میران شاہ: (ویب ڈیسک)سربراہ پاک فوج جنرل قمرجاویدباجوہ نے کہا ہے کہ پاک افغان سرحد  پر جاری باڑ کی تنصیب سے سرحد پار سے دہشت گردوں کی آمدورفت کم ہوئی ہے اور دہشت گردی کے واقعات بھی بتدریج کم ہورہے ہیں۔پاک فوج کے شعبہ تعلقات عامہ (آئی ایس پی آر) کے مطابق پاک فوج کے سربراہ جنرل قمر جاوید باجوہ نے میران شاہ کا دورہ کیا، آرمی چیف نے شمالی اور جنوبی وزیرستان کے عمائدین سے ملاقات اور بات چیت بھی کی۔آرمی چیف جنرل قمر جاوید باجوہ نے کہا کہ پاک افغان سرحد  پر جاری باڑ کی تنصیب سے سرحد پار سے دہشت گردوں کی آمدورفت کم ہوئی اور دہشت گردی کے واقعات بھی بتدریج کم ہورہے ہیں۔ شہری دیسی بارودی سرنگوں کے واقعات کی روک تھام میں محتاط رہیں اور شدت پسندوں کے سہولت کاروں سے بھی چوکنا رہیں۔آرمی چیف کا کہنا تھا کہ  افغانستان پاکستان کا برادر ہمسایہ ملک ہے اور ہم افغانستان میں امن کےقیام کےخواہاں ہیں، پاکستان میں دیرپا امن افغانستان کے امن سے منسلک ہے جس کے لئے پاکستان اپنا کردار ادا کررہا ہے۔سربراہ پاک فوج نے کہا کہ شدت پسندوں کے ساتھ طاقت کے ذریعے نمٹنا بڑامسئلہ نہیں لیکن جانی نقصان سے بچنے کے لئے فورسز مکمل تحمل کامظاہرہ کرتی ہیں، ہم باہمی تعاو ن سے دہشتگردوں کو مکمل شکست دیں گے، عمائدین کے تجربے سے مستقبل میں کامیابیاں ممکن ہیں۔

نیویارک (خصوصی رپورٹ) اقوام متحدہ کی جنرل اسمبلی کے اجلاس سے وزیراعظم عمران خان کے خطاب کے دوران مودی کے ذکر پر بھارتی مندوب بے حال نظر آئے۔ جمعہ کو وزیراعظم عمران خان نے جب اقوام متحدہ کی جنرل اسمبلی کے اجلاس سے خطاب کے دوران نریندر مودی کو تنقید کانشانہ بنایا اور مقبوضہ کشمیر میں بھارتی مظالم کو بے نقاب کیا تو اجلاس میں موجود بھارتی مندوب بے حال نظر آئے۔ وزیراعظم عمران خان کا خطاب سوشل میڈیا پر بھی ٹاپ ٹرینڈ بن گیا۔ بین الاقوامی میڈیا نے بھی خطاب کو بھرپور کوریج دی۔ وزیراعظم عمران خان کا جنرل اسمبلی سے طویل ترین پچاس منٹ کا خطاب تھا جو سات بجکر 49 منص پر شروع ہوا اور آٹھ بجکر 39 منص پر ختم ہوا۔ وزیراعظم نے رواں سال فروری میں ہونے والی پاک بھارت فضائی جھڑپ کا ذکر کیااور کہا ہم نے بھارت کے دو طیارے مار گرئے جبکہ بھارت نے ہمارے دس درخت قتل کیے۔

لاہو ر (ویب ڈیسک)ٹویٹر تعریفی پیغامات سے بھر گیا جبکہ عمران خان وائس آف کشمیر عالمی پینل پر ٹاپ ٹرینڈ بن گیا۔ پاک فوج کے ترجمان میجر جنرل آصف غفور نے وزیراعظم کے خطاب کو اپنے انداز میں سراہا۔ ترجمان پاک فوج نے ٹویٹ کیا 27 فروری‘ 27 ستمبر ایک اور ٹویٹ میں ترجمان پاک فوج نے وزیراعظم کے آخری سانس …. لاالہ الااللہ۔ وزیراعلیٰ پنجاب عثمان بزدار نے ٹوئٹ کرتے ہوئے کہا کہ وزیراعظم عمران خان نے گزشتہ چند ماہ کے دوران عالمی سطح پر پاکستان کے لئے جدوجہد ضرور کامیاب ہوگی۔ وزیراعلیٰ کا کہنا ہے کہ اب دنیا مقبوضہ کشمیر میں انسانی حقوق کی صورتحال کو ہرگز نظرانداز نہیں کرسکتی۔ تحریک انصاف کے رہنما جہانگیر ترین نے ٹویٹ میں لکھا کہ پہلی بار کشمیریوں کے مصائب دنیا کے سامنے بہترین انداز میں بیان کئے گئے ہیں۔ وزیراعظم نے اپنے وعدے کو پورا کر دکھایا وہ کشمیر کاز کے چیمئپن ہیں۔ قومی کرکٹ ٹیم کے سابق کپتان اور معروف کمنٹریٹررمیز راجہ نے وزیراعظم کی تقریر کو سراہتے ہوئے کہا کہ زبردست مسٹر خان نے آپ نے کر دکھایا۔ پاک سرزمین پارٹی کے رہنما مصطفی کمال نے ٹویٹ کیا کہ وزیراعظم نے کشمیر کا مقدمہ بہادری کے ساتھ لڑا اور اسلامو فوبیا پر بھی بات کرنے کی ہمت کی جو کہ اس سے قبل کسی مسلم رہنما نے نہیں کی۔ معروف گلوکار‘ میزبان اور کمنٹریٹر فخر عالم نے وزیراعظم کی تقریر کو کرکٹ کمنٹری کے انداز میں سراہا۔ ان کا کہنا تھا کہ پہلا اوور موسمیاتی تبدیلی پر تھا جس پر کیچ کرنے کے ساتھ بولڈ بھی کیا۔ دوسرا اوور منی لانڈرنگ پر تھا جس میں ایل بی ڈبلیو کیا۔ تیسرے اوور میں اسلامو فوبیا کو رن آ?ٹ کیا اور چوتھے اوور میں مودی اور آر ایس ایس کو کلین بولڈ کردیا۔ فخر عالم کے مطابق یہ عمران خان کی زندگی کا سب سے اہم‘ معنی خیز اور تباہ کن اسپیل تھا۔ سوئیڈن کی یونیورسٹی میں پروفیسر اور انڈیا سے تعلق رکھے والے معروف ماہر بین الاقوامی اموراشوک سوین نے اپنی ٹویٹ میں لکھا کہ عمران خان نے توقع کے مطابق جنرل اسمبلی میں کشمیر سے متعلق زیادہ باتیں کیں تاہم اس کے ساتھ انہوں نے آر ایس ایس کو بھی نشانہ بناتے ہوئے کہا کہ وہ دہشت گردوں کو تربیت فراہم کررہی ہے جو مسلمانوں کو قتل کررہے ہیں۔ یہ پہلی بار بار ہوا ہے کہ ہندو توا دہشت گردی کا ذکر اقوام اور کسی بین الاقوامی تنظیم کے سامنے ہوا ہے۔ معروف اداکار حمزہ علی عباسی نے اپنے ٹویٹ میں کہا کہ اللہ کا شکر ہے کہ آج وزیراعظم عمران خان نے ثابت کیا کہ وہ پاکستان اور کشمیر کے ہی نہیں بلکہ پوری مسلم دنیا کے لیڈر ہیں اور دنیا میں انسانیت اور اسلام کی بڑی آوازوں میں سے ایک ہے۔ سابق کپتان قومی کرکٹ ٹیم محمد حفیظ نے ٹویٹ میں کہا کہ عمران خان ایک مضبوط‘ خوددار اور بے خوف شخصیت ہیں۔ مجھے اپنی پاکستانی اور مسلمان ہونے پر فخر ہے کہ میرا آپ جیسا لیڈر ہے۔ اداکارہ وینا ملک نے ٹویٹ کیا کہ عمران خان نے بھارتی ظلم و جبر کے خلاف کشمیریوں کا مقدمہ بہترین انداز میں لڑا۔ قومی ویمن کرکٹ ٹیم کی سابق کپتان ثنا میر نے ٹویٹ کیا کہ وزیراعظم نے بہترین تقریر کی ہے جس میں موسمیاتی تبدیلی‘ منی لانڈرنگ کے سدباب‘ اسلامو فوبیا اور پیغمبر اسلام کی توہین اور مسئلہ کشمیر جیسے اہم موضوعات پر بات کی۔ معروف وکیل اور انسانی حقوق کے کارکن جبران ناصر نے ٹویٹ کیا کہ عمران خان نے کشمیر میں بی جے پی کی زیرقیادت بھارتی ظلم و بربریت کی نہ صرف وجوہات بیان کیں بلکہ ان کے نتائج پر اپنے خدشات کا بھی اظہار کیا۔ معروف سپورٹس جرنلسٹ زینب عباس نے کیا‘ کیا تقریر تھی۔

وزیراعظم عمران خان اقوام متحدہ کی جنرل اسمبلی کے اجلاس میں شرکت کے بعد امریکا سے وطن واپس آ رہے تھے کہ ان کے طیارے میں فنی خرابی پیش آ گئی جس کے باعث طیارے کو واپس نیویارک میں اتار لیا گیا۔ذرائع کے مطابق وزیراعظم عمران خان سعودی ولی عہد محمد بن سلمان کے طیارے میں وزیر خارجہ شاہ محمود قریشی اور دیگر رہنماؤں کے ہمراہ نیویارک سے وطن واپس آ رہے تھے۔ذرائع نے بتایا کہ وزیراعظم نیویارک سے وطن واپس آ رہے تھے کہ ٹورنٹو کے قریب طیارے میں معمولی تکنیکی خرابی پیش آئی۔ ذرائع کے مطابق تکنیکی خرابی پیش آنے کے بعد کسی قسم کا رسک لیے بغیر طیارے کو دوبارہ نیویارک کے جان ایف کینیڈی ائیرپورٹ کی جانب موڑ  لیا گیا۔طیارے کی خرابی دور نہ کی جا سکی جس کے باعث وزیراعظم عمران خان ممکنہ طور پر آج رات نیویارک میں ہی گزاریں گے۔یاد رہے کہ وزیراعظم عمران خان 20 ستمبر سے اقوام متحدہ کی جنرل اسمبلی کے اجلاس میں شرکت کیلئے امریکا کے دورے پر تھے جہاں انہوں نے مقبوضہ کشمیر اور ملکی معاشی صورتحال کے حوالے سے کئی عالمی رہنماؤں اور اداروں کے سربراہان سے ملاقاتیں کیں۔ گزشتہ روز وزیراعظم  نے اقوام متحدہ کے 74 ویں جنرل اسمبلی اجلاس میں اپنی تقریر کے دوران بھارت کا مکروہ چہرہ اور مقبوضہ کشمیر میں بھارتی جرائم کو دنیا کے سامنے بے نقاب کیا اور ساتھ ہی اسلاموفوبیا، موسمیاتی تبدیلیوں اور کرپشن و منی لانڈرنگ پر کھل اظہار خیال کیا۔بعدازاں وزیراعظم عمران خان کا تاریخی خطاب دنیا بھر میں قابل ستائش قرار دیا گیا جس کی تعریفیں سماجی رابطوں کی سائٹس پر اب بھی جاری ہیں جبکہ ’عمران خان وائس آف کشمیر‘ ٹوئٹر پر عالمی پینل پر ٹاپ ٹرینڈ بن گیا ہے۔

اندور: (ویب ڈیسک)بھارت میں غریب گھرانوں سے تعلق رکھنے والی کالج کی طالبات کو بطور کال گرل استعمال کرکے اراکین اسمبلی، بیوروکریٹس اور وی آئی پیز کی نازیبا ویڈیو بنا کر سرکاری ٹھیکوں اور بھاری بھرکم بھتہ وصول کرنے والا گروہ پکڑا گیا ہے۔بھارتی میڈیا کے مطابق ریاست مدھیہ پردیش میں غریب گھرانوں سے تعلق رکھنے والی کالج کی طالبات کو لگژری لائف اسٹائل کی لت میں مبتلا کرکے جنسی کاروبار کی جانب راغب کرنے والا گروہ پکڑا گیا ہے۔ اس گروہ کی سربراہ شہویتا جین نامی خاتون ہیں جب کہ اس کی ایک ساتھی آرتی بھی ہے جو ایک این جی او چلاتی ہے، گروہ میں 24 طالبات بھی شامل ہیں۔ہوشربا جنسی اسکینڈل کی کرتا دھرتا شہویتا جین نامی خاتون نے اسپیشل انویسٹی گیشن ٹیم کے سامنے اعترافی بیان میں انکشاف کیا کہ کالج طالبات کے ذریعے اعلیٰ سطح کے 12 بیوروکریٹس اور 8 سابق وزراء کو اپنے جال میں پھنسایا اور مالی فوائد حاصل کیے۔جنسی اسکینڈل اس وقت پکڑا گیا جب مونیکا یادیو نامی 18 سالہ نوجوان لڑکی نے کالج میں داخلہ لینے کے لیے شہویتا جین سے رابطہ کیا تاہم نامناسب شرائط اور کچھ عجیب باتوں کے باعث مونیکا نے داخلہ لینے سے انکار کردیا اور واپس اپنے گاؤں چلی گئی۔کچھ روز بعد این جی او سے تعلق رکھنے والی آرتی نامی خاتون نے مونیکا کے غریب والدین کو ماہانہ راشن اور کچھ مالی رقم کے عوض مونیکا کو اپنی این جی او میں ملازمت دے دی۔ مونیکا کو سرکاری ادارے کے چیف انجینیئر 60 سالہ ہربھجن سنگھ کے پاس ایک فائیو اسٹار ہوٹل بھیجا گیا۔ہوٹل کے کمرے میں خفیہ کیمرے لگے ہوئے تھے جس میں پوری رات کی روداد فلم بند ہوگئیں، اس ویڈیو کی بنیاد پر ہربھجن سنگھ سے 3 کروڑ روپے بھتہ طلب کیا گیا تاہم چیف انجینئر نے سارے معاملے سے پولیس کو آگاہ کیا اور یوں شہویتا جین، آرتی اور طالبہ مونیکا گرفتار ہوگئیں۔شہویتا جین نے انکشاف کیا کہ جنسی اسکینڈل کے ذریعے سرکاری ٹھیکے وہ بڑی کمپنیوں کے لیے لیا کرتی تھیں جس پر انہیں کمپنیوں کی جانب سے ٹھیک ٹھاک کمیشن ملتا تھا جب کہ طالبات کو معمولی رقم پکڑا دی جاتی ہے اور اگر کوئی طالبہ زیادہ کا مطالبہ کرتی تو اسے ویڈیو والدین کو دکھانے یا ویب سائٹ پر اپ لوڈ کرنے کی دھمکی دیکر چپ کرادیا جاتا تھا۔

اسلام آباد(ویب ڈیسک): نیپرا نے دو سہ ماہی ایڈجسٹمنٹس کے بقایا جات کی مد میں بجلی مہنگی کرنے کی منظوری دے دی۔ حکومت کی جانب سے بجلی کے صارفین کو مہنگائی کا ایک اور جھٹکا دیا جارہا ہے اور نیپرا نے بجلی مہنگی کرنے کی منظوری دے دی ہے۔نیپرا نے دو سہ ماہی ایڈجسٹمنٹس کے بقایا جات کی مد میں بجلی مہنگی کرنے کی منظوری دی ہے، جس کے تحت جنوری تا جون 2019ئ کے بقایاجات کی مد میں عوام پر 33 ارب روپے کا بوجھ ڈال دیا گیا ہے اور بقایا جات کی وصولی کے لیے بجلی کے نرخوں میں 53 پیسے فی یونٹ اضافے کا فیصلہ جاری کر دیا گیا ہے۔سہ ماہی بقایا جات کی مد میں وصولیوں کے باعث ٹیرف میں 33 پیسے فی یونٹ اضافہ ہوگا جب کہ نیپرا نے صارفین پر عبوری طور پر 19 ارب روپے منتقل کرنے کی بھی منظوری دے دی ہے، اس اقدام سے بجلی کی قیمت میں 19 پیسے فی یونٹ اضافہ ہوگا۔نیپرا کے مطابق صارفین سے یہ اضافہ ایک سال میں وصول کیا جائے گا، جب کہ بجلی کی قیمتوں میں فیصلے کا حتمی نوٹیفکیشن وفاقی حکومت جاری کرے گی۔

وزیر اعظم عمران خان نے یو این جنرل اسمبلی میں مفصل اور دبنگ تقریر کی۔ تاریخ میں یہ کسی پاکستانی لیڈر کی تیسری بڑی تقریر تھی اس سے قبل 1949ءمیں سر ظفر اللہ خان اور 1971ءسے قبل ذوالفقار علی بھٹو نے بطور وزیرخارجہ ایسی تقریر کی تھی۔ عمران خان نے کشمیر ایشو پر جس طرح روشنی ڈالی اس کی مثال نہیں ملتی، باقی ادوار میں بھی کشمیر بارے تقریریں ہوتی رہیں تاہم اس بار جس طرح ایشو کو اٹھایا گیا پہلے کبھی ایسا نہیں دیکھا گیا۔ وزیراعظم نے اسلامو فوبیا، کرپشن اور سب سے زیادہ وقت کشمیر ایشو پر بات کی، ببانگ دہل واضح کیا کہ اسلام بنیاد پرست یا ماڈرن نہیں بلکہ ایک ہی ہے اور وہ نبی پاک کا اسلام ہے۔ مسلم امہ کی غلطیوں کی نشاندہی بھی کی۔ اپوزیشن کا کام تنقید کرنا ہوتا ہے اس نے تو نکتہ چینی کرنا ہی تھی تاہم اس میں کوئی شک نہیں کہ وزیراعظم کی تقریر بڑی مفصل اور دبنگ تھی نریندر مودی اپنی تقریر میں اپنی حکومت کی 5 سالہ کارکردگی کا بتاتے نظر ائے محسوس ہوتا تھا کہ وہ کسی عالمی فورم پر نہیں بلکہ کسی بھارتی شہر میں جلسہ سے خطاب کر رہے ہیں انہوں نے عالمی تناظر میں صرف پانچ چھ منٹ بات کی۔ وزیراعظم عمران خان کی تقریر کا دنیا پر فوری اثر تو دیکھنے میں نہیں آئے تا تاہم ایسے عالمی فورم پر بات ہوتی ہے تو دنیا کو درپیش مسائل اور ان کے نتائج سے آگاہ کیا جاتا ہے جس کے مطابق پھر مختلف ممالک اپنی پالیسیاں بناتے ہیں۔ وزیراعظم نے دنیا کو بتایا کہ ہندو تامل دہشتگردی کرتے تھے اسے تو مذہب سے نہیں جوڑا جاتا پھر اسلام کو دہشت گردی سے کیسے جوڑا جا سکتا ہے۔ وزیراعظم اپنا پوائنٹ رجسٹر کرانے میں کامیاب رہے نیویارک میں سائڈ لائن ملاقاتوں اور یو این تقریر میں انہوں نے جس طرح اسلام فوبیا اور کشمیر کے ایشو کو اٹھایا اس کا آنے والے دنوں میں ضرور اثر ہو گا۔ عمران خان نے بطور کرکٹر زندگی کا بڑا حصہ برطانیہ میں گزارا اور امریکہ بھی رہے وہ مغربی معاشرے سے آشنا ہیں اور جانتے ہیں کہ ان تک بات کیسے پہنچائی جا سکتی ہے۔ موجودہ صورتحال میں وہ بہترین شخصیت ہیں جو پاکستان کے مسائل سے دنیا کو آگاہ کر سکتے ہیں۔ وہ ایک کرکٹ سٹار بھی ہیں۔ امریکی صدر نے بھی انہیں ایک سٹار کی حیثیت سے مخاطب کیا۔