لاہور(ویب ڈیسک) ہائی کورٹ نے ن لیگ کے رہنما اور پنجاب اسمبلی میں قائد حزب اختلاف حمزہ شہباز کی ضمانت میں 22 مئی تک توسیع کردی۔جسٹس علی باقر نجفی کی سربراہی میں لاہور ہائیکورٹ کے دو رکنی بنچ نے حمزہ شہباز کی 3 مقدمات میں درخواست ضمانت قبل ازگرفتاری کی سماعت کی۔ حمزہ شہباز ضمانت میں توسیع کے لئے ہائی کورٹ میں پیش ہوئے۔عدالت نے نیب کو اپوزیشن لیڈر حمزہ شہباز کی گرفتاری سے روکتے ہوئے ضمانت میں 22 مئی تک توسیع کردی۔
واضح رہے کہ نیب حمزہ شہباز کے خلاف آمدن سے زائد اثاثہ جات، رمضان شوگر ملز اور صاف پانی کیسز میں تحقیقات کر رہا ہے۔
Tag Archives: Hamza Shahbaz
حمزہ شہباز اہم ذمہ داری سے فارغ
لاہور(ویب ڈیسک ) مسلم لیگ ن کی اعلیٰ قیادت نے حلقہ این اے120میں انتخابی مہم کی ذمہ داری وزیرتجارت پرویز ملک کوسونپ دی ہے،جبکہ سابق وزیراعظم نوازشریف نے اپنے بھتیجے حمزہ شہباز کو انتخابی مہم سے فارغ کردیا ہے۔ میڈیا رپورٹس کے مطابق مسلم لیگ ن کے قائد محمد نوازشریف نے اپنی اہلیہ بیگم کلثوم نواز کی این اے 120میں انتخابی مہم کیلئے وزیر تجارت پرویز ملک کو انچارج مقرر کردیا ہے۔اس سے قبل حمزہ شہبازشریف کا نام سننے میں آرہا تھا۔ تاہم اب حمزہ شہبازشریف نے انتخابی مہم کے دوران ملک سے باہر جانے کا عندیہ دے دیا ہے۔ جس پر نوازشریف نے انتخابی مہم کی ذمہ داری پرویز ملک کوسونپ دی۔ بعض میڈیا اطلاعات کے مطابق بیگم کلثوم نواز کی انتخابی مہم کیلئے نوازشریف اور مریم نواز ن لیگ کے مرکزی سیکرٹریٹ ماڈل ٹاو¿ن میں انتخابی مہم کی مانیٹرنگ خود کریں گے۔
