظ کے لئے بھرپور آواز اٹھایگی۔