اسلام آباد(ویب ڈیسک): آزادی مارچ 27 کو نہیں 31 اکتوبر کو اسلام آباد میں داخل ہوگا،جمیعت علمائے اسلام ف کے سربراہ مولانا فضل الرحمان نے کہا کہ آزادی مارچ 27 اکتوبر کو شروع ہوگااور ہم وفاقی دارالحکومت اسلام آباد میں 31 اکتوبر کو داخل ہونگے۔اسلام آباد میں ذرائع ابلاغ کے نمائندوں سے گفتگو میں جے یو آئی ف کے سربراہ نے کہا کہ ملک بھر سے قافلے ایک ہی وقت میں اسلام آباد میں داخل ہونگے۔مولانا فضل الرحمان نے اضح کیا کہ 31 اکتوبر سے قبل کوئی جلوس اسلام آباد میں داخل نہیں ہوگا،27 اکتوبر کے جلوس کشمیریوں سے اظہار یکجہتی کے لئے نکالے جائیں گے۔انہوں نے کہا کہ کارکنان کسی بھی منفی پروپیگنڈہ کا حصہ نہ بنیں اور اپنی تیاریوں کو تیز کریں۔
