ڈی جی ایف آئی اے کو عہدے سے ہٹا دیا گیا ہے۔

جاری کردہ نوٹیفکیشن کے مطابق ثناء اللہ عباسی کو ڈی جی ایف آئی اے جبکہ واجد ضیا کو نیشنل پولیس بیورو میں تعینات کردیا گیا ہے۔

ذرائع کا کہنا تھا کہ وفاقی کابینہ نے سرکولیشن سمری کے ذریعے تقرریوں کی منظوری بھی دے دی ہے۔

ذرائع کا مزید کہنا تھا کہ معظم جاہ انصاری کو آئی جی خیبر پختونخوا جبکہ صلاح الدین خان کو آئی جی ایف سی خیبر پختونخوا لگا دیا گیا۔

اسلام آباد: مسلم لیگ نون کی نائب صدر مریم نواز نے کہا ہے کہ پی ڈی ایم میں شامل جماعتوں میں کوئی اختلاف نہیں، سب کا وہی مؤقف ہے جو نوازشریف کا ہے۔ عمران خان کے آلہ کار بننے والوں کو بھگتنا پڑے گا۔

مریم نواز نے اسلام آباد ہائیکورٹ میں پیشی کے موقع پر گفتگو میں کہا کہ پی ڈی ایم کی تمام جماعتں ایک پیج پر ہیں،پیپلز پارٹی اب پی ڈی ایم کا حصہ نہیں رہی، اس پر کوئی بات نہیں ہونی چاہئے۔ چیئرمین نیب تو عمران خان ہیں ایک کو ہٹا دیں ایک کو لگا دیں، اگر کوئی ان کا آلہ کاربنا ہے جس طرح چیئرمین نیب ہیں تو یہ ان کو بھگتنا  پڑے گا۔ بشیر میمن کا بیان موجود ہے کہ اداروں کو کس طرح سیاسی انتقام کا نشانہ بنانےکے لیے استعمال کیا جاتا ہے۔

انہوں نے کہا کہ عالمی میڈیا سے پتہ چل رہا ہے کہ حکومت امریکا کو فضائی اڈے دے چکی ہے، خفیہ مذاکرات کے ذریعے ایسا نہیں کیا جاسکتا، حکومت نے اس کی تردید بھی جاری نہیں کی۔ امریکہ کو پاکستانی اڈے دینے کی مخالفت کروں گی۔

ترین گروپ کیساتھ پی ڈی ایم کے سربراہ فضل الرحمن کے رابطے ذراءع کے مطابق ان  رابطوں میں مولانا فضل الرحمن نے  جہانگیر ترین نے کہا ہے کہ اگر ان کا گروپ فوری طور پر اسمبلیوں سے استعفیٰ دیتا ہے  تو پھر ہم ان کیساتھ  چلنے کیلءے تیار ہیں اسی طرح سے مسلم لیگ ن کی اعلیٰ قیادت نے تحریک انصاف کے دوسرے ایم پی ایز سے روابط بڑھا لءے ہیں

چیئرمین سی پیک اتھارٹی عاصم سلیم باجوہ نے کہا ہے کہ سی پیک مغربی روٹ رواں سال کے آخرتک کھول دیا جائے گا۔

تفصیلات کے مطابق چیئرمین سی پیک اتھارٹی عاصم سلیم باجوہ نے اپنے ایک بیان میں کہا کہ خوشاب سے آواران تک شاہراہ پرکام تیزی سے جاری ہے۔

 عاصم سلیم باجوہ نے کہا کہ ماضی میں پسماندہ علاقوں کو ترقی کے عمل میں پیچھے رکھا گیا۔

چیئرمین سی پیک اتھارٹی کا کہنا تھا کہ سی پیک کے تحت پسماندہ علاقوں کی ترقی پر خصوصی توجہ ہے۔

عاصم سلیم باجوہ کا یہ بھی کہنا تھا کہ وزیراعظم نے کہا ہے پسماندہ علاقوں پرزیادہ توجہ دی جائے، محروم علاقوں کی ترقی پر فوکس کیا جارہا ہے۔

چیئرمین سی پیک اتھارٹی نے کہا کہ 2018 تک ہکلہ، ڈی آئی خان موٹروے پر صرف 47 فیصد کام ہوا تھا، ڈی آئی خان سے آگے ژوب کوئٹہ سیکشن پرکام شروع ہوچکا ہے۔

عاصم سلیم باجوہ نے یہ بھی کہا کہ محروم علاقوں کی ترقی پر فوکس کیا جارہا ہے، ہکلہ ڈی آئی خان روٹ آئندہ3سے 4ماہ میں کمیشن ہوجائے گی۔

چیئرمین سی پیک اتھارٹی عاصم سلیم باجوہ نے مزید کہا کہ اگلے سال آواران سے خضدار تک شاہراہ پر کام شروع کریں گے، سی پیک مغربی روٹ رواں سال کے آخرتک کھول دیا جائے گا۔

وفاقی وزیر اطلاعات فواد چوہدری کا کہنا ہے کہ پی ٹی وی کی درخواست پر کابینہ نے بھارتی کمپنیوں کے ساتھ معاہدہ کرنے کی اجازت نہیں دی جس کی وجہ سے آئندہ ماہ شروع ہونے والی پاکستان-انگلینڈ کرکٹ سیریز ملک میں نہیں دکھا پائیں گے۔

وفاقی کابینہ کے اجلاس کے بعد پریس کانفرنس وفاقی وزیر برائے اطلاعات و نشریات فواد چوہدری نے کہا کہ کابینہ سے ایک بھارتی کمپنی کے ساتھ شراکت کی منظوری کی درخواست کی گئی تھی، جس سے پی ٹی وی 8 جولائی 2021 سے شروع ہونے والے پاکستان اور انگلینڈ کے مابین کرکٹ سیریز کو نشر کرسکتا تاہم کابینہ کی جانب سے اس تجویز کو مسترد کردیا گیا ہے۔

انہوں نے کہا کہ پاکستان کسی بھی بھارتی کمپنی کے ساتھ شراکت نہیں کرسکتا ہے اور ہمسایہ ملک کے ساتھ ہمارے تعلقات 5 اگست 2019 کو بھارت کی جانب سے کشمیر کی سابقہ حیثیت کی بحالی کے فیصلے کو واپس کرنے سے مشروط ہیں۔

انہوں نے کہا کہ پاکستان، میچ سیریز کے نشریاتی حقوق کے حصول کے لیے انگلینڈ کرکٹ بورڈ اور دیگر غیر ملکی کمپنیوں سے رابطہ کرنے سمیت مختلف آپشنز پر غور کرنے کی کوشش کررہے ہیں لیکن جنوبی ایشیا میں کرکٹ نشر کرنے کے حقوق بھارتی کمپنیوں کے پاس ہے اور اس کے حل کے لیے ہم کوئی اور راستہ دیکھ رہے ہیں۔

وفاقی وزیر کا کہنا تھا کہ ‘کرکٹ دیکھنا ضروری ہے اور اس کے لیے پوری منصوبہ بندی کی کوشش کریں گے، اگر اس کا ہمیں کوئی متبادل نہیں مل سکا تو پی ٹی وی کو پی سی بی کو بھی خسارے کا سامنا کرنا پڑے گا’۔

کابینہ اجلاس میں کیے جانے والے دیگر فیصلوں سے متعلق گفتگو کرتے ہوئے فواد چوہدری نے بتایا کہ پاکستان ٹیلیفون انڈسٹریز ہری پور کی بحالی اور تنظیم نو کے لیے اسے نیشنل ریڈیو ٹیلی کمیونیکیشن کارپوریشن کی حوالے کرنے کی بھی منظوری دے دی ہے۔

فواد چوہدری نے بتایا کہ یہ فیصلہ سال 2006 سے التوا کا شکار تھا۔