کسی شدید ضرورت کے بغیر جان دار  کی تصویر بنانا، کھنچوانا، یا استعمال کرنا ناجائز اور حرام ہے، اور اسی طر ح جان دار اشیاء  کی تصاویر  دیکھنا  بھی جائز نہیں ہے، تصویر  اگر عورت کی ہے یا اس میں کسی کا ستر واضح ہو تو  اس میں بد نظری   کا گناہ بھی ہوگا۔ اور اگر تصویر  عورت کی نہ ہو، اور اس میں کسی کا ستر  نظر نہ آرہا ہو  لیکن دیکھ کر فرحت یا لذت محسوس ہو تو بھی ناجائز ہے کہ حرام چیز کو دیکھ کر خوش ہونا بھی ناجائز ہے، اسی لیے تصاویر کو تلف کرنے کا حکم ہے۔البتہ اگر ارادے کے بغیر اس پر نگاہ پڑ جائے تو اس میں حرج نہیں، لہذا فیس بک پر تصاویر لگانا یا قصداً  تصویر دیکھنا جائز نہیں ہے، نیز  متعدد دینی،اخلاقی، اور شرعی مفاسد اور خرابیوں میں ابتلا کے قوی امکان کی وجہ سے فیس بک کے استعمال سے اجتناب بہتر ہے۔  فقط واللہ اعلم

پاکستان تحریک انصاف (پی ٹی آئی) نے کہا ہے کہ سینیٹ کی توقیر کے لیے پاکستان کی تاریخ میں پہلی دفعہ آئین کے اندر تین اصلاحات کے لیے آئینی پیکج تیار کیا گیا ہے جس کو اگلے ہفتے کے شروع میں پارلیمنٹ میں پیش کیا جائے گا۔

وزیراطلاعات و نشریات شبلی فراز نے وزیراعظم کے مشیر بابراعوان کے ہمراہ پریس کانفرنس کرتے ہوئے کہا کہ ہماری پارٹی اس بات پر قائل رہی ہے کہ انتخابات کو منصفانہ اور شفاف بنانے کے لیے جو بھی قیمت ادا کرنی پڑے وہ ادا کرے۔

انہوں نے کہا کہ سینیٹ کے گزشتہ انتخابات میں ہم نے خیر پختونخوا میں اپنے 20 اراکین اسمبلی کو نکال دیا تھا کیونکہ ان پر شبہ تھا کہ انہوں نے اپنے ووٹ کا غلط استعمال کیا اور ایسے ٹرانزیکشنز ہوئیں جو قابل قبول نہیں تھیں۔

ان کا کہنا تھا کہ اس کی ماضی اور حال میں کوئی مثال نہیں ملتی ہے، ہماری یہ کوشش اس مقصد کے حصول کے لیے ہے کہ سینیٹ اور دیگر انتخابات شفاف ہوں۔

انہوں نے کہا کہ ہماری کوشش ہے کہ آنے والے انتخابات بھی شفاف طریقے سے ہوں اور اس کے لیے جو بھی قانونی لوازمات کی ضرورت پڑے وہ کر رہے ہیں، وزیراعظم کا اس بات پر زور ہے کہ ہم اپنی طرف سے پوری کوشش کریں تاکہ یہ مقصد حاصل ہو سکے۔

شبلی فراز کا کہنا تھا کہ اپوزیشن جماعتوں کے پاس بھی ایک موقع ہے کہ وہ اس مقصد کو کامیاب بنائیں لیکن مجھے نہیں لگتا کیونکہ انہوں نے پہلے بھی نہیں کیا اور اب بھی نہیں کریں گے، میثاق جمہوریت کے 22 نکتے پر بھی انہوں نے اتفاق کیا تھا۔

سپریم کورٹ کے جسٹس قاضی فائز عیسیٰ نے بلدیاتی انتخابات نہ کرانے سے متعلق کیس کی سماعت کے دوران ریمارکس دیے ہیں کہ آئین پر عملدرآمد میں رکاوٹ ڈالنے والے سنگین غداری کے مرتکب ہو رہے ہیں، لگتا ہے الیکشن کمیشن آئین سے نہیں کہیں اور سے ہدایات لے رہا ہے۔

سپریم کورٹ میں جسٹس قاضی فائز عیسیٰ کی سربراہی میں جسٹس مقبول باقر پر مشتمل 2 رکنی بینچ نے خیبرپختونخوا میں بلدیاتی انتخابات نہ کرانے سے متعلق درخواست پر سماعت کی، اس دوران صوبائی حکام سمیت دیگر افراد عدالت میں پیش ہوئے۔

سماعت کے دوران جسٹس قاضی فائز عیسیٰ نے پوچھا کہ اٹارنی جنرل کہاں ہیں؟ کہ اٹارنی جنرل اگر وزیراعظم کے ساتھ ہیں تو انہیں بتائیں کہ آئین زیادہ اہم ہے۔

ساتھ ہی عدالت نے چیف الیکشن کمشنر اور الیکشن کمیشن کے اراکین، اٹارنی جنرل برائے پاکستان کو فوری طور پر عدالت طلب کرلیا۔

بعد ازاں عدالت نے طلب کرنے پر اٹارنی جنرل، چیف الیکشن کمشنر اور دیگر اراکین سپریم کورٹ پہنچے، اسی دوران جسٹس قاضی فائز عیسیٰ نے اپنے ریمارکس میں کہا کہ لگتا ہے جمہوریت اب ترجیح ہی نہیں رہی۔

مزید پڑھیں: بلدیاتی انتخابات کروانے کیلئے الیکشن کمیشن قانونی مشکلات کا شکار

اس پر اٹارنی جنرل نے کہا کہ جمہوریت ہی اولین ترجیح ہے، جس پر جسٹس قاضی فائز عیسیٰ نے کہا کہ چیف الیکشن کمشنر موجود ہیں، انہیں ان کا حلف یاد کروانا چاہتے ہیں۔

جسٹس قاضی فائز عیسیٰ نے کہا کہ بلدیاتی انتخابات کیوں نہیں کرائے جارہے، عوام کو جمہوریت سے کیوں محروم رکھا جارہا ہے، بلدیاتی انتخابات نہ کرا کر سپریم کورٹ کے حکم کی خلاف ورزی ہورہی ہے۔

انہوں نے کہا کہ کیا چیف الیکشن کمشنر اور اراکین نے اپنا حلف نہیں دیکھا، کیا چیف الیکشن کمشنر نے آئین نہیں پڑھا۔

جسٹس قاضی فائز عیسیٰ نے کہا کہ عدالت نے صوبے میں بلدیاتی انتخابات کا حکم دیا تھا، کیا آپ نے بلدیاتی انتخابات کے بارے میں حکومت کو آگاہ کیا، کیا معاملہ کابینہ کے سامنے لایا گیا؟

اس پر اٹارنی جنرل نے کہا کہ معاملہ کابینہ کے سامنے رکھنے کی ضرورت نہیں، میرے مشورے پر ہی حکومت نے میئر اسلام آباد سے متعلق نوٹیفکیشن واپس لیا تھا۔

جس پر جسٹس قاضی فائز عیسیٰ نے کہا کہ عدالت چاہتی ہے کہ ہر ایک اپنی آئینی ذمہ داری پوری کرے۔

سماعت کے دوران چیف الیکشن کمشنر نے بتایا کہ پنجاب حکومت نے بلدیاتی حکومتوں کو تحلیل کر دیا تھا، جس پر جسٹس قاضی فائز عیسیٰ نے پوچھا کہ کیا صوبائی حکومت کا بلدیاتی حکومتیں تحلیل کرنا قانونی تھا؟ جس پر چیف الیکشن کمشنر نے کہا کہ پنجاب کی حکومت کا اقدام غیرقانونی تھا۔

پاکستان پیپلز پارٹی (پی پی پی) کے چیئرمین آصف علی زرداری کی بڑی صاحبزادی بختاور بھٹو کی شادی کی تقریبات جاری ہیں اور دو دن بعد ان کی رخصتی ہونے کی خبریں ہیں۔

بختاور بھٹو زرداری کی شادی کی تقریبات کا آغاز 25 جنوری سے ان کی سالگرہ کے موقع پر ہوا اور ابتدائی طور پر محفل میلاد کا انعقاد کیا گیا تھا۔

سابق وزیر اعظم بینظیر بھٹو کی بڑی صاحبزادی کی شادی کے موقع پر اگرچہ انتہائی کم مہمانوں کو مدعو کیا گیا ہے، تاہم ان کی شادی کی تقریبات میں وہ تمام رسومات ادا کی جا رہی ہیں، جو سندھی و بلوچی خاندانوں کی شادیوں میں ادا کی جاتی ہیں۔

بختاور بھٹو کی مہندی کی تقریب 27 جنوری کو ہوئی اور اگرچہ انہوں نے تاحال مہندی کی تقریب کی کوئی تصویر یا ویڈیو جاری نہیں کی تاہم ان کے ہاتھ پر لگائی گئی مہندی کی ایک تصویر سوشل میڈیا پر وائرل ہو رہی ہے۔

ساتھ ہی سوشل میڈیا پر بختاور بھٹو کی مہندی ڈیزائن کرنے والی خاتون کے ساتھ بھی ایک تصویر وائرل ہو رہی ہے۔

سوشل میڈیا پر وائرل ہونے والی مہندی کی تصویر کو ابتدائی طور پر پیپلز پارٹی کے رکن اور سوشل میڈیا ٹیم میں شامل رضا دھاریجو نے اپنی مختصر ویڈیو اور ٹوئٹ میں شیئر کیا تھا۔

جب کہ مہندی ڈیزائن کرنے والی خاتون کے ساتھ وائرل ہونے والی تصویر کو شرمیلا فاروقی نے انسٹاگرام اسٹوری پر شیئر کیا تھا۔

وائرل ہونے والی تصویر میں بختاور بھٹو کے ہاتھ پر اجرک کے ڈیزائن سے مشابہہ مہندی کی ڈیزائن کو دیکھا جا سکتا ہے۔

شجاع آباد(ویب ڈیسک) عرس کے موقع پر مزار کا طواف اور تلبیہ ادا کرنے والے دو سجاد گان سمیت پانچ افراد کے خلاف مقدمہ درج کر لیاگیا۔ طواف کے دوران لبیک الھم لبیک کہنا بھی شروع کردیا جیسے حرم کعبہ کا طواف کرتے ہوئے تسبیح و تلبیہ کی جاتی ہے۔ تھانہ سٹی میں پولیس کی مدعیت میں مقدمہ درج کر لیا گیا۔ اور دیگر مریدین کی معلومات حاصل کی جارہی ہیں۔ دونوں سجادگان سمیت تمام ملزمان کو گرفتار کرلیا گیا۔ ذرائع کے مطابق عرس کے موقع پر مزار کے احاطے میں ناچ گانے بھی ہوتے رہے۔ تفصیلات کے مطابق خان پور قاضیاں شریف میں واقع خواجہ محمد حسنؒ کے سالانہ عرس پر مزار کے سجادگان عباس ہاشمی، غلام مرتضی ہاشمی کے ہمراہ محمد اشرف، محمد پہلوان‘ عبدالرشید، سجاد علی اور بہت سے مریدین نے مزار کا طواف کیا۔ شعائر اسلام کے بے حرمتی سجادگان کی قیادت میں ہوتی رہی جس کی ویڈیو سوشل میڈیا پر وائرل ہوگئی جس پر ڈی ایس پی جواد سخا نے فوری ایکشن لیتے ہوئے دوسجاگان سمیت پانچ ملزمان کو گرفتار کرے مقدمہ درج کرلیا۔ سجادگان اور گرفتار ملزمان سے شعائر اسلام کی توہین کرنے والے دیگر افراد بارے معلومات حاصل کی جارہی ہیں۔ دوسری جانب جے یو پی، جماعت اہلسنت کے رہنماﺅں علامہ ارشاد خان اظہری، حاجی عاشق علی خان قادری، صاحبزادہ حسیب خان، اظہری، صاحبزادہ حسان خان اظہری۔ علامہ حافظ عرفان قادری، نے مدرسہ اظہر العلوم نوری جامعی مسجد میں پریس کانفرنس کرتے ہوئے اس عمل کو کفریہ اور خلاف شریعت قرار دیا۔ اور کہا کہ خانپور قاضیاںشریف میں خواجہ محمد حسنؒ کے سالانہ عرس مبارک کے موقع پر مزار کے اردگر طواف کی صورت میں چکر لگائے گئے اور تلبیہ اداکیا گیا۔ یہ عمل عقیدہ اہلسنت اور اسلام کے بالکل منافی ہے۔