وزیراعظم عمران خان نے 5 فروری کو یوم کشمیر کے موقع پر کوٹلی آزاد کشمیر میں جلسہ عام سے خطاب کرنے کا فیصلہ کیا ہے۔

رپورٹ کے مطابق کوٹلی آزاد کشمیر میں جلسہ عام کی تیاریوں کا جائزہ لینے کیئے پی ٹی آئی کے سیکریٹری جنرل عامر کیانی کل (اتوار کو) کوٹلی آزاد کشمیر جائیں گے، جلسہ عام سے وزیراعظم عمران خان خطاب کریں گے۔

پاکستان سمیت دنیا بھر میں 5 فروری کو کشمیری حق خودارادیت کیلئے یوم کشمیر مناتے ہیں۔

وزیراعظم عمران خان کے دورہ آزاد کشمیر کے انتظامات کا جائزہ عامر کیانی لیں گے، وہ اتوار کی صبح اسلام آباد سے کوٹلی کیلئے روانہ ہوں گے

پاکستان نے فنانشل ایکشن ٹاسک فورس(FATF) کو دہشتگردی، انتہاپسندی اور منی لانڈرنگ کے انسداد کے قابل ذکر اقدامات میں پیشرفت پر اپنی تازہ رپورٹ پیش بھجوا دی ہے۔

سرکاری ذرائع کے مطابق پاکستان نے ایف اے ٹی ایف کے 27 نکات پر عملدرآمد مکمل کرنے اور باقی ماندہ 6 نکات پر جاری پیشرفت کو جلد مکمل کرنے کی یقین دہانی کروا دی ہے، پاکستان کو ایف اے ٹی ایف کی گرے لسٹ سے نکالے جانے سے متعلق اس سال اچھی خبر آنے کی قوی امید ہے۔

ذرائع نے جیو نیوز کو ایف اے ٹی ایف کےساتھ تازہ ترین رابطوں کے بارے میں بتایا ہےکہ پاکستان کا نام اسی سال گرے لسٹ سے نکلنے کے حوالے سے ایف اے ٹی ایف سے اچھی خبر آنے کی امید پیدا ہو گئی ہے۔

ذرائع کے مطابق پاکستان اور ایف اے ٹی ایف کے درمیان تقریباً دو تین ہفتے پہلے ایک روزہ فیس ٹو فیس مذاکرات بھی ہوئے جس میں پاکستانی وفد کی قیادت وفاقی وزیر حماد اظہر نے کی۔

ذرائع کا بتانا ہے کہ پاکستان نے 27 میں سے 21 نکات پر مکمل عمل درآمد کیے جانے کے دستاویزی ثبوت حکام کے حوالے کر دیے ہیں جبکہ باقی ماندہ 6 نکات پر اہم پیشرفت کی یقین دہانی کروا دی ہے جس کے بارے میں بتایا گیا ہے کہ ان 6 نکات کے 50 سے 70 فیصد امور پر عمل مکمل ہو چکا ہے۔

حکومتی ذرائع کا کہنا ہے کہ پاکستان ایف اے ٹی ایف کے ایکشن پلان پر جامع اور بھرپور عمل درآمد کر رہا ہے، پاکستان نے دہشتگردوں کی مالی معاونت اور منی لانڈرنگ روکنے کے لیے قانون سازی کی، دہشتگردوں کی مالی معاونت اور منی لانڈرنگ روکنے کے لیے ٹھوس اقدامات کیے گئے جس کا ایف اے ٹی ایف نے اعتراف بھی کیا ہے-

حکام کے مطابق گزشتہ دو سال کے دوران پاکستان نے ایف اے ٹی ایف ایکشن پلان پر تیزی سے عمل درآمد کیا ہے، پاکستان نے ایف اے ٹی ایف کی تمام 27 شرائط پر مکمل یا جزوی عمل درآمد کر لیا ہے اور 27 میں سے کوئی بھی شرط نامکمل نہیں رہی-

حکام کے مطابق جنوری 2019 میں پاکستان نے صرف ایک شرط پر مکمل، ایک پر جزوی عمل درآمد اور 25 شرائط نامکمل تھیں جبکہ جون 2019 میں پاکستان نے دو شرائط پر مکمل، 12 پر جزوی عمل درآمد اور 12 شرائط نا مکمل تھیں۔

اسی طرح اکتوبر 2019 میں پاکستان نے 5 شرائط پر مکمل، 17 پر جزوی عمل درآمد اور 5 شرائط نامکمل تھیں جبکہ فروری 2020 میں پاکستان نے 14 شرائط پر مکمل، 11 پر جزوی عمل درآمد اور 2 شرائط نامکمل تھیں- اکتوبر 2020 میں پاکستان نے 21 شرائط پر مکمل اور 6 شرائط پر جزوی عمل درآمد کیا اور کوئی بھی شرط نامکمل نہیں رہی-

بطور سیاسی کارکن کہہ سکتا ہوں کہ موجودہ وزیراعظم کو ہٹا کر مجھے وزیراعظم کے منصب پر بٹھاؤ، لہذا اسٹیبلشمنٹ کے ساتھ شکوے شکایات ہیں لیکن ہماری جنگ نہیں،شکوے شکایت والی ہماری سوچ کا احترام ہونا چاہیے۔ صدر پی ڈی ایم کی میڈیا سے گفتگو

اسلام آباد ویب ڈیسک :  پاکستان ڈیموکریٹک موومنٹ کے صدر مولانا فضل الرحمان نے کہا ہے کہ آرمی چیف کی جگہ پربیٹھنے کا کبھی تصور بھی نہیں کرسکتا، بطور سیاسی کارکن کہہ سکتا ہوں کہ موجودہ وزیراعظم کو ہٹا کر مجھے وزیراعظم کے منصب پر بٹھاؤ، لہذا اسٹیبلشمنٹ کے ساتھ شکوے شکایات ہیں لیکن ہماری جنگ نہیں،شکوے شکایت والی ہماری سوچ کا احترام ہونا چاہیے۔انہوں نے میڈیا سے گفتگو کرتے ہوئے کہا کہ پی ڈی ایم رہنماؤں کے بیانات پر کہاجاتا ہے کہ پی ڈی ایم ٹوٹ گئی ہے، جبکہ یہ خواب کبھی ان کا شرمندہ تعبیر نہیں ہوگا، ہم اعتماد کے ساتھ ایک دوسرے کے ساتھ وابستہ ہیں۔خارجہ پالیسی اس وقت کی حکومت کمانڈ کرتی ہے، اس ایسی نااہل حکومت کے حوالے ہوچکے ہیں، ہندوستان کے ساتھ کشیدگی میں اضافہ ہورہا ہے،ایران، افغانستان انڈیا کے کیمپ میں ہے،چین سی پیک کی وجہ سے ناراض ، سعودی عرب ، یواے ای دور چلا گیا، ملائیشیا جہاز روک رہا ہے، اس کو دیکھیں تو ہم عالمی سطح پر تنہائی کا شکار ہیں۔

جوبائیڈن اس بات کو سمجھتا ہے کہ ڈیموکریٹس ہیں، وہ پاکستان کی حکومت کو جمہوری حکومت تسلیم نہیں کررہا ، ان کو کرنی بھی نہیں چاہیے،پاکستان میں الیکشن کے ذریعے حکومت آئے اور عوامی نمائندہ حکومت بن کربات کرتی ہے، جب دنیا سمجھتی ہے یہ حکومت عوام کی نمائندہ نہیں ہے، پھر تنہائی کا شکار ہوجاتے ہیں، بیت المقدس میں امریکا نے سفارتخانہ کھولنے کی بات کی، وہ ٹرمپ کا غیرج جمہوری فیصلہ ہے، اس کو متنازع علاقہ تسلیم کریں اور سفارتخانہ واپس کردینا چاہیے۔انہوں نے کہا کہ حکومت کو اپنے لوگوں پر اعتماد نہیں ہے، ان کو پتا ہے کہ یہ ہمارے لوگ نہیں ہیں۔ایک سوال ”شیخ رشید کہتے ہیں مولانا فضل الرحمان کے ساتھ ہاتھ ہوگیا ہے،“ کے جواب میں کہا کہ شیخ رشید کے ساتھ ساری زندگی ہاتھ ہوتا رہا ہے، شیخ رشید اب ہاتھ کا عادی ہوگیا ہے۔ نیب احتساب کا ادارہ نہیں ہے، پنڈی اور اسلام کی طرف لانگ مارچ کا فیصلہ پی ڈی ایم کرے گی ،اسٹیبلشمنٹ سے ہماری جنگ نہیں، ہماری شکایت اور گلے شکوے ہیں ، اس وقت قوم پر جو بھی مصیبت مسلط ہے، وہ خود کو ذمہ دار تسلیم کریں، بطور ایک سیاسی کارکن کہہ سکتا ہوں کہ اس وزیراعظم کو ہٹا کر وزیر اعظم کے منصب پر میں نے بیٹھنا ہے، کیامیں کبھی یہ سوچ سکتا ہوں کہ میں آرمی چیف کی جگہ بیٹھنا چاہتا ہوں، آرمی ہاؤس میں جانا چاہتا ہوں، یہ تصور ہی نہیں ہے، پھر میں کیوں کہوں؟ ان کو ہمارے ساتھ جنگ نہیں لڑنی چاہیے، یہ آپ کے فائدے میں نہیں ہے، ہم کہتے ہیں آپ ریاستی ادارہ ہیں، ہماری سوچ کا احترام ہونا چاہیے۔کیا ہم غلط کو غلط بھی نہ کہیں؟ شکایت اور گلہ بھی نہ کریں، یہ کوئی انڈیا کی فوج ہے؟ شکایت اپنوں سے ہوتی ہے، میں پاکستان اداروں، الیکشن کمیشن، نیب، اسٹیبلشمنٹ سے شکایت کرتا ہوں، جو جماعتوں کو توڑنے کا کردار ادا کریں۔ جب یہ باتیں ہمیں معلوم ہوں گی تو گلہ ہوگا۔