لاہور:  سری لنکا سے ٹی ٹوئنٹی سیریزکیلیے محمد عامر بھی یواے ای روانہ ہوگئے۔آئی لینڈرز سے دوسرے ٹیسٹ میں انجرڈ ہونے والے پیسر ایک بھی ون ڈے میچ نہیں کھیل پائے تھے۔ ان کی ٹی ٹوئنٹی اسکواڈ میں شمولیت فٹنس سے مشروط کی گئی تھی، محمد عامر نے ایک ہفتے نیشنل کرکٹ اکیڈمی لاہور میں بحالی فٹنس کے پروگرام پر عمل کرتے ہوئے مسائل سے نجات پائی، اب وہ ٹی ٹوئنٹی سیریز کا حصہ بننے کیلیے تیار ہیں۔واضح رہے کہ پنڈلی میں تکلیف کا شکار ہونے والے پیسر کو فٹنس کی بحالی کیلیے سارا پلان یواے ای میں ہی ٹرینر گرانٹ لیوڈن اور ڈاکٹر سہیل سلیم نے بناکر دیا تھا جس پر انھوں نے لاہور میں عمل درآمد کیا اور بتدریج بہتری کی جانب گامزن رہے تاہم گزشتہ روز عامر نے این سی اے میں مشقوں کے ساتھ بھرپور رننگ بھی کی، ان کی لاہور کے علامہ اقبال ایئرپورٹ سے روانگی رات ایک بجے شیڈول تھی۔دوسری جانب سری لنکا سے ٹوئنٹی 20 اسکواڈ کیلیے3 کھلاڑیوں نے یو اے ای میں پاکستانی ٹیم کو جوائن کر لیا، ان میں محمد نواز، عمر یامین اور عمر امین شامل ہیں۔

ممبی(ویب ڈسک) بہترین ریکارڈ کے باوجود وہ مخالف ٹیم بالخصوص پاکستانی گیند بازوں کی اچھی گیند بازی کی تعریف کرتے ہیں۔عامر نے کوہلی کو دنیا کا بہترین بلے باز قرار دے دیاایسا ہی کچھ کچھ روز قبل اس وقت ہوا جب بالی وڈ اسٹار عامر خان نے ان سے سوال کیا کہ کون سا گیند باز انہیں نروس کرتا ہے جس کے جواب میں ویرات کوہلی نے پاکستانی باو¿لر محمد عامر کا نام لیا۔بھارتی کپتان نے کہا کہ ’گزشتہ کچھ عرصے میں میں نے جس باو¿لنگ کا سامنا کیا ہے ان میں محمد عامر مشکل ترین تھے۔ وہ اس وقت دنیا کے دو، تین بہترین باو¿لروں میں سے ایک ہیں اور میں نے جن کا سامنا کیا ہے ان میں مشکل ترین ہیں۔ ا?پ کو ان کے خلاف اپنا بہترین کھیل پیش کرنا ہوتا ہے ورنہ وہ اپ کی وکٹ لے جاتے ہیں۔ وہ ایک بہترین باو¿لر ہیں۔کوہلی نے ماضی میں بھی محمد عامر کی تعریف کی ہے۔ ایشیا کپ میں بھارت کے خلاف شاندار گیند بازی کے بعد ویرات کوہلی نے کہا کہ ’محمد عامر نے جس طرح باو¿لنگ کی، میں اس پر ان کی تعریف کرنا چاہوں گا۔ جب وہ باو¿لنگ کررہے تھے اسی وقت میں نے ان کی تعریف کی تھی۔ میں خوش ہوں کہ میں ایسا اسپیل کھیلنے میں کامیاب رہا۔ وہ ایک ورلڈ کلاس باو¿لر ہیں۔ایشیا کپ ہی کے دوران ویرات کوہلی نے اپنا بیٹ بھی محمد عامر کو تحفے کے طور پر دیا تھا۔یہ بات بھی قابل ذکر ہے کہ بھارت کےخلاف چیمپئنز ٹرافی کے فائنل میں محمد عامر کے یادگار اسپیل میں انہوں نے ویرات کوہلی کی بھی وکٹ لی تھی۔ان کی شاندار بولنگ کی بدولت پاکستان نے بھارت کو آئی سی سی چیمپئنز ٹرافی فائنل میں 180 رنز سے شکست دی تھی۔

اسلام آباد (ویب ڈیسک) چیمپینز ٹرافی کے فائنل میچ میں بھارت کو ’لتاڑ‘ کر چیمپینز کا تاج سر پر سجانے والی قومی ٹیم کے تمام کھلاڑی وزیراعظم ہاﺅس میں ہونے والی تقریب میں شریک ہیں تاہم بھارتی بیٹنگ لائن کی دھجیاں اڑانے والے محمد عامر اس تقریب میں شریک نہیں ہوئے جس پر ان کے مداح خاصے افسردہ ہیں۔لیکن امید ہے کہ اس تقریب میں عدم شرکت کی وجہ جان کر ان کے مداحوں کو خوشی بھی ہو گی کیونکہ وہ محمد عامر کو مخالف بلے بازوں کی وکٹیں اڑاتے ہی دیکھنا چاہتے ہیں۔ محمد عامر چیمپینز ٹرافی کھیلنے کے بعد واپس نہیں آئے تھے اور برطانیہ میں ہی ٹھہرے تھے کیونکہ وہ انگلش کا?نٹی ٹیم ایسکس کی جانب سے کھیل رہے ہیں اور خوشی کی بات یہ ہے کہ انہوں نے بھارتیوں کی طرح ”گوروں“ کو بھی ’نتھ‘ ڈال رکھی ہے اور اپنی ٹیم کی جیت میں اہم کردار ادا کر رہے ہیں۔ محمد عامر کے مداح انہیں وزیراعظم ہا?س میں جاری تقریب میں شریک نہ دیکھ کر جہاں مایوس ہوئے ہیں وہیں وہ انگلش کا?نٹی میں ان کی شاندار کارکردگی پر انتہائی خوش بھی ہیں۔