اسلام آباد (ویب ڈیسک ) یوٹیلٹی سٹورزکارپوریشن نے دالیں اورچاول کی قیمتوں میں اضافہ کردیا،قیمتوں میں اضافے کا اطلاق فوری طور پر ہوگا۔ یوٹیلٹی سٹورزکارپوریشن نے دالیں اورچاول کی قیمتوں میں اضافہ کردیا،یوٹیلٹی سٹورزکارپوریشن نے چاول کی قیمت میں فی کلو50 روپے تک اضافہ کردیا ہے مختلف برانڈزکے چاول کی قیمت میں 11 روپے سے 50 روپے تک اضافہ کیا گیاہے، نوٹیفکیشن کے مطابق دالوں کی قیمت میں فی کلو25 روپے تک اضافہ کیا گیا،دال چنا اور دال مسورکی قیمت میں فی کلو10 روپے اضافہ کیاگیا ہے،یوٹیلٹی سٹورزکاروپوریشن قیمتوں میں اضافہ کا نوٹیفکیشن جاری کردیا،قیمتوں میں اضافے کا اطلاق فوری طور پر ہوگا۔

لاہور (خصوصی رپورٹر) گوالمنڈی کے انچارج انویسٹی گیشن سب انسپکٹر انور سعید کی صدر پاکستان کو مبینہ طور پر غلیظ گالیاں دینے کی ویڈیو منظر عام پر آگئی۔ بتایا گیا حکومت بدل گئی مگر تھانہ کلچر میں تبدیلی نا آسکی شہری پولیس کے رویئے سے دلبر داشتہ ہونے لگے تھانہ گوالمنڈی کے انچارج انویسٹی گیشن انور سعید کی سائل سے بدتمیزی ویڈیو میں دیکھا جاسکتا ہے کہ سب انسپکٹر شہری سے بدتمیزی کررہا ہے جبکہ صدر پاکستان کو بھی گالیاں نکال رہا ہے۔

لاہور (چودھری شفیق ) صوبائی دارالحکومت میں سرچ آپریشنزکی حقیقت منظر عام پرآگئی ، آپریشن کی آڑمیں رشوت کیلئے شہریوں کو اغواءکر نے کا انکشاف ہوا، ذرائع کے مطابق سمن آباد کے علاقہ میں سرچ آپریشن کی آڑ میں پولیس اہلکار نے 18سالہ نوجوان کو اغواءکر لیا،مغوی عمیر کو پولیس اہلکار نے بادامی باغ کے علاقہ میں واقع ایک لوہے کے گودا م میں بند کردیا،متعلقہ اہلکار پہلے بھی متعدد شہریوں کو اغواءکر کے تاوانی رشوت کیلئے بادامی باغ منتقل کرتا رہا ہے،شہریوں نے پولیس گاڑی کا پیچھا کر کے گودام سے بچے کو بازیاب کروالیا، شہریوں نے اغواءکار پولیس اہلکار کی تھانہ بادامی باغ کے باہم درگت بنا ڈالی، ذرائع کا مزید کہنا تھا کہ شہر کے دیگر تھانوں میں بھی پیٹرولنگ اور سرچ آپریشن کی آڑمیں شہریوں سے رشوتیں وصول کر نا معمول بن گیا۔

لاہور (اےن اےن آئی) صوبائی وزیر اطلاعات و ثقافت سید صمصام علی بخاری نے کہا ہے کہ عمران خان قومی ترقی کے ہر منصوبے کو ٹھوس قانونی اور مالی بنیادوں پر استوار کرنے کے قائل ہیں۔ سابق حکومت نے اپنی کمشن اور دوستوں یاروں کے مفادات کی نگہبانی کے منصوبے بنائے اور قانونی تقاضے پورے کیے بغیر عوام کی خون پسینے کی کمائی سے جمع ہونے والی سرکاری رقوم کھا پی کر بھاگنے کی کوشش کی ۔ مگر ہماری قیادت نے تہیہ کر رکھا ہے کہ کسی کرپٹ کو جعلی ٹرین مارچ کی آڑ میں بھاگنے یا کسی بہانے بیرون ملک فرار نہیں ہونے دیا جائے گا۔ ہر کرپٹ کو پورا پورا حساب دینا ہوگااوراپنے کیے کی سزا بھگتنا ہو گی کیونکہ یہی پاکستان کو بحرانوں سے نکال کر ترقی کی شاہراہ پر گامزن کرنے کا واحد راستہ ہے ۔اپنے ایک بیان میں صوبائی وزیر نے کہا کہ موجودہ حکومت نے شفافیت سے سرکاری امور سرانجام دینے کے رجحان کو فروغ دیا ہے اور ہر سطح پر شفافیت ومیرٹ کے فروغ اور بدعنوانی کے خاتمے کیلئے موثر اقدامات اٹھائے گئے ہیں۔ پاکستان میں کرپشن میں کمی اور شفافیت میں اضافے کا اعتراف بین الاقوامی ادارے بھی کر رہے ہیں۔ یہ امر پوری دنیا میں مسلمہ ہے کہ کسی بھی ملک کی ترقی میں سب سے بڑی رکاوٹ بدعنوانی کا ناسور ہی ہوتا ہے ۔ تحریک انصاف کی حکومت کرپٹ عناصر کا بلا امتیاز احتساب کرنے پر یقین رکھتی ہے کیونکہ ایسے عناصرنے ہی ترقی کی دوڑ میں پاکستان کی منزل کھوٹی کی اور پاکستان خطے کے کئی ممالک سے پیچھے رہ گیا۔انہوں نے کہا کہ جو لوگ سمجھتے ہیں کہ ہماری حکومت اپوزیشن کے ہتھکنڈوں سے پریشر میں آ کر کرپشن کے خلاف اپنی پالیسیوں کو بدل لے گی وہ احمقوں جنت میں رہتے ہیں۔ ایسے بدعنوانوں اور چوروں ڈاکوں کے انجام کو پہنچنے کا اس ملک کے مظلوم عوام دہائیوں سے انتظار کر رہے ہیں۔ اور اب وہ وقت آ گیاہے۔

لاہور(ویب ڈیسک ) وزیراعلیٰ پنجاب عثمان بزدار کے والد سردار فتح محمد بزدار انتقال کر گئے جس پر سیاستدانوں کی جانب سے اظہار تعزیت کا سلسلہ جاری ہے۔وزیراعظم عمران خان نے وزیراعلیٰ پنجاب سے والد کے انتقال پر تعزیت کرتے ہوئے گہرے دکھ اور افسوس کا اظہار کیا، وزیراعظم نے مرحوم کے درجات کی بلندی اور غم زدہ خاندان کے لیے صبر کی دعا بھی کی۔اپوزیشن لیڈر شہباز شریف نے وزیراعلیٰ پنجاب عثمان بزدار کے والد کی وفات پر اظہار تعزیت کرتے ہوئے کہا کہ اللہ مرحوم کی مغفرت فرمائے اور ان کے اہل خانہ کو صبر جمیل عطا فرمائے۔تحریک انصاف کے سابق سیکرٹری جنرل جہانگیر ترین نے سردار فتح محمد بزدار کے انتقال پر افسوس کا اظہار کرتے ہوئے ان کے لیے دعائے مغفرت بھی کی۔