لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی ضیا شاہد نے کہا ہے کہ چند روز پہلے بڑا بحران نظر آ رہا تھا کہ علوم ہوتا تھا کہ پتہ نہیں ہمارے اداروں میں آپس میں لڑائی نہ شروع ہو جائے اور ملک کے حالات ایسے ہیں ہم اس قسم کے اندرونی تصادم کے متحمل نہیں ہو سکتے۔ خدا کا شکر ہے کہ چیف جسٹس صاحب اور دوسرے جج صاحبان نے بہت معاملہ فہمی سے اور نہایت دانشمندی سے اس مسئلے کا حل نکالا اور اس سے یہ بات طے ہو گئی کہ جو قانون موجود نہیں ہے اس کے لئے قانون بنے گا اور آرمی چیف بارے انہوں نے ایک دن پوچھ لیا تھا کہ ان کی مدت ملازمت کے کتنے دن باقی ہیں تو ان کو بتایا گیا کہ کل رات کے بعد وہ فارغ ہو جائیں گے تو انہوں نے کہا کہ اس کا مطلب ہے کہ کل ہی فیصلہ کرنا پڑے گا پرسوں انہوں نے کہاتھا۔ کل ہی انہوں نے فیصلہ کر دیا 6 مہینے ان کو دے دیئے اور چھ ماہ کے اندر متبادل قانون سازی جو ہے وہ کرنے کے بعد معاملہ حل ہو جائے گا۔ لوگ کہتے ہیں کہ اس کا مطلب یہ ہے کہ اگر پارلیمنٹ جو ہے اس میں آئین میں تبدیلی کے لئے دو تہائی اکثریت کی ضرورت محسوس نہیں ہو گی کیونکہ سادہ اکثریت سے قانون بن سکتا ہے۔ سادہ اکثریت عمران خان کے پاس قومی اسمبلی میں ہے۔ قانون بن گیا اور 3 سال ہی قانون میں رکھے تو 3 سال کی توسیع مل سکتی ہے گویا مذاق میں لوگ کہہ رہے تھے جی باجوہ صاحب کے خلاف جو طاقتیں سرگرم عمل تھیں۔ ہمارے بہت سے سیاست میں بھی لوگ تھے جیسے مولانا فضل الرحمن ہیں یا دوسرے ہیں ان کو تو فائدہ ہو گیا کہہ رہے ہیں کہ ان کو تو فائدہ ہو گیا۔ 6 مہینے بعد 3 سل کی اور مل جائے گی ان کو تو ساڑھے تین مل گئے۔ میں نے کہا کہ اڑھائی سال دیں گے اگر وہ قانون منظور کرنے میں کامیاب ہو گئے۔ یہ وقتی طور پر جو بحران تھا وہ ختم ہو گیا۔ اس بحران نے ایک سبق دیا ہے کہ ہمارے ہاں جو آپس میں تصادم کی فضا ہے وہ اتنی زیادہ ہے اس کا مطلب یہ ہے کہ ملکی اتحاد جو ہے اس میں ہم یکسو نہیں ہیں اور ٹکڑوں میں بٹے ہوئے ہیں اور ایک دوسرے سے متصادم قوم کو بڑا مشکل ہوتا ہے چلانا۔ ہم سے ہر ایک کو چیف جسٹس صاحب اور دوسرے جج صاحبان نے موقع دیا ہے کہ جس طرح سے انہوں نے حکومت کو موقع دیا ہے کہ وہ اپنی غلطیوں کی اصلاح کر لے جو صحیح طریقہ ہے کوئی قانون موجود نہیں ہے تو قانون تیار کر لے اس طریقے سے سیاستدانوں کو بھی موقع دیا ہے کہ آپ بھی سوچ لیں کہ اگر اس قسم کا کوئی کرائسز سامنے آتا ہے تو آپ کا اندرونی اتحاد پارہ پارہ نہ ہو جائے۔ میرا خیال ہے کہ حکومت قانون بنانے میں کامیاب ہو جائے گی کیونکہ میری معلومات کے مطابق تو پیپلزپارٹی بھی کہہ چکی ہے کہ جنرل قمر جاوید باجوہ کی مدت ملازمت کی توسیع کے معاملے میں وہ مخالف نہیں ہیں۔ اپوزیشن جماعتیں مطالبہ کر رہی ہیں کہ فوج کی آئندہ الیکشن میں مداخلت نہیں ہونی چاہئے ہو سکتا ہے اس وقت حکومت کے ساتھ کچھ طے ہو جائے۔ آج جو خبر آئی ہے کہ کابینہ نے فیصلہ کیا ہے اس قانون سازی کے لئے اپوزیشن کو اعتماد میں لیں گے۔ امریکہ صدر ٹرمپ نے اچانک افغانستان کا دورہ کیا ہے اور 19 گھنٹے وہاں گزارے ہیں اور کہا ہے کہ ہم جب تک معاملات کلیئر نہیں ہو جاتے افغانستان نہیں چھوڑیں گے اس سوال کے جواب میں ضیا شاہد نے کہا کہ پاکستان کے لئے بہت بڑی خبر ہے کہ جب لیٹ نائٹخبر آئی تو صرف دو ایک اخباروں میں چھوٹی سرخی کے ساتھ چھپ سکی ہے کہ ٹرمپ اچانک کابل پہنچ گئے۔ آج اس کی تفصیلات معلوم ہوئی ہیں کہ وہ 19 گھنٹے کابل میں رہے اس دوران میں ضروری ملاقاتیں کی ہیں اور امن مذاکرات کی غیر مشروط طور پر بحال کرنے کا اعلان کیا ہے۔ مجھے یقین ہے کہ پچھلے مذاکرات میں جو مشکل امور تھے وہ صدر ٹرمپ نے خود آ کربات چیت کے بعد کسی نتیجے پر وہ پہنچے ہوں گے البتہ یہ بات انہوں نے صحیح کہی ہے کہ ہم خود بھی یہ چاہتے ہیں کہ جب تک کوئی تصفیہ نہ ہو جائے اچانک افغانستان چھوڑ کر نہیں جانا چاہتے۔ پہلے بھی امریکہ کا مفاد ختم ہو گیا تھا اور وہ چھوڑ کر چلے گئے تھے بعد میں متحارب فریقوں کے درمیان لڑائی شروع ہو گئی تھی۔ میں نے کابل دیکھا ہے۔ کابل شہر کو آپ دو حصوں میں تقسیم کر سکتے ہیں۔ ایک وہ ہے جسے آپ بھوتوں کا شہر کہہ سکتے ہیں جہاں پر مکان گرا ہوا ہے۔ اس طرح سے ہوا تھا مختلف دھڑے لڑ پڑے اور ایک دوسرے پر سامنے رکھ کر گولہ باری کی جس سے بے تحاشا جانی نقصان ہوا اور پراپرٹی تباہ ہو گئی۔ صدر ٹرمپ کو زیادہ سے زیادہ کوشش کرنی چاہئے کہ وہ اپنے الیکشن سے پہلے وہ کسی نتیجے پر پہنچ جائیں اور وہاں سے انخلا ہو سکے اور کوئی معاہدہ ہو سکے۔ ٹرمپ نے پچھلے انتخابات میں وعدہ کیا تھا کہ افغانستان سے فوجیں لے آئیں گے اب یہ ان کے لئے ایک چیلنج ہے کہ یہی وجہ ہے کہ اس دورے کی کوئی ڈھول نہیں پیٹے گئے بڑی خاموشی سے رازداری سے وہ آئے جو ضروری بات کرنا تھا جس سے بھی بالمشافہ ملاقات کرنا تھی کیونکہ حساس نوعیت کی باتیں آمنے سامنے ہی ہو سکتی ہیں۔ جہاں مذاکرات اگر رک گئے تھے ضروری تھا کہ ان رکاوٹوں کو دور کیا جائے۔ اب امن مداکرات دوبارہ شروع ہونے کا امکان نظر آئے گا۔ امریکہ میں صدارتی الیکشن سر پر ہیں اس لئے افغانستان میں امن بحال کرانے اور فوجی انخلا بارے صدر ٹرمپ سنجیدہ نظر آتے ہیں، الیکشن سے قبل وہ طالبان سے صلح نامہ ضرور کرنا چاہتے ہیں تاکہ اس کی بنیاد پر کمپئن کروائی ٹرمپ کی پوزیشن مضبوط ہے ان کے پاس بھاری وسائل اور مضبوط گروپ موجود ہے تاہم اصل فیصلہ تو عوام کریں گے۔ صدر ٹرمپ کو مواخذے کا بھی سامنا ہے اور کانگریس نے پوچھ گچھ کیلئے انہیں بلا لیا ہے۔ کاشانہ لاہور میں بچیوں سے جسم فروشی کرانے کی خبر افسوسناک ہے۔ اس سے قبل بھی لوگ دارالامان بارے دبے الفاظ میں بتاتے رہے ہیں کہ وہاں معاملات بہت خراب ہیں تاہم یہ معاملہ خواتین سے متعلق ہے اس لئے اس بارے مکمل تحقیقات کے بعد بات ہونی چاہئے۔

آئل اینڈ گیس ریگولیٹری اتھارٹی (اوگرا) نے ماہ دسمبر کے لیے پیٹرولیم مصنوعات کی قیمتوں میں 2 روپے 90 پیسے فی لیٹر تک کمی کی تجویز پیش کردی۔اوگرا کی جانب سے پیٹرولیم ڈویژن کو بھیجی گئی سمری کے مطابق ہائی اسپیڈ ڈیزل (ایچ ایس ڈی) کی قیمت میں 1.9 فیصد یعنی 2 روپے 40 پیسے کمی کی تجویز دی گئی۔اسی طرح پیٹرول کی قیمت میں 0.2 فیصد یعنی 25 پیسے جبکہ مٹی کے تیل کی قیمت میں 83 پیسے کمی کی سفارش کی گئی۔ریگولیٹر کی جانب سے یکم دسمبر سے لائٹ ڈیزل آئل (ایل ڈی او) میں 2 روپے 90 پیسے فی لیٹر کمی کا کہا گیا۔اگر اوگرا کی جانب سے پیش کردہ سمری منظور ہوجاتی ہے تو ہائی اسپیڈ ڈیزل کی قیمت 127 روپے 41 پیسے سے کم ہوکر 125 روپے ایک پیسے، پیٹرول کی قیمت 114 روپے روپے 24 پیسے کم ہوکر 113 روپے 99 پیسے فی لیٹر ہوجائے گی۔اسی طرح مٹی کے تیل کی قیمت اس منظوری سے 97 روپے 18 پیسے کم ہوکر 96 روپے 35 پیسے ہوجائے گی جبکہ ایل ڈی او 85 روپے 33 پیسے سے کم ہوکر 82 روپے 43 پیسے فی لیٹر ہوجائے گا۔تاہم اوگرا کی جانب سے پیٹرولیم ڈویژن کو بھیجی گئی سمری وزارت خزانہ کے بعد وزیراعظم کی منظوری کے لیے جائے گی۔جس کے بعد وزیر خزانہ اس نئی قیمتوں کا اعلان کرے گی، جس کا اطلاع یکم دسمبر سے ہوگا۔خیال رہے کہ حکومت نے 31 اکتوبر کو ماہ نومبر کے لیے اوگرا کی سفارش پر پیٹرولیم مصنوعات کی قیمتوں میں ردوبدل کا اعلان کیا تھا

اسلام آباد: عالمی مالیاتی فنڈ (آئی ایم ایف) کے ایگزیکٹو بورڈ اجلاس سے قبل ایک اور ہدف پورا کرنے کے لیے حکومت نے بجلی کی قیمت فی یونٹ قیمت 26 پیسے کا اضافہ کردیا جبکہ نیپرا کی جانب سے فی یونٹ 15 پیسے اضافے کی مظوری دی گئی تھی۔ڈان اخبار کی رپورٹ کے مطابق اس بات کا فیصلہ کابینہ کی اقتصادی رابطہ کمیٹی (ای سی سی) کے اجلاس میں کیا گیا جس میں آٹے کی فی من (40 کلو) قیمت میں 15 روپے اضافہ کر کے اسے ایک ہزار 365 روپے کردیا گیا۔علاوہ ازیں اجلاس میں پنجاب کے مائع قدرتی گیس (ایل این جی) سے چلنے والے 2 بجلی گھروں کو گیس کی 66 فیصد مقدار کی ’ضمانتی ادائیگی اور وصولی‘ سے بھی استثنیٰ دے دیا گیا۔ای سی سی اجلاس کی سربراہی وزیراعظم کے مشیر خزانہ ڈاکٹر عبدالحفیظ شیخ نے کی۔واضح رہے کہ محکمہ توانائی کی سمری پر ای سی سی نے نیپرا کی جانب سے بجلی کی قیمت میں کیے گئے 15 پیسے فی یونٹ اضافے میں مزید 11 پیسے فی یونٹ اضافے کی منظوری دے دی جس کا اطلاق یکم دسمبر سے ہوگا، تاہم 300 یونٹ سے کم بجلی استعمال کرنے والے 3 کروڑ میں سے 2 کروڑ صارفین اس اضافے سے محفوظ رہیں گے جبکہ 10 لاکھ میں سے 6 لاکھ صارفین کے لیے بھی یہ اضافہ صرف 7 پیسے فی یونٹ کا ہوگا جبکہ اس کا اطلاق یکم دسمبر سے اگلے ایک سال کے لیے ہوگا۔ڈاکٹر عبدالحفیظ شیخ نے نے مستقبل میں بجلی کی قیمتوں کے تعین کے طریقہ کار کو مزید جامع اور سہل بنانے کے لیے اپنی سربراہی میں ایک کمیٹی بنانے کا بھی اعلان کیا، جس میں وزیر قومی غذائی تحفظ و تحقیق مخدوم خسرو بختیار، وزیر توانائی عمر ایوب خان، مشیر صنعت و پیداوار عبد الرزاق داؤد اور وزیر اعظم کے معاون خصوصی برائے پیٹرولیم ندیم بابر شامل ہوں گے

پاکستان اور آسٹریلیا کے درمیان پنک بال ٹیسٹ کی پہلی اننگز میں میزبان ٹیم کی بیٹنگ جاری ہے۔ایڈیلیڈ میں کھیلے جا رہے میچ میں آسٹریلیا کے کپتان ٹم پین نے ٹاس جیت کر پہلے بیٹنگ کا فیصلہ کیا۔آسٹریلیا نے ایک وکٹ کے نقصان پر 70 رنز بنا لیے ہیں۔ جو برنس 4 رنز بنا کر شاہن آفریدی کی گیند پر وکٹوں کے پیچھے کیچ آؤٹ ہوئے۔ ڈیوڈ وارنر 45 اور مارنس لبوشین 18 رنز کے ساتھ وکٹ پر موجود ہیں۔آسٹریلیا نے اپنی ٹیم کو برقرار رکھا ہے جب کہ پاکستانی ٹیم میں دوسرے ٹیسٹ کے لیے تین تبدیلیاں کی گئی ہیں۔19 سالہ فاسٹ بولر محمد موسیٰ اپنا ٹیسٹ ڈیبیو کر رہے ہیں، انہیں نوجوان فاسٹ بولر نسیم شاہ کی جگہ ٹیم میں شامل کیا گیا ہے۔  محمد موسیٰ کو سابق کپتان وسیم اکرم نے ٹیسٹ کیپ پہنائی۔حارث سہیل اور عمران خان کی جگہ امام الحق اور محمد عباس کو بھی ٹیم میں شامل کیا گیا ہے۔خیال رہے کہ آسٹریلیا نے پہلے ٹیسٹ میں پاکستان کو ایک اننگز اور 5 رنز سے شکست دی تھی۔

شیخوپورہ(بیورو رپورٹ) سندھ کے بعد پنجاب میں آوارہ کتوں کا وار جاری رہے جہاں کتے کے کاٹنے ے بعد ریبیز میں مبتلا ہونے والا بچہ جاں بحق ہو گیا جبکہ مزید 6 افراد کتوں کا شکار ہو گئے۔ تفصیلات کے مطابق شیخو پورہ میں کتے کے کاٹنے سے زخمی ہونے والا 10 سال کا بچہ لاہور کے میو ہسپتا ل میں انتقال کر گیا۔یوسف پارک فیروز والا کے محنت کش اشفاق کے 10 سالہ بیٹے علی احمد کو آوارہ کتے نے کاٹ لیا تھا۔اہلِ خانہ کے مطابق بچے کو شاہدرہ کے ٹیچنگ ہسپتا ل میں لے جایا گیا لیکن وہاں کتے کے کاٹے کی ویکسین دستیاب نہ تھی۔ ہسپتال کے عملے نے یہ کہہ کر انہیں گھر واپس بھیج دیا کہ بچے کی حالت بہتر ہے، 4 روز بعد بچے کو تیز بخار ہوا، جسے پھر ہسپتا ل لے گئے، جہاں ہسپتا ل انتظامیہ نے اسے ٹی بی کا مرض بتا دیا، اس طرح ہسپتا لوں میں چکر لگاتے رہے، آٹھویں دن لڑکا انتقال کر گیا۔ادھر مرید کے میں بھی کتوں نے 4 بچوں سمیت 5 افراد کو کاٹ لیا ۔ ملتان کے علاقے شجاع آباد میں کتے نے حملہ کر کے ایک شخص کو زخمی کر دیا، پولیس نے کتے کے مالک کو حراست میں لے لیا۔

اسلام آباد(نیٹ نیوز)حکومت نے آرمی چیف کی مدت ملازمت کے معاملے کو متنازع بنانے والے تمام ذمے داروں کے خلاف سخت کارروائی کا فیصلہ کرلیا۔میڈیا رپورٹ کے مطابق اعلی سطح مشاورتی اجلاس کے دوران وزیراعظم نے سمری بار بار غلطیاں کرنے پر شدید برہمی کااظہار کیا۔عدالتی فیصلے کے بعد اب غفلت کے مرتکب افسران کےخلاف کارروائی کی جائے گی۔

اسلام آباد (نامہ نگار خصوصی، مانیٹرنگ ڈیسک) وزیراعظم عمران خان نے آرمی چیف مدت ملازمت توسیع کیس میں سپریم کورٹ کے فیصلے پر کہا اداروں میں تصادم چاہنے والوں کو شدیدمایوسی ہوئی جبکہ ہمارے بیرونی دشمنوں اور اندرونی مافیا کے لئے بھی آج برا دن ۔ تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر آرمی چیف مدت ملازمت توسیع کیس میں فیصلے پرردعمل دیتے ہوئے کہاکہ آج ان کو شدید مایوسی ہوئی ہوگی جو اداروں میں تصادم چاہتے تھے، ہمارے بیرونی دشمنوں اور اندرونی مافیا کیلئے بھی آج برا دن ہے۔عمران خان کا کہنا تھا کہ پی ٹی آئی نے آزادعدلیہ کےلئے 23سال جدوجہد کی ہے، آزادعدلیہ کی تحریک کیلئے2007میں جیل بھی گیا چیف جسٹس آصف سعید کھوسہ کیلئے میرےدل میں بہت احترام ہے، چیف جسٹس آصف سعیدکھوسہ کوعدلیہ کی تاریخ کا عظیم جج سمجھتاہوں۔ وزیراعظم عمران خان نے کہا کہ یہ ہمارے بیرونی دشمنوں اور اندرونی مافیا کے لیے بھی مایوسی کا دن ہے، مافیا نے لوٹ کا مال بیرون ملک چھپایا ہوا ہے، لوٹی ہوئی دولت باہر بھیجنے والے مافیاز اس لوٹ مار کے تحفظ کے لیے ملک کوغیرمستحکم کررہے ہیں۔وزیراعظم عمران خان کا کہنا تھا کہ 23 سال قبل ہماری پارٹی نے پہلی بار قانون کی بالا دستی اور آزاد عدلیہ کے لیے جدوجہد شروع کی، پی ٹی آئی 2007 میں عدلیہ کی آزادی کی تحریک میں صف اول میں تھی اور میں اس کے لیے جیل بھی گیا۔ انہوں نے مزید کہا کہ چیف جسٹس آصف سعید کھوسہ کا بھرپور احترام کرتا ہوں، ان کا شمار پاکستان کے عظیم ججوں میں ہوتا ہے۔

لاہور (جنر ل رپورٹر‘ خبر نگار)پاکستان میں قانون سازی ہونے کے باوجود ملک اسمگل شدہ جنسی ادویات کا ایک گڑھ بننے لگا ، سوشل میڈیا پر ای کامرس جیسے جیسے ترقی کر رہا ہے اسی طرح ”دراز“ ویب سائٹ پر جنسی ادویات اور مختلف کریمیں اور سپرے کی تشہیر اور فروخ6دھڑلے سے جاری، ملک میں غیر ملکی اور غیر مستند جنسی ادویات غیر قانونی کاروبار نہ رک سکا ،فحش اشتہارات کمپنیاں سوشل میڈیا ویب سائٹس کو رقم ادا کرکے معاشرے میں بے راہ روی اختیار کر نے لگیں، قانون کی عملداری نہ ہونے کے باعث شہریوں کی زندگیاں داﺅ پر لگ گئیں ۔ ذرائع کا کہنا ہے کہ ہر دوا کوخاص ٹیسٹ سے گزار کر مارکیٹ میں متعارف کروایا جاتا ہے تاہم دراز جنسی ادویات کسی قسم کے ٹرائل سے گزرے بغیر ہی فروخت کی جارہی ہیں۔ڈاکٹروں اور دوا بنانے کے ماہر افراد کا کہنا ہے کہ ان ادویات میں سے 70 فیصد غیر معیاری ہیں جبکہ انہوں نے خبردار کیا کہ ان دواو¿ں سے انسانی صحت کو شدید نقصان پہنچ سکتا ہے۔حکومت کی مداخلت سے سیکس ڈرگز کے کاروبار سے بھاری مقدار میں پیسے بنائے جاسکتے ہیں۔تاہم دراز کو جنسی ادویات کی فروخت کی کھلی چھٹی دے کر قومی خزانے کو کروڑوں کا نقصان پہنچایا جا رہا ہے۔ کنسلٹنٹ فزیشن ڈاکٹر فاروق نواز کا چینل فائیو سے گفتگو کرتے ہوئے کہنا تھا کہ جنسی ادویات معالج کے مشور کے بغیر ہرگز استعمال نہیں کرنی چاہیں ۔آن لائن ادویات ، کریمیں یا سپرے سے انسانی زندگی اور جلدکو خطرناک نتائج کا سامنا کرنا پڑ سکتا ہے ۔ جنسی صلاحیت بڑھانے والی ادویات کے بے جا استعمال سے گردوں کی خرابی اور دل کا دورہ بھی پڑ سکتا ہے۔اس لئے مستند ڈاکٹر بغیر تحقیقات کے ایسی ادویات کے استعمال کی حوصلہ افزائی نہیں کرتے۔روزنامہ خبریں کی خبر پر ٹیلی کمیونیکیشن کی نارویجن کمپنی ٹیلی نار نے اپنے ملک کے باشندے کی جانب سے قرآن کریم کی بے حرمتی کرکے مسلم امہ کے جذبات کو ٹھیس پہنچانے کی مذمت کردی مگر عوامی غیض و غضب برقرار،عوام نے مذمت رد کردی،شہر شہر میں ناروے کے بدبخت شہری اورنارویجن پراڈکٹس کے خلاف ملک بھر میں مظاہرے اور بائیکاٹ کا سلسلہ نا تھم سکا ، شہریوں نے اپنے غم و غصے کا اظہار نارویجن پراڈکس کو بائیکاٹ کرتے ہوئے ناروے کو معاشی طور پر جواب دینا شروع کردیا، ٹیلی نار کی وضاحت اور مذمت کو عوام نے رد کرتے ہوئے نیٹ ورک سمیت دیگر نارویجن مصنوعات کا استعمال ترک کردیا جبکہ عوام کو بڑے پیمانے پر استعمال ترک کرنے کی اپیل بھی کردی ہے ۔ تفصیل کے مطابق لاہور پریس کلب کے باہر شہریوں کی بڑی تعدادنے قرآن کریم کی بے حرمتی کرنےوالے ناروے کے باشندے کے خلاف مظاہرہ کیا گیا اور عوام سے نارویجن پراڈکٹس کے بائیکاٹ کی اپیل بھی کی ہے اور حکومت سے مطالبہ کیا ہے کہ ناروے کے ساتھ سفارتی تعلقات منقطع کرتے ہوئے ناروے کی تمام پراڈکٹس کا سرکاری سطح بائیکاٹ کیا جانا چاہیے جبکہ اس حوالے سے گورنمنٹ نارویجن مصنوعات پر سرکاری طور پر پابندی عائد کرکے کمپنیوں کو ملک بدر کرے ۔ معروف مذہبی سکالر حافظ ارشد کا کہنا ہے کہ ناروے کے شہری نے مسلم امہ کے خذبات کو ٹھیس پہنچائی ہے جوکسی بھی مسلمان کے لئے نا قابل برداشت ہے اور ہم اپنے فرض سمجھتے ہیں کہ ایسی مصنوعات کا بائیکاٹ کریں تاکہ ناروے کو احساس ہو سکے کہ کسی بھی شخص کو آزادی اظہاررائے کے نام پر دوسرے مذاہب کی توہین کا سلسلہ بند ہو سکے وگرنہ ہمیشہ کی طرح مسلمانوں کے ساتھ ایسا ہی سلوک ہو تا رہے گا ۔ حافظ ارشد کا کہنا تھا کہ ہم عوام میں جس غم و غصے کو دیکھ رہے ہیں حکومت اس کو مدنظر رکھتے ہوئے فوری طورپر ناروے کے ساتھ سفارتی تعلقات ختم کرتے ہوئے نارویجن مصنوعات پر پابندی عائد کرے اور کمپنیوں کو فی الفور ملک بدر کرے ۔

لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے کہنہ مشق صحافی ضیا شاہد نے کہا ہے کہ قرآن پاک جلانے کی اپاک جسارت پر حکومت پاکستان نے ناروے کے سفیر کی طلبی کر کے فارن آفس میں احتجاج کیا ہے جس پر اس نے تسلیم کیا کہ یہ غلط قدم ہے اور آئندہ کے لئے وضاحت کر دی کہ آئندہ اپنے ملک میں ایسے کسی بھی فعل کو روکیں گے۔ یہ مستقل سلسلہ چل رہا ہے کبھی کسی ملک میں یہ جو ناپاک اور ملعون قسم کے لوگ ہیں یہ لعنت زدہ جو لوگ جب بھی کوئی قدم اٹھاتے ہیں تو پاک کلام کو جلانے کی کوشش کی جاتی ہے لیکن اس میں کامیابی نہیں ہوئی اس ضمن میں پاکستان نے او آئی سی میں یہ معاملہ لے جانے کا عندیہ ظاہر کیا ہے لگتا ہے کہ او آئی سی کے لیول پر پوری دنیا میں اس سلسلے میں قانون سازی کا مطالبہ ہو گا کہ ایک قانون بنایا جائے کہ یہ خاص طور پر انسانی جذبات خاص طور پر مذہب کے بارے اس کی توہین ہوتی ہے اس لئے اس صورت حال میں پوری دنیا میں ایک مہم چلائی جائے گی اس قدم کو اور اس قسم کی کسی بھی جسارت کو خلاف قانون قرار دیا جائے اور یہ دنیا کے مختلف ممالک میں جب کوئی قانون بنتا ہے تو کہا جاتا ہے کہ یہ آزادی اظہار ہے۔ آزادی اظہار کا مقصد کہاں ہے کہ دوسروں کے مذہبی جذبات کو ٹھیس پہنچائی جائے۔ اس سلسلے میں او آئی سی کی بڑی کوتاہی ہے اسلامک کانفرنس اس پر بہت پہلے ایکشن لینا چاہئے تھا لیکن چونکہ یہ تنظیم بھی ایک طرح سے ناکارہ ہو چکی ہے اور اس کی داخلی انتشر کا شکار ہو چکی ہے لیکن میں سمجھتا ہوں کہ جب پاکستان اور دوسرے بہت سے ممالک جو اس میں مداخلت کریں گے تو او آئی سی کو مجبور ہو کر کوئی بڑا اقدام کرنا ہو گا۔ اصل میں او آئی سی کے سرکردہ لوگ کوشش نہیں کر رہے لیکن اس کو مجبور کیا جا سکتا ہے کہ ہمارا ایک پلیٹ فارم تو ہے اس کو کیوں خالی چھوڑا جائے۔ اس پلیٹ فارم پر انکار کسی کو نہیں کوتاہی ہے۔ او آئی سی رسمی سی قرارداد منظور کر لیتے ہیں اس کے بعد خاموش ہو جاتے ہیں ضرورت اس امر کی ہے کہ پوری دنیا میں اور او آئی سی کو صرف مسلمان ممالک کی تنظیم ہے اس کے بینر تلے کوشش کر کے یو این او میں قانون سازی ہونی چاہئے اور اس قانون کو وہاں سے تسلیم کروانا چاہئے۔ زیادہ اسلامی ممالک داخلی انتشار کا شکار ہیں دوسرا یہ وہ سپر پاور کے اثرورسوخ میں اور سپر پاورز اس کو آزادی اظہار کا معاملہ قرار دیتی ہیں جو کہ غلط ہے ہمیں اس پر فائٹ کرنا چاہئے کہ یہ آزادی اظہار نہیں دوسروں کے جذبات کی توہین ہے۔ صرف قرآن پاک نہیں بلکہ مذہبی کتابیں جو ہیں اور نہ ہی شخصیات انبیاءکرام کے بارے میں کوئی دریدہ دہنی نہیں ہونی چاہئے۔ اس سے مشتعل ہو کر کوئی شخص کسی کو جان سے مار سکتا ہے۔ ایسا واقعہ پاکستان میں ہو جائے تو یہ دہشت گردی ہے اس سوال کے جواب میں ضیا شاہد نے کہا کہ دہشت گردی کی غلط تشریح ہے اصل دہشت گردی یہ ہے کہ آپ کسی کے بھی مذہبی جذبات کی توہین کریں کہ وہ لڑنے مرنے پر اتر آئے۔
ضیا شاہد نے کہا کہ اے پی سی میں کیا ہونا ہے یہ معمول کی کارروائی ہو گی۔ جب اسلام آباد میں مولانا کا دھرنا تھات و اس وقت باقی جماعتوں نے ساتھ نہیں دیا۔ فضل الرحمن کے پاس اس کے سوا کوئی چارہ نہیں۔ اب اے پی سی بلانا کھیسانی بلی کھمبا نوچے کی طرح کچھ نہ کچھ کرتے رہنا چاہئے۔ نوازشریف کے دونوں صاحبزادے لندن میں ہیں اور اسحق ڈار بھی لندن میں ہیں۔ شہباز شریف صاحب کو تو ان حالات میں ساتھ جانا ہی نہیں چاہئے تھا ان حالات میں شہبازشریف صاف چھپتے بھی نہیں سامنے آتے بھی نہیں کی طرح چل رہے ہیں وہ مولانا کے دھرنے میں ساتھ کھڑا ہونا بھی چاہتے تھے۔ وہ دھرنا میں تقریر کے بعد ایک منٹ بھی وہاں نہیں رکے۔ مسلم لیگ ن نے مولانا سے فائدہ حاصل کیا اسی دباﺅ سے انہوں نے باہرجانے کی اجازت حاصل کر لی۔ فرض کریں جو ڈاکٹر نوازشریف کا علاج کر رہے ہیں وہ دو لائنوں کی درخواستت لکھ دیں اور اس پر دستخط کر دیں کہ ابھی ان کو مزید علاج کی صرورت ہے تو بس ختم۰ چار ہفتے کی پابندی ختم۔ پھر وہ جب تک صحیح نہیں ہوں گے واپس تو نہیں آ سکتے۔
وزیراعظم، وزیراعلیٰ پنجاب کی 24 گھنٹے میں دوسری ملاقات اور صوبے میں انتظامی تبدیلیوں کے حوالے سے بھی تبادلہ خیال کیا گیا۔ ضیا شاہد نے کہا کہ بڑا فیصلہ سے مراد وزیراعلیٰ کی تبدیلی تو ہو نہیں سکتی۔ انہی وزیراعلیٰ سے کہا جاتا ہے کہ آپ کچھ افسر تبدیل کر لیں۔ جیسے کوئی بڑا واقعہ ہو جائے تو کہتے ہیں کہ پٹواری کو پکڑ لو یا نائب تحصیلدار کو فارغ کر دو۔ پنجاب کے جو معاملات ہیں۔ خاص طور پر مہنگائی، بیروزگاری اور گڈ گورننس کا نہ ہونا جس کے بارے میں شیخ رشید بھی یہی کہہ رہے کہ گڈ گورننس نہیں ہے کس حد تک تبدیلیاں ہوتی ہیں۔ ظاہر ہے کہ عمران خان صاحب کا اشارہ تو یہ ہے کہ جو افسر کام نہیں کرتا اس کو تبدیل کر دیں میرا خیال ہے پہلے بھی وزیراعلیٰ صاحب تبدیلیاں کرتےے رہتے ہیں۔ کچھ اور ہو جائیں گی۔ ایک دن میں پتہ چل جائے گا کیا واقعی کوئی بڑی تبدیللیاں ہیں۔ بلدیاتی الیکشن کی بات کی ہے عمران خان صاحب نے۔ وہ واقعی بہت بڑا قدم ہے اگر یہ بلدیاتی الیکشن کروا دیں واقعی ایک مقامی سطح پر ریلف سسٹم آ جائے گا۔ میری معلومات کے مطابق کچھ سٹے وغیرہ بھی ہیں اس کے راستے میں رکاوٹیں بھی ہیں۔ سرمایہ کاری میں بہت بڑی تبدیلی آئی ہے کہ چین نے اپنی الیکٹرانکس اور کھلونوں کی انڈسٹری کے 50 فیصد کو پاکستان میںمنتقل کرنے کا فیصلہ کیا ہے یہ بہت بڑی تبدیلی ہے یہاں اتنے زیادہ کارخانے لگیں گے کہ کھلونوں کو معمولی نہ سمجھیں پوری دنیا میں چائنا کے کھلونوں کی انڈسٹری پوری دنیا میں چھائی ہوئی ہے اور جو یہاں سامان بنے گا وہ ضروری نہیں پاکستان میں ہی بکے وہ یہاںپاکستان سے ایکسپورٹہو گا اور اس طرح سے دنیا بھر میں وہ پھیلے گا۔ چین نے اتنا بڑا اعلان کیا ہے کہ کسی بھی ملک کی صنعت کو 50 فیصد باہر منتقل کرنا بہت بڑی تبدیلی ہے اس سے پاکستان میں روزگار کا مسئلہ تو کافی حد تک حل ہوجائے گا۔ امریکہ کا سی پیک کے تکمیل کے بارے میں اس کی تردید پاکستان نے بھی کی اور چین نے بھی کی ہے۔ اگر اتنی انڈسٹری پاکسان میں لگ گئی جتنی چائنا کہہ رہا ہے تو چین کی انڈسٹری کا 50 فیصد چائنا بہت بڑا ملک ہے۔عدلیہ نے جو آج دو وزراءکے بارے میں جن کو اس بات پر پکڑ لیا تھا کہ توہین عدالت میں اور اس میں فردوس عاشق اعوان اور سرور خان کو ان کی معافی قبول ہو گئی ہے اور عدالت نے سختی سے کہا ہے کہ آئندہ احتیاط کریں۔ مجھے لگتا ہے کہ الیکشن کمیشن کے فارن فنڈنگ کیس میں سے نکل گئے تو پھر تو تحریک انصاف کسی سے نہیں پکڑی جاتی لیکن اگر اس کیس میں ان پر کوئی افتاد آ گئی تو پھر دوسری بات ہے۔ فارن فنڈنگ کیس سنجیدہ معاملہ ہے، الزام ثابت ہونے کی صورت میں تحریک انصاف کے کونسلر سے لے کر ارکان اسمبلی و سینٹ سب فارغ ہو جائیں گے تاہم ایسا اس صورت میں ہو گا کہ سپریم کورٹ نے بھی الیکشن کمیشن کے فیصلہ کی توثیق کر دی۔ تحریک انصاف اس کیس سے بچ نکلتی ہے تو پھر اسے کوئی خطرہ نہ ہو گا۔ حکومت کے لئے بہت مشکلات ہیں وہ چند نشستوں پر کھڑی ہے اب وزیراعظم عمران خان پنجاب میں بیٹھے ہیں کہ یہاں بہتری لائی جا سکے تاہم پنجاب میں بڑی تبدیلی کی ضرورت ہے چند ایک افسران کے تبادلے اور ایک دو وزیروں کو تبدیل کرنے سے کچھ نہیں ہو گا۔ ن لیگ اور پی پی کے خلاف بھی فارن فنڈنگ کیس درج کرائے گئے ہیں تاہم ان کے اکاﺅنٹس کی جانچ پڑتال کے لئے تو کافی وقت درکار ہے اس لئے ان کو اس حوالے سے فوری کوئی خطرہ نہیں ہو گا۔ چیف الیکشن کمشنر ریٹائرمنٹ سے قبل تحریک انصاف کے خلاف کیس کا فیصلہ دے سکتے ہیں۔
آصف زرداری کے خلاف مزید کیسز سامنے آ رہے ہیں جو سنجیدہ نوعیت کے ہیں اس لئے بلاول بھٹو مولانا فضل الرحمان کی بلائی اے پی سی میں جا رہے ہیں۔ جس طرح مولانا کے دھرنے سے نواز اور شہباز شریف کے لئے راستہ بنا اسی طرح بلاول بھی اے پی سی کے بعد کوئی تحریک چلانے میں کامیاب رہتے ہیں تو شاید آصف زرداری کے لئے کوئی نرم راستہ نکل سکتا ہے۔ بلاول اس وقت ابہام کا شکار ہیں کیونکہ سندھ جیسے مالدار صوبے کی حکومت بھی ان کے پاس ہے اس لئے وہ وفاقی حکومت کے خلاف تحریک ایک حد تک ہی چلا سکتے ہیں مولانا کے پاس تو چند نشستیں ہیں اس لئے کہہ سکتے ہیں کہ استعفے دے دو تاہم بلاول کے لئے یہ فیصلہ آسان نہیں ہے۔ مولانا کا دعویٰ ہے کہ انہیں چیئرمین سینٹ اور گورنر کے عہدے کی پیش کش ہوئی، ان کی نظر بلوچستان حکومت پر ہے وہ چاہتے ہیں کہ دیگر پارٹیوںکی طرح ان کی بھی ایک صوبے میں حکومت ہو۔