آرمی چیف جنرل قمر جاوید باجوہ نے سینیئر کشمیری حریت رہنما سید علی گیلانی کے انتقال پر اظہار افسوس کیا ہے ۔

پاک فوج کے شعبہ تعلقات عامہ (آئی ایس پی آر )کے مطابق آرمی چیف جنرل قمر جاوید باجوہ نے سینیئر کشمیری حریت رہنما سید علی گیلانی کے انتقال پر اظہار افسوس کرتے ہوئے کہا ہے کہ’  کشمیر کی تحریک آزادی کے سرکردہ  رہنما سید علی گیلانی کی قربانیاں اور جدوجہد کشمیریوں کے بھارتی قبضے کے خلاف ناقابل تسخیر عزم کی  علامت ہے’۔

گریٹر اقبال پارک میں ٹک ٹاکر لڑکی سے دست درازی کاکیس

متاثرہ لڑکی عائشہ نے شناخت پریڈ میں کئی ملزموں کو شناخت کرلیا

شناخت پریڈ کے موقع پر جیل کے باہر گرفتار افراد کے لواحقین کا احتجاج

پی آئی سی میں زائدالمعیادسٹنٹس کے استعمال کا معاملہ
چینل۵،خبریں پر نشر ہونے والی خبر کا وزیراعلی پنجاب نے نوٹس لے لیا

سیکرٹری سپیشلائزڈ ہیلتھ کیئر اینڈ میڈیکل ایجوکیشن سے رپورٹ طلب
وزیراعلیٰ عثمان بزدار کا زائدالمعیادسٹنٹس واقعہ کی جامع انکوائری کا حکم

تحقیقات کر کے غفلت کے ذمہ دا روں کا تعین کیا جائے،عثمان بزدار
غفلت کے مرتکب عملے کیخلاف کارروائی عمل میں لائی جائے،وزیراعلیٰ

مریم نواز کی اسلام آباد ہائیکورٹ پیشی پر دھکم پیل، عدالت کا اظہار برہمی
جس ملزم کو عدالت کے احترام کا خیال نہیں وہ ضمانت کا حقدار نہیں

مریم نواز کی ضمانت منسوخ کرہی دینی چاہئے، جسٹس عامر فاروق کے ریمارکس
عطا تارڑ نے معافی مانگتے ہوئے ضمانت خارج نہ کرنے کی استدعا کی

احساس کرنے والوں کو عوام کا کوئی احساس نہیں
ملک میں تاریخی مہنگائی اور تاریخی بیروزگاری ہے، بلاول بھٹو

امیروں کو پیسہ دیا جاتا ہے تو وہ اپنی جیب میں ڈال لیتے ہیں، بلاول بھٹو
غریب کو معاشی طورپر طاقتور بنائیں گے تو خوشحالی آئیگی، چیئرمین پی پی

عورت ترقی کریگی تو پورا گھر اور پورا ملک ترقی کرے گا، بلاول بھٹو

نیشنل کمانڈ اینڈ آپریشن سینٹر (این سی او سی) کے سربراہ اسد عمر نے کہا ہے کہ پاکستان نے ایک دن میں کورونا وائرس کی ویکسین کی ریکارڈ 15 لاکھ خوراکیں لگائی ہیں۔

این سی او سی نے ایک ٹوئٹ میں بتایا ہے کہ 31 اگست کو ملک میں کل 15 لاکھ 90 ہزار 309 خوراکیں دی گئیں جو کہ ایک دن میں اب تک کی سب سے زیادہ تعداد ہے۔

ان میں سے ویکسین کا پہلا ڈوز حاصل کرنے والے افراد دس لاکھ سے زائد ہیں جبکہ بقیہ دیگر 5 لاکھ دوسری خوراک حاصل کرنے والے ہیں۔

اسد عمر نے سماجی روابط کی ویب سائٹ ٹوئٹر پر کہا کہ پاکستان میں پہلی بار ایک دن میں کی جانے والی ویکسینیشن نے 15 ملین کا ہندسہ عبور کیا ہے۔

انہوں نے مزید کہا کہ ‘کل (31 اگست) 15 لاکھ 90 ہزار ویکسینیشن کی گئیں، کل پہلی خوراک اور دوسری خوراک دونوں ویکسینز بالترتیب 10 لاکھ 71 ہزار اور 5 لاکھ 19 ہزار تھیں’۔

ایک اور ٹوئٹ میں انہوں نے کہا کہ حکومت نے اگست کے آخر تک 24 بڑے شہروں میں 18 اور اس سے زیادہ عمر کی 40 فیصد آبادی کو پہلی خوراک دینے کا ہدف مقرر کیا تھا اور یہ 20 اہم شہروں میں حاصل کر لیا گیا ہے۔

انہوں نے کہا کہ ‘اب تک ہدف سے پیچھے رہ جانے والے شہروں میں حیدرآباد، مردان، نوشہرہ اور کوئٹہ شامل ہیں’۔

اسد عمر نے کہا کہ پاکستان میں 35 فیصد بالغ آبادی کو کم از کم پہلی ویکسین خوراک مل چکی ہے۔

ایک ٹوئٹ میں صوبے کے لحاظ سے اس کی شرح کی تفصیلات بتائے ہوئے انہوں نے کہا کہ اسلام آباد میں 69 فیصد بالغ آبادی کو پہلی خوراک دی گئی، آزاد کشمیر میں 51 فیصد، گلگت بلتستان میں 39 فیصد، پنجاب میں 37 فیصد، خیبر پختونخوا میں 35 فیصد، 32 فیصد سندھ میں 12 فیصد اور بلوچستان میں 12 فیصد آبادی کو ویکسین کی پہلی خوراک دی جاچکی ہے۔

لاہور : آئی جی پنجاب نے گجرپورہ میں دو لڑکیوں سے مبینہ اجتماعی زیادتی کے واقعے کا نوٹس لیتے ہوئے سی سی پی او لاہور سے رپورٹ طلب کرلی۔

تفصیلات کے مطابق لاہور کے علاقے گجرپورہ میں اجتماعی زیادتی کا ایک اور اندوہناک واقعہ رونما ہوا جس میں حوّا کی دو بیٹوں کو اغوا کے بعد اجتماعی زیادتی کا نشانہ بنایا گیا۔

واقعے پر اظہار افسوس کرتے ہوئے آئی جی پنجاب انعام غنی نے سی سی پی او لاہور غلام محمود ڈوگر سے رپورٹ طلب کرلی۔

ملزم لڑکیوں کو شاہدرہ سے اغوا کر کے گجرپورہ کرول گھاٹی فیکٹری میں لے گئے، پولیس

تین افراد نے دونوں لڑکیوں کو مبینہ طور پر گن پوائنٹ پر زیادتی کا نشانہ بنایا، پولیس

آئی جی پنجاب نے ملزمان کو جلد از جلد گرفتار کرکے سخت قانونی کارروائی کا حکم دیتے ہوئے کہا ہے کہ متاثرہ لڑکیوں کو انصاف کی فراہمی ترجیحی بنیاد پر یقینی بنایا جائے۔

سی سی پی او لاہور نے آئی جی پنجاب کی ہدایات پر عمل کرتے ہوئے گجرپورہ میں دو لڑکیوں سے اجتماعی زیادتی کے واقعے کا مقدمہ درج کرلیا۔

غلام محمود ڈوگر نے کہا کہ گجرپورہ پولیس نے ایک ملزم کو گرفتار کرلیا ہے جب کہ واقعے میں ملوث دیگر ملزمان کو جلد گرفتار کرلیا جائے گا۔

سی سی پی او لاہور کا مزید کہنا تھا کہ خواتین کے تحفظ کو ہر ممکن طریقے سے یقینی بنایا جائے گا۔

خیال رہے کہ تین سفاک ملزمان نے دو لڑکیوں کو اسلحے کے زور پر شاہدرہ سے اغوا کرکے گجرپورہ میں لیجاکر اجتماعی زیادتی کا نشانہ بنایا ہے۔