اسلام آباد(ویب ڈیسک ) پنجاب، بلوچستان، خیبرپختونخوا کے بالائی علاقوں سمیت فاٹا، کشمیر اور گلگت بلتستان کے مختلف مقامات پر بارش کے بعد موسم سہانا ہوگیا۔وادی کوئٹہ اور گرد و نواح میں بادل خوب جم کر برسے جس کے بعد گرمی کی شدت کا خاتمہ ہوگیا جب کہ پنجاب کے صدر مقام لاہور، جھنگ، حافظ آباد میں بھی بارش ہوئی۔ خیبر پختونخوا کے بالائی علاقوں، فاٹا، کشمیر اور گلگت بلتستان میں بھی بادل خوب برسے جس کے بعد موسم سہانا ہونے کے ساتھ گرمی کی شدت میں کمی آگئی۔محکمہ موسمیات نے آج اسلام آباد، پنجاب، خیبرپختونخوا، فاٹا، کشمیر اور گلگت بلتستان میں مزید بارش کا امکان ظاہر کیا ہے۔محکمہ موسمیات نے آج زیادہ سے زیادہ درجہ حرارت نوابشاہ میں 46 ڈگری سینٹی گریڈ رہنے کا امکان ظاہر کیا ہے۔ سکرنڈ میں 45، دادو 44، حیدرآباد 40، کراچی 36، کوئٹہ 32، اسلام آباد 28، گلگت 23، مظفرآباد 26، پشاور 30، چترال 22 اور مری میں 20 ڈگری سینٹی گریڈ رہنے کا امکان ہے۔

پشاور(ویب ڈیسک ) بلوچستان میں کوئلے کی کانوں کے 2 مختلف حادثات میں جاں بحق 23 میں سے 22 مزدوروں کی میتیں آبائی علاقے شانگلہ پہنچا دی گئیں۔مسلم لیگ (ن) کے صوبائی صدر امیر مقام اور رکن قومی اسمبلی ڈاکٹر عباد نے کان کنوں کی میتیں وصول کیں۔ اس موقع پر امیر مقام نے جاں بحق افراد کے لواحقین کے لیے ایک ایک لاکھ روپے فی کس امداد کا اعلان کیا۔جاں بحق مزدوروں کی میتیں مقامی علاقوں میں پہنچائے جانے کے بعد نماز جنازہ کی ادائیگی کے بعد وہیں تدفین کی جائے گی۔ کوئٹہ سے کچھ دوری پر واقع علاقے سورینج اور مارواڑ میں کوئلے کی 2 کانوں کے حادثات میں 23 مزدور جاں بحق ہوگئے تھے جن میں سے 22 کا تعلق شانگلہ سے تھا۔

اسلام آباد (سیاسی رپورٹر) پاکستان تحریک انصاف کے چیئرمین عمران خان نے کہا ہے کہ مسلم لیگ (ن) کے انتہائی مخالف بھی شاید وہ کام نہ کرسکتے جو کام ان کے اپنے خاندان سے تعلق رکھنے والے افراد خصوصاً ان کی بیٹی مریم
نواز ، داماد کیپٹن (ر) صفدر، بیٹے حسین اور حسن نواز ، سمدھی اسحاق ڈار نے انجام دیا۔ ان خیالات کا اظہار انہوں نے خبریں گروپ کے چیف ایڈیٹر ضیا شاہد، ایڈیٹر خبریں گروپ و سی ای او چینل ۵ امتنان شاہد اور ان کی اہلیہ آمنہ کاردار سے اپنی رہائش گاہ بنی گالہ میںملاقات کے دوران گفتگو کرتے ہوئے کیا۔ عمران خان نے کہا جو پارٹی وفاق کے علاوہ 2 صوبوں میں حکمران رہی اور 30 سال اقتدار میں رہی آج اسے تتربتر کر دیا گیا اور یہ انکا اپنا کیا دھرا ہے۔ آج عوام ان کی شکلوں سے بیزار ہیں ان کے ارکان پارٹی چھوڑ رہے ہیں۔ انہوں نے عدالتوں میں میرٹ پر اپنے لیے انصاف کی خاطر قانونی جدوجہد کرنے کی بجائے فوج اور عدلیہ کو نشانہ بنایا اور نوبت یہاں تک آ پہنچی ہے کہ وہ آئندہ انتخابات میں بری طرح شکست کھانے کے خوف سے ابھی سے شور مچانے لگے ہیں کہ خلائی مخلوق ہمارے مقابلے پر الیکشن لڑے گی ان کے وزیروں کی عدلیہ کے خلاف ہرزہ سرائی کا نوٹس لیا جا رہا ہے۔ مریم نواز نے اپنے والد اور پارٹی کے ساتھ جو کچھ کر دیا ہے وہ ن لیگ کے ساتھ ہونے والے میچ کی Player آف دی سیریز ہونگی جو کام ان کے مخالفین نہ کر پائے وہ انہوں نے انجام دے دیا اس کی گواہی ان کی اپنی پارٹی کے سینئر ترین رہنما چودھری نثار بار بار دے رہے ہیں۔ الیکشن سے پہلے اور بعد جو سیاسی صف بندی ہو رہی ہے اس پر اصولوں پر سمجھوتہ نہیں کیا جائے گا لیکن کرپشن کے خلاف جو آواز دے گا ہم اس کا ساتھ دے سکتے ہیں۔ اپنے 11 نکات کے بارے میں بات کرتے ہوئے انہوں نے کہا کہ یہ ایک پارٹی نہیں بلکہ پاکستانی قوم کا مستقبل ہے جو میں مکمل کر کے دکھاﺅں گا۔ نواز شریف اور شہباز شریف میں کوئی فرق نہیں ہے اور شہباز شریف نواز شریف کی طرح کرپشن میں ملوث ہیں۔ میں عنقریب شہباز شریف کے سیاسی کردار سے پردہ اٹھاﺅں گا۔ بھارت نواز خاندان پاکستان کا اچھا نہیں سوچ سکتا۔ پی ٹی آئی کی طرح خبریں گروپ نے 22 سال کی کرپشن کے خلاف جہاد کیا ہے اور اسکا ثمر جلد قوم کے سامنے آنے والا ہے۔ انہوں نے یہ بھی کہا کہ جلد ہی لاہور میں میرا گھر مکمل ہونے والا ہے اور وہاں شفٹ ہو رہا ہوں۔

بغداد (آن لائن) عراقی صحافی،جس نے سابق امریکی صدر جارج ڈبلیو بش پر جوتا اچھال کر دنیا بھرمیں شہ سرخیوں میں نمایاں جگہ حاصل کی تھی،آنے والے انتخابات میں پارلیمانی نشست کیلئے حصہ لے رہے ہیں۔یہ بات 39سالہ منتظر الزیدی نے اپنے آبائی ملک میں 12مئی کو ہونے والے انتخابات سے قبل فرانسیسی خبررساںاد ارے کو بتائی۔ انہوں نے کہا کہ میرا مقصد تمام چور سیاستدانوں کو جیل میں پھینکنا ہے،انہیں پچھتانے اور لوٹی گئی دولت کو واپس لانے پر مجبور کرنا ہے، زیدی نے دسمبر2008ءمیں اس وقت شہرت حاصل کی تھی جب انہوں نے بش پر بغداد میں ایک الوداعی پریس کانفرنس کے دوران اپنے جوتے اچھالے تھے۔ اگر چہ وہ عراق پر حملے کے ذمہ دار صدر کو جوتے مارنے میں ناکام رہا تھا لیکن اسے بعد ازاں ایک سربراہ مملکت پر حملہ کرنے کے جرم میں جیل بھیج دیا گیا تھا اور اس نے 9ماہ کی جیل کاٹی تھی۔ رہائی کے بعد زیدی نے لبنان میں پناہ حاصل کی،جہاں وہ سٹل ہوگیا اور اسکی ایک بیٹی بھی پیدا ہوگئی۔

اسلام آباد(انٹرنیٹ رپورٹ) سابق ڈپٹی سپیکر قومی اسمبلی سیدظفرعلی شاہ مسلم لیگ(ن) سے تحریک انصاف میںشامل ہوگئے سیدظفرعلی شاہ کاتعلق نوشہرو فیروز سے ہے 2013ءمیںپیپلزپارٹی سے ن لیگ میں شامل ہوئے تھے ۔8بار رکن اسمبلی منتخب ہوچکے ہیں۔
ظفرعلی شا ہ