لندن(ویب ڈیسک) برطانیہ نے اکتوبر 1952ئ میں جب پہلی بار ایٹم بم کا تجربہ کیا تو ایک ہزاروں لوگوں کو نیم برہنہ ہو کر بم پھٹنے کی جگہ کے انتہائی قریب کھڑا کیا گیا تھا تاکہ وہ دھماکے کا مشاہدہ کر سکیںاور اس کے اثرات کے متعلق ماہرین کو بتا سکیں۔برطانوی اخبار دی مرر کی رپورٹ کے مطابق 20ہزار ٹن وزنی ایٹم بم کا یہ تجربہ ایک جزیرے پر کیا گیا تھا اور ان لوگوں کو بحری جہازوکے عرشوں پر نیم برہنہ کھڑا کیا گیا تھا۔دھماکے کے 3گھنٹے بعد کچھ لوگوں کو اس جزیرے پر بھیجا گیا تاکہ وہ ایک پراپیگنڈہ ویڈیو کے لیے کچھ مناظر فلما کر لائیں۔ دھماکے کے بعد وہ جزیرہ تابکار شعاعوں کی جہنم بنا ہوا تھا جس کے بعد یہ تمام افراد ان سے متاثر ہوئے۔ بعض کچھ عرصہ بعد ہی موت کے منہ میں چلے گئے۔ بعض زہریلی تابکاری کے باعث کینسر و دیگر موذی امراض کا شکار ہو گئے۔ ان میں کے ہاں پیدا ہونے والے بچوں میں بھی پیدائشی طور پر معذور ہونے کے امکانات 10گنا، اور مردہ پیدا ہونے کے امکانات 5گنا زیادہ تھے۔
رپورٹ کے مطابق ان لوگوں نے بعدازاں اس اقدام کے خلاف مقدمہ بھی درج کروایا مگر آج 61سال گزر جانے کے باوجود انہیں انصاف نہیں مل سکا۔انہیں حکومت کی طرف سے تلافی کے طور پر کوئی رقم تو نہ دی گئی بلکہ نیوکلیئر ٹیسٹ میڈلز دے دیئے گئے۔آج ان میں سے صرف 4لوگ زندہ ہیں۔ان میں ایک سابق رائل انجینئر تھامس ولسن ہے جس کی عمر اس وقت 80سال ہے۔اس کا کہنا تھا کہ ”یہ لوگ ہمارے مرنے کا انتظار کر رہے ہیں۔ہم نے اعلیٰ سطحی خفیہ دستاویزات دیکھی ہیں جن میں لکھا تھا کہ 3اکتوبر کومغربی آسٹریلیا کے بیلو آئی لینڈز پر ہونے والے اس تجربے میں ہم لوگوں کو نقصان کا انہیں معمولی آئیڈیا تھا۔ یعنی انہیں معلوم تھا کہ ہمیں نقصان پہنچ سکتا ہے مگر پھر بھی انہوں نے ہمیں بم پھٹنے کی جگہ کے اس قدر قریب کھڑا کیا اور بعدازاں دیگر افراد کو بھی فلم بنانے کے لیے جزیرے پر بھیج دیا۔جب ہم لوگوں کو انہوں نے نیم برہنہ ہو کر کھڑا ہونے کا حکم دیا اس وقت سویلین سائنسدانوں کو بم کے اثرات سے بچنے کے لیے خصوصی شیلڈز فراہم کی گئی تھیں۔اس سے بھی ان کی بدنیتی عیاں ہوتی ہے۔ “

ریاض (ویب ڈیسک )امریکا اور سعودی عرب کے درمیان 110ارب ڈالرز کے دفاعی معاہدوں پر اتفاق ہوا ہے،وائٹ ہاﺅ س کے مطابق یہ دفاعی معاہدے دہشت گردی سے نمٹنے میں کارآمد ہوں گے۔عرب ٹی وی کے مطابق سعودی عرب کے دورے پر آئے ہوئے امریکی صدر ڈونلڈ ٹرمپ کے سعودی فراماں روا شاہ سلمان کے ساتھ مذاکرات جاری ہیں۔عرب ٹی وی کا کہنا ہے کہ شاہ سلمان سے ملاقات کے بعد صدر ٹرمپ سعودی ولی عہد اور نائب ولی عہد سےالگ الگ ملاقاتیں بھی کریں گے۔وائٹ ہاﺅس کے عہدیدار کا کہنا ہے کہ دفاعی معاہدے سعودی عرب اور خطہ خلیج کی طویل مدتی سلامتی میں کارآمد ہوں گے۔دفاعی معاہدے پر دستخط کی تقریب میں امریکی صدر ٹرمپ اور وزیرخارجہ ٹلرسن بھی موجود ہوں گے۔

ریاض (ویب ڈیسک ) امریکی صدر ڈونلڈ ٹرمپ کی سعودی فرمانروا سے ملاقات ہوئی ہے جس میں سعودی ولی عہد سمیت شاہی خاندان و اعلیٰ حکام بھی شریک ہوئے۔امریکی صدر ڈونلڈ ٹرمپ سعودی فرمانروا سے ملاقات کے لیے شاہی محل پہنچے، امریکی صدر کی اہلیہ میلانیا ٹرمپ اور بیٹی ایوانکا ٹرمپ بھی ملاقات میں موجود تھیں ۔سعودی شاہ سلمان بن عبدالعزیز کا کہنا تھا کہ ٹرمپ کا دورہ سعودی عرب باہمی اسٹریٹجک تعاون کو مضبوط کرے گا اور عالمی سیکیورٹی اوراستحکام میں مددگار ہوگا۔سعودی شاہ سلمان نے امریکی صدر ڈونلڈ ٹرمپ کو ملک کے اعلیٰ ترین سول ایوارڈ سے بھی نوازا اور امریکی صدراور ان کے وفد کےاعزاز میں ظہرانہ بھی دیا۔ظہرانے میں سعودی شاہی خاندان کے افراد کے علاوہ اعلیٰ سرکاری حکام شریک تھے۔اس موقع پر سعودی فرماں روا شاہ سلمان بن عبدالعزیز کا کہنا تھا کہ ٹرمپ کا دورہ سعودی عرب باہمی اسٹریٹجک تعاون کو مضبوط کرے گا۔انہوں نے یہ بھی کہا کہ ٹرمپ کا دورہ سعودی عرب عالمی سیکیورٹی اوراستحکام میں مددگار ہوگا۔

ممبئی(ویب ڈیسک)یلائنس انڈسٹریز کے چیئرمین مکیش امبانی کی بیٹی عیشا امبانی نے میٹ گالا میں شرکت کرکے سب کو حیران کر دیا۔ بھارتی میڈیا کے مطابق اداکارہ دیپیکا پڈوکون اور پریانکا چوپڑا کے ساتھ میٹ گالا میں جلوہ گر ہونے والے عیشا امبانی نے بھی اپنے کیریئر کا باقاعدہ طور پر آغازکر دیا ، وہ ریلائنس انڈسٹریز کے چیئرمین اور مشہور تاجر مکیش امبانی کے صاحبزادی ہیں۔
میٹ گالا میں انکی شرکت نے نہ صرف تقریب کو چار چاند لگا دیے بلکہ انکی تصویریں بھی سوشل میڈیا پر تیزی سے وائرل ہو رہی ہیں۔عیشا امبانی میٹ گالا میں موتی اور پتوں سے مزین ڈیزائن والا لہنگا پہن کر جلوہ گر ہوئیں تو دیکھنے والے ہکا بکا رہ گئے۔ اس کے علاوہ عیشا امبانی نے میٹرو پولیٹن میوزیم برائے آرٹس گالا میں بھی شرکت کی۔عیشا امبانی اس وقت سٹینفرڈ یونیورسٹی میں گریجوایٹ سکول آف بزنس سے ایم بی اے کر رہی ہیں جبکہ اپنی والدہ کے ہمراہ صحت اور تعلیم کے مختلف منصوبوں پر بھی کام میں مصروف ہیں۔