اسلام آباد: (ویب ڈیسک) وفاقی تحقیقاتی ایجنسی (ایف آئی اے) نے پاکستان میں فیس بک کا دفترکھولنے سے متعلق خبروں کی تردید کردی۔
ترجمان ایف آئی اے کے مطابق جعلی خبرگردش کر رہی ہےکہ پاکستان میں فیس بک کا دفتر کھولا جا رہا ہے تاہم ایف آئی اےکی جانب سے ایسا کوئی سرکاری بیان سامنے نہیں آیا، ایف آئی اے اس جعلی خبرکی سختی سے تردید کرتا ہے۔
ترجمان کا کہنا ہےکہ خبرمیں ایف آئی اےکے ایک افسرکا نام بھی شائع کیا گیا جوگمراہ کن ہے، ایف آئی اے ایسی بے بنیاد خبروں کی بغیر تصدیق اشاعت کی شدید مذمت کرتا ہے۔

لاہور: (ویب ڈیسک) کراچی سے پنجاب جاکر شادی کرنے والی دعا زہراکی ساس اور جیٹھ نے مبینہ ہراسانی کے خلاف لاہورہائیکورٹ سے رجوع کرلیا۔
لاہور ہائیکورٹ کے جسٹس طارق سلیم شیخ نے نورمنیر اور شبیراحمد کی درخواست پرسماعت کی۔ جسٹس طارق سلیم شیخ کا کہنا تھاکہ درخواست ہائیکورٹ میں زیرالتوا رہےگی، پولیس اپنا کام کرے۔
درخواست گزار کے وکیل کا مؤقف تھاکہ دعا زہرا نے کراچی سے ظہیراحمد کے ساتھ آکرپنجاب میں نکاح کیا، نکاح کے بعد دعا زہرا نے بیان زیر دفعہ 164 بھی عدالت میں ریکارڈکروایا اور دعا زہرا نے اپنی مرضی سے شادی کرنے کا بیان دیا۔
جسٹس طارق سلیم شیخ نے درخواست گزار وکیل سے استفسار کیا کہ بتائیں دعا زہرا کہاں ہے؟ اس پر وکیل کا کہنا تھاکہ دعا زہرا اپنے خاوند کے ساتھ ہے، کہاں ہے اس کا مجھے علم نہیں۔
جسٹس طارق سلیم نے استفسار کیا کہ آپ اسےعدالت میں پیش کیوں نہیں کرتے؟ پولیس انکوائری کرتی ہے تو آپ ہائیکورٹ میں رٹ دائرکردیتے ہیں، آپ اسے پیش کیوں نہیں کرتے؟ عدالتوں کامذاق بنایا ہوا ہے۔
درخواست گزار وکیل کا کہنا تھاکہ آپ پولیس کوتحفظ فراہم کرنےکاحکم دیں، دعا زہرا کوپیش کردیں گے۔
اس پر جسٹس طارق سلیم نے ریمارکس دیے کہ اس کامطلب آپ کوعلم ہےوہ کہاں ہے، تحفظ فراہم کرنے کا کیوں حکم دیں؟
وکیل کا کہنا تھاکہ اس کی جان کوخطرہ ہے اور وہ سندھ نہیں جانا چاہتی۔
جسٹس طارق سلیم شیخ نے ریمارکس دیے کہ جو عدالت اسے بلائے گی اسے وہیں جانا پڑےگا، کیس کوزیرالتوا رکھ رہاہوں، پولیس اپنا کام کرے۔
عدالت نے پولیس کو دعا زہرا کو کل عدالت میں پیش کرنے کا حکم دیا اور دعا زہرا کے سسرالیوں کو ہراساں نہ کرنے کی استدعا رد کردی۔

اسلام آباد: (ویب ڈیسک) وزیر مذہبی امور مفتی عبدالشکور نے کہا ہے کہ رواں سال قربانی کے بغیر حج پیکج ساڑھے 6 سے 7 لاکھ کے درمیان ہوگا، ڈیڑھ لاکھ روپے حکومت ادا کرے گی۔
اسلام آباد پریس کانفرنس سے خطاب کرتے ہوئے انہوں نے کہا کہ حج کا سرکاری کوٹہ 32 ہزار ہے، باقی 48 ہزار عازمین پرائیویٹ آپریٹر کے ذریعے حج کریں گے۔
انہوں نے کہا کہ حاجی کی مدد کی جاسکتی ہے ، علماء ہند اس پر متفق ہیں، بھارتی حکومت حجاج کی مدد کرتی ہے، قومی خزانے میں جمع مال اور حرام پیسے میں تمیز نہیں کی جاسکتی، سود کا پیسہ قومی خزانے میں آتا ہے۔ حجاج کو سپورٹ کی رقم حال پیسے سے شامل ہوگی۔
وزیر مذہبی امور نے کہا کہ حج ایک اہم دینی اور مذہبی فریضہ ہے، سعودی عرب نے 2سال بعد انٹرنیشنل کوٹے کے تحت حج کی اجازت دی ہے۔
ان کا کہنا تھا کہ گزشتہ دو سال سے حج اخراجات میں مسلسل اضافہ ہوا، اگر گزشتہ حکومت ہوتی توحج اخراجات 11 لاکھ روپے ہوتے۔
انہوں نے بتایا کہ حج انتظامات کے لئے انہوں نے سعودیہ کا دورہ کیا اور وہاں پر رہائش ، ٹرانسپورٹ وغیرہ کا خود جائزہ لیا۔
مفتی عبدالشکور نے کہا کہ ہم نے حاجیوں کے لیے فی بیڈ 21 سو ریال کی قیمت پر لیا ہے جب کہ گزشتہ حج پر 23 ریال میں لیا گیا تھا، 3 وقت کھانوں اور رہائش کا روزانہ بل صرف 27 ریال ہوگا۔ حجاج کے لئے حرم کے قریب جگہ لی ہے۔
انہوں نے کہا کہ وزارت مذہبی امور نے 6 ماہ کا حج آپریشن صرف 1 مہینے میں مکمل کیا، 80 فیصد عازمین حج کی تربیت کا عمل مکمل ہوچکا ہے۔
ان کا کہنا تھا کہ عازمین حج کو پروازوں کی تفصیلات میل اور ایس ایم ایس کے ذریعے ارسال کی جائے گی۔ پرائیویٹ آپریٹر سے کہا حج کی قیمیت 12 لاکھ سے کم کریں، پرائیویٹ حج میں پیکج ساڑھے 9 لاکھ سے شروع ہورہا ہے

اسلام آباد: (ویب ڈیسک) وفاقی وزیر داخلہ رانا ثناء اللہ نے کہا ہے کہ کارکنوں کے مسلح ہونے کے اعتراف کے بعد کسی ثبوت کی ضرورت نہیں ،عمران خان دو سو فیصد گولی چلانے کے ارادے سے آئے، کس بلڈنگ میں کتنے لوگ تھے،تعین کررہےہیں، پی ٹی آئی والوں پر مقدمہ درج ہونا چاہیے اور سرغنہ گرفتار ہونا چاہیے۔
وفاقی کابینہ اجلاس کے بعد وزیر مواصلات اسعد محمود، وزیراعظم کے مشیر قمر زمان کائرہ کے ہمراہ پریس کانفرنس کرتے ہوئے وزیر داخلہ نے کہا کہ تحریک انصاف سیاسی جماعت اور تمام سرکاری وسائل استعمال کرتے ہوئے اسلام آباد میں داخل ہوئی، ان کے گینگ میں کریمنل شامل تھے اور دیگر محکموں کے لوگوں کو بھی یہاں پر لایا گیا اور اس مجرمانہ سیاسی ایجنڈا، جو قوم کو تقسیم کرنے اور نوجوانوں کو گمراہ کرنے پر مشتمل ہے ، کے ساتھ وفاق پر حملہ آور ہوئے، اسلام آباد میں صرف چند ہزار لوگ اکٹھے ہوئے۔
رانا ثناء اﷲ نے کہا ہے کہ عمران خان صوابی سے ہی مسلح افراد لے کر نکلے تھے، فسادی ٹولہ ملک میں انتشار اور افراتفری پھیلانا چاہتا ہے، لانگ مارچ کو اسلام آباد میں داخلہ سے روکا گیا تو پولیس فائرنگ کی گئی،پارلیمنٹ لاجز اور خیبرپختونخوا ہائوس میں بھی مسلح لوگوں کو پناہ دی گئی۔ پی ٹی آئی کے مارچ کو جب اٹک ڈسٹرکٹ، میانوالی اور اسلام آباد کی حدود پر روکا گیا تو اس نے پولیس پر فائرنگ کی اور مسلح انداز میں پولیس کو یرغمال بنایا گیا۔ جب سپریم کورٹ سے آرڈر آیا کہ راستے کھول کر انہیں یہاں آنے دیا جائے اور انہیں ایچ نائن میں جلسہ کرنے کی اجازت دی جس کیلئے ہم نے انتظامات بھی کئے۔
انہوں نے کہا کہ ان کا مقصد جلسہ اور سیاسی سرگرمی نہیں بلکہ یہاں پر انارکی اور افراتفری پھیلانا تھا۔ انہیں سپریم کورٹ سے جب موقع ملا تو انہوں نے ایک لمحہ کیلئے نہیں سوچا کہ وہ جلسہ کریں گے بلکہ انہوں نے یہ تہیہ کر رکھا تھا کہ وہ ڈی چوک ضرور جائیں گے، ڈی چوک میں تحریک انصاف کے تین سے چار ہزار لوگ جمع ہو چکے تھے، ان سب کا تعلق ایک صوبے سے تھا اور وہ ایک جتھے کا فرنٹ تھے، یہ لوگ ایک دو دن پہلے یہاں آ چکے تھے، ہم ایک ایک کا نام درج کر رہے ہیں، یہ لوگ پارلیمنٹ لاجز اور کے پی کے ہائوس میں ٹھہرائے گئے، پارلیمنٹ لاجز میں پورے ملک سے اراکین مقیم ہیں، پی ٹی آئی نے مسلح لوگوں کو یہاں ٹھہرا کر بڑی غلطی کی، عمران خان نے عدالتی احکامات کے بعد ڈی چوک جانے کا اعلان کر دیا تھا یہ نہ صرف سپریم کورٹ کے حکم کی خلاف ورزی بلکہ توہین عدالت تھی۔

اسلام آباد: (ویب ڈیسک) پاکستان تحریک انصاف (پی ٹی آئی) کے چیئر مین اور سابق وزیراعظم عمران خان نے کہا ہے کہ ہماری حکومت میں تھے تو اسرائیل کو تسلیم کرنے کیلئے دباؤ تھا،امریکا کے زیر اثر لابی مسلم ممالک سے صیہونی ریاست کو تسلیم کرانا چاہتی ہے۔ نئے آرمی چیف کی تعیناتی سے متعلق کبھی نہیں سوچا، نہیں معلوم نیا آرمی چیف کون ہو گا۔
ڈیجیٹل میڈیا کے نمائندوں سے ملاقات میں پی ٹی آئی چیئر مین نے انکشاف کرتے ہوئے کہا کہ حکومت میں تھے تو اسرائیل کو تسلیم کرنے کے لئے دباؤ تھا، پیغام بیجھا گیا کہ اپنے ملک کا سوچیں ، پیغام کس کی طرف سے آیا تھا یہ ابھی نہیں بتا سکتا، امریکا کے زیر اثر مخصوص لابی مسلم ممالک سے اسرائیل کو تسلیم کروانا چاہتی ہے۔
عدم اعتماد کے دوران انہوں نے پاکستان پیپلز پارٹی کے شریک چیئر مین اور سابق صدر آصف علی زرداری سے رابطوں کی تردید کی اور بزنس مین ملک ریاض کے درمیان گفتگو سے بھی لاتعلقی کا اظہار کر دیا۔
سابق وزیراعظم نے کہا کہ 26 سال سے کہ رہا ہوں کہ سابق صدر آصف زرادری اور ن لیگ ایک ہی ہے، لانگ مارچ ختم کرنے کے پیچھے کوئی ڈیل نہیں ہے، لانگ مارچ ختم نہ کرتا تو خون خرابہ ہوتا۔
عمران خان نے کہا کہ اسمبلیوں سے مستعفی ہوچکے ہیں، استعفوں کی تصدیق کے لئے جانے کی ضرورت نہیں ہے، قومی اسمبلی کے فلور پر سپیکر کے سامنے مستعفی ہونے کا اعلان کردیا ، جس دن اسمبلی میں واپس گئے اس کا مطلب امپورٹڈ حکومت کو تسلیم کرنا ہے، اب کسی رکن کو انفرادی طور پر اسمبلی جانے کی ضرورت نہیں۔ نئے آرمی چیف کی تعیناتی سے متعلق کبھی نہیں سوچا، نہیں معلوم نیا آرمی چیف کون ہو گا۔
انہوں نے ایف آئی اے کےمعطل پراسیکیوٹر سے متعلق تبصرہ کرتے ہوئے کہا کہ کل ٹی وی پر نیب کے اسپیشل پراسیکیوٹر ذوالقرنین اسکندر کا انٹرویو دیکھا۔ ذوالقرنین اسکندر نے کہا شہباز شریف کے خلاف منی لانڈرنگ کا اوپن اینڈ شٹ کیس تھا۔ شریف خاندان نے جان بوجھ کر کیس کو تاخیر کا شکار کیا۔ کیس میں تاخیر نہ ہوتی تو ڈیڑھ سال میں ان کو سزا مل جانی تھی۔ عمران خان نے کہا کہ ذوالقرنین کو کہا گیا کیس اب آگے نہیں بڑھے گا۔ ہماری حکومت میں شریف خاندان کے خلاف تحقیقات میں مشکلات تھیں۔ تحقیقات کرنے والے لوگ ڈرتے تھے۔ انہوں نے مشرف دور کے دوران تحقیقات کرنے والوں سے انتقام لیا۔
عمران خان کا کہنا تھا کہ ان کا ریکارڈ نکالنا مشکل تھا لیکن تگڑے افسر ڈٹ گئے۔ ڈاکٹر رضوان تگڑا افسر تھا اس پر بھی دباو ڈالا گیا۔ نیب اور ایف آئی اے میں 40 ارب روپے کے کیسز ختم ہو جائیں گے