اسلام آباد(ویب ڈیسک) وزیر اعظم عمران خان اور امریکی سینیٹر برنی سینڈرز نے اسلامک سوسائٹی آف شمالی امریکا (اسنا) کے 56ویں کنونشن سے علیحدہ علیحدہ خطاب کرتے ہوئے کشمیریوں کی فریاد پر اپنی آواز اٹھائی۔تقریب سے خطاب کرتے ہوئے 2020 میں ہونے والے امریکی انتخابات میں ڈیموکریٹ کے صدارتی امیدوار برنی سینڈرز نے بھارت کی جانب سے مقبوضہ جموں اور کشمیر کو 2 حصوں میں تقسیم کرنے کے اقدام کو ناقابل قبول قرار دیا۔ان کا کہنا تھا کہ ‘کشمیر کی صورتحال پر مجھے گہری تشویش ہے جہاں بھارتی حکومت نے کشمیر کی خودمختاری کا خاتمہ کردیا ہے جبکہ وادی کا مواصلاتی بلیک آﺅٹ بھی جاری ہے’۔انہوں نے کہا کہ ‘سیکیورٹی کے نام پر کریک ڈاﺅن سے کشمیریوں کو صحت کی سہولیات تک رسائی بھی نہیں دی جارہی جبکہ بھارت کے کئی قابل احترام ڈاکٹروں نے اعتراف کیا ہے کہ بھارتی حکومت نے سفر پر پابندی عائد کردی ہے جس سے مریضوں کی زندگی کو خطرات لاحق ہوگئے ہیں’۔سینیٹر کا کہنا تھا کہ ‘مواصلات کی بندش کو فوری طور پر ختم کرنا ہوگا اور امریکی حکومت کو عالمی انسانی قوانین اور اقوام متحدہ کی حمایت یافتہ امن قرارداد کی حمایت میں کھل کر بات کرنی ہوگی، جو کشمیری عوام کی خواہشات کا احترام ہے’۔وزیر اعظم عمران خان نے ویڈیو لنک کے ذریعے اپنے خطاب میں ہندو قوم پرست جماعت آر ایس ایس کو سمجھنے کی ضرورت پر زور دیا جسے انہوں نے حکمراں جماعت بھارتیہ جنتا پارٹی (بی جے پی) کی سرپرستی کرنے والی جماعت قرار دیا۔ان کا کہنا تھا کہ ‘میں اپنی پوری کوشش کر رہا ہوں لیکن اسنا کے پلیٹ فارم سے آپ کو بھی کوششیں کرنی ہوں گی تاکہ لوگوں کو اس فلسفے کے بارے میں بتایا جا سکے، جس نے بھارت پر قبضہ کررکھا ہے، مغربی ریاستوں کو آر ایس ایس کے بارے میں سمجھانا ہوگا’۔انہوں نے کہا کہ ‘آر ایس ایس کی جماعت ہندو نسل پرستی اور بھارت سے مسلمانوں کی نسل کشی پر یقین رکھتی ہے، لوگ تحقیق کریں اور اس کی تخلیق کے بارے میں حقائق جانے۔عمران خان کا کہنا تھا کہ ‘بی جے پی انتخابات جیت کر مزید قوت کے ساتھ واپس آئی ہے، ہم اربوں لوگوں کے ملک کی بات کررہے ہیں جہاں جوہری ہتھیار انتہا پسند سوچ کے ہاتھوں میں ہیں’۔ان کا کہنا تھا کہ ‘نازیوں نے ثابت کیا تھا کہ چھوٹا مگر منظم نظریاتی گروہ ملک پر کیسے قبضہ کرسکتا ہے، اور ایسا ہی کچھ بھارت میں بھی ہورہا ہے، شدت پسندانہ نظریات نے بھارت پر قبضہ کرلیا ہے’۔انہوں نے کہا کہ ‘بی جے پی حکومت کشمیر کی ڈیموگرافی تبدیل کرکے اسے مسلم اکثریتی صوبے سے مسلم اقلیتی صوبہ بنانا چاہتی ہے جو چوتھے جنیوا کنونشن کے آرٹیکل 49 کی خلاف ورزی ہے، آپ کسی بھی مقبوضہ زمین کی ڈیموگرافی تبدیل نہیں کرسکتے’۔وزیر اعظم کا کہنا تھا کہ ‘ہم مانتے ہیں کہ آر ایس ایس کے غنڈوں کو عوام میں چھوڑ دیا گیا ہے، مقبوضہ کشمیر میں جو ہورہا ہے اس کے خلاف اسنا آواز اٹھائے’۔ان کا کہنا تھا کہ ‘مجھے خدشہ ہے کہ یہ نظریہ یہاں نہیں رکے گا، انہوں نے جن کو چراغ سے باہر نکال دیا ہے، یہ خود سے واپس نہیں جائے گا، یہ جن نفرت اور ہندو بالادستی کا ہے’۔انہوں نے خدشہ ظاہر کیا کہ ‘جس طرح وہ مقبوضہ کشمیر میں مظالم ڈھا رہے ہیں، دنیا کی توجہ اس سے ہٹانے کے لیے وہ فروری جیسا کوئی مس ایڈونچر کرسکتے ہیں، وہ اس طرح کا کوئی اقدام کریں گے جس میں پاکستان پر حملہ بھی شامل ہوسکتا ہے’۔وزیر اعظم عمران خان کا کہنا تھا انہون نے اسلامی تعاون تنظیم (او آئی سی) سے بھی اپنا کردار ادا کرنے کا کہا ہے۔انہوں نے کہا کہ وہ اقوام متحدہ کے جنرل اسمبلی کے اجلاس میں بھی اس معاملے کو اٹھائیں گے۔

لاہور(ویب ڈیسک)آٹومیٹک ٹیلر مشین (اے ٹی ایم) میں چوری کے دوران ‘عجیب حرکتیں’ کرکے سوشل میڈیا پر مشہور ہونے والا شخص پنجاب پولیس کی حراست میں ہلاک ہوگیا۔ضلعی پولیس کے ترجمان ذیشان رندھاوا نے واٹس ایپ کے ذریعے پیغام جاری کرتے ہوئے کہا کہ دوران حراست صلاح الدین کی حالت اچانک بگڑ گئی تھی اور وہ ہسپتال لے جاتے ہوئے ہلاک ہوگئے۔انہوں نے بتایا کہ اے ٹی ایم چوری میں ملوث شخص حراست کے دوران پاگلوں والی حرکتیں کر رہا تھا، اس کی حالت سنگین ہونے پر اسے شیخ زید میڈیکل کالج ہسپتال منتقل کیا گیا جہاں ڈاکٹروں نے اس کی ہلاکت کی تصدیق کی۔ان کا کہنا تھا کہ ملزم کی لاش کو قانونی چارہ جوئی کے بعد سرد خانے میں منتقل کیا گیا۔انہوں نے بتایا کہ ملزم کی موت کی وجہ پوسٹ مارٹم کی رپورٹ سامنے آنے کے بعد معلوم ہوگی۔انہوں نے مزید بتایا کہ معاملے پر تحقیقات کے لیے ڈی پی او عمر فاروق سلامت نے ایس پی انویسٹی گیشن کی سربراہی میں انکوائری ٹیم تشکیل دے دی۔خیال رہے کہ چند روز قبل سماجی رابطوں کی ویب سائٹس پر ایک ویڈیو وائرل ہوئی تھی، جس میں ایک شخص کو فیصل آباد میں ایک اے ٹی ایم کو توڑنے کے بعد اس میں سے مبینہ طور پر کارڈ چوری کرتے ہوئے دیکھا گیا۔تاہم اسی دوران اس شخص نے بوتھ کے کنارے پر لگے کیمرے اور اے ٹی ایم مشین میں نصب کیمرے کو دیکھتے ہوئے اس کے سامنے عجیب حرکتیں بھی کی تھیں۔بعد ازاں جمعے کے روز یہ شخص رحیم یار خان میں شاہی روڈ پر قائم حبیب بینک لمیٹڈ کے اے ٹی ایم بوتھ میں داخل ہوا اور جب وہ مشین کے بیرونی حصے کو توڑنے میں مصروف تھا تب ہی اسے دیگر صارفین کی جانب سے رنگے ہاتھوں پکڑ لیا گیا۔اس حوالے سے پولیس ترجمان نے بتایا تھا کہ چور کی شناخت صلاح الدین ایوبی کے نام سے ہوئی اور وہ گوجرانوالہ کے ضلع کامونکی کا رہائشی ہے۔ذیشان رندھاوا نے ڈان کو بتایا کہ ملزم نے ماضی میں گوجرانوالہ، گجرات، شیخوپورہ، فیصل آباد اور اسلام آباد سمیت دیگر شہروں میں متعدد اے ٹی ایم توڑے اور وہ ہر واردات کے بعد طویل عرصے تک روپوش رہتا تھا۔انہوں نے بتایا کہ ملزم کو 3 مرتبہ پہلے بھی گرفتار کیا جاچکا تھا لیکن بعد میں خود کو گونگے کے طور پر ظاہر کرنے پر اسے چھوڑ دیا گیا تھا۔ترجمان نے بتایا کہ ‘گزشتہ روز جب لوگوں نے صلاح الدین ایوبی کو پولیس کے حوالے کیا تو ابتدائی طور پر انہوں نے یہ تاثر دیا گیا کہ وہ بولنے کی قوت سے محروم ہیں لیکن بعد ازاں تفتیش کاروں کے سامنے اس نے بیان دیا’۔واضح رہے کہ پولیس نے ملزم کے خلاف تعزیرات پاکستان کی دفعہ 411، 427، 454 اور 380 کے تحت مقدمہ درج کیا تھا۔

کراچی(ویب ڈیسک)  ایک ہی مقام سے ڈینگی بخار سے متاثر ہونے والے 130 تمام افراد چینی باشندے ہیں۔کراچی میں ایک ہی مقام سے ڈینگی سے متاثرہ 130 افراد سامنے آگئے اور ترجمان ڈینگی کنٹرول پروگرام سندھ کے مطابق ڈینگی بخار سے متاثر ہونے والے تمام افراد چینی باشندے ہیں۔ڈینگی کنٹرول پروگرام سندھ کی جانب سے جاری بیان میں کہا گیا ہے کہ چینی باشندے پاور پلانٹ پر کام کررہے تھے اور ڈینگی بخار میں مبتلا ہوگئے، متاثرہ افراد کا علاج نجی اسپتال میں کیا جا رہا ہے اور تمام افراد کی حالت خطرے سے باہر ہے جب کہ بیشتر چینی باشندوں کو اسپتال سے ڈسچارج کردیا گیا ہے۔ترجمان ڈینگی پروگرام سندھ کا کہنا تھا کہ صوبے بھر میں رواں برس ڈینگی سے 1400 سے زائد افراد متاثر ہوچکے ہیں، جن میں سے 6 افراد جاں بحق ہوچکے ہیں۔

کراچی( ویب ڈیسک) وزیراعظم کے احساس پروگرام کی چیئرپرسن ثانیہ نشتر نے کہا ہے کہ بینظیر انکم سپورٹ پروگرام میں بڑے پیمانے پر کرپشن ہوئی ہے، پروگرام اچھا تھا مگر اس میں سنگین خامیاں تھیں، ہم گزشتہ دس برس کی کرپشن صاف کررہے ہیں۔انہوں نے یہ بات گو رنر ہاو?س کراچی میں احساس پروگرام کے حوالے سے میڈیا بریفنگ دیتے ہوئے کہی۔ پروگرام میں گورنر سندھ عمران اسماعیل ، میئر کراچی وسیم اختر،سندھ کابینہ ارکان وزیربلدیات ناصرحسین شاہ و دیگرشریک ہوئے۔ ثانیہ نشتر نے اعلان کیا کہ وزیراعظم عمران خان کے احساس پروگرام کا سندھ میں آغاز کردیا گیا ہے، ملک بھر میں تمام معذوروں کو انصاف کارڈ دیاجائیگا۔ اس موقع پر گورنر سندھ عمران اسماعیل نے کہا کہ وزیراعظم ،احساس پروگرام اور اس میں کام کرنیوالے افراد قابل ستائش ہیں۔ انہوں نے مزید کہا کراچی کئی اتھارٹیز میں تقسیم ہے ، فیصلہ کرناہوگا کہ کراچی میں کس اتھارٹی کے تحت چلنا ہے ،کچرہ اٹھانا میئر اوربلدیاتی اداروں کا کام ہوتاہے، سندھ سالڈ ویسٹ مینجمنٹ اتھارٹی ناکام ہوئی ہے ،سندھ حکومت سے درخواست ہے کہ کچرہ اٹھانے کا اختیار میئرکودیں۔

اسلام آباد( ویب ڈیسک)صدر مملکت ڈاکٹر عارف علوی نے کہا ہے کہ آ ج اسلامی کیلنڈر کے سال 1441ھ کا آغاز ہورہا ہے،اس بابرکت موقع پر میں پاکستانی قوم اور اہل اسلام کیلئے نیک خواہشات کا اظہار کرتا ہوں اور خدائے بزرگ و برتر کے حضور دعا کرتاہوں کہ یہ ہجری سال ہم سب کیلئے باعث رحمت و برکت ہو۔ہجری سال1441ھ کے موقع پرقوم کے نام اپنے پیغام میں صدر مملکت نے کہا کہ محرم الحرام اسلامی سال کا پہلا مہینہ ہے اس کا شمار ان چار مقدس و محترم مہینوں میں ہوتا ہے جن کا ذکر تعلیمات اسلامی میں عزت و عظمت والے مہینوں کی حیثیت سے ہوا ہے۔ محرم الحرام ہمیں اپنے اسلاف کی قربانیوں، صبرو برداشت، استقامت و ہمت، حق گوئی اور اعلٰی انسانی اقدار کی بقائ کیلئے ہر طاغوتی قوت کے سامنے ڈت جان کا ابدی پیغام دیتا ہے۔ اس کے ساتھ واقعہ ہجرت نبوی? کے موقع پر انصار و مہاجرین کی باہمی اخوت و محبت، اتحاد و یگانگت کے جذبات کے فروغ کی یاد بھی دلاتا ہے جو کہ مثالی فلاحی معاشرے کی بنیاد ثابت ہوئے۔ کسی بھی ملک کی ترقی و خوشحالی کا دارومدار اس کی ترقی کیلئے درست سمت کے تعین پر منحصر ہوتا ہے۔ موجودہ حکومت نے ملک و قوم کی ترقی و خوشحالی کیلئے صحیح سمت میں خلوص نیت کے ساتھ سفر کا آغاز کردیا ہے۔ مجھے یقین کامل ہے کہ ہم جلد اپنی ترقی کے مقررہ اہداف حاصل کرنے میں کامیاب ہوجائیں گے۔ تاہم آج ہمیں پہلے سے زیادہ اتفاق، رواداری، برداشت و مزہبی ہم آہنگی کی انفرادی و اجتماع سطح پر ضرورت ہے۔ ان اعلٰٰی اخلاقی قدروں پر عمل کرنے کے بعد ہی ایک ایسا معاشرہ تشکیل پائے گا جو ہر اعتبار سے اسلام کا مطلوب ومقصد ہے۔انہوں نے کہا کہ میں دل کی اتھاہ گہرائیوں سے اللہ سنحان تعالیٰ س دعا ہے کہ وطن عزیز کو دن دگنی اور رات چگنی ترقی سے ہمکنار فرمائے اور بحثیت قوم ہمیں ماہ محرم الحرام کی اہمیت کو اس کی روح کے مطابق سمجھنے اور اس پر عمل پیرا ہونے کی توفیق عطا فرمائے۔

لاہور (ویب دیسک)ٹھوکر نیاز بیگ کے قریب پٹرول پمپ پر آگ لگ گئی ہے ،ریسکیوٹیمیں آگ بجھانے میں مصروف ہیں۔جیونیوزکے مطابق ٹھوکر نیاز بیگ پر واقع پٹرول پمپ پر آگ لگ گئی جس سے علاقے میں خوف وہراس پھیل گیا۔ پولیس اور امداد ی ٹیمیں موقع پرپہنچ گئیں اور وہاں موجود شہریوں کومنتشر کردیا گیا۔ریسکیو ٹیمیں پٹرول پمپ پر لگی آگ بجھانے میں مصروف ہیں۔

لاہور (ویب ڈیسک) منہاج یونیورسٹی کے ڈین فیکلٹی آف لینگوئجز اور صدر شعبہ اردو،معروف دانشور ، ادیب ، شاعر ، محقق اور استاداورپروفیسر ڈاکٹر مختار احمد عزمی نے کہا ہے کہ پاکستان میں سرکار ی سطح پر اردو کے نفاذمیں بیوروکریسی رکاوٹ ہے۔تفصیلات کے مطابق ”روز نامہ پاکستان “سے گفتگو کرتے ہوئے پروفیسر ڈاکٹر مختار احمدعزمی نے کہا کہ میں نے ابتدائی وثانوی تعلیم تلمبہ سے حاصل کی جہاں میر ے ننہال تھے اور پھر ملتان گورنمٹ کالج میں پڑھتے رہے ،بہا?لدین ذکریا ملتان یونیورسٹی میں ہم پہلے طالب علموں میں سے تھے جہاں مجھے طلبہ کی قیادت کاموقع بھی ملا۔وہاں میں نے اپنے آ پ کو ایک طالب علم لیڈر کے طور پر خود کو منوایا،اس کے علاوہ میں یونیورسٹی میں ایک مضمون نگار ، خطیب اور ایک اچھے طالبعلم کے طور پر بھی مشہور تھا۔اس کے بعد میں نے پنجاب پبلک سرورس کمیشن کا امتحان دیا اور ٹاپ کیا۔اس کے بعد میں نے خواجہ فریدگورنمنٹ کالج رحیم یار خان سے بطور لیکچرر عملی زندگی کا آغاز کیا۔ اس کے بعد میں اسسٹنٹ پروفیسر ، پھر ایسوسی ایٹ پروفیسر اور پھر پروفیسر بن کر ریٹائر ڈ ہوا ، میری جوانی اور عملی زندگی کے واقعات رحیم یار خان سے ہی منسلک ہیں۔ انہوں نے بتایا کہ ریٹائرمنٹ کے بعد اللہ تعالیٰ نے میرا رزق منہاج یونیورسٹی میں لکھا تھا تو میں یہاں آگیا ، پہلے وزٹنگ پروفیسر اور پھر مجھے شعبہ اردو کا ہیڈ بنادیا گیا ،اس کے علاوہ ڈین فیکلٹی آف لینگوئجز اور انتظامیہ کی جانب سے بہت سی ذمہ داریاں میرے سپرد کردی گئیں۔زندگی میں حاصل کی گئی کامیابیوں کے بارے میں سوال پر ان کا کہنا تھا کہ میں نے بطور استاد کے اپنی ایک شناخت بنائی ہے اور ایک اچھے استاد کے طور پر ، آپ حیران ہونگے کے ایک استاد بننے کیلئے میں ایک بہت منفعت بخش عہدہ چھوڑ کر اس پیشے سے منسلک ہوا، تعلیم تدریس میرا جنون ہے اور مجھے اس پیشے کے ساتھ عشق ہے کیونکہ یہ میرے آقا ? کا پسندیدہ شعبہ ہے۔آپ ? نے فرمایا کہ ”مجھے تو معلم ہی بنا کربھیجا گیا ہے“تو میں نے اپنی ساری زندگی تعلیم میں کھپائی ہے۔ انہوں نے کہا کہ اللہ تعالیٰ نے مجھے اس شعبے کے اندر بہت عزت دی ہے اور بات درست نہیں کہ اس دور میں استاد کا احترام کم ہورہا ہے۔شعبہ تعلیم مجھے اتناراس آیا کہ میں نے دعا مانگی کے میرا بیٹا بھی اس شعبے میں آئے اور وہ بھی اب اس شعبے میں آیاہے۔پروفیسرڈاکٹر مختار عزمی کا کہنا تھا کہ میں نے ساری زندگی بقول شاعر”کروں گا کیا جو محبت میں ہوگیا ناکام؟“مجھے تو تعلیم کے علاوہ اور کوئی کام بھی نہیں آتا ، تعلیم میرا عشق اورجنون ہے اور اسی کے صدقے اللہ پاک نے مجھے اتنا نوازا ہے کہ میرے پاس بیان کرنے کیلئے الفاظ نہیں ہے۔ عملی زندگی میں حاصل کئے گئے اعزازات اور ایوارڈ سے متعلق انہوں نے بتایا کہ پبلک سروس کمیشن میں ٹاپ کرنا بھی ایک اعزاز تھا ، اس کے علاوہ سی ایس ایس کا امتحان پاس کیا ،آج سے اٹھائیس برس پہلے میں نے پی ایچ ڈی کرلی تھی۔اب سوچتا ہوں کہ وہ خواب تو نہیں تھا ، ڈاکٹر جمیل جالبی اللہ تعالیٰ ان کی قبر کو روشن کرے ،وہ ہمارے استاد تھے ، اوریا مقبول جان اور پروین شاکر ہمارے بیج میں تھیں۔زمانہ طالب علمی میں یونیورسٹی کے مقابلے میں صدر پاکستان چودھری فضل الہٰی سے گولڈ میڈل حاصل کیا،مضمون نگاری میں گورنر پنجاب سے انعام لیا ، دانش سکول کے آئیڈیا کو پروموٹ کیا جس پر وزیر اعلیٰ نے انعام دیا، کچھ عرصہ پہلے پاکستان بھر میں سلوگن کا مقابلہ ہوا تھا جس میں ”بچے دو ہی اچھے “ کی جگہ میں نے سلوگن دیا تھا کہ” کنبے کا اعتدال،معاشرہ ہوخوشحال“میرا دیا گیایہ سلوگن پاکستان بھر میں اول آیا جس پر وزیر اعظم پاکستان کی طرف سے مجھے گولڈ میڈل ، ٹرافی اور نقد انعام ملا ، اس طرح بہت سے نعامات ہیں جو زندگی میں حاصل کئے۔قومی زبان اردو کے اب تک سرکاری سطح پررائنج ہونے سے متعلق سوال پر پروفیسر ڈاکٹر مختار احمد عزمی کا کہناتھا کہ”اس بند گھر میں کیا کہوں کیسے طلسم ہیں؟ کھولے تھے جتنے قفل وہ ہونٹوں پہ پڑ گئے“ہمارے ہونٹ سل جاتے ہیں ، کیا کہیں کس سے گلہ کریں ؟لیکن اس کے باوجود ہم رجائیت کے حوالے سے سوچیں توبہت سارا سفر طے کر آئے ہیں۔پاکستان بننے کے بعد قومی زبان اردو کے سرکاری زبان بننے میں بیورو کریسی رکاوٹ رہی ہے۔یہ رکاوٹ بھی اللہ کے فضل سے دور ہوجائیگی جب بانی پاکستان نے فرما دیا ، سپریم کورٹ فیصلہ دے چکی ہے اور سارے وسائل بھی موجود ہیں ، آئین پاکستان میں بھی لکھا ہواہے کہ سرکار ی زبان اردو ہوگی تو کب تک بیورو کریسی اردو کے اس کے حق سے محروم کرے گی ، آخر ان کو اردو کاحق دینا پڑے گا اور جب اردو کوحق ملے گا تو پھر جرمنی ،چین، جاپان اور اٹلی کی طرح نیا پاکستان نکلے گا۔وہ تمام ملک جنہوں نے اپنی قومی زبان میں ترقی کی اور اس وقت دنیا میں صف اول میں ہیں ، اس طرح پاکستان بھی اردو کو بطور سرکار ی زبان اپنا کردنیا میں صف اول میں آئے گا اوراردوکا اس کاجائز مقام ملے گا۔ یونیورسٹیوں میں منشیات کااستعمال عام ہونے کے حوالے سے پوچھے گئے سوال پر انہوں نے کہا کہ مجموعی طور پر اس رجحان میںا ضافہ ہواہے لیکن اس میں ایسا بھی ہوا ہے کہ لوگ منشیات استعمال نہیں کرناچاہتے لیکن جو لوگ منشیات پھیلانا چاہتے ہیں ، وہ طلبہ کو زبردستی عادی بناتے ہیں تو ان لوگوں کوپکڑا جاناچاہئے جو بڑے مگر مچھ ہیں اور منشیات کو پھیلا رہے ہیں۔ اس کا آسان طریقہ یہ ہے ایسے لوگوں کوگولی ماردی جائے ، اس کے اس کے علاوہ اور کوئی حل نہیں ہے۔ان کا کہنا تھا کہ ”ذرانم ہوتو یہ مٹی بڑی زرخیز ہے ساقی“ہماری قوم میں بڑا پوٹینشل ہے ، اس قوم سے کرکٹ اور ہاکی ٹیمیں نکلتی ہیں ، ابھی ہمارے منہاج یونیورسٹی کے طلبہ نے کھیلوں میں عالمی ریکارڈ قائم کیاہے۔ڈاکٹر مختار عزمی نے تحریک انصاف کی حکومت کی پالیسیوں کے حوالے سے کہا کہ میں براہ راست موجودہ حکومت کے حوالے سے کچھ نہیں کہنا سکتا کیونکہ یہ میرا منصب نہیں ہے ، ویسے میں سمجھتا ہوں کہ اساتذہ کوسیاست کی سد بد ہونی چاہئے ، دلچسپی لینی چاہئے ، یورپ اور امریکہ کا سٹائل یہ ہے کہ وہاں یونیورسٹیاں پالیسی بناتی ہے اورحکومتیں عمل در آمد کرتی ہیں،حکومت پالیسی نہیں بناتی ، یہ پالیسی تحقیق کے بعد یونیوسٹیاں بناتی ہیں لیکن ہمارے ہاں یونیورسٹیوں کواہمیت نہیں دی جاتی کہ ان سے کہا جائے کہ پالیسی بنا?، پالیسیاں بنانے کیلئے یونیورسٹیوں کو بڑی ادائیگیاں کرنی پڑتی ہیں۔ ان کا کہنا تھا کہ ڈاکٹر طاہر القادری نے منہاج یونیورسٹی میں ایک یورپین اور ویسٹرن سٹائل متعارف کروایاہے ،وہ ایک استاد ہیں ، لیکچر دیتے ہیں ،قر آن کی تفسیر لکھتے ہیں، سیرة النبی? لکھتے ہیں اور ابھی قر آنی انسائیکلوپیڈیا لکھا ہے لیکن ان کو کتنی محنت کرنی پڑتی ہوگی کہ اپنی اتنی مصروفیت سے وقت نکال کر وہ حکومتی پالیسیوں پر بھی تنقید کرتے ہیں اور ان پالیسیوں کو ایک رخ دیتے ہیں اور آپ دیکھ سکتے ہیں کہ طاہر القادری کی چار سال پہلے کی گئی باتیں آج سچ ثابت ہورہی ہیں۔ انہوں نے کہا کہ موجودہ حکومت کے حوالے سے کچھ اڑتی اڑتی خبریں سنی ہیں کہ ایم فل اور پی ایچ ڈی الا?نسز کم کئے جارہے ہیں لیکن ابھی ہوا نہیں ، یہ افواہیں ہی تھیں، ہم حکومت سے توقع رکھتے ہیں کہ تعلیم کیلئے بجٹ میں زیادہ سے زیادہ اضافہ کیاجائے۔ حکومت کی بہت سے اچھی چیزیں بھی سامنے آرہی ہیں جو تعلیم کے حوالے سے ہیں ، ہم ان کی تعریف کریں گے اور امید ہے کہ آنے والے وقت میں یہ معاملات مزید ٹھیک ہوجائیں گے۔ زیر تعلیم طلبہ کے نام اپنے پیغام میں ڈاکٹر مختار احمد عزمی کا کہنا تھا کہ میری زندگی طلبہ کیلئے ایک روشن مثال ہے کہ ناگفتہ بہ حالات کے باوجودکبھی ہمت نہیں ہاری اور آگے ہی آگے بڑھتے چلے گئے اور اللہ تعالیٰ نے اس محنت کے صدقے میں بہت نواز ا ہے۔ میں نوجوانوں سے بھی یہی کہوں گا کہ محنت کریں ، ہمت نہ ہاریں ، مایوسی کاشکار نہ ہوںاور زرق حلال کی تمنا کریں ، مسلسل کام کرتے رہیں گے تو اللہ پاک نوجوانوں کو بہت نوازے گا ، اللہ پاک کی اس سے بڑی کیا نعت ہوگی کہ ہم کو آزادی عطا فرما دی تو نوجوانوں نے آگے بڑھناہے ، اپنی قوم کی رہنمائی کرنی ہے اور دنیا کو امن و آشتی کا پیغام دینا ہے۔”روزنامہ پاکستان “کے چیف ایڈیٹر مجیب الرحمان شامی اورایڈیٹر عمر مجیب شامی سے اظہار عقیدت کرتے ہوئے ڈاکٹر مختار عزمی کا کہنا تھا کہ میرا اور روزنامہ پاکستان کاجنم جنم کا ساتھ ہے ، جب یہ اخبار شروع ہواتو میں نے اس کاپہلا پرچہ خریدا تھا اوراب تک روزنامہ پاکستان کا مستقل قاری ہوں۔