راولپنڈی(اے این این ، آن لائن) آرمی چیف جنرل قمر جاوید باجوہ نے پاک فوج کے 2 افسران سمیت 3 افراد کی سزا کی توثیق کردی ہے۔پاک فوج کے شعبہ تعلقات عامہ(آئی ایس پی آر)کے مطابق آرمی چیف جنرل قمر جاوید باجوہ نے 2 فوجی افسران سمیت 3 افراد کی سزا کی توثیق کردی ہے، سزا پانے والوں میں لیفٹیننٹ جنرل (ر)جاوید اقبال، بریگیڈیئر(ر) راجہ رضوان اور حساس ادارے کا افسر ڈاکٹر وسیم شامل ہے۔آئی ایس پی آر کے مطابق لیفٹیننٹ جنرل(ر)جاوید اقبال کو 14 سال قید بامشقت جب کہ بریگیڈیئر(ر) راجہ رضوان اور حساس ادارے کے ملازم ڈاکٹر وسیم اکرم کو سزائے موت سنائی گئی ہے۔آئی ایس پی آر کے مطابق سزا پانے والے افراد پر ملک کے ساتھ غداری، حساس راز و معلومات غیرملکی ایجنسیوں پر افشاں کرنا اور قومی سلامتی کو نقصان پہنچانے کا لزام ثابت ہوا ہے، اور ان افسران کے خلاف الگ الگ کیسز میں پاکستان آرمی ایکٹ کے تحت فیلڈ جنرل کورٹ مارشل کیا گیا ہے۔واضح رہے کہ گزشتہ 2 سال کے دوران مختلف رینک کے 400 افسران کو سزائیں سنائی جاچکی ہیں جس میں سروس سے برطرفیاں بھی شامل ہیں۔ رواں برس فروری میں ڈی جی آئی ایس پی آر میجر جنرل آصف غفور نے اپنی پریس کانفرنس کے دوران اس بات کی تصدیق کی تھی کہ آرمی کے دو سینئر افسران جاسوسی کے الزام میں زیر حراست ہیں اور آرمی چیف نے ان کا فیلڈ جنرل کورٹ مارشل آرڈر کیا ہوا ہے۔ پاک فوج کے ترجمان میجر جنرل آصف غفور کا کہنا ہے کہ یکساں احتساب کی پالیسی پرآئندہ بھی سختی سے عمل ہوگا، گزشتہ2 سالوں میں مختلف رینک کے 400 افسران کو سزائیں دی گئیں، متعدد افسران کو نوکریوں سے فارغ ہونا پڑا، لیفٹیننٹ جنرل ر محمد افضل اور میجرجنرل ر خالد زاہد اختر کو این ایل سی کے4.3 ارب اسٹاک مارکیٹ میں لگانے سزاو¿ں کا سامنا کرنا پڑا، اسد درانی کو”را“ کے سابق سربراہ اے ایس دلت کے ساتھ ملکر کتاب لکھنے پرکورٹ مارشل کا سامنا کرنا پڑا۔ واضح رہے گزشتہ 2 سال میں مختلف رینک کے 400 افسران کو سزائیں دی گئیں۔ جس میں این ایل سی اسکینڈل میں لیفٹیننٹ جنرل ر محمد افضل کو دی گئی،این ایل سی اسکینڈل میں میجرجنرل ر خالد زاہد اختر کو بھی سزائیں ہوئیں۔ دونوں افسران پراین ایل سی کے4.3ارب اسٹاک مارکیٹ میں لگانے کا الزام ہے۔متعدد افسران کو نوکریوں سے فارغ ہونا پڑا۔ اسی طرح جنرل اسد درانی کا احتساب بھی اسی پالیسی کے تحت عمل میں آیا۔ آئندہ بھی احتساب کی پالیسی پر یکساں عملدرآمد ہوگا۔ جنرل (ر) اسد درانی کیخلاف ”را“ کے سابق سربراہ اے ایس دلت کے ساتھ ملکر کتاب لکھنے کا الزام ہے۔ جنرل (ر)اسد درانی کو ”را“ کے سابق سربراہ اے ایس دلت کے ساتھ ملکر کتاب لکھنے پرکورٹ مارشل کا سامنا کرنا پڑا۔

بیجنگ (آن لائن) ہواوے دنیا کی بڑی ٹیلی کمیونیکشنز نیٹ ورکنگ آلات سپلائی کرنے والی کمپنی ہے جو دونوں ملکوں کے درمیان تجارتی جنگ میں اہم ترین بن گئی۔تفصیلات کے مطابق ہواوے نے امریکی انتظامیہ کی جانب سے کمپنی کو
بلیک لسٹ کیے جانے کے فیصلے کو امریکی عدالت میں چیلنج کرتے ہوئے قانونی جنگ کو تیز کردیا ہے۔ہواوے کی جانب سے ٹیکساس کی ڈسٹرکٹ عدالت میں مقدمہ دائر کیا گیا ہے اور کمپنی نے اس میں زور دیا ہے کہ نیشنل ڈیفنس اتھارائزیشن ایکٹ امریکی قوانین کی خلاف ورزی ہے۔ہواوے کے مطابق اس کی نئی درخواست پر سماعت رواں سال 19 ستمبر کو ہوگی، چینی کمپنی نے ایک درخواست دائر کرتے ہوئے اس کی مصنوعات پر نیشنل ڈیفنس اتھارائزیشن ایکٹ کے تحت پابندیوں کی آئینی حیثیت پر سوال اٹھایا ہے۔ہواوے کے چیف لیگل آفیسر سونگ لیو پنگ نے امریکی حکومت کے فیصلوں پر کہا ہے امریکی سیاستدان ایک پوری قوم کی مضبوطی کو ایک نجی کمپنی کے خلاف استعمال کررہے ہیں، یہ نارمل نہیں، ایسا کبھی بھی تاریخ میں نہیں دیکھا گیا۔ہواوے نے رواں سال مارچ میں امریکی بل کے خلاف مقدمہ دائر کرتے ہوئے اسے غیر آئینی قرار دیتے ہوئے کہا کہ امریکی کانگریس ایسے شواہد پیش کرنے میں ناکام رہی جو ہواوے مصنوعات پر پابندیوں کو سپورٹ کرسکے۔

اسلام آباد (ملک منظور احمد )صدر مملکت ڈاکٹر عا رف علوی نے کہا ہے کہ پا کستان جلد مو جو دہ اقتصا دی بحران سے با ہر نکل آئے گا ۔دنیا کے اکثر مما لک اقتصا دی بحرا نوں کا شکار ہو ئے ہیں تاہم یہ مما لک ان بحرا ون سے با ہر نکل آئے ہیں ۔پا کستان ±قدرتی وسا ئل سے ما لا مال ہے۔وزیر اعظم عمران خا ن سے پرا نی دو ستی ہے تما م قو می اشوز پر وزیر اعظم سے مشا ورت ہو تی ہے۔اعوان صدر میں سینئر صحا فیوں سے غیر رسمی گفتگو کر تے ہو ئے کہا کہ پا کستان اقتصا دی اور معا شی ترقی کر نے کی پو ری صلا حیت رکھتا ہے۔ہما ری سمت درست ہے اور حکو مت ان مسا ئل پر قا بو پا نے کے لئے ہر ممکن اقدا مات کر رہی ہے۔

شمالی وزیرستان‘ بنوں( آن لائن‘آئی این پی ) بویا میں فوجی چیک پوسٹ پرحملہ کرنے کے بعد فرار ہو جانے والے محسن داوڑ کو گرفتار کر لیا گیا۔ 26مئی کو محسن داوڑ نے علی وزیراور اپنے ساتھیوں کے ہمرہ پاک فوج کی یک پوسٹ پر حملہ کیا تھا جس میں 1فوجی شہید جبکہ 5زخمی ہو گئے تھے۔ پاک فوج کی جوابی کارروائی پر 3حملہ آور ہلاک جبکہ 10زخمی ہو گئے تھے۔سکیورٹی اداروں نے حملہ کرنے پر علی وزیراور ان کے ساتھیوں کو گرفتار کر لیا تھا جبکہ محسن داوڑ فرار ہو گئے تھے جس کے بعد انہوں نے غیر ملکی میڈیا پر پاکستان اور افواجِ پاکستان کے خلاف انٹرویو بھی دیا تھا ، آج سکیورٹی فورسز نے انہیں گرفتار کر لیا ہے۔شمالی وزیرستان میں سیکیورٹی چیک پوسٹ پر حملے میں ملوث رکن قومی اسمبلی محسن داوڑ کو 5 روزہ ریمانڈ پر سی ٹی ڈی کے حوالے کر دیا گیا، تفصیلات کے مطا بق 26مئی کو خاڑ کمر چیک پوسٹ پر حملے کے بعد سے مفرور محسن داوڑ کو شمالی وزیرستان سے حراست میں لیا گیا،خاڑ چیک پوسٹ پر حملے میں پانچ جوان زخمی ہوئے تھے جس کے بعد رکن اسمبلی علی وزیر سمیت 8 افراد کو حراست میں لیا گیا تھا تاہم محسن داوڑ ہجوم کو مشتعل کرنے کے بعد فرار ہو گئے تھے،تھانہ سی ٹی ڈی بنوں میں انسپکٹر محمد جلیل خان کی مدعیت میں سیکیورٹی چیک پوسٹ پر حملے کا مقدمہ درج کیا گیا جس میں دہشت گردی، 302،324 سمیت کل 10 دفعات شامل کی گئیں،بعدازاں محسن داوڈ کو انسداد دہشت گردی کی عدالت میں پیش کیا گیا جہاں عدالت نے انہیں 5 روزہ ریمانڈ پر پولیس کے حوالے کر دیا۔دوسری جانب محسن داوڈ کے وکیل کا کہنا ہے کہ ممبر قومی اسمبلی نے جرگے کے فیصلے کی روشنی میں خود کو قانون کے حوالے کیا۔

اسلام آباد(نامہ نگارخصوصی)وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ سپریم جوڈیشل کونسل کے کوڈ آف کنڈکٹ میں رازداری اولین ہوتی ہے، جوڈیشل کونسل کی ہدایات پر ہی ریفرنسز ے متعلق وزیر قانون میڈیا کو آگاہ کریں گے، مسلم لیگ (ن) والے قیدی نمبر 420 کو خراج تحسین پیش کرنے کے لئے جیل گئے تھے، انہی قصیدہ گو اور لطیفہ گو نے اپنے ادوار میں سپریم کورٹ پر حملے، ججز کو ہدایات اور اٹیچی کیس دینے کی روایات متعارف کرائی تھیں، مسلم لیگ (ن) اور پیپلزپارٹی کے درمیان مک مکا ہوا ہے، دونوں پارٹیوں کی قیادت اثاثے چھپانے، منی لانڈرنگ اور جعلی اکاﺅنٹس کے معاملات میں براہ راست ملوث ہیں۔ وہ جمعرات کو مشیر تجارت عبدالرزاق داﺅد کے ہمراہ پی آئی ڈی میں پریس کانفرنس سے خطاب کر رہی تھیں۔ وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ وزیراعظم عمران خان کی ہدایت پر ملائیشیا میں پھنسے ہوئے 320 پاکستانی وطن واپس پہنچ چکے ہیں، اس معاملے میں وزیراعظم عمران خان نے ذاتی دلچسپی لی، عید الفطر کے موقع پر ان 320 خاندانوں کے لئے ایک تحفہ ہے۔ انہوں نے کہا کہ وزیراعظم عمران خان ہر سطح پر عوام کا درد سمجھتے ہیں اور عوام کی آسانیوں کے لئے خود بھی اور اپنی ٹیم کے ذریعے بھی فوری اقدامات اٹھانے کو ترجیح دیتے ہیں اور ان کا یہ عزم ہر روز مثبت سمت میں آگے بڑھ رہاہے۔ ایک سوال کے جواب میں انہوں نے کہا کہ پنجاب، سندھ، خیبرپختونخوا اور بلوچستان کا کوئی بھی شہر جہاں پر صنعت قائم ہے اور مسائل کا شکار ہے، اسے مسائل سے نکالنا اور ترقی کی راہ پر گامزن کرنا ہماری ترجیح ہے، اور اس میں کوئی تفریق نہیں برتی جائے گی۔ ایک سوال کے جواب میں انہوں نے کہا کہ سپریم جوڈیشل کونسل نے اٹارنی جنرل آف پاکستان اور دیگر فریقین کو 14 جون کے لئے نوٹسز جاری کر دیئے ہیں۔ انہوں نے کہا کہ سپریم جوڈیشل کونسل کے کوڈ آف کنڈکٹ میں رازداری اولین ہوتی ہے، جوڈیشل کونسل کی تمام کارروائی ان کیمرہ ہوتی ہے جب تک سپریم جوڈیشل کونسل کی جانب سے واضح ہدایات نہ ہوں تو تب تک حکومت ریفرنسز سے متعلق میڈیا سے کچھ بھی شیئر نہیں کر سکتی، اس ضمن میں سپریم جوڈیشل کونسل کی جانب سے ہدایات سامنے آنے پر ہی ریفرنسز سے متعلق میڈیا سے شیئر کیا جائے گا۔ انہوں نے کہا کہ سیاستدانوں، عدلیہ، میڈیا اور عام شہریوں پر بھی کوڈ آف کنڈکٹ لاگو ہوتا ہے، کوئی بھی اس سے باہر نہیں ہے جو بھی آئین اور قانون کی خلاف ورزی کرے گا اس کا ہر صورت احتساب ہو گا۔انہوں نے کہا کہ ہمیں اپنے ٹیکس نیٹ کو بڑھانا ہو گا اس وقت ہمارے پاس 31 لاکھ 40 ہزار صنعتی کمرشل کنکشنز ہیں لیکن جی ایس ٹی صرف 40 ہزار دے رہے ہیں، انہیں بڑھانے کے لئے دونوں اطراف سے کوششیں ضروری ہیں۔ انہوں نے کہا کہ نواز شریف قیدی نمبر 420 ہیں، انہیں خراج تحسین پیش کرنے کے لئے (ن) لیگ والے مرید بن کر جیل میں گئے ہیں اور ان کی قصیدہ گوئی کرتے رہے ہیں، آج ان کی تقریر کا محور عدلیہ کا وقار تھا، عوام قیدی نمبر 420 کے فریب میں آنے والے نہیں ہیں۔ انہوں نے کہا کہ آج جو عدلیہ کے وقار کی بات کر رہے ہیں، ان کی اپنے دور حکومت میں طلال چوہدری اور نہال ہاشمی توہین عدالت میں ٹرافی اور گولڈ میڈل حاصل کرنے کا اعزاز حاصل کر چکے ہیں، ان کے منہ سے یہ باتیں زیب نہیں دیتیں۔ انہوں نے کہا کہ اداروں کا احترام سب پر واجب ہے لیکن مسلم لیگ (ن) اور پیپلزپارٹی اپنی منشاءاور مرضی کے مطابق قانون اور اداروں کا احترام کرتے ہیں، ان کا مشن ہے کہ کرپشن کرو، کھاﺅ پیو اور بھاگ جاﺅ۔ ڈاکٹر فردوس عاشق اعوان نے مسلم لیگ (ن) کو کرپشن لیگ قرار دیتے ہوئے کہا کہ (ن) لیگ کی کرپشن کے سامنے رکاوٹ صرف وزیراعظم عمران خان اور پی ٹی آئی ہیں، اب عوام بھی ہمارے ساتھ ہیں، وہ بھی کرپشن کرنے والوں کو کیفرکردار تک پہنچانے کا عزم کر چکے ہیں۔ ایک سوال کے جواب میں انہوں نے کہا کہ آئینی اور قانونی اداروں پر حکومت کا کوئی اختیار نہیں ہے، جن لوگوں پر آئینی اور قانونی اداروں نے الزام لگائے ہیں، وہ لوگ ان کے سامنے جائیں اور ان کے سامنے جواب دیں، وہی مناسب فورم ہے۔ انہوں نے کہا کہ ہم عوام کے فائدے کے لئے اصلاحات لا رہے ہیں، حکومت اپوزیشن کی تحریک نما گیدڑ بھبکیوں سے خائف ہونے والے نہیں ہے، حکومت عوام کے ساتھ مل کر ترقی اور خوشحالی کے ایجنڈے کو پورا کرے گی۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ بہت ہی بڑی خبر ہے کہ عام طور پر فوج کے بارے میں تو اس قسم کی باتیں سوچی بھی نہیں جا سکتیں لیکن اس سے یہ لگتا ہے وہاں بھی یہ اثرات پہنچ سکتے ہیں لیکن یہ بات خوش آئند ہے کہ بڑا ایکشن لیا گیا ہے اور جو زیادہ سے زیادہ سزا دی گئی ہے۔ میں یہ سمجھتا ہوں کہ پاکستان کی فوج نے اپنی سابقہ روایات برقرار رکھی ہیں اور اس قسم کے معاملات میں نہایت سخت ایکشن لیا گیا ہے یہ کافی دیر سے معاملہ چل رہا تھا اس کو بہت عرصہ لگ گیا ہے لیکن جو لوگ اس میں ملوث ہیں وہ غالباً ان میں سے شاید ہی کوئی ایسا ہو جو فوج میں ہو اکثر لوگ تو سابق ہو چکے ہیں لیکن اس کے باوجود جو ایکشن لیا گیا ہے اس بات کی دلیل ہے کہ کتنی تندہی سے اس کا کھوج لگایا گیا ہو گا اور واقعی ایک صاحب جن کا تعلق فوج ہی سے ہے سابق سینئر پوزیشن میں ہیں وہ مجھے کہہ رہے تھے کہ میرا بس چلے تو میں اپنے ہاتھ سے ان مجرموں کو سزائیں دوں۔ میں نے کہا کہ اب بھی آپ ہی کے ہاتھ سے ہے انہوں نے کہا کہ غصہ مجھے اتنا ہے کہ پاک فوج سے تعلق رکھتے ہوئے جن لوگوں کے بارے میں یہ سمجھتے ہیں کہ وطن کے لئے جان تک قربان کر دیئے ہیں وہ اگر خود ان پر یہ الزام آئے کہ انہوں نے یہ حرکت کی یا ان کے کسی قول و فعل سے ملک و ملت کے مفادات کو نقصان پہنچا تو یہ واقعی بڑی تکلیف دہ بات ہے۔ ضیا شاہد نے کہا یہ تصور نہیں کیا جا سکتا کہ ہم جب پاک آرمی کی طرف دیکھتے ہیں کہ اگر کوئی ان ٹییگریٹی ہو سکتی ہے اگر کوئی حب الوطنی ہو سکتی ہے یہ لوگ اس کی معراج پر ہیں۔ جو اپنی جان تک قربان کر کے ملک و ملت کا دفاع کرتے ہیں۔ پھر جب اس قسم کی کوئی بات سنائی دیتی ہے تو آدمی کے رونگٹھے کھڑے ہو جاتے ہیں لیکن میں یہ سمجھتا ہوں کہ اس کے باوجود اگر اس قسم کا کوئی واقعہ ہوا ہے تو انتہائی افسوسناک اور تشویشناک بھی ہے اور میں یہ سمجھتا ہوں کہ اس پر مضبوط ایکشن لے کر فوج نے اپنی سابقہ روایات کو بھی برقرار رکھا ہے اور یہ اداروں کے لئے ایک مثال بنے گی۔ جو بھی ایکشن لیا گیا ہے وہ ایکشن اس بات کا تقاضا کرتا ہے کہ ایکشن لینے والوں کو خراج تحسین کیا جائے انہوں نے اپنی فورس کو گندی اور آلودگی سے جس طرح سے بال بال بچایا ہے اس پر ان کو خراجج تحسین پیش کرنے کو جی چاہتا ہے۔ اس کا پہلو یہ بھی ہے اور یہی فرق ہے فوجی اور سول اداروں میں۔ میں یہ سمجھتا ہوں کہ حال ہی میں جس طرح سے یہ یاور صاحب کو گرفتار کیا گیا ہے چونکہ اس کی قانون میں گنجائش موجود ہے ضروری نہیں ہے کہ فوجی مقدمات وہ صرف فوج ہی لوگوں پر عائد ہوں کسی سویلین پر بھی فوج کی عدالتوں میں کیس چلائے جا سکتے ہیں خاص طور پر جب وہ کیس ملک دشمنی کے ہوں۔ محسن داوڑ کی گرفتاری کے حوالے سے بات کرتے ہوئے ضیا شاہد نے کہا کہ فی الحال تو یہی اندازہ ہوتا ہے کہ سول کورٹس میں ہی سزا دی جائے گی لیکن اگر حکومت اور فوج چاہے تو پھر اس پر فوجی عدالتوں میں گھسیٹا جا سکتاہے۔ معیشت کے سلسلے میں بات کرتے ہوئے ضیا شاہد نے کہا ہے کہ یہ صرف بینکاروں کا یا ماہرین معاشیات کا معاملہ ہے۔ بجٹ قریب آئے تو ارکان اسمبلی کا کام ہوتا ہے بلکہ پورا سال بجٹ کے حوالے سے کہ اخراجات کتنے کرنے ہیں کمائی کہاں سے ہونی ہے اور کس طرح سے زیادہ سے زیادہ لوگوں کو ٹیکس کے دائرے میں کھینچا جا سکتا ہے یہ وہ چیز ہے جو سال کے 12 مہینے اور 24 گھنٹے ان کے ہیں اس پر مسلسل کام ہونا چاہئے۔ میں یہ سمجھتا ہوں کہ اس مسئلے پر مضبوط بنیادوں پر کام ہونا چاہئے کہ جنوبی پنجاب ہو یا کوئی اور علاقہ جس ضلع یا ڈویژن کے فنڈز ہیں وہ اس علاقے میں استعمال ہونے چاہئیں۔ ایسے راستے احتیار کرنے چاہئیں کہ جو چور دروازے ماضی میں رہے ہیں ان کو بند کیا جا سکے۔ خاص طور پر جب معاملات وائٹ کالر کرائمز کے بارے میں آئیں۔ دو قسم کے کرائم ہوتے ہیں۔ ایک کرائم ہے فوجداری کرائم اور دوسرا وائٹ کالر کرائم۔ وائٹ کالر کرائم جو آج کل بالکل عام ہو گیا ہے ہر بڑا آدمی وائٹ کالر کرائم میں مبتلا ہے۔ بڑے بڑے سیاستدان، ارکان اسمبلی ارکانٹ سینٹ اور سابق وزراءجس کو دیکھو وہ وائٹ کالر کرائم میں مبتلا ہے۔ جس طرح سے پہلے قرضہ لیا جاتا ہے پھر اس کو ایسے منصوبوں پر لگایا جاتا ہے جہاں سے پیسے آسانی سے نکالے جا سکیں اس کمائے ہوئے پیسے کو پاکستان سے باہر بھیج کر دنیا بھر کے ملکوں میں پراپرٹی خریدی جاتی ہیں اور اپنا کالا دھن باہر جمع کیا جاتا ہے۔ جب تک ان چیزوں پر قابو نہیں پایا جائے عام آدمی بیچارا کیا کر سکتا ہے۔ صرف سرکاری کاموں کا ٹھیکیدار جو ہے کس طرح سے بل بناتا ہے مجھے ایک آدمی نے کہا کہ آپ کو پتہ ہے کہ سب سے زیادہ جو دلچسپی لی جاتی ہے پیسوں کے سلسلے میں وہ عوامی منصوبوں میں لی جاتی ہے۔ بڑے بڑے میگا پراجیکٹس میں زمین کے نیچے چلنے والی گاڑی، زمین کے اوپر چلنے والی بس، کیونکہ پیسہ بہت خرچ ہوتا ہے جہاں خرچ ہو گا تو اس میں سے نکالا جا سکے گا اب اس میں عام آدمی کا بھی بیچارے کا شمار قطار تک نہیں ہے۔ سابق سربراہوں کو دیکھیں کس طریقے سے ان کی اولادیں پیسہ کما رہی ہیں اور پاکستان سے باہر بھیج رہی ہیں اور اب بھیجا ہوا پیسہ کبھی واپس منگواتی ہیں کبھی پھر باہر بھیج دیتی ہیں جن ناموں سے ٹرانزکشنز ہوتی ہیں ان کے فرشتوں کو بھی پتہ نہیںہوتا ان میں کوئی چوکیدار ہے کوئی ڈرائیور کوئی معمولی کارکن ہے کسی جگہ پر جو یہ کہتا ہے کہ میں نے تو آج تک 50 لاکھ روپے اکٹھے دیکھے نہیں آپ کہتے ہیں کہ میں 50,50 لاکھ کے ساتھ چیک ایشو کئے ہیں۔ جس طرح سےع دالتیں جو ہیں ان کو ریلیف دیتی ہیں اور ان کو ہر قسم کی سہولت دیتی ہیں اس سے لگتا ہے کہ ارادہ دور دراز تک سزائیں دینے والی اتھارٹیز ہیں ان کا ارادہ ان لوگوں کو پکڑنے کا ہے ہی نہیں۔ جو لوگ دشمن ملکوں کی ایجنسیوں سے پیسہ لے کر ریاست کے خلاف کام کر رہے ہوں ان کے بارے میں سیاسی جماعتوں کو سنجیدگی سے سوچ سمجھ کر بات کرنی یا حمایت کرنی چاہئے۔ ریاست کے خلاف کام کرنے والوں کو عام مجرم کی طرح نہیں سمجھا جا سکتا۔ اس بات کا بھی کوئی ضابطہ کار طے ہونا چاہئے کہ اگر کوئی کسی سیاسی جماعت کا سربراہ ہے تو وہ کسی ایسے شخص کی حمایت کیسے کر سکت ہے جس پر ریاست کے خلاف بغاوت کے الزامات ہوں آئی ایس پی آر نے واضح کہا ہے کہ یہ لوگ دشمن ملک سے پیسے لے کر کام کر رہے ہیں تو بلاول بھٹو اور خواجہ آصف کو ان کے بارے میں سوچ سمجھ کر رائے دینی چاہئے۔ اب تو سوشل میڈیا پر ویڈیوز چل رہی ہیں جن میں ایک خاتون جو بیرون ملک سے لئے پیسے آگے پہنچاتی ہیں محسن داوڑ کو کہہ رہی ہیں کہ پاک فوج کے خلاف کھلم کھلا رائے دو جواب میں وہ کہتتے ہیں کہ ایسا مشکل ہے تو کہتی ہیں کہ یہ ضروری ہے ورنہ ہمارا مقصد کیسے پورا ہو گا۔ ایسی فوٹیجز سامنے آنے کے بعد تو ایسے عناصر کی حمایت کی کوئی گنجائش باقی نہیں رہ جاتی۔ پاکستان میں کسی کو یہ اجازت نہیں دی جا سکتی کہ بیرون ملک سے پیسے لے کر پاک فوج کے خلاف دریدہ دہنی کرے۔