Monthly Archives: July 2019
بجلی کی قیمتوں میں آج سے 1روپے 80پیسے یونٹ اضافہ
لاہور(خبر نگار)مہنگائی کی ماری عوام کیلئے بری خبر ، حکومت نے بجلی کی قیمتوں میں ایک روپے 80 پیسے فی یونٹ اضافہ جبکہ گیس کی قیمتوں میں 200 فیصد اضافہ کردیا ، اس حوالے سے نوٹیفکیشن بھی جاری کردیا گیا۔نوٹیفکیشن کے مطابق کمرشل صارفین کیلئے گیس 31 فیصد مہنگی ہوگئی، جبکہ ماہانہ 50یونٹ والے گھریلو صارفین کو اضافے سے مستثنیٰ قرار دے دیا گیا، 100 یونٹ والے گھریلو صارفین کیلئے گیس50 فیصد، 200 یونٹ والے گھریلو صارفین کیلئے گیس 75فیصد اور ماہانہ300 یونٹ والے گھریلو صارفین کیلئے گیس 100 فیصد مہنگی ہوگی۔اسی طرح ماہانہ400 یونٹ والے گھریلو صارفین کے لئے گیس150 فیصد اور ماہانہ400 یونٹ سے زائد والے گھریلو صارفین کے لئے گیس 200 فیصد تک اضافے کا اعلان کیا گیا ہے، قیمتوں میں اضافے کا اطلاق یکم جولائی سے ہوگا۔
شاہد آفریدی کا جلد سیا ست میں آ نے نہ آ نے کا اعلان متوقع
لاہور(آئی ا ین پی) شاہد آفریدی نے جلد سیاست میں قدم رکھنے کا عندیہ دے دیا، نجی ٹی وی چینل کے پروگرام میں اظہار خیال کرتے ہوئے مایہ ناز کرکٹر نے کہا کہ عمران خان نے کرکٹ کے بعد سیاست میں بھی بہت محنت کی ہے، کس سیاسی جماعت میں شامل ہوں گا، اس حوالے سے فی الحال کچھ نہیں کہہ سکتا۔ تفصیلات کے مطاق پاکستان کے سابق کپتان اور مایہ ناز آل راونڈر شاہد خان آفریدی نے ایک نجی ٹی وی چینل کے پروگرام سے گفتگو کرتے ہوئے عندیہ دیا کہ وہ جلد سیاسی میدان میں قدم رکھ لیں گے، تاہم اس حوالے سے انہوں نے کوئی واضح اعلان کرنے سے گریز کیا۔شاہد خان آفریدی نے اظہار خیال کرتے ہوئے وزیراعظم عمران خان کی تعریف کی اور کہا کہ انہوں نے کرکٹ کے بعد سیاست کے میدان میں بھی کئی برس خوب محنت کی اور تب ہی انہیں ان کی محنت کا پھل ملا۔شاہد آفریدی نے کہا کہ وہ جلد ہی سیاست میں قدم رکھ سکتے ہیں، یا اس سے دور بھی رہ سکتے ہیں، اس حوالے سے وہ فی الحال کوئی حتمی بات نہیں کر سکتے۔
نیلفری، وادی کنول جہاں پریوں کی بستی
لا ہور:(ویب ڈیسک) قدرتی جھرنے، میٹھے پانی کے چشمے، دیودار اور سرو کے درختوں کے بیچ صنوبر کے دیو قامت درخت جن کے آنگن میں انواع و اقسام کے پھول کھلے ہوں۔ جب یہ مناظر بیان کیے جائیں تو آزاد کشمیر کے قدرتی حسن کی تعریف ہورہی ہوتی ہے۔ آزاد کشمیر کا ہر گاﺅں اور علاقہ قدرتی حسن کا بہترین شاہکار ہے۔ رنگ، پھول، حنا، خوشبو الغرض کئی استعارے شعرا اور ادبا نے حسن کو بیان کرنے کےلیے استعمال کیے ہیں، لیکن آزاد کشمیر کی وادی نیلفری، ایک ایسی وادی ہے جس کے حسن کو بیان کرنے کےلیے الفاظ، نشانات اور اجسام ختم ہوجاتے ہیں۔مظفرآباد سے کم و بیش دو سو چالیس کلومیٹر دور یہ وادی آج تک سیاحوں کی نظروں سے اوجھل ہے۔ اس وادی کو پرانے وقتوں میں نیلوفر یا وادی کنول کا نام دیا گیا۔ کیوں کہ کیرن اور بھیڈوری کے پہاڑوں کے درمیان یہ وادی بالکل کنول کے پھول جیسی ہے۔ جس کی ہر پنکھڑی پر پریاں رقص کرتی ہیں۔ وادی پر چاروں جانب بچھی گھاس گویا ہزاروں ایکڑ پر بچھا قالین ہے۔ جس میں جابجا بنفشہ، پتریس،مسلونڑ، رباب اور چت پترہ کے خوبصورت پھول اور ان کی خوشبوئیں پھیلی ہیں۔ وادی میں خودرو پھولوں کی ڈالیاں پریوں کے پروں میں سجے خوبصورت پنکھوں جیسی محسوس ہوتی ہیں۔اس وادی کا بے پایاں حسن دیکھ کر انسان تو کیا، فرشتے بھی اپنا ہوش کھو بیٹھیں۔ اگر اس وادی میں ادیب بستے تو انہیں یہاں پرستان کا سا گمان گزرتا۔ موسم سرما میں وادی کسی ناراض حسینہ کی طرح برف کی سفید چادر کا گھونگھٹ اوڑھ لیتی ہے، جبکہ بہار میں پھول اور سبزہ، موسم گرما کے آغاز ہی میں وادی کنول پر بادل اپنا حصار قائم کرلیتے ہیں۔ زمین پر اترے ہوئے بادلوں کی اٹکھیلیاں، معطر ہواو¿ں کے جھونکے، شریر تتلیوں کا رقص، کیرن پہاڑ سے اترتے یخ پانی کا مدھر ترنم، نیلوفر جھیل کا پراسرار سکوت اور وادی کی رنگین فضاو¿ں میں جابجا اڑتے پرندوں کی چہکار سے جنت کا گماں ہوتا ہے۔وادی کنول یعنی نیلوفری چراگاہیں آزاد کشمیر کے ضلع حویلی کہوٹہ میں ہیں۔ راولپنڈی سے حویلی کہوٹہ کا زمینی فاصلہ 120 کلومیٹر ہے۔ جس کےلیے کم وبیش 8 گھنٹے درکار ہیں۔ راولپنڈی سے براستہ راولاکوٹ، ہجیرہ، عباس پور ضلعی ہیڈکواٹر پہنچا جاسکتا ہے۔ یہ سارا راستہ خوبصورت قدرتی نظاروں سے مالا مال ہے۔ لیکن قدرت کے اصل نظارے فاروڈ کہوٹہ کی وادیوں ہی میں نظر آتے ہیں۔ نیلوفری چراگاہ تک پہنچنے کا سب سے آسان راستہ فاروڈ کہوٹہ سے براستہ جلال آباد، جبی سیداں ہے۔ اگر آپ ضلع کے باہر سے ہیں تو آپ فاروڈ کہوٹہ شہر کو اپنا بیس کیمپ بنائیں۔ علی الصبح فاروڈ کہوٹہ سے براستہ جلال آباد، جبی سیداں آپ نیلوفری کی جانب روانہ ہوں۔ فاروڈ کہوٹہ سے جبی سیداں پختہ سڑک ہے، جس پر کم و بیش پینتالیس منٹ کا سفر ہے، اس کے بعد 9 کلومیٹر کچی سڑک ہے، جس پر جیپ کا سفر ہی بہتر رہتا ہے اور یہ سفر بھی 30 منٹ میں مکمل ہوجاتا ہے۔ سڑک کے اختتام کے بعد آپ کو 6 کلومیٹر پیدل ٹریک پر چلنا ہوگا، جس کےلیے آپ کو کم وبیش دو گھنٹے درکار ہوں گے۔ چاروں جانب سبزہ وادی کے آغاز کی خبر دے گا۔وادی میں پہلا خوبصورت چھایاں کا کرکٹ اسٹیڈیم ہے۔ یہ اسٹیڈیم بھی قدرتی ہے۔ یہ اسٹیڈیم پہاڑ کے اوپر خوبصورت میدان ہے۔ جس کے دامن میں مین سر کی سرسبز وادی ہے۔ چھایاں کا پہاڑ عبور کرنے کے بعد آپ کا سامنا قدرتی جھیل سے ہوگا۔ یہ جھیل سطح سمندر سے 7 ہزار 442 فٹ بلند ہے۔ یہاں چند لمحے سستانے کے بعد کیرن پہاڑ کا سفر شروع ہوتا ہے۔ یہ سفر بھی دو گھنٹے کی دوری پر محیط ہے۔ کیرن پہاڑ سطح سمندر سے 9 ہزار فٹ بلند ہے۔ اس وادی کا سب سے بڑا پہاڑ بھیڈوری کا پہاڑ ہے، جو سطح سمندر سے 12 ہزار 228 فٹ بلند ہے۔ اس سفر کے دوران انسان تھکان سے ہلکان ہوجاتا ہے۔ لیکن کیرن پہاڑ پر پہنچتے ہی تمام پریشانیاں ہوا ہوجاتی ہیں۔کیرن پہاڑ کے دامن میں پانی کا ایک خوبصورت چشمہ بھی موجود ہے، جس پر نہانے سے جلدی امراض کا خاتمہ ہوجاتا ہے۔ پانی کے اس چشمے کا راستہ انتہائی پرخطر ہے، جس تک پہنچنا جان جوکھوں کا کام ہے۔ کیرن پہاڑ کی دوسری جانب بھیڈی اور مقبوضہ کشمیر ہے۔ جبکہ اس پہاڑ کے دامن ہی میں پتھرا چراگاہ ہے۔ جس کا جنگل قیمتی جڑی بوٹیوں اور مہنگے درختوں پر مشتمل ہے۔ اسی طرح ڈنہ، حاجی پیر کے پہاڑ اور درہ کی چراہ گاہ بھی اس پہاڑ کے شمال مغربی دامن میں واقع ہے۔وادی کنول کی تفریح کے دوران احتیاطی تدابیر بھی لازمی ہیں۔راولاکوٹ سے فاروڈ کہوٹہ، یا باغ سے فاروڈ کہوٹہ جاتے ہوئے آپ اپنا بیس کیمپ شہر ہی میں بنائیں، کیوں کہ وادی میں رہائش کےلیے کوئی ہوٹل دستیاب نہیں ہے۔ فاروڈ کہوٹہ سے جیپ کے ذریعے سفر کریں، کیوں کہ دیگر گاڑیاں صرف جبی سیداں تک ہی معاون ہوسکتی ہیں۔ سولی شہر سے کھانے پینے کی اشیا ہمراہ لے لیں، راستے میں آپ کو معیاری اشیا دستیاب نہیں ہوں گی۔ وادی کے سفر کے دوران جوتوں کے انتخاب میں احتیاط کریں، کیوں کہ پیدل ٹریک چھوٹے چھوٹے پتھروں پر مشتمل ہے، جن پر پھسلنے کے خطرات رہتے ہیں۔ گرم کپڑے، چھتری یا چادر ساتھ رکھیں، کیوں کہ وادی میں موسم کسی بھی وقت بدل سکتا ہے۔ اپنا سامان مختصر رکھیں، تاکہ آپ کو سفر کے دوران دشواری نہ ہو۔اگر آپ نے وادی کے حسن سے پوری طرح لطف اٹھانا ہے تو جھیل پر کیمپ لگائیں اور دو روز تک اس وادی میں قیام کریں۔ اپنے سامان کےلیے مقامی افراد کی مدد سے گھوڑوں اور خچروں کو استعمال کریں۔ سڑک سے وادی تک ایک خچر 3 سے 5 سو تک باآسانی مل جاتا ہے۔نیلے نیلے پھولوں اور چاروں جانب پھیلے سبزے، ٹھنڈے میٹھے پانیوں پر مشتمل اس وادی میں طلوع آفتاب اور غروب کا منظر انتہائی محسورکن ہوتا ہے۔ وادی نیلفری ایک چراگاہ ہے، جہاں مختلف علاقوں سے لوگ اپنے مویشیوں کو کھلا چھوڑ دیتے ہیں۔ رات گئے جب مویشی اپنے ٹھکانوں پر لوٹتے ہیں یا علی الصبح وادی میں جاتے ہیں، یہ منظر دنیا میں کہیں نہیں ملتا۔ بھانت بھانت کی آوازیں اور جانوروں کی آنکھوں میں امید ویاس کا پیغام مایوسی کے شکار حضرت انسان کو جینے کا ہنر دیتا ہے۔سیاح اگر قدرتی ماحول سے لطف اٹھانے چاہتے ہیں تو کم از کم دو روز تک وادی میں ضرور قیام کریں۔ موسم گرما میں اگر آپ تفریح کےلیے جانا چاہتے ہیں تو نیلفری یا وادی کنول میں ضرور جائیں۔ احتیاطی تدابیر اختیار کریں۔ وادی میں سہولیات نہ ہونے کے باوجود روزانہ ہزاروں افراد یہاں تفریح کےلیے جاتے ہیں جو کہ اس وادی کے حسن کےلیے مہر تصدیق ثبت کرتی ہے۔
آج سے سی این جی مہنگی ،نوٹیفکیشن جاری
لاہور (خبر نگار) آئل اینڈ گیس ریگولیٹری اتھارٹی (اوگرا) نے یکم جولائی سے سی این جی مہنگی کرنے کا نوٹی فکیشن جاری کردیا، اتوار کواوگراکی جانب سے سی این جی مہنگی ہونے کا نوٹی فکیشن جاری کردیا جس کا اطلاق یکم جولائی سے ہوگا۔ نوٹی فکیشن کے مطابق سی این جی سیکٹر کے لیے گیس کی قیمت 980 روپے سے بڑھ کر 1283 روپے فی ایم ایم بی ٹی مقرر کردی گئی۔نوٹی فکیشن کے مطابق گیس کی قیمتیں بڑھنے سے 19 روپے فی کلو گرام اضافہ ہوگا اور سیلز ٹیکس فارمولے شامل کرکے سی این جی کی قیمتوں پر مجموعی اضافہ 22 روپے فی کلو گرام کیا گیا۔ اوگرا نے یکم جولائی سے گیس کی قیمتوں میں اضافہ کا نوٹیفیکیشن جاری کردیا۔جاری نوٹیفکیشن کے مطابق نئی قیمتوں کا اطلاق یکم جولائی سے ہوگا۔گیس قیمتوں میں اضافے کی منظوری وفاقی کابینہ سے لی گئی۔ نوٹیفکیشن کےمطابق گھریلو صارفین کےلئے گیس بلوں پر ون سلیب بینیفٹ کی منظوری دیدی گئی۔ نوٹیفیکیشن کے مطابق ماہانہ 50مکعب میٹر گیس استعمال پر گھریلو صارفین کےلئے گیس کی قیمت 121روپے دی فی مکعب میٹر پر برقرار رکھی گئی ہے۔ نوٹیفیکیشن کے مطابق ماہانہ سو مکعب میٹر گیس استعمال کرنے والے گھریلو صارفین کےلئے گیس کی قیمت میں 66فیصد اضافہ کیا گیا ہے۔ نوٹیفیکیشن کے مطابق ماہانہ 200مکعب میٹر گیس استعمال کرنیوالے گھریلو صارفین کےلئے فی مکعب میٹر گیس کی قیمت میں 61.7فیصد اضافہ کی منظوری دی گئی ہے۔ نوٹیفیکیشن کے مطابق ماہانہ 300مکعب میٹر گیس استعمال کرنیوالے گھریلو صارفین کےلئے گیس کی فی مکعب میٹر قیمت میں 123.63فیصد اضافہ کی منظوری دی گئی ہے۔ نوٹیفیکیشن میں کہاگیاکہ ماہانہ 400مکعب میٹر گیس کے استعمال پر گھریلو صارفین کےلئے فی مکعب میٹرگیس 6.4فیصد مہنگی کی گئی ہے۔ نوٹیفکیشن کے مطابق ماہانہ چار سو مکعب میٹر سے زائد گیس استعمال کرنیوالے گھریلو صارفین کےلئے گیس کی قیمت 1460روپے فی یونٹ پر برقرار رکھی گئی ہے۔ اوگرا نے گیس کی قیمتوں میں اضافے کا نوٹیفکیشن جاری کردیا ، ماہانہ 50یونٹ والے صارفین کواضافے سے مستثنی قرار دے دیا گیا ،قیمتوں میں اضافے کااطلاق(آج) یکم جولائی سے ہوگا۔جاری کردہ نوٹیفیکیشن کے مطابق ماہانہ 100 یونٹ والوں کے گیس کی قیمت 127 سے بڑھا کر 300 روپے فی ایم ایم بی ٹی یو،200 یونٹ والے صارفین کے لئے گیس کی قیمت 264 روپے سے بڑھا کر 530 روپے فی ایم ایم بی ٹی یو مقرر کیا گیا ہے۔ جبکہ 400یونٹ سے زائد والے صارفین گیس کی قیمت 1460روپے فی ایم ایم بی ٹی یو ادا کریں گے بڑھائی گئی قیمتوں کا اطلاق یکم جولائی سے ہوگا۔ واضح رہے کہ گیس کا کم سےکم بل 172روپے 58پیسہ ماہانہ بھجوایا جائے گا۔
Headlines 12 PM | 1 JULY 2019 | Channel Five Pakistan
مڈ ٹرم الیکشن کا مطالبہ کرنا ذہنی بیماری کی علامت : فردوس عاشق اعوان
اسلام آباد (نامہ نگار خصوصی) وزیر اعظم کی معاون خصوصی برائے اطلاعات ونشریات ڈاکٹر فردوس عاشق اعوان نے کہا ہے کہ کوئی ذہنی ہیجان اور بیماری والا شخص ہی مڈ ٹرم کی بات کرسکتا ہے۔ وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے شہباز شریف کی طرف سے مڈٹرم الیکشن کے مطالبے کے حوالے سے اپنے ایک ٹویٹ میں کہا کہ شہبازشریف کے حکومت اور اپوزیشن کے لیے الگ الگ معیار ہیں، شہباز شریف کو سمجھ نہیں آ رہی کہ مریم صفدر کے پارٹی پر قبضہ کرنے کے بعد وہ کیا بیانیہ لیں اور کیا منجن بیچیں؟ انہوں نے مزید کہا کہ جب بھی انتخابات ہوئے عمران خان ہی کلین سویپ کریں گے۔ وزیراعظم کی معاون خصوصی نے کہا کہ شہباز شریف ایک پریشان اور بکھرے ہوئے شخص ہیں، ان کی اپنی جماعت کا شیرازہ بکھرنے کو ہے۔ ڈاکٹر فردوس عاشق اعوان اپوزیشن کی تمام تر سازشوں کے باوجود بجٹ منظور ہوا۔ وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ موجودہ حکومت نے ملکی تاریخ کا پہلا عوامی اور فلاحی بجٹ پیش کیا ہے جو پاکستان کے عوام کی فلاح و بہبود اور ملکی ترقی اور خوشحالی کے لئے وزیراعظم عمران خان کے وڑن کا عکاس ہے۔ انہوں نے ان خیالات کا اظہار اتوار کو یہاں پوسٹ بجٹ پریس کانفرنس سے خطاب کرتے ہوئے کیا۔ ڈاکٹر فردوس عاشق اعوان نے کہا کہ کل پارلیمان نے پہلے عوامی اور فلاحی بجٹ کی منظوری دی ہے جس میں اقتصادی اصلاحات کے اہداف کو بھی شامل کیا گیا ہے، بجٹ کی منظوری کے بعد اس پر عملدرآمد کے لئے حکومت کی اقتصادی ٹیم اور تمام ادارے مل کر کام کر رہے ہیں۔ انہوں نے کہا کہ عوام کی فلاح و بہبود اور ملکی ترقی اور خوشحالی کے لئے وزیراعظم عمران خان کے ایجنڈے کو اس بجٹ کا مرکزی نقطہ بنایا گیا ہے، پاکستان تحریک انصاف کے منشور کے تحت ملکی پائیدار ترقی اور اداروں کا استحکام موجودہ حکومت کا بنیادی ایجنڈا ہے۔ انہوں نے کہا کہ عوام کی فلاح و بہبود کے لئے وزیراعظم عمران خان کے وڑن کو آگے بڑھانے میں میڈیا اور تمام سٹیک ہولڈرز حکومت کا ساتھ دےں۔ ڈاکٹر فردوس عاشق اعوان نے کہا کہ نئے مالی سال کے بجٹ میں ملک کی ترقی اور عوامی فلاح و بہبود کو بجٹ حکمت عملی کا حصہ بنایا گیا ہے جو خوش آئند ہے۔ انہوں نے کہا کہ معیشت کو دستاویزی شکل دی جا رہی ہے جس کے مثبت اثرات سامنے آئیں گے اور یہ منی لانڈرنگ کے خاتمے میں بھی معاون ثابت ہو گا۔ ڈاکٹر فردوس عاشق اعوان نے مزید کہا کہ وزیراعظم عمران خان نے ہمیشہ قوم سے سچ بولا ہے۔ اپنے دور میں میں آئینی مدت پوری کرنے کی حمایت کرنے والے آج کس منہ سے مڈ ٹرم انتخابات کی بات کر رہے ہیں؟ یہ لوگ 10ماہ اقتدار کے بغیر نہیں گزار سکتے؟ اقتدار کے بغیر ایسے تڑپ رہے ہیں جیسے مچھلی پانی کے بغیر۔ اب انہیں چار سال ایسے ہی تڑپنا ہوگا۔ اقتدار کی پچ پر لگاتار کھیلنے والوں کو سرکاری وسائل کے بغیر رہنے کی اب عادت ڈالنا ہوگی۔ معاون خصوصی نے کہا کہ اقتدار کی پچ پر لگاتار کھیلنے والوں کو اب سرکاری وسائل کے بغیر رہنے کی عادت ڈالنا ہوگی۔ یہ لوگ دس ماہ اقتدار کے بغیر نہیں گزار سکے، اقتدار کے بغیر ایسے تڑپ رہے ہیں جیسے مچھلی پانی کے بغیر۔ اب انہیں مزید چار سال ایسے ہی تڑپنا ہوگا۔ اپنے دور میں میں آئینی مدت پوری کرنے کی حمایت کرنے والے آج کس منہ سے مڈ ٹرم انتخابات کی بات کر رہے ہیں؟ یہ لوگ 10ماہ اقتدار کے بغیر نہیں گزار سکتے؟ اقتدار کے بغیر ایسے تڑپ رہے ہیں جیسے مچھلی پانی کے بغیر۔اب انہیں چار سال ایسے ہی تڑپنا ہوگا۔ ان کے حکومت اور اپوزیشن کے لیے الگ الگ معیار ہیں۔شہباز شریف کو سمجھ نہیں آ رہی کہ مریم صفدر کے پارٹی پر قبضہ کرنے کے بعد وہ کیا بیانیہ لیں اور کیا منجن بیچیں؟
انتشار پھیلانے والی اپوزیشن خود انتشار کا شکار : عثمان بزدار
لاہور:(ویبڈیسک)اپوزیشن جماعتیں ایک دوسرے کے ساتھ بھی مخلص نہیں۔وزیراعلیٰ پنجاب سرداراپوزیشن جماعتوں کا غیر فطری اتحاد جلد اپنے منطقی انجام کو پہنچ جائے گا۔ انتشار پھیلانے کی ناکام کوشش کرنے والی اپوزیشن خود انتشار کا شکار ہے۔اپوزیشن جماعتوں کا پارلیمنٹ کے اندر اور باہر طرز عمل غیر جمہوری ہے۔اے پی سی کی ناکامی کے بعد اپوزیشن کی رہی سہی ساکھ بھی ختم ہو گئی کئی برس سے حکمران رہنے والوں نے عوام کی بنیادی ضروریات کو نظرانداز کیا۔مایوسی پھیلانے والے سابق حکمرانوں نے اپنے دور میں عوام کیلئے کچھ نہیں سابق حکمرانوں کی ترجیحات سڑکیں، پل اور عمارتیں تھیں۔ہماری حکومت نے انسانی ترقی پر فوکس کیا ہے۔ذاتی نمود و نمائش کے منصوبوں کی بجائے انسانی ترقی کو اپنا محور بنایا ہے۔
20 ارکان ساتھ چھوڑ گئے ، فہرست تیار
اسلام آباد، لاہور (آن لائن‘ این این آئی‘ مانیٹرنگ ڈیسک) وزیراعظم عمران خان سے ملنے والے (ن) لیگی اراکین اسمبلی کے نام سامنے آگئے ہیں۔میڈیا رپورٹ کے مطابق وزیراعظم سے ملاقات کرنے والوں میں اظہر خان مظفر گڑھ، فیصل خان نیازی خانیوال، جمیل شرقپوری، کوٹ ادھو سے اصغر چانڈیو اور قاسم ہنجرا، غیاث الدین شکر گڑھ، حاجی اشرف انصاری، شعیب اویسی، ریاض حسین پیرزادہ، نشاط ڈھا، محمودالحق، ایم این اے یونس انصاری، غصنفر لنگا، محمد ارشد، فیصل خواجہ اور عطا الرحمن سمیت دیگر شامل ہیں۔ رپورٹ کے مطابق جب تک 35 افراد مکمل نہیں ہوجاتے اس وقت تک کوئی فارورڈ بلاک کی حمایت یا اعلان نہیں کرے گا جب کہ مزید 20 افراد کو اس گروپ میں شامل کرنے کے لیے بعض اہم کھلاڑیوں کو ٹاسک دیا گیا ہے۔رپورٹ میں دعوی کیا گیا ہے کہ اگلے گروپ میں (ن) لیگی ناراض 20 رکن قومی اسمبلی کی عمران خان سے ملاقات ہوگی۔ 35 اراکین مکمل ہونے تک کوئی فارورڈ بلاک کی حمایت یا اعلان نہیں کرے گا۔یاد رہے گزشتہ روز عمران خان کے ساتھ ملاقات کے دوران ناراض لیگی رہنما?ں نے اپنے تحفظات کا اظہار کیا اور کہا کہ وہ ان لوگوں کے ساتھ نہیں چلنا چاہتے جنہوں نے ملک کو لوٹا ، ہم نے محنت سے کام کیا لیکن افسوس ہے کہ ہمیں پارٹی میں عزت نہ دی گئی۔ عمران خان نے یقین دہانی کرواتے ہوئے کہا کہ آئندہ چند ماہ میں پاکستان میں خوشحالی آ جائے گی۔ وفاقی وزیر برائے سائنس و ٹیکنالوجی فواد چوہدری نے دعویٰ کیا ہے کہ آئندہ چند دنوں میں پاکستان مسلم لیگ (ن) چھوڑنے والے رکن قومی اسمبلی (ایم این ایز)اور سینیٹرز کی فہرست سامنے آئےگی،مریم نواز نے اسی موقع سے فائدہ اٹھا کر شہباز شریف کی قیادت پر شب خون مارا،قطر سے بھی امداد موصول ہو گئی ہے ،فوری بحران ٹل گیا ہے اور بجٹ بھی منظور ہوگیا ہے اور اب معیشت کودرپیش اصل چیلنج ٹیکس جمع کرنا ہے، افغانستان سے جو بہتر معاملات آگے بڑھے ہیں خطے میں بھی اس کا اثر ہوگا، امید ہے بھارت سے مثبت جواب ملے گا۔ اتوار وکو پریس کانفرنس کرتے ہوئے فواد چوہدری نے کہا کہ قطر سے 50 کروڑ ڈالر رقم موصول ہوئی، قطر سے رقم ملنے سے زرمبادلہ کے ذخائر میں بھی بہتری آئی ہے۔انہوں نے کہا کہ موجودہ حکومت ساڑھے 9 ارب ڈالر قرضوں کی مد میں واپس کرچکی ہے،11 مہینوں میں قرض اور سود کی مد میں ادا کی گئی رقم سندھ کے بجٹ کے برابر ہے، آپ اندازہ لگالیں کہ کس قسم کی صورتحال تھی جس کا عمران خان کو سامنا تھا۔فواد چوہدری نے کہا کہ فوری بحران ٹل گیا ہے اور بجٹ بھی منظور ہوگیا ہے اور اب معیشت کودرپیش اصل چیلنج ٹیکس جمع کرنا ہے۔وفاقی وزیر نے کہا کہ اس سال ہم نے 5600 ارب روپے کا ٹیکس جمع کرنے کا ہدف طے کیا ہے۔انہوں نے کہا کہ برٹش ایئرویز پاکستان کے لیے فلائٹ آپریشن بحال کرچکی ہے، اب یورپی یونین کے دیگر ممالک اور ایئر لائنز پاکستان کےلئے اپنی ایڈوائزریز تبدیل کررہے ہیں۔فواد چوہدری نے کہاکہ برطانیہ کے ولی عہد اور مستقبل کی ملکہ پاکستان آرہے ہیں، اس سے دکھائی دیتا ہے کہ ہم کس طرف جارہے ہیں۔ وفاقی وزیر ریلوے شیخ رشید احمد نے کہا ہے کہ 9 اراکین قومی اسمبلی (ن) لیگ سے خلع لینے کے لئے تیار ہیں اور یہ تعداد بڑھ بھی سکتی ہے۔وزیراعظم عمران خان سے ملاقات کرنے والے مسلم لیگ (ن) کے اراکین کے نام سامنے آگئے جب کہ سابق لیگی رکن اسمبلی یونس انصاری نے دعوی کیا ہے کہ ان کی قیادت میں 15 ایم پی ایز اور 5 ایم این ایز نے وزیراعظم عمران خان سے ملاقات کی ہے۔ذرائع کے مطابق وزیراعظم عمران خان سے ملاقات کرنے والے 11 لیگی اراکین میں غیاث الدین، شعیب اویسی، چوہدری اشرف انصاری، فیصل خان نیازی، غلام قاسم ہنجرا، محمد ارشد، اظہر چانڈیہ، غضنفر لنگاہ، جلیل احمد شرقپور، نشاط احمد خان ڈاہا شامل تھے۔سابق لیگی رہنما اور آزاد حیثیت سے انتخابات میں کامیاب ہونے والے رکن صوبائی اسمبلی یونس انصاری نے کہا کہ مسلم لیگ (ن) کے ممبران اسمبلی نے میری قیادت میں عمران خان سے ملاقات کی اور جلد ہی پارٹی کے سندھ کے بڑے گروپ کی وزیر اعظم سے ملاقات کرائی جائے گی۔یونس انصاری کا کہنا تھا کہ شہباز شریف نااہل سیاستدان ہیں، جنھیں اپنے گھر کی خبر نہیں، اقبال گوجر نے انہیں مسلم لیگ (ن) میں واپسی کی دعوت دی جو ٹھکرا دی تھی۔ذرائع کے مطابق وزیراعظم عمران خان سے ملنے والوں میں سابق لیگی رکن اسمبلی یونس انصاری کے بھائی ایم پی اے اشرف انصاری بھی شامل تھے۔ دوسری جانب لیگی رکن صوبائی اسمبلی مولانا غیاث الدین کا کہنا ہے کہ عمران خان سے میں اور جلیل شرقپوری اپنے حلقے کے مسائل بارے ملے تھے تاہم میں مسلم لیگ (ن) میں ہی ہوں۔قابل اعتماد ذرائع کا کہنا ہے کہ وزیراعظم سے ملاقات کرنے والے ارکان میں قومی اسمبلی کا کوئی رکن شامل نہیں تھا۔29 جون کو بنی گالہ میں 12 ارکان پنجاب اسمبلی آئے تھے جن میں 11 کا تعلق نون لیگ سے اور ایک کا پاکستان پیپلزپارٹی سے تھا۔ذرائع کے مطابق بنی گالہ جانے والوں میں حلقہ پی پی 133 کے ابو حفصہ اور پی پی 270 کے شعیب اویسی شامل تھے، ان کے علاوہ حلقہ پی پی 93 کے چوہدری اشرف اور پی پی 209 سے ایم پی اے فیصل نیازی نے بھی وزیراعظم سے ملاقات کی۔مزید ارکان اسمبلی میں پی پی پی 268 سے ایم پی اے ملک غلام قاسم ہنجرا، پی پی 114 کے چوہدری محمد ارشد، پی پی 269 کے اظہر عباس، پی پی 139 کے میاں جلیل، نشاط ڈاہا اور پی پی 285 سے پیپلزپارٹی کے ایم پی اے غضنفر علی شامل تھے۔ذرائع کا کہنا ہے کہ وزیراعظم نے حزب اختلاف سے تعلق رکھنے والے ممبران قومی اسمبلی سے رابطوں کی ذمہ داری بھی سونپ دی ہے اور اس ضمن میں 5 ارکان سے رابطے بھی جاری ہیں۔
انگلینڈ کی ورلڈکپ میں بھارت کیخلاف 27 سال بعد فتح
برمنگھم: (ویب ڈیسک)کرکٹ ورلڈ کپ 2019ءکے اہم میچ میں انگلینڈ نے بھارت کو 27 سال بعد شکست دے دی۔ آخری بار 1992ءکے ورلڈ کپ میں انگلینڈ نے بھارت کو شکست دی تھی اس کے بعد سے ہونے والے تمام ورلڈ کپ میں جب بھی انگلینڈ اور بھارت آمنے سامنے آئے تو جیت ہمیشہ بھارت نے فتح حاصل کی لیکن اس بار کرکٹ ورلڈ کپ 2019ءکے اس اہم میچ میں انگلینڈ نے 27 برس بعد بھارت کو شکست دی ہے۔میچ کے اس نتیجے کے ساتھ ہی پاکستانی کرکٹ ٹیم کے لیے سیمی فائنل تک رسائی مشکل ہوگئی ہے، اس فتح کے ساتھ انگلینڈ کے 10 پوائنٹس ہوگئے ہیں جب کہ پاکستان کے 9 پوائنٹس ہیں اور دونوں ٹیموں کو سیمی فائنل میں رسائی کے لیے اپنے آخری میچ میں کامیابی حاصل کرنا لازمی ہے۔ پاکستان کو بنگلادیش کا چیلنج درکار ہے جب کہ میزبان ٹیم نیوزی لینڈ سے فائنل فور کے لیے ٹکرائے گی۔انگلینڈ کی نیوزی لینڈ کے خلاف کامیابی، پاکستان کو ایونٹ سے تقریباً باہر کر دے گی، انگلینڈ اور نیوزی لینڈ 3 جولائی کو چیسٹرلی اسٹریٹ میں مد مقابل ہوں گے، پاکستانی ٹیم کا اگلا میچ 5 جولائی کو بنگلا دیش سے شیڈول ہے قبل ازیں پاکستانی سابق کرکٹ باسط علی نے الزام عائد کیا تھا کہ پاکستان کو میگا ایونٹ سے باہر کرنے کے لیے بھارت جان بوجھ کر میچز ہار سکتا ہے۔
QURAN AUR SEHAT | ISLAMIC MORNING SHOW | 1 JULY 2019 | CHANNEL FIVE
شاہین آفریدی نے عمدہ کارکردگی کا کریڈٹ اظہر محمود کو دیدیا
لندن:(ویب ڈیسک)فاسٹ بولر شاہین آفریدی نے نیوزی لینڈ کے بعد افغانستان کے خلاف بھی عمدہ کارکردگی کا کریڈٹ بولنگ کوچ اظہر محمود کو دے دیا۔قومی ٹیم کے نوجوان پیسر کا کہنا ہے کہ نیٹ میں بولنگ کوچ اظہر محمود کے ساتھ بھر پور محنت کی جس کا صلہ مجھے اچھی کارکردگی کی صورت میں ملا، اللہ کا شکر ہے کہ مجھے ایسے وقت میں وکٹیں مل رہی ہیں جب ٹیم کو بھی ان کی ضرورت ہوتی ہے، یہ قومی ٹیم کے ساتھ میرے کیریئر کے لئے بھی بہت اچھا ہے۔شاہین آفریدی نے کہا کہ میچز کے دوران تمام کھلاڑی ایک دوسرے کو بھر پور سپورٹ کرتے ہیں، میری بولنگ کے دوران بھی ساتھی کھلاڑیوں کی طرف سے بھر پور حوصلہ افزائی کا سلسلہ جاری رہتا ہے، افغانستان کے خلاف 4 کھلاڑیوں کو پویلین کا راستہ دکھانے والے پیسر نے کہا کہ اپنی لائن اینڈ لینتھ کو مزید بہتر بنانا چاہتا ہوں، کوشش ہوگی کہ اگلے میچ میں بھی اپنی عمدہ کارکردگی سے ٹیم کی فتح میں اہم کردار ادا کروں۔
اندھے کو بھی نظر آ رہا ہے، ’جعلی اعظم‘ اور اس کی ’جعلی حکومت‘ خوفزدہ ہیں
لاہور: (ویب ڈیسک) مسلم لیگ ن کی مرکزی نائب صدر مریم نواز نے کہا ہے کہ اندھے کو بھی نظر آ رہا ہے کہ ’جعلی اعظم‘ اور اس کی ’جعلی حکومت‘ خوفزدہ ہیں۔سماجی رابطے کی ویب سائٹ ٹویٹر پر اپنے بیان میں مریم نواز نے کہا کہ خوف اور گھبراہٹ میں وہ انتقامی کاروائیوں میں تیزی لانے کی بیوقوفانہ مگر ناکام کوشش کر رہے ہیں۔مریم نواز نے لکھا کہ یہ حرکتیں انشا اللہ ان کے اپنے زوال کا باعث ہوں گی۔ کارکنوں کومخاطب کرتے ہوئے ان کا کہنا تھا کہ آپ نے نا گبھرانا ہے نا ڈرنا ہے، شیرو ڈٹ کر مقابلہ کرنا ہے، جو جہاں جس پلیٹ فارم پر مقابلہ کر سکتا ہے وہاں ڈٹ کر مقابلہ کرنا ہے۔انہوں نے کہا کہ میدان عمل میں کیا کرنا ہے اس کی ٹائمنگ اور تفصیل کو وقت سے پہلے بیان نہیں کیا جا سکتا۔ میں اپنے آپ سے اور آپ سب سے وعدہ کر چکی کہ انشا اللہ نواز شریف کے لئے میں آخری حد تک جاو¿ں گی۔
