لاہور (خصوصی رپورٹ) لاہور ہائیکورٹ نے این اے 120میں 29ہزار مبینہ جعلی ووٹوں کیخلاف درخواست پر کلثوم نوازکے کیل کو جواب داخل کرنے کیلئے مہلت دیدی، جسٹس امین الدین خان نے تحریک انصاف کی رہنما ڈاکٹر یاسمین ارشد کی درخواست پر سماعت کی جس میں انتخابی حلقہ میں 29ہزار کے جعلی ووٹوں نشاندہی کی گئی، درخواست گزار وکیل نے بتایا کہ کلثوم نواز کا تعلق حکمران جماعت سے تھا وہ سابق وزیراعظم نوازشریف کی اہلیہ ہیں، کلثوم نواز کو کامیاب کرنے کیلئے 29ہزار جعلی ووٹ بنوائے اور ان ووٹوں کا انداراج بھی نہیں کیا گیا، الیکشن کمیشن نے عدالت کے روبرو ان جعلی ووٹوں کو تسلیم کیا لیکن ان کو منسوخ نہیں کیا، اگر 29ہزار جعلی ووٹوں کو منسوخ کردیا جاتا تو انتخابی نتائج مختلف ہوتے لہٰذا عدالت ان جعلی ووٹوں کو منسوخ کرنے کا حکم دے اور درخواست پر مزید کارروائی 27فروری کو ہوگی۔