ممبئی (خصوصی رپورٹ) میتابھ بچن اور اداکارہ ایشوریا ایک ایوارڈ شو کی تقریب میں شریک تھے جہاں امیتابھ بچن نے ایشوریا کو پوتی ارادھیا کی طرح برتاﺅ کرنے سے روک دیا۔ ایشوریا اور امیتا بھ بچن ایک ایوارڈ کی تقریب میں شریک تھے۔ ایوارڈ حاصل کرنے کے بعد اداکارہ بہت پرجوش تھیں اور امیتابھ بچن سے بالکل بچوں کی طرح باتیں کرنے لگیں، انہوں نے امیتابھ بچن سے گلے لگتے ہوئے کہا کہ یہ سب بہترین اداکارہیں ، جس پر بگ بی نے انہیں کہا کہ وہ ارادھیا کی طرح برتاﺅ نہ کریں، جس پر ایشوریا اور امیتابھ بچن خود بھی اپنی بات پر ہنس پڑے۔ صحافی نے جب انٹرویو کے دوران ان کے گھر میں موجود ان سمیت 4 ستارے یعنی ، امیتابھ بچن، جیا بچن، ابھیشک اور ایشوریا کے حوالے سے پوچھا تو انہوں نے صحافی کو کہا کہ آپ غلطی کررہی ہیں، ہم 4ستارے نہیں بلکہ 6ستارے ہیں۔

ممبئی: نامور بالی ووڈ اداکارہ ایشوریا رائے کی سابق مینجر سیمون شیفیلڈ نے انکشاف کرتے ہوئے کہا ہے کہ معروف پروڈیوسر ہاروی وائن اسٹین نے ہالی ووڈ کی دیگر اداکاراؤں کے ساتھ ایشوریا رائے کو بھی اپنی درندگی کا نشانہ بنانے کی کوشش کی تھی تاہم ایشوریا ہاروی کا شکار ہونے سے بچ گئیں۔گزشتہ کئی روز سے ہالی ووڈ پروڈیوسر ہاروی وائن اسٹین اداکاراؤں کو جنسی طور پر ہراساں کرنے کے حوالے سے شہ سرخیوں کی زینت بنے ہوئے ہیں، ہاروی پرکئی اداکاراؤں نے ہراساں کرنے کے الزامات عائد کیے ہیں جن میں ہالی ووڈ کی صف اول کی اداکارائیں انجلینا جولی، گیونتھ پالٹرو اور جینیفر لورینس بھی شامل ہیں۔ جولی کا کہنا ہے کہ کیرئیر کے ابتدائی دنوں میں ہاروی نےانہیں جنسی طور پر ہراساں کیا تھا اور ان کا ہاروی کے ساتھ کام کرنے کا تجربہ بہت برا رہا تھا۔

ہاروی پر جنسی حملے کے الزامات عائد کرنے والی کئی خواتین اس وقت اپنے کیرئیر کے ابتدائی دور میں ہونے کے ساتھ کم عمر بھی تھیں لہٰذا وہ پروڈیوسر کے اس غیر اخلاقی اقدام کے خلاف آواز نہ اٹھا سکیں۔ ہاروی کی حرکتیں صرف ہالی ووڈ تک محدود نہیں رہیں بلکہ ان کی درندگی بالی ووڈ تک بھی پہنچ چکی ہے۔ انہوں نےسابق ملکہ حسن اور نامور بالی ووڈ اداکارہ ایشوریا رائے کو بھی نہ بخشا۔

ایشوریا کی سابق انٹرنیشنل ٹیلنٹ مینجر سیمون شیفیلڈکا کہنا ہے کہ ہاروی ایشوریا رائے کو بھی اپنی درندگی کا نشانہ بنانا چاہتے تھے اور اسی مقصد سے انہوں نے کئی بار ایشوریا سے تنہائی  میں ملاقات کرنے کی خواہش ظاہر کی ، میں اور ایشوریا جب ہاروی سے ملاقات کرنے ان کے آفس جاتے تھے تو ہاروی نے کئی بار کوشش کی کہ میں آفس سے باہر چلی جاؤں لیکن میں نے ایسی نوبت ہی نہیں آنے دی اور ایشوریا کو کبھی اکیلا نہیں چھوڑا،بعد ازاں ہاروی نے مجھے کئی بار دھمکانے کی کوشش بھی کی اور کہا کہ وہ مجھے بزنس کرنے نہیں دیں گے۔