راولپنڈی (این این آئی)پاکستان کے سابق اسپیڈ اسٹار شعیب اختر نے کہا ہے کہ دورہ انگلینڈ اور آئرلینڈ میں قومی ٹیم کے بلے بازوں کو مشکلات کا سامنا رہے گا۔ سیمینار سے خطاب کرتے ہوئے شعیب اختر نے کہا کہ وہ 2004 میں موٹر سائیکل سے گرے تو اندازہ ہوا کہ ہیلمٹ پہننا کتنا ضروری ہے۔انہوں نے کہا کہ پاکستان سڑکوں اور موٹروے پولیس کے لحاظ سے پڑوسی ممالک سے بہت بہتر ہے تاہم 2017 میں 92 حادثات میں سے 63 اموات ہیلمٹ نہ پہننے کی وجہ سے ہوئیں۔قومی کرکٹ ٹیم کے حالیہ دورے کے حوالے سے شعیب اختر نے کہا کہ دورہ انگلینڈ اور آئرلینڈ میں بیٹسمینوں کو مشکلات کا سامنا رہے گا کیوں کہ کنڈیشنز سے ہم آہنگی کے لیے 15 روز لگ جاتے ہیں تاہم امید ہے پاکستانی ٹیم اچھا کھیل پیش کرے گی۔

لاہور(صباح نیوز) پاکستان ون ڈے کپ ٹورنامنٹ میں شائقین کی عدم دلچسپی نے محمد حفیظ کو بھی افسردہ کر دیا، خیبرپختونخوا کے کپتان نے پی سی بی سے سٹیڈیم میں شائقین کی فری انٹری کی اپیل کر دی۔اسٹار کرکٹر نے سوشل میڈیا کا سہارا لیتے ہوئے اپنے دکھ کو ان الفاظ میں بیان کیا فیصل آباد میں جاری پاکستان کپ کے دوران اسٹیڈیم میں شائقین کی بہت کم تعداد دیکھ کر حیرانی ہو رہی ہے۔، پی سی بی سے عاجزانہ اپیل ہے کہ شائقین کو اسٹیڈیم میں فری داخلے کی اجازت دے تاکہ وہ براہ راست میچز سے لطف اندوز ہو سکیں۔شاہد آفریدی کے ایک مداح نے اس پر تبصرہ کرتے ہوئے لکھا حفیظ بھائی ایک دن لالہ کو اسٹیڈیم میں لا کر بٹھائیں یقین مانئے آپ پی سی بی کو بھول جائیں گے۔

بارسلونا (سی پی پی ) سپینش فٹبال لیگ کے میچ میں رایال میڈرڈ کی ٹیم نے لیگانیز کو دلچسپ مقابلے کے بعد دو ایک سے ہرا دیا ہے۔سپینش لیگ کے میچ میں رالک میڈرڈ نے آٹھویں منٹ میں لیگانیز کے خلاف شاندار گول داغ کراپنی ٹیم کو برتری دلائی۔میچ کے 45 ویں منٹ میں رالک میڈرڈ نے ایک بار پھر حریف گول پوسٹ پر کامیاب حملہ کر کے اپنی برتری دو صفر کر دی۔حریف ٹیم لیگانیز میچ کے دوران ایک ہی گول کر سکی جو ان کی جیت کیلئے ناکافی ثابت ہوا۔

اوٹاوا (سی پی پی)قومی کرکٹ ٹیم کے سابق کپتان شاہد آفریدی نے خیبر پختونخوا کے شہر کوہاٹ میں بچوں کیلئے ہسپتال کی تعمیر کیلئے کوششیں تیز کردیں۔ شاہد آفریدی ہسپتال کی تعمیر کیلئے چندہ اکٹھا کرنے کیلئے کینیڈا پہنچے ہوئے ہیں جہاں وہ پاکستانی اور بھارتی کمیونٹی سے ملاقاتیں کر رہے۔ اور مختلف تقریبات میں شرکت کر رہے ہیں۔انہوں نے اسلامک ریلیف فنڈ کینیڈا کے ڈنر میں بھی شرکت کی اور کوہاٹ ہسپتال کیلئے چندہ اکٹھا کیا۔ کینیڈین وزیر اعظم جسٹن ٹریڈو مصروفیات کے باعث اسلامک ریلیف فنڈ کے ڈنر میں تو شریک نہ ہوسکے تاہم انہوں نے شاہد آفریدی کیلئے خصوصی پیغام بھجوایا جو تقریب میں پڑھ کر سنایا گیا۔ جسٹن ٹریڈو نے اپنے پیغام میں کہا یہ میرے لیے بہت ہی خوشی کی بات ہے کہ میں آپ کو اسلامک ریلیف کینیڈا کی جانب سے منعقد کیے جانے والے سالانہ فنڈ ریزنگ ڈنر میں خوش آمدید کہہ رہا ہوں۔ ہمیں اس بات کا پتا ہونا چاہیے کہ کینیڈا کی ترقی کی بنیاد اس کے معاشرے میں پایا جانے والا تنوع ہے، یہی وجہ ہے کہ کینیڈا میں بسنے والی تمام قومیتیں بشمول مسلمان اس کی ترقی اور بہتری کیلئے مل کر کام کرتے ہیں۔ آج ہم سب یہاں پاکستان میں بچوں کیلئے ایک ہسپتال کی تعمیر کیلئے چندہ اکٹھا کرنے کیلئے جمع ہوئے ہیں، آپ کی جانب سے اس ڈنر میں شمولیت اور آپ کا چندہ کینیڈین شہری ہونے کا منہ بولتا ثبوت ہے۔

ڈھاکا (بی این پی ) بنگلہ دیشی اوپنر تمیم اقبال نے آئندہ ورلڈ کپ کا فارمیٹ بنگال ٹائیگرز کیلئے چیلنجنگ قرار دےدیا۔ انہوں نے کہا کہ ناک آو¿ٹ مرحلے تک رسائی کیلئے پانچ چھ میچزھب میں کامیابی حاصل کرنا ہوگی اور ٹیم کی مستقل مزاجی جیت کی اہم کنجی ہوگی۔

پونے (بی این پی )آئی پی ایل سیزن گیارہ کے 27 ویں میچ میں ممبئی انڈینز کے کپتان روہیت شرما نے اپنی ٹیم کو دوسری فتح دلادی،وہ 56 رنز بنا کر مرد میدان قرار پائے لیکن ٹاپ ٹیم چنئی سپر کنگز کی پوزیشن ا?ٹھ وکٹوں کی ناکامی سے متاثر نہیں ہوئی۔ مہاراشٹر کرکٹ ایسوسی ایشن گراو¿نڈ پر کائیرون پولارڈ کی خدمات سے محروم ممبئی انڈینز نے ٹاس جیت کر پہلے فیلڈنگ سنبھالی تو چنئی سپر کنگز کے شین واٹسن محض 12 رنز بنا کر داغ مفارقت دے گئے تاہم امباتی رایودو نے دو چوکوں اور چار چھکوں کی مدد سے 46 اور سریش رائنا نے چھ چوکوں اور چار چھکوں سمیت ناقابل شکست 75 رنز بنا کر اپنی ٹیم کو سنبھال لیا۔ کپتان مہندر سنگھ دھونی نے 26 رنز کا اضافہ کیا لیکن 26 رنز کے فرق سے تین وکٹیں گنوانے والی ٹیم پانچ وکٹوں پر 169 رنز بنا سکی۔ مچل میک کلین گھن اور کرونال پانڈیا نے دو،دو وکٹیں حاصل کیں۔ جوابی اننگز میں ممبئی انڈینز کی افتتاحی جوڑی نے ابتدائی دس اوورز میں 69 رنز فراہم کر کے فتح کی امیدیں روشن کردیں۔سوریا کمار یادیو نے ایک چھکے اور پانچ چوکے لگا کر 44 جبکہ ایون لوئس نے تین چوکوں اور دو چھکوں کی مدد سے 47 رنز اسکور کئے۔ جب 128 رنز پر دو وکٹیں کھونے کے بعد کپتان روہیت شرما کو ہردیک پانڈیا کا ساتھ ملا تو دونوں کھلاڑیوں نے مزید کسی نقصان کے بغیر ا?خری اوور میں ممبئی کو دوسری فتح دلادی جو چنئی سپر کنگز کی دوسری ناکامی بھی تھی۔روہیت شرما نے 56 رنز میں چھ چوکے اور دو چھکے لگائے جبکہ ہردیک پانڈیا 13 رنز پر ناٹ ا?و¿ٹ رہے۔