واشنگٹن (خصوصی رپورٹ) امریکی تاریخ میں پہلی مرتبہ ورجینیا ریاست میں خواجہ سرا دنیکا روئم ریاستی اسمبلی کے رکن منتخب ہوگئے ہیں۔ روئم کا تعلق ڈیموکریٹک پارٹی سے ہے۔

واشنگٹن (خصوصی رپورٹ)امریکی پرچم پر پیشاب کرنے پر خاتون کو مومت کی دھمکیاں ملنے لگیں۔برطانوی میڈیا کے مطابق امریکی پرچم پر پیشاب کرتے ہوئے اپنی ویڈیو کو فیس بک پر شیئر کرنے والی خاتون ایملی لانس کا کہنا ہے کہ ان کی اس حرکت پر ان کے خاندان کے لوگوں کو نشانہ نہ بنایا جائے۔انہوں نے کہا کہ ان کے خاندان کا اس عمل سے کوئی تعلق نہیں ہے۔ایملی لانس نے 4 جولائی کو امریکہ کے یوم آزادی کے موقع پر اپنی ایک ویڈیو شیئر کی تھی جس میں انہیں امریکی پرچم پر پیشاب کرتے ہوئے دیکھا جا سکتا ہے۔ایملی لانس کو ویڈیو شیئر کرنے پر جان سے مار دینے اور ریپ کی دھمکیاں ملی ہیں۔فیس بک پر ایملی لانس ا اکانٹ اب ختم ہو چکا ہے لیکن جب ان کا اکانٹ ایکٹو تھا تو انھوں نے اپنے مخالفین کو مخاطب کرتے ہوئے کہا تھا کہ ان کے اس فعل کی وجہ سے ان کے والد اور دفتر کو نشانہ بنایا گیا ہے۔امریکہ میں جھنڈے کی بے حرمتی کے خلاف قانون نہیں ہے۔اس ویڈیو میں ایملی لانس ایک ایسے ٹوئیلٹ پر کھڑے ہوئے پیشاب کرتی نظر آتی ہیں جس پر امریکی پرچم لپٹا ہوا ہے۔بعد میں ایملی لانس نے اپنے مخالفین کو مخاطب کرتے ہوئے کہا کہ آپ غلط لوگوں پر غصہ نہ نکالیں۔ انھوں نے کہا کہ میرے خاندان کا میری اس شرارت سے کوئی تعلق نہیں ہے۔

واشنگٹن(ویب ڈیسک)امریکا نے کہا ہے کہ گزشتہ دنوں دنیا بھر میں ہونے والے سائبر حملوں کے نتیجے میں 70ہزار ڈالر کے قریب تاوان ادا کیا گیا ہے۔یہ بات صدر ٹرمپ کے ہوم لینڈ سیکورٹی کے مشیر ٹام بوزرٹ نے وائٹ ہاﺅس میں میڈیا سے گفتگو میں کہی۔ ان کا کہنا تھا کہ گزشتہ دنوں دنیا بھر میں سائبر حملوں کے نتیجے میں متاثرین نے 70ہزار ڈالر کے قریب تاوان ادا کیا۔انہوں نے بتایا کہ اس بات کی اطلاعات نہیں کہ ان پیسوں کی ادائیگی کے بعد متاثرین کو ان کے ڈیٹا تک رسائی ملی یا نہیں؟۔ امریکا اس معاملے کو سنجیدگی سے دیکھ رہا ہے اور اس میں ملوث افراد سے جلد نمٹا جائے گا۔