ملائیشیا (ویب ڈیسک)وزیر اعظم عمران خان نے کہا کہ بھارت تباہی کے راستے پر گامزن ہے اور اگر بھارت فسطائیت اور انتہا پسند ہندووتوا کے راستے پر ہی گامزن رہا تو ہمیشہ کے لیے تقسیم ہو جائے گا اور اس کے ٹکڑے جائیں گے۔ملائیشیا میں ایڈوانس اسلامک اسٹڈیز انسٹیٹیوٹ سے خطاب کرتے ہوئے وزیر اعظم عمران خان نے کہا کہ میں نے ملائیشیا کو اپنی زندگی میں تبدیل اور ترقی کرتے ہوئے دیکھا اور مجھے ملائیشیا کی یہ چیز سب سے زیادہ اچھی چیز یہ لگتی ہے کہ یہ انتہائی تہذیب یافتہ معاشرہ ہے کیونکہ وہاں مذہب اور لسانی گروہوں کے درمیان ہم آہنگی ہے جو کسی مہذب معاشرے کی سب سے بڑی علامت ہے۔انہوں نے کہا کہ ہمیں اسلام کے سنہرے دور کو دیکھنا چاہیے جہاں تمام مختلف مذاہب ایک ساتھ رہتے تھے جہاں برداشت تھی اور لوگ ایک دوسرے کو قبول کرتے تھے، مذہب کو کبھی بھی جبری طور پر مسلط نہیں کیا گیا تھا جبکہ ملائیشیا میں لوگ جس طرح رہتے ہیں تو ہمیں یہی چیز نظر آتی ہے اور میرے خیال میں ہمیں اس کو اپنانا چاہیے۔عمران خان نے کہا کہ مجھے دسمبر میں کوالالمپور سمٹ میں شرکت کے لیے یہاں آنا تھا تاکہ ہم اسلاموفوبیا کے مسئلے کو عالمی سطح پر اجاگر کر سکیں۔اس موقع پر انہوں نے اسلامو فوبیا کے پھیلاو¿ پر تفصیلی گفتگو کرتے ہوئے کہا کہ سب سے پہلے ایرانی انقلاب کے موقع پر مغربی دنیا میں خوف پیدا ہو گیا تھا کہ پوری اسلامی دنیا مغرب مخالف اس انقلاب کے زیر اثر آ جائے گی اور یہ پہلا موقع تھا کہ جب مغربی دنیا کو اسلام سے خوف محسوس ہوا۔ان کا کہنا تھا کہ دنیا کو دوسری مرتبہ اسلاموفوبیا کا خطرہ اس وقت محسوس ہوا جب 1989 میں سلمان رشدی نے ایک توہین آمیز کتاب لکھی، اس کتاب کے خلاف مسلمان ممالک میں آنے والے ردعمل کو مغربی دنیا نہ سمجھ سکی کیونکہ انہیں یہ سمجھنے کی ضرورت تھی کہ مسلمان اپنے نبی کی توہین کے خلاف اس حد تک شدید ردعمل کیوں دے رہے ہیں۔عمران خان نے سلمان رشدی واقعے کے بعد پھیلنے والے اسلاموفوبیا کو مسلمان ممالک اور ان کی قیادت کی سب سے بڑی ناکامی قرار دیتے ہوئے کہا کہ مسلمان رہنماو¿ں کو دنیا کو یہ سمجھانا چاہیے تھا کہ یہ چیز ہمارے لیے اتنی اہمیت کیوں رکھتی ہے اور انہیں یہ سمجھانا چاہیے تھا کہ نبی اکرم ہمارے دلوں میں بستے ہیں اور ہم ان سے بہت محبت کرتے ہیں۔ان کا کہنا تھا کہ مغربی ممالک خصوصاً یورپ میں مذہب پر اس طرح سے عمل نہیں کیا جاتا جس طرح سے ہم کرتے ہیں کیونکہ وہاں وہ اپنی ہستیوں کے بارے میں مزاحیہ پروگرام کرتے ہیں جبکہ مجھے انگلینڈ میں یہ دیکھ کر بڑا دھچکا لگا، لہٰذا ہمیں یہ بتانا چاہیے تھا کہ نبی اکرم کی توہین سے ہمیں اتنی تکلیف کیوں پہنچی۔بات کو جاری رکھتے ہوئے انہوں نے کہا کہ اس کے بعد مغرب میں یہ تاثر بن گیا کہ اسلام ایک عدم برداشت کا مذہب ہے، یہ مغربی اقدار کے خلاف ہے جس کے بعد اسلاموفوبیا بڑھتا چلا گیا۔انہوں نے کہا کہ تیسرا موقع 9/11 (یعنی 11 ستمبر 2001) کا تھا جس میں 15 سے 16 دہشت گردوں نے ایک مجرمانہ سازش کی اور مسلم دنیا کے لیے سب سے تباہ کن بات یہ ہوئی کہ جب مغربی رہنماو¿ں نے اسے اسلامی دہشت گردی قرار دیا تو ہمیں اعتراض کرنا چاہیے تھا کیونکہ ان کے اس دہشت گردی کے عمل کا اسلام سے آخر کیا تعلق تھا؟۔انہوں نے کہا کہ اسلام اور ان دہشت گردی کی کارروائیوں کا آپس میں کوئی تعلق نہیں اور بدقسمتی سے مسلم دنیا نے بھی مغرب کی جانب سے استعمال کی جانے والی اصطلاحات ‘ترقی پسند اسلام’ اور ‘قدامت پسند اسلام’ کو استعمال کرنا شروع کردیا جو مسلم دنیا کے لیے سب سے بڑا المیہ تھا، اس کے بعد مغربی دنیا نے ہر مسلمان کو دہشت گرد سمجھنا شروع کردیا اور اسلاموفوبیا میں مزید اضافہ ہوا۔عمران خان نے کہا کہ مسلم دنیا کے رہنماو¿ں نے دہشت گردی اور مذہب کو آپس میں جوڑنے پر کوئی اعتراض نہیں اٹھایا جس کی وجہ سے خودکش حملوں کو بھی اسلام سے جوڑ دیا گیا حالانکہ تاریخی شواہد اس بات کی یکسر نفی کرتے ہیں۔دوران گفتگو انہوں نے کہا کہ دوسری جنگ عظیم میں جاپانی پائلٹس نے خودکش حملے کیے لیکن کسی نے بھی ان کے مذہب کو ذمے دار نہیں ٹھہرایا جبکہ 9/11 سے قبل اکثر خودکش حملے ہندو تامل ٹائیگرز نے کیے لیکن کسی نے اس وقت بھی مذہب کو ذمے دار نہیں ٹھہرایا تاہم اسلام اور دہشت گردی کو آپس میں جوڑ دیا گیا جس کی وجہ سے ہمیں مغربی ممالک میں مسلمانوں پر تشدد اور تضحیک کی کئی مثالیں نظر آتی ہیں۔انہوں نے کہا کہ اسلاموفوبیا کی وجہ سے میں نے نیویارک میں اقوام متحدہ کی جنرل اسمبلی کے اجلاس موقع پر وزیر اعظم مہاتیر محمد اور ترک صدر رجب طیب اردوان سے بات کی تاکہ ہم اس مسئلے کو اجاگر کر کے کوئی ایسا میڈیا تشکیل دے سکیں جو اسلام کے خلاف ان غلط فہمیوں کو دور کر سکے۔وزیر اعظم نے کہا کہ اب بچوں کو موبائل فون میسر ہے جس کے سبب ان کی معلومات تک جتنی رسائی اب ہے، پہلے کبھی بھی نہ تھی لہٰذا یہ انتہائی ضروری ہے کہ ہم اپنے بچوں کو اسلام کی تاریخ سے آگاہ کریں اور ایک مختلف نقطہ نظر پیش کریں تاکہ ان کو اسلام کی اصل تصویر پیش کی جا سکے۔ان کا کہنا تھا کہ ہم چاہتے ہیں کہ ہمارے بچے نہ تو اسلام مخالف پراپیگنڈے کا شکار ہوں اور نہ ہی انتہا پسندی کی جانب راغب ہوں اور ہم اب بھی اس منصوبے پر کام کر رہے ہیں۔دیگر معاملات پر بات کرتے ہوئے عمران خان نے کہا کہ پاکستان کے لیے میرا وہی نظریہ ہے جو بانیان پاکستان علامہ اقبال اور قائد اعظم محمد علی جناح کا تھا اور پاکستان کے لیے ان کا نظریہ یہ تھا کہ اس ملک کو مدینہ میں مسلمانوں کی پہلی ریاست کی طرز پر بنایا جائے جس کی بنیاد ہمارے نبی اکرم نے رکھی تھی۔ایک سوال کے جواب میں عمران خان نے کہا کہ جب میں وزیراعظم بنا تھا تو میں نے سب سے پہلے بھارت سے رابطہ کیا تھا اور بھارتی وزیراعظم نریندر مودی کو مکمل حمایت کی یقین دہانی کراتے ہوئے کہا تھا کہ ہم اپنے تعلقات کو بہتر بنانے کے لیے جو کچھ ہو سکا وہ کریں گے کیونکہ سب سے زیادہ غریب لوگ ہمارے خطے میں رہتے ہیں۔انہوں نے کہا کہ خطے میں غربت کو کم کرنے کا سب سے بہترین طریقہ یہ ہے کہ دونوں ملک تعلق بہتر کرتے ہوئے آپس میں تجارت شروع کریں، دونوں ملکوں میں جتنی کشیدگی کم ہوگی اتنا ہی ہم دفاع پر کم خرچ کریں گے اور تجارت پر زیادہ خرچ کر سکیں گے جس سے خوشحالی بڑھے گی۔ان کا کہنا تھا کہ بھارت کی جانب سے ہمارے پیشکش کو مسلسل ٹھکرایا جاتا رہا جس کی کوئی عملی وجہ نہیں بلکہ اصل وجہ یہ ہے کہ بھارت پر ایک انتہا پسند نظریے نے قبضہ کر لیا ہے۔بات کو جاری رکھتے ہوئے انہوں نے کہا کہ جو کچھ بھارت میں ہو رہا ہے وہ بھارتی عوام کے لیے انتہائی خطرناک ہے اور اس سے بھارت ہمیشہ کے لیے تقسیم ہو جائے گا اور اس کے ٹکڑے ہو جائیں گے۔انہوں نے کہا کہ بھارت میں بڑی اقلیت موجود ہے اور ہندووتوا کے انتہا پسند فاشسٹ نظریے نے 50کروڑ افراد کو الگ کردیا اور اگر وہ اسی ڈگر پر چلتے رہے تو انہیں کئی مشکلات کا سامنا کرنا پڑ سکتا ہے۔انہوں نے بھارت کو خبردار کیا کہ اگر ایک مرتبہ بھارت میں انتہا پسند نظریے کا جن بوتل سے باہر آ گیا تو اسے دوبارہ بوتل میں ڈالنا مشکل ہو جائے گا۔عمران خان کا کہنا تھا کہ میں بھارت سے ہمدردی کا اظہار کرتے ہوئے کہہ رہا ہوں کہ جو کچھ بھارت میں ہو رہا ہے وہ اس کے لیے سب سے بڑی تباہی ہے کیونکہ یہ فاشسٹ سوچ کسی اور نظریے کو پنپنے کی اجازت نہیں دیتی۔اس موقع پر انہوں نے مستقبل میں بھارت سے بہتر تعلقات کی امید ظاہر کرتے ہوئے کہا کہ بھارت میں جب کبھی بھی ایسی حکومت آتی ہے جو برصغیر میں غربت کے خاتمے اور خوشحالی پر یقین رکھتی ہو تو پاکستان انہیں دوستی کی پیشکش کرنے والا پہلا ملک ہوگا۔

لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے معروف سینئر صحافی ضیا شاہد نے کہا ہے کہ کرونا موزی مرض ے پوری دنیا میں پھیل رہا ہے ہمارے لئے تشویشناک بات ہے وہ یہ ہے کہ پاکستان ووہان کا علاقہ جس میں اصل میں بیماری ہے وہاں تو روک دیا گیا ہے باقی دوسرے ممالک کے علاقوں سے پاکستانی واپس آ رہے ہیں۔ چنانچہ دو فلائٹس پاکستان آ چکی ہیں۔ باقی ملکوں میں تو یہ بندوبست کیا گیا ہے امریکہ میں تو ہسپتال خالی کر کے مشکوک مریضوں کو رکھا گیا ہے مگر ہمارے ہااں جیسے مثال کے طور پر لاہور کا سب سے بڑا ہسپتال میوہسپتال، سروسز ہسپتال بڑا ہسپتال ہے۔ میو تو قدیم ترین ہسپتال ہے۔ لیکن ان دونوں ہسپتالوں میں صفائی کی حالت ازخود کافی ناگفتہ بہ ہے۔ میوہسپتال میں وارڈوں میں بستروں کے نیچے پھر رہے ہیں حالانکہ کہا جاتا ہے کہ یہ بیماری چوہوں سے ہی پھیلی تھی اور چوہے، چمگادڑ، سانپ اس قسم کی چیزیں کھانے سے تو بیماری چین میں پھیلی تھی۔ کہیں ایسا نہ ہو کہ خدا نہ کرے کہیں ایک کیس بھی اس قسم کا سامنے آ گیا کہ یہاں پہنچنے کے بعد جو مریض ہیں جن کو 14 دن کے لئے الگ رکھا گا ہے ان میں سے اگر کوئی مرگیا ہو گیا تھا تو بہت ہی خطرناک بات ہے اس سے ایک سنسنی پھیل جائے گی۔ اللہ کرے ایسا کوئی واقعہ پیش نہ آئے۔ لیکن جہاں تک ہمارے ہسپتالوں کی صفائی کی صورت حال ہے وہ اپنی جگہ ایک حقیقت ہے کہ سروسز ہسپتال یا میوہسپتال ہو ان میں چوہے بے تحاشا پھر رہے ہیں۔ ہمارے ہاں اتنے وسائل نہیں ہیں ورنہ جیسے منشی ہسپتال ہے یا اس طرح کا اور کوئی ہسپتال ہے تو کوئی ہسپتال خالی کروا کے اس میں ان مریضوں کو رکھنا چاہئے تھا۔ بڑا خطرناک ہو گا کہ ان مریضوں کو مشکوک حالت میں دوسرے عام مریضوں کے ساتھ رکھا جائے تو اس سے بہت خطرناک نتائج بھی برآمد ہو سکتے ہیں۔ خدا کرے کہ ہم محفوظ رہہیں سچی بات یہ ہے کہ اس میں بڑا خوف آتا ہے کہ انہیں ہسپتالوں میں ان مریضوں کو رکھا جائے جن کو 14 دن الگ رکھنا ضروری ہے اس سے کافی خطرات لاحق ہو سکتے ہیں۔ ڈنمارک میں خاکوں کے حوالے سے جو صورت حال پیش رہی اب دوبارہ ڈنمارک کی جانب سے ایک اور بیہودہ ہتھکنڈہ ایک اخبار کے اندر کارٹون شائع کیا گیا چین کے جھنڈے کے اوپر کرونا کی شکل میں 5 سٹار کو کرونا کی شکل دی گئی ہے جس پر کافی برہمی کا اظہار کیا گیا ہے۔ اس پر ضیاشاہد نے کہا کہ ہم سب کو اللہ سے دُعا مانگنی چاہئے کہ خداوند کریم سب کو محفوظ رکھے۔ چین کے خلاف پروپیگنڈا بیکار ہے کیونکہ یہ ساری دنیا میں پھیلی ہوئی ہے۔ جس طرح سے دوسرے ملکوں میں اس کو رکھا گیا ہے۔ اس طرح ایسے مریضوں کو جو وہاں سے آئے ہیں اصل میں ان کو الگ رکھنا چاہئے۔ جن مریضوں کو الگ رکھنا صروری ہے گار ان ہسپتالوں میں رکھنا ہے وہاں چوہے پھر رہے ہیں تو پھر تودعائیں کرنی چاہئے کہ یا اللہ تو ہماری حفاظت کر۔ ڈنمارک اور ناروے دو ملک ایسے ہیں کہ انہوں نے آزادی صحافت کے نام پر ہر قسم کی چیزروا رکھی ہے چین کے جھنڈے کے سٹار کے ساتھ ایسی علامت بنانا اور ان کو ظاہر کرنا کہ وہاں کرونا پھیلا ہوا ہے یہ بہت گھٹیا حرکت ہے۔ ہماری صوبائی وزیر صحت خود ڈاکٹر ہیں یاسمین راشد اور بہت قابل ڈاکٹر ہیں یقین ہے کہ وہ ہر اقدام اٹھائیں گی جو ان کے بس میں ہے۔ لیکن ترجمان کا اس کو لائٹ لی لینا کہ اگر ہسپتال میں چوہے ہیں ان چوہوں میں وائرس نہیں ہے بچگانہ بات ہے چوہے چوہے ہوتے ہیں کہ کس طرح سے ثابت کیا جائے گا کہ ان چوہوں میں وائرس ہے یا نہیں ہے۔ فوری طور پر ہسپتال کو چوہوں سے پاک کرنا چاہئے۔ باہر کے ملکوں میں بندوبست کیا گیا ہے کہ الگ ہسپتالوں میں رکھا جائے 14 دن الگ رکھنا ضروری ہے۔ یہ بات ممکن اتنے ہسپتال موجود نہیں ہے کہ مریضوں کو الگ رکھا جائے۔ عام مریضوں کے ساتھ رکھنا خطرناک ہو سکتا ہے۔
وزیراعظم نے چائنا کی حدود استعمال کی ہے۔ پہلی مرتبہ عمران خان نے جانا تھا تو وہ نہیں جا سکے تھے اس سے بڑے شکوک، شبہات پیدا ہوئے اس پر ترکی نے بھی کمنٹس دیئے ملائیشیا نے بھی اعتراض کیا تھا۔ اچھی بات ہے کہ وزیراعظم اور وزیرخارجہ ملائیشیا پہنچے ہیں جو خطرہ محسوس کیا جا رہا تھا وہ ختم ہو جائے گا۔ یہ ان شکوک و شبہات کا مداوا ہو گا جو پاکستان کی شمولیت نہ کرنے سے پیدا ہوا تھا کہ دباﺅ کے تحت پاکستان نے شرکت نہیں کی تھی۔ پاکستان کے کانفرنس میں نہ جانے سے جو امیج ابھرا تھا وہ دوبارہ بحال ہو جائے گا۔ ٹرائیکا کو دھچکا پہنچا تھا میں تلافی کرنے کی کوشش کی ہے۔ اگرچہ ہم دیر سے جا رہے تھے۔ دورہ اقوام متحدہ کے دوران ترکی، پاکستان اور ملائیشیا نے جو فیصلہ کیا تھا۔ خاص طور پر عالم اسلام کے لئے ایک نیوز ایجنسی بنائی جائے اس کی دوبارہ بات شروع ہونی چاہئے۔ آئی ایم ایف کی تیسری قسط جاری کر دی گئی ہے۔ جب بھی آئی ایم ایف کے پاس جانے کی جب بھی بات ہوئی ہے پہلے یہ ہو کیا گیا کہ ہم جائیں گے تو پھر کہا گیا کہ ہم کہیں جائیں گے مہنگائی کی شدت کی وجہ سے حکومت مجبور ہو گئی ہے کہ سبسڈی دے کر کچھ قیمتیں بہتر کر سکیں گے تو بہتر ہو گا۔جو کسٹم افسروں کو فارغ کیا جانا اس بات کی دلیل ہے گندم باہر بھیجے میں ان لوگوں کا ہاتھ تھا۔ جب ملک میں گندم کی کمی ہے تو باہر بھیجنا بہت برا اقدام تھا کہیں نہ کہیں غلطی ضرور ہو رہی ہے اچھی بات ہے ساتھ ساتھ غلطی کو پکڑا بھی جا رہا ہے۔ضیا شاہد نے کہا کہ خود ڈاکٹر اشفاق صاحب جب حکومت سے منسلک تھے تو بھی آئی ایم ایف کے پروگرام چلتے تھے اور آئی ایم ایف سے لون لئے جاتے تھے۔

اسلام آباد (سٹاف رپورٹر)وزیر اعظم عمران خان ملائیشین ہم منصب مہاتیر محمد کی دعوت پر 2 روزہ دورے پر کوالا لمپور پہنچ گئے۔ وزیر اعظم کے ہمراہ شاہ محمود قریشی، وزیر منصوبہ بندی و ترقی اسد عمر اور مشیر تجارت عبدالرزاق داو¿د بھی دورے پر روانہ وئے۔دونوں ممالک کے وزرائے اعظم باہمی ملاقات میں دوطرفہ دلچسپی کے امور پر تبادلہ خیال کریں گے۔علاوہ ازیں دونوں ممالک کے وزراعظم کی موجودگی میں وفود کی سطح پر اہم معاہدے اور مفاہمتی یادداشت پر دستخط ہوں گے،وزرا ئے اعظم عمران خان اور مہاتیر محمد مشترکہ پریس کانفرنس بھی کریں گے۔وزیر اعظم عمران خان اپنے دورے میں ملائیشیا کے انسٹی ٹیوٹ آف اسٹریٹجک اینڈ انٹرنیشنل اسٹڈیز (آئی ایس آئی ایس) کے زیر اہتمام تھنک ٹینک سے بھی خطاب کریں گے۔وزیر اعظم کا یہ دورہ پاکستان اور ملائیشیا کے مابین مضبوط تعلقات اور دونوں ممالک کے درمیان اسٹریٹجک شراکت داری کو مزید تقویت دینے کے تناظر میں مشترکہ عزم کی علامت ہے۔ واضح رہے کہ اگست 2018 میں وزارت عظمیٰ سنبھالنے کے بعد وزیر اعظم عمران خان کا ملائیشیا کا یہ دوسرا دورہ ہوگا اس سے قبل وزیر اعظم 20 اور21 نومبر 2018 کو ملائیشیا کا دورہ کرچکے ہیں۔خیال رہے کہ وزیراعظم مہاتیر محمد نے21 مارچ سے 23 مارچ 2019 تک پاکستان کا دورہ کیا تھا اور یوم پاکستان پریڈ میں مہمان خصوصی تھے۔دونوں وزرائے اعظم نے ستمبر 2019 میں نیویارک میں اقوام متحدہ کی جنرل اسمبلی کے اجلاس کے دوران بھی ملاقات کی تھی۔وزیراعظم ہاو¿س سے جاری اعلامیے میں کہا گیا پاکستان اور ملائیشیا عقیدے اور ثقافت کے اعتبار سے قریبی اور دوستانہ تعلقات رکھتے ہیں اور اس میں باہمی اعتماد اور مفاہمت کے خواہش مند ہیں۔وزیراعظم عمران خان مختلف ملاقاتوں کے دوران علاقائی اور بین الاقوامی امن وسلامتی کے حوالے سے پاکستان کے مثبت کردار پر بھی بات کریں گے۔علاوہ ازیں عمران خان مقبوضہ کشمیر میں انسانی حقوق کی سنگین خلاف ورزیوں اور بھارت کے جارحانہ رویے کی وجہ سے علاقائی امن وسلامتی کو درپیش خطرات سے متعلق بھی گفتگو کریں گے۔

لاہور(اےن اےن آئی) وفاقی وزیر شفقت محمود مسلم لیگ قائداعظم کی قیادت کو نئی کمیٹی سے مذاکرات کےلئے قائل نہ کر سکے، (ق) لیگ اپنے مطالبے پر ڈٹ گئی ۔ذرائع کے مطابق وفاقی وزیر شفقت محمود کی چوہدری برادران کے گھر آمد، پرویز الہی کے ساتھ ون ٹو ون ملاقات کی ۔مسلم لیگ (ق)کی قیادت نے نئی حکومتی کمیٹی کے رکن اور ذاتی حیثیت میں ملاقات کرنے والے شفقت محمود سے اتحاد کے معاملات پر بات چیت سے گریز کیا۔ (ق) لیگی قیادت کا موقف تھا کہ پہلے جہانگیر ترین اور پرویز خٹک کی کمیٹی میں طے شدہ معاملات پر عملدرآمد، پھر نئی کمیٹی سے بات ہوگی۔ نئے سرے سے دوبارہ اتحاد کے معاملات پر بات نہیں کر سکتے۔ پہلی کمیٹی میں جو طے ہوا، اس پر عمل کیا جائے۔وفاقی وزیر نے ملاقات کے بعد اکیلے میڈیا ٹاک کی جس میں مسلم لیگ (ق) کا کوئی رہنما شریک نہ ہوا۔شفقت محمود نے مےڈےا سے گفتگو کرتے ہوئے کہاکہ چودھری پرویز الٰہی سے ون ٹو ون ملاقات ہوئی ہم ان سے بہت کچھ سیکھتے ہیں اور ملاقات اعزاز کی بات ہے۔وفاقی وزیر نے کہا کہ (ق)لیگی قیادت سے انتہائی خوشگوار ماحول میں ملاقات ہوئی،تاثر پھیل رہا تھا کہ حکومت اور مسلم لیگ (ق)میں اختلافات ہیں لیکن یہ غلط ہے۔ ہماری سوچ ایک دوسرے سے ملتی ہے۔ ہمارا رشتہ صرف کچھ دو اور کچھ لو پر مبنی نہیں ہے۔انہوںنے کہاکہ مسلم لیگ (ق)کے جو خدشات تھے وہ بڑی حد تک حل ہو چکے ہیں۔شفقت محمود کا کہنا تھا کہ مسلم لیگ (ق)کو خدشہ تھا کہ نئی کمیٹی بنی ہے تو دوبارہ شروع سے بات ہوگی، ہماری کمیٹی کی مسلم لیگ (ق)کی کمیٹی کے ساتھ ملاقات جلد ہوگی، نئی کمیٹی بننے کا مقصد پرانے معاہدوں کو زیربحث لانا نہیں تھا، ق لیگ سے کیے گئے پرانے معاہدوں میں کوئی تبدیلی نہیں ہوگی بلکہ جو معاہدے کیے ہیں انہیں ہی ساتھ لے کر چلیں گے، جو معاملات ہیں ان پر تفصیل سے بات چیت ہو گی، کمیٹیاں جب بیٹھیں گی تو معاہدوں پر عملدرآمد پر بات ہو گی۔