حکومت افغانستان کے مسئلے پر کیا پالیسی بنا رہی ہے پارلیمنٹ میں لائے

دیرینہ دوستوں کو جو پارٹی چھوڑ گئے واپسی پر خوش آمدید کیا جائیگا

اسلام آباد: قومی اسمبلی کے اہم ترین سیشن میں ایک دوسرے پر الزامات کی بارش کرنے والے اراکین قومی اسمبلی بالاآخر قانون سازی کے لئے ایک پیچ پر آگئے۔

تفصیلات کے مطابق اسپیکر قومی اسمبلی اسد قیصر قومی اسد قیصر کی کاوشیں رنگ لے آئیں ، قومی اسمبلی میں اپوزیشن اور حکومتی ارکان پر مشتمل پارلیمانی کمیٹی تشکیل دے دی گئی ہے۔

کمیٹی کو قانون سازی سے متعلق جلد ٹی او آرز طے کرنی ہدایت کی گئی ہے جس کے بعد کمیٹی ٹی او آرز تیار کرکے جلد اسپیکر قومی اسمبلی اسد قیصر کو ارسال کرے گی۔

کمیٹی قومی اسمبلی میں قانون سازی سے متعلق اپنی سفارشات اسپیکرقومی اسمبلی کوپیش کرے گی، کمیٹی میں حکومت کی جانب سے پرویز خٹک، اسدعمر، طارق بشیرچیمہ، فہمیدہ مرزا، بابراعوان، خالد مقبول صدیقی اور خالد مگسی شامل کئے گئے ہیں جبکہ اپوزیشن کی نمائندگی شاہدخاقان عباسی، ایازصادق، راناثنااللہ، شاہدہ اختر علی،نوید قمر، شازیہ مری اور آغاحسن بلوچ کریں گے۔

وزیر خزانہ شوکت ترین نے کہا ہے یکم جولائی سے ٹیکس اقدامات پر عملدرآمد شروع ہو جائے گا، نئے بجٹ میں کسی ٹیکس چور کو نہیں چھوڑیں گے۔

اپنے ایک بیان میں شوکت ترین کا کہنا تھا کہ ماضی میں ٹیکس چور ٹیکس نوٹس نظرانداز کر دیتے تھے، اب ایف بی آر کے نوٹسز نظرانداز کرنے والوں کو نقصان ہو گا۔

ان کا کہنا تھا کہ ٹیکس افسر کسی ٹیکس گزار کو ہراساں نہیں کر سکے گا، نئے بجٹ میں ٹیکس چور کے لیے کوئی رعایت نہیں ہے۔

زرداری نے راجہ پرویز اشرف کو بلاول ہاؤس طلب کر کے پنجاب کی سیاسی شخصیات سےرابطوں کا ٹاسک دے دیا 2013ء میں دوسری پارٹیوں سے الیکشن لڑنے والی مت متعدد شخصیات نے پیپلز پارٹی میں واپسی کیلئے حامی بھری

پیپلز پارٹی پنجاب میں مستقبل میں کم بیک چاہتی ہے آصف زرداری نے ملاقات میں چودھری پرویرالٰہی سے پنجاب کے کچھ اضلاع میں ق لیگ سے تعاون منگ لیا جس میں جھنگ،گجرات،منڈی بہاولدین،قصور کے حلقے شامل ہیں

اسلام آباد: پاکستان سٹیٹ آئل ( پی ایس او) اور پیٹرولیم ڈویژن کے درمیان غلط فہمیاں پیداہونے

کی وجہ سے ملکمیں تیل کا بحران پیدا ہونے کا خدشہ ہے ۔

 تفصیلات کے مطابق آئل ریفائنریاں اورپاکستان سٹیٹ آئل ( پی ایس او) مناسب مقدار میں تیل درآمد کے سودے نہ کر سکیں۔ آئل ریفائنریوں کے پاس وافر مقدار میں فرنس آئل کا ذخیرہ موجود ہے۔ تیل کے نئے سودے نہ ہو سکے، پی ایس او نے پیٹرولیم کو مطلع کر دیا ہے ۔

پیٹرولیم ڈویژن نے ممکنہ طلب اطلاع نہیں دی ہے ۔پی ایس ترجمان کا مزید کہناتھا کہ آنے والے دنوں میں  مطلوبہ مقدار میں تیل کی درآمد کے سودے نہ ہو سکے ہیں ۔ فرنس آئل کی کھپت نہ ہونے کے باعث ریفائنریوں نے نئے معاہدے نہ کیے۔

بیجنگ: 

چین کے سائنسدانوں نے دو شہروں کے درمیان انتہائی محفوظ کوانٹم رابطے کا کامیاب تجربہ کیا گیا ہے ۔ یہ دونوں شہر ایک دوسرے سے 511 کلومیٹر کے فاصلے پر واقع ہیں۔ تاہم اس کے درمیان ایک روایتی ریلے سسٹم موجود تھا۔ تاہم آگے چل کر یہ ایک محفوظ کوانٹم نیٹ ورک کی صورت اختیار کرسکتا ہے۔

اس عمل کو کوانٹم میکانیات کی ایک خاصیت یعنی کوانٹم الجھاؤ (اینٹینگلمنٹ) کی بدولت انجام دیا گیا ہے۔ اس میں دو ذرات فاصلے پر رہتے ہوئے بھی ایک دوسرے پر اثرانداز ہوتے ہیں یعنی جب ایک ذرے کی کیفیت معلوم کرلی جاتی ہے تو دوسرے ذرے کے خواص کا پتا چلانا آسان ہوجاتا ہے۔

تجربے میں جب روشنی کے دو ذرات یعنی فوٹون کو کوانٹم الجھاؤ سے گزارا جاتا ہے تو کوانٹم انکرپشن یعنی کوانٹم خفیہ سازی کا عمل واقع ہوتا ہے۔ اس طرح انتہائی خفیہ اور محفوظ معلومات طویل فاصلے تک بھیجی جاسکتی ہیں۔ اس ضمن میں کئی ماہ قبل چینی ماہرین دو ڈرون سے سادہ کوانٹم معلومات کا تبادلہ کراچکے ہیں۔

اس طرح کوانٹم سطح پر محفوظ ’کیز‘ وضع کی جاسکتی ہیں۔ اب یونیورسٹی آف سائنس اینڈ ٹیکنالوجی کے سائنسدانوں نے ایک کیبل کی بدولت طویل فاصلے تک کوانٹم رابطے کا تجربہ کیا ہے۔ اس میں درمیان میں کئی مراحل ہیں لیکن وہ ڈیٹا کو نہیں پڑھتے اور نہ ہی راز فاش کرتے ہیں۔

فائبر آپٹک تار کے دونوں جانب لیزرسے فوٹون بھیجے گئے۔ ان ذرات کی کیفیات(فیز) رینڈم تھے یعنی ان کی موجی حرکات میں نشیب بھی تھے اور فراز بھی۔ جب درمیانی راہ میں ایک فوٹون کا جوڑا اپنے سے یکساں فیز کے ذرات سے ملا تو سسٹم نے فوری طور پر بھیجنے اور وصول کرنے والے کو روایتی ڈیٹا لنک سے خبردار کیا۔

چونکہ ہر کنارے سے معلوم ہوجاتا ہے کہ کیا بھیجا گیا ہے اور کیا وصول کیا جارہا ہے یا ایک ذرہ دوسرے سے میچ کررہا ہے یا نہیں ، تو ماہرین اس عمل سے کوانٹم کی کا تبادلہ کرسکتے ہیں۔ اب اس کی کے ذریعے ڈیٹا کو خفیہ کیا جاسکتا ہے خواہ اسے روایتی نیٹ ورک سے ہی کیوں نہ بھیجا گیا ہو۔ اس دوران درمیان میں سے کوئی بھی ڈیٹا شناخت نہیں کرسکتا ۔

حال ہی میں کیمبرج میں توشیبا یورپ نے بھی عین اسی ٹیکنالوجی سے 600 کلومیٹر فاصلے پر کوانٹم معلومات کا تبادلہ کیا ہے لیکن سارا سامان ایک ہی جگہ رکھا گیا تھا۔ تاہم چینی ٹٰیم نے حقیقی طور پر دو شہروں کے درمیان 511 کلومیٹر دور کوانٹم معلومات کا تبادلہ کیا ہے ۔ اس کے لیے جینان اور چنگ ڈاؤ کا انتخاب کیا گیا ہے جبکہ مرکزی ریسور مزان شہر میں نصب تھا۔

تاہم کیمبرج تجربے کے ماہرین نے چینی کاوش کی تعریف کرتے ہوئے کہا ہے کہ اس دوران کوانٹم تبادلے میں درجہ حرارت اور دیگر بیرونی عوامل کے باوجود سینکڑوں کلومیٹر دور معلومات کا تبادلہ کرانا بہت اہم کارنامہ ہے۔

کراچی:قومی ائیر لائن نے ہوائی بیڑے میں جدید کم ایندھن خرچ کر نے والے 4 نئے طیارے شامل کرنے کا فیصلہ کر لیا ۔

تفصیلات کے مطابق قومی ایئرلائن پی آئی اے نے کم ایندھن والے چار نئے جدید طیار ے خریدنے کا فیصلہ کر لیا، پی آئی اے  کی جانب سے  نیرو باڈی کے4 نئے جہاز 6 سال کیلئے ڈرائی لیز پر لیے جائیں گے۔ جولائی کے وسط میں پہلا ایئر بس 320 پی آئی اے فلیٹ میں شامل ہوجائےگا  ، دوسراطیارہ اگست میں بیڑے میں شامل ہوگا جبکہ مزید 2طیارے اکتوبر اور دسمبر تک پی آئی اے کو مل جائیں گے۔

 پی آئی اے انتظامیہ  کے مطابق پی آئی اے کاروبار کی ضروریات کے مطابق نئے طیارے حاصل کررہی ہےجبکہ  پی آئی اے بزنس پلان میں 8 سے زائد طیارے شامل کر نے کی منصوبہ بندی ہے ۔ پی آئی اے کے ہوائی  بیڑے میں بوئینگ 777طیارہ بھی شامل کئے جائیں گے ۔

اسلام آباد : وزیراعظم  عمران خان نےسیکیورٹی معاملات سے متعلق خصوصی کمیٹی تشکیل دے دی ، کمیٹی میں وزیر داخلہ شیخ رشید ،وزیر اطلاعات فواد چوہدری بھی شامل ہوں گے۔

تفصیلات کے مطابق وزیراعظم عمران خان کی آئی ایس آئی ہیڈ کوارٹرز کا دورہ کیا ، اس موقع پر ڈی جی آئی ایس آئی لیفٹیننٹ جنرل فیض حمید نےوزیراعظم کا استقبال کیا۔

وزیراعظم کی زیرصدارت آئی ایس آئی ہیڈکوارٹرز میں اعلیٰ سطح اجلاس ہوا، اجلاس میں مسلح افواج کےسربراہان ، انٹیلی جنس ایجنسی کے سربراہان سمیت سینئر وفاقی وزرا فوادچوہدری اور شیخ رشید بھی شریک ہوئے جبکہ انٹیلی جنس بیورو اور ایف آئی اے حکام بھی اجلاس میں موجود تھے۔

جلاس میں اندرونی اور بیرونی سیکیورٹی صورتحال سمیت افغان امن عمل اور انٹیلی جنس کوآپریشن بڑھانے پر بریفنگ دی گئی، وزیراعظم نے نیشنل انٹیلی جنس کوآرڈینیشن کی کارکردگی پر اظہار اطمینان کیا۔

ذرائع کے مطابق وزیراعظم نےسیکیورٹی معاملات سے متعلق خصوصی کمیٹی تشکیل دے دی ، کمیٹی میں وزیر داخلہ شیخ رشید ،وزیر اطلاعات فواد چوہدری اور انون نافذ کرنے والے اداروں کے نمائندے بھی شامل ہوں گے۔

خصوصی کمیٹی کے زریعے سیکیورٹی ، سلامتی سے متعلق امور میں کوآرڈینیشن مزید مضبوط کی جائے گی۔

وزیراعلیٰ پنجاب سردار عثمان بزدار نے جوہر ٹاؤن کے علاقے میں دھماکے کی شدید مزمت کی۔

تفصیلات کے مطابق وزیراعلیٰ عثمان بزدار نے جاں بحق افراد کے لواحقین سے دلی ہمدردی اور اظہار تعزیت کی اور انہوں نے دھماکے میں 2 افراد کے جا ں بحق ہونے پر گہرے دکھ اور افسوس کا اظہار بھی کیا۔

انہوں نے یہ بھی کہا کہ پنجاب حکومت جاں بحق افراد کے لواحقین کے دکھ میں برابر کی شریک ہے، ہماری تمام تر ہمدردیاں جاں بحق افراد کے لواحقین اور زخمیوں کے ساتھ ہیں۔

عثمان بزدار نے مزید کہا کہ یہ واقعہ امن و امان کی فضا کو سبوتاژ کرنے کی مزموم کارروائی ہے، دھماکے کے ذمہ دار قانون کی گرفت سے نہیں بچ پائیں گے۔

وزیراعلیٰ پنجاب سردار عثمان بزدار نے مزید یہ بھی کہا کہ مٹھی بھر دہشت گرد قوم کے پختہ عزم کو متزلزل نہیں کر سکتے، ملک دشمن عناصر ایسی بزدلانہ کارروائیاں کر کے عدم و استحکام پیدا کرنے کی کوشش کررہے ہیں۔