عدنان شاہد کو بچھڑے 14سال ،ہم سب ان کی کمی محسوس کرتے ہیں
حکومت پاکستان نے جرنلزم کے فروغ کے اعتراف میں 36سال کی عمر میں تمغہ امتیاز سے نوازا
دی پوسٹ کو انگریزی اخبارات میں تیسرے نمبر پر لے آئے ،ہم دونوں نے والد سے بہت کچھ سیکھا،
ایڈیٹر خبریں میڈیا گروپ امتنان شاہد کی چینل ۵ کے پروگرام “ضیاءشاہد کے ساتھ” میں گفتگو
کہا کہ عدنان شاہد کو دنیا سے گئے 14سال گزر گئے تاہم آج تک بھی ہمارے پورے خاندان کو خصوصاان کے بچوں کو کمی محسوس ہوتی ہے۔اس کے ساتھ ساتھ یہ دیکھ کر لوگ کس طرح ان کو یاد اور پیار کرتے ہیں،اوربڑی خوشی محسوس ہوتی ہے۔انسان کی اصل کمائی یہی ہے کہ جب وہ دنیا میں نہ رہے تو اسے دنیا اچھے الفاظ میں یاد کرے۔عدنان شاہد میرے بھائی،کو لیگ اور دوست تھے ہم ایک ساتھ کرکٹ کھیلتے تھے،ماڈل ٹاﺅن والے گھر میں ہم دونوں ایک ہی کمرے میں رہتے تھے۔ان کی یادیں ہر وقت میرے ساتھ ہیں

ملاقات کے دوران ملک کی سیاسی صورتحال پر گفتگو کی۔سینٹ الیکشن کے حوالے سے گفتگوکرتے ہوئے وزیراعلیٰ عثمان بزدار کا کہنا تھا کہ پی ٹی آئی کی پوزیشن بہت مستحکم ہے اور سینٹ الیکشن کے بعد تحریک انصاف سینیٹ میں سب سے بڑی جماعت ہوگی،ان کا کہنا تھا کہ دور دراز کے علاقوں کو ترقی دینا وزیراعظم عمران خان اور ہمارا مشن ہے گورننس کے معاملا ت بھی بہتر ہو چکے ہیں۔
عدنان شاہد کی 14ویں برسی کے حوالے سے ان کیلئے دعا ئے مغفرت کی اور اللہ کے حضوربلندی درجات کی دعا کی۔

کور کمانڈرز کانفرنس کے شرکا نے پرعزم کشمیریوں کی حمایت جاری رکھنے کا اعلان کرتے ہوئے مسئلہ کشمیر پر آگاہی بڑھنے کو انتہائی مثبت قرار دیا ہے۔

پاک فوج کے شعبہ تعلقات عامہ کے مطابق آرمی چیف جنرل قمر جاوید باجوہ کے زیر صدارت کور کمانڈرز کانفرنس ہوئی جس میں ملک، خطے اور بارڈرز کی سیکیورٹی کی صورتحال کا جائزہ لیا گیا۔

کور کمانڈرز کانفرنس میں فاٹا میں سیکیورٹی کی بہتر ہوتی صورتحال کا بھی جائزہ لیا گیا۔ عسکری قیادت کا کہنا تھا کہ ضم ہوئے اضلاع میں اصلاحات پر جلد عملدرآمد وقت کی ضرورت ہے۔

آئی ایس پی آر کے مطابق کور کمانڈرز کانفرنس میں افغان امن عمل پر بھی غور کرتے ہوئے کہا گیا کہ علاقائی امن کے لیے افغانستان میں امن اور اسحتکام کا ہونا لازم ہے۔

کانفرنس سے خطاب میں آرمی چیف جنرل قمر جاوید باجوہ کا کہنا تھا کہ بین الاقوامی کرکٹ کی واپسی اور بہتر ہوتی سیکیورٹی صورتحال قربانیوں کا نتیجہ ہے۔ یہ قربانیاں پاکستان سے انتہاء پسندی اور دہشت گردی ختم کرنے کے لیے دی گئیں۔

وزیراعظم عمران خان نے کہا ہے کہ حکومت مخالف اپوزیشن تحریک پاکستان ڈیموکریٹک موومنٹ (پی ڈی ایم) بدعنوانی کے نظام کی حمایت کر رہی ہے۔

سینیٹ الیکشن میں اراکین اسمبلی کی خریدوفروخت کے معاملے کی ویڈیو منظر عام پر آنے کے بعد اپنے ردعمل میں وزیراعظم نے کہا ہے کہ اشرافیہ اقتدار کے لیے پیسہ خرچ کرتی ہے۔ اسی اقتدار کو لوٹی دولت بیرون ملک چھپانے کیلئے استعمال کرتے ہیں۔ اسی پیسہ سے بیوروکریٹس، پالیسی سازوں کو دولت بچانے کیلئے استعمال کرتے ہیں۔ پی ڈی ایم اسی لیے بدعنوانی کے نظام کی حمایت کر رہی ہے۔

ٹویٹر پر جاری اپنے بیان میں وزیراعظم نے لکھا کہ کرپشن اور منی لانڈرنگ سیاسی اشرافیہ کی شرمناک داستان ہے۔ اسی چیز نے قوم کو تباہی کے دہانے پر کھڑا کر دیا ہے۔

وزیراعظم نے 2018ء کے سینیٹ الیکشن میں ہارس ٹریڈنگ کی ویڈیو کا حوالہ دیتے ہوئے کہا کہ ویڈیو میں ووٹوں کی خرید وفروخت کا شرمناک فعل نظر آ رہا ہے۔ ویڈیو ظاہر کرتی ہے کہ سابق حکمرانوں نے قوم کو اخلاقی طور پر تباہ کیا۔

وزیراعظم عمران خان نے کہا کہ قوم کو اسی حکمران طبقے نے قرضوں میں ڈبو دیا۔ ہم کرپشن اور منی لانڈرنگ کو ہر صورت روکیں گے۔

چینل ۵ کے تجزیوں اور تبصروں پر مشتمل پروگرام”ضیاءشاہد کے ساتھ”میں خصوصی گفتگو کرتے ہوئے پیپلز پارٹی کے رہنماءاور سینئر قانونی ماہر لطیف کھوسہ نے کہا کہ عدالتوں پر دھاوا بولے جانے کا کوئی جواز پیش نہیں کیا جا سکتا ہم نے ہمیشہ ایسے واقعات کی مذمت کی اور کرتے رہیں گے۔عدلیہ پر اسی طرح حملے ہوں گے تو قانون کی حکمرانی کی نفی ہوگی۔اسلام آباد ہائیکورٹ واقعہ کی تحقیقات ہونی چاہئے،کیونکہ ایسے واقعات کے پیچھے ہوتا یہ ہے کہ کچھ لوگ بیچ میں تخریب کے لئے کالے کوٹ پہنا کر بھیج دیے جاتے ہیں،اسی طرح وکلاءبرادری کو بدنا م کیا جاتا ہے،بار کونسل کو تصدیق کے بعد تادیبی کار روائی کرنی چاہیے ،اس طرح کے کرداروں کو انجام تک پہنچنا چاہئے ،یہ ہمارے ضابطہ اخلاق اور قانون میں موجود ہے،وکلاءکی آڑ میں اگر کسی بیرونی عنصر نے کارروائی کی تو اس کے خلاف بھی کار روائی ہونی چاہئے،پی ڈی ایم کی تحریک کا مقصد یہ ہے کہ ادارے اپنی حدود میں رہ کر کام کریں،ریاست آئین اور قانون کے دائرے میں چلنی چاہئے۔حکومت نے پارلیمان کو بے توقیر بنا رکھا ہے،آئین میں بالکل واضح ہے کہ وزیراعظم اور وزیر اعلیٰ کے علاوہ تما م ووٹنگ خفیہ بیلٹ سے ہوں گے حکومت اگر سپریم کورٹ چلی ہی گئی تھی تو تھوڑا انتظار کر لیتی ،سپریم کورٹ آئین کو تبدیل نہیں کر سکتی ،حکومت آئین کے ساتھ کھلواڑ کر رہی ہے

چیف جسٹس نے  کہا کہ ’رضا ربانی صاحب اگر یہ وجہ ہے اوپن بیلٹ سے انتخابات کی تو آپ اس کی مخالفت کیوں کر رہے ہیں؟ انتخابات صاف اور شفاف ہونے چاہیں۔ بد دیانت لوگوں کو منتخب نہیں ہونا چاہیے۔‘

رضا ربانی نے جواب دیا کہ ’کوئی بھی سیاسی جماعت شفافیت کے سوال پر اعتراض نہیں کر رہی۔ بنیادی سوال شفافیت کا نہیں ہے۔ کوئی بھی سیاسی جماعت سینیٹ میں بدعنوان لوگوں کی نمائندگی کی حامی نہیں۔‘ چیف جسٹس نے کہا کہ پھر جمعرات کے دن کیا ہوا وہاں تو مختلف مؤقف اختیار کیا گیا۔ رضا ربانی نے کہا کہ ’میں سیاسی معاملے کی طرف آتا ہوں۔‘

اٹارنی جنرل نے کہا کہ دو بڑی سیاسی جماعتیں صدارتی ریفرنس کی سماعت میں فریق نہیں ہیں۔ رضا ربانی نے کہا کہ ’میں یہاں تصحیح کرنا چاہتا ہوں۔ سندھ حکومت کے ذریعے پیپلز پارٹی یہاں فریق ہے۔ چیف جسٹس نے ریمارکس دیے کہ ’نہ حکومت سیاسی جماعت کی طرف سے بات کر سکتی ہے نہ سیاسی جماعت حکومت کی طرف سے۔‘ رضا ربانی نے کہا کہ حکومت جماعت سے الگ نہیں ہے۔

اٹارنی جنرل نے کہا کہ ’یہ بڑی عجیب بات ہے ایڈووکیٹ جنرل سندھ پیپلز پارٹی کی نمائندگی کر رہے ہیں۔ میں یہاں پی ٹی آئی کی طرف سے نہیں وفاق کی نمائندگی کر رہا ہوں۔‘

اٹارنی جنرل نے کہا کہ ’اگر عدالت کی رائے نہ آئی تو سینٹ الیکشن خفیہ رائے شماری سے ہی ہوگا۔ پریس کانفرنس میں کہا گیا عدلیہ پر حملہ کیا گیا ہے۔

جسٹس عمر عطاء بندیال نے کہا کہ ’میں آئین کے ڈھانچے کو سمجھنے کی کھوج میں ہوں۔ میں یہ تلاش کر ہا ہوں کہ آرٹیکل 226 کے تحت وزیراعظم اور وزراء سمیت دیگر انتخابات کا طریقہ کار خفیہ کیوں رکھا گیا ہے۔ ہم نے اپنے ملک میں اچھے سیاست دان بھی دیکھے ہیں۔ ہمیں سب سیاست دانوں کو ایک ترازو میں نہیں تولنا چاہیے۔

وزیراعلیٰ عثمان بزدار نے کہا ہے کہ پسماندہ ترین علاقوں کا وکیل ہوں، سابق حکمرانوں نے صوبے کی حقیقی ضروریات کے بجائے ذاتی پسند و ناپسند کو ترجیح دی۔

وزیراعلیٰ پنجاب عثمان بزدار نے اپنے بیان میں کہا ہے کہ پنجاب کے دور افتادہ علاقوں کی محرومیوں کے خاتمے کا وقت آگیا، ترقی کے سفر کو نظر انداز کئے جانے والے شہروں تک لے کر گئے ہیں، ماضی میں وسائل کو جان بوجھ کر مخصوص شہروں تک محدود رکھا گیا، سابق دور کی فاش خرابیاں دور کی ہیں، ماضی میں قومی وسائل کے من پسند استعمال کی غلط روایت کو ختم کیا ہے۔

عثمان بزدار کا کہنا تھا کہ قومی وسائل کے امین ہیں، پنجاب کی تاریخ میں پہلی بار قومی وسائل کی یکساں تقسیم کی داغ بیل ڈالی ہے، وسائل کی یکساں تقسیم صوبے کی یکساں ترقی کی ضمن ہے، پنجاب کے پسماندہ ترین علاقوں کی ترقی کے لیے پہلی مرتبہ فنڈز دئیے گئے ہیں، پسماندہ ترین علاقوں کی ترقی کے لئے دن رات ایک کئے ہوئے ہیں، سابق حکمرانوں نے دور دراز علاقوں پر کوئی توجہ نہیں دی، ہم نے وسائل کا رخ محروم علاقوں کی جانب موڑا ہے۔

وزیراعلیٰ پنجاب نے مزید کہا کہ نظر انداز علاقوں کی خوشحالی کے لئے جو کچھ بھی کر سکا، کر گزروں گا، پسماندہ علاقوں کی قسمت بدلنے آیا ہوں اور قسمت بدل کر دکھاؤں گا، پنجاب کی تاریخ میں پہلی بار دور دراز علاقوں میں ترقی کا سفر پہنچا ہے، یہ سفر رکے گا نہیں بلکہ مزید تیز ہو گا۔