یونس خان نے ریٹائرمنٹ کے بعد اہم راز سے پردہ اٹھا دیا

لندن (ویب ڈیسک)مرد بحران، یونس خان نے ٹیسٹ کرکٹ سے ریٹائرمنٹ کے بعد بڑے راز سے پردہ اٹھا دیا ہے اور کہا ہے کہ جب کھلاڑیوں نے ان کی قیادت میں خراب کھیلنے کا حلف لیا تو بہت دکھ ہوا اور اگر وہ انہیں اپنے تحفظات بتا دیتے تو زیادہ بہتر ہوتا۔تفصیلات کے مطابق نجی ٹی وی کے صحافی نے ان سے سوال کیا کہ ”بعض کھلاڑیوں کے بارے میں کہا گیا تھا کہ انہوں نے حلف لیا ہے کہ یونس خان کی قیادت میں اچھی کارکردگی نہیں دکھائیں گے، آپ اس بارے میں کیا کہتے ہیں۔“
یونس خان نے جواب دیتے ہوئے مذکورہ کھلاڑیوں کا نام لینے سے گریز کیا اور کہا کہ ”میرے لئے بڑے دکھ کے لمحات تھے کیونکہ ان کھلاڑیوں کے ساتھ اٹھتا، بیٹھتا رہا ہوں اور ڈریسنگ روم شیئر کرتا رہا ہوں لیکن جب یہ سارا معاملہ میرے علم میں آیا تو مجھے بہت مایوسی ہوئی تھی۔ اگر وہ مجھے آ کر بتاتے کہ مجھے کیسا ہونا چاہئے تو بہتر ہوتا اور میں خود کو تبدیل کرنے کی کوشش کرتا۔ میں ہمیشہ کھلے دل کا مالک رہا ہوں اور اپنے ساتھیوں کیلئے کھڑا ہوا ہوں، میں نے اسی وجہ سے کپتانی چھوڑی۔۔۔“