پشاور(ویب ڈیسک ) بلوچستان میں کوئلے کی کانوں کے 2 مختلف حادثات میں جاں بحق 23 میں سے 22 مزدوروں کی میتیں آبائی علاقے شانگلہ پہنچا دی گئیں۔مسلم لیگ (ن) کے صوبائی صدر امیر مقام اور رکن قومی اسمبلی ڈاکٹر عباد نے کان کنوں کی میتیں وصول کیں۔ اس موقع پر امیر مقام نے جاں بحق افراد کے لواحقین کے لیے ایک ایک لاکھ روپے فی کس امداد کا اعلان کیا۔جاں بحق مزدوروں کی میتیں مقامی علاقوں میں پہنچائے جانے کے بعد نماز جنازہ کی ادائیگی کے بعد وہیں تدفین کی جائے گی۔ کوئٹہ سے کچھ دوری پر واقع علاقے سورینج اور مارواڑ میں کوئلے کی 2 کانوں کے حادثات میں 23 مزدور جاں بحق ہوگئے تھے جن میں سے 22 کا تعلق شانگلہ سے تھا۔
