(ویب ڈیسک)مسلم لیگ پنجاب کے صدر رانا ثناء اللہ کا کہنا ہے ہمارا کسی ادارے سے کوئی جھگڑا نہیں ہے لیکن ہم موجودہ کٹھ پتلی حکومت کے سامنے نہیں جھکیں گے۔

انسداد منشیات عدالت میں پیشی کے موقع پر میڈیا سے گفتگو کرتے ہوئے رانا ثناء اللہ کا کہنا تھا کہ مجھ پر 15 کلو ہپیروئن کا جعلی کیس بنایا ہوا ہے، کہا جا رہا ہے کہ اثاثے غیر قانونی طور پر بنائے حالانکہ میرے میرے تمام اکاؤنٹس منجمد ہیں، بطور ایم این اے کا میرا اکاؤنٹ بھی فریز ہے، فیملی کے اکاؤنٹس بھی ڈیڑھ سال سے منجمد ہیں، ظلم و زیادتی اور نا انصافی 15ماہ سے جاری ہے۔

ایک سوال کے جواب میں رانا ثناء اللہ کا کہنا تھا کہ اپوزیشن کو کیا ایکسپوز کرنا ہے، اب حکومت خود ایکسپوز ہو گئی ہے۔

رہنما ن لیگ نے کہا کہ ہم ظالم حکومت کے سامنے کھڑے ہیں جھکنے والے نہیں، پی ڈی ایم نے تہیہ کر لیا ہے کہ منہگائی کے خلاف کھڑے ہوں گے۔

ان کا کہنا تھا کہ ہمارا کسی ادارے سے کوئی جھگڑا نہیں، سیاستدان اور اپوزیشن سمیت سب لوگ محب وطن ہیں لیکن موجودہ حکومت کٹھ پتلی ہے، کبھی مضبوط نہیں ہو سکتی۔

پاکستان تحریک انصاف کی حکومت کو تنقید کا نشانہ بناتے ہوئے رانا ثناء اللہ کا کہنا تھا کہ پی ٹی آئی اپنے 23 اکاؤنٹ سامنے لائے اور آڈٹ کرائے سب پتہ چل جائے گا۔

رہنما ن لیگ نے کسی کا نام لیے بغیر کہا کہ چینی اسکینڈل میں 150 ارب روپے کی ڈکیتی کرنے والا لندن جا کر بیٹھا ہوا ہے جب کہ ظفر مرزا دواؤں میں اربوں روپے کما کر بیرون ملک چلے گئے لیکن وزیراعظم کو اربوں روپے کی کرپشن نظر نہیں آتی۔

ایک سوال کے جواب میں انہوں نے کہا کہ مصالحت کی پالیسی کا یہ مطلب نہیں کہ ووٹ کو عزت دو کے نعرے پر سمجھوتہ کریں، ملک میں آزاد اور شفاف احتساب ہونا چاہیے۔

رانا ثناء اللہ نے مطالبہ کیا کہ عمران خان وزارت عظمیٰ کا عہدہ چھوڑ دیں اور آزاد شفاف الیکشن میں حصہ لیں۔

سابق وزیراعظم شاہد خاقان عباسی نے چینل 5 کے تجزیوں اور تبصروں پر مشتمل پروگرام “ضیا شاہد کے ساتھ” میں کہا ہے کہ تمام سٹیک ہولڈرز مل بیٹھ کر فیصلہ کریں کے ملک کیسے چلانا ہے ،جو نہ بیٹھے وہ بھارتی ایجنٹ , گالیاں دینے والے معزز بنے بیٹھے ہیں ہم بے عزتی کروانے پارلیمنٹ نہیں جاتے جو ممجھے چور کہے گا میں اس کے باپ دادا کو چور کہوں گا۔  ہم نے پارٹی ڈسپلن کی خلاف ورزی کرنے والوں کو نکالا گیا  آٹا اور چینی عوام کی پہنچ میں نہیں رہے، چینی 71 سال میں 53 روپے اور صرف 2 سال 47 روپے مہنگی ہوکر 100 روپے کلو ہوگئی ہے۔ عوامی مسئلہ اسمبلی میں پیش کرو تو گالیاں دی جاتی ہیں۔

راولپنڈی کے علاقے کلر سیداں میں کارکنان سے خطاب میں شاہد عباسی نے استفسار کیا کہ تحریک انصاف کی حکومت نے ان 2 سالوں میں ایک بھی مثبت کام کیا ہے؟ مجھے بتائیں۔

انہوں نے کہا کہ پورا پاکستان جانتا ہے کہ 2018ء کے الیکشن میں فتح کس کی ہوئی اور فاتح کون قرار پایا، ہم پر زور تھا کہ اسمبلیوں میں نہ جائیں مگر ہم نے ایسا نہیں کیا۔

سابق وزیراعظم نے مزید کہا کہ معیشت کمزور ہوگی تو دفاع بھی کمزور ہوگا، وزیراعظم کو دل کشادہ کرنا پڑتا ہے اور مسائل سن کر ان کا حل نکالنا ہوتا ہے۔

ان کا کہنا تھا کہ 2 سال ہوگئے ہیں، اس دوران اسمبلی چل رہی ہے اور نہ ہی حکومت پرفارم کر رہی ہے، جو بے توقیری اس دور میں اسمبلی ممبران کی ہو رہی ہے، تاریخ میں کبھی نہیں ہوئی۔

شاہد خاقان عباسی نے یہ بھی کہا کہ جب بھی ہم کوئی عوامی مسئلہ اسمبلی میں پیش کرتے ہیں تو دوسری طرف سے گالیاں دی جاتی ہیں۔

انہوں نے کہا کہ جو کام بھارت 71 برس میں نہیں کرسکا، وہ عمران خان کے دور حکومت میں کردیا اور ہم دیکھتے رہے، اس اقدام کے بعد ہمیں بھارت کے ساتھ بارڈر بند کر دینا چاہیے تھا۔