چارسدہ(ویب ڈیسک) لاہوررائیونڈ اجتماع کے پہلے روز چارسدہ کا رہائشی جاں بحق رائیونڈ مقبرہ میں دفنانے کی وصیت- تفصیلات کے مطابق جمعرات کے روز رائیونڈ کا عالمی اجتماع رائیونڈ لاہور میں منقعد ہو رہا ہے اجتماع کے پہلے روز چارسدہ کے رہائشی کفور خان سکنہ گیدڑ کلے چارسدہ کی اچانک دوران اجتماع طبیعت خراب ہو گئی اور چند منٹ کے اندر اپنے خالق سے جا ملا دوستوں اور بیٹے کے مطابق انہوں نے وفات کے وقت وصیت کی کہ مجھے اللہ کے راستے میں دفن کیا جائے۔جس پر مشورے کے بعد انہیں رائیونڈ مقبرہ میں سپر خاک کر دیا جائیگا-

لاہور (ویب ڈیسک) : وزیراعلیٰ پنجاب سردار عثمان بزدار کی زیر صدارت اجلاس ہوا۔ تفصیلات کے مطابق وزیراعلیٰ پنجاب کی زیر صدارت اجلاس میں لاہور سمیت پنجاب بھر میں امن و امان کی صورتحال کا جائزہ لیا گیا۔ اجلاس کے دوران وزیراعلیٰ پنجاب سردار عثمان بزدار نے کہا کہ شہریوں کے جان و مال کا تحفظ ریاست کی اولین ذمہ داری ہے، اور ریاست یہ ذمہ داری اپنا فرض سمجھ کر ادا کرے گی۔
انہوں نے کہا کہ روزمرہ کے معمولات میں خلل ڈالنے کی اجازت نہیں دی جا سکتی۔ کاروبار زندگی کو رواں رکھنے کے لیے ہر ممکن اقدام کیا جائے۔ ٹریفک کی بندش سے شہریوں کو درپیش مشکلات کا اندازہ ہے۔ وزیراعلٰی پنجاب نے ہدایت کی کہ ٹریفک کے لیے متبادل روٹس کی تشہیر کی جائے تاکہ شہریوں کو پیش آنے والی مشکلات کم ہو سکیں۔انہوں نے مزید کہا کہ قانون کی عملداری کو ہر صورت یقینی بنایا جائے گا۔قانون ہاتھ میں لینے والوں کے خلاف قانون حرکت میں آئے گا۔ واضح رہےکہ گذشتہ روز آسیہ بی بی سے متعلق سپریم کورٹ کے فیصلے کے بعد لاہور سمیت ملک کے کئی شہروں میں احتجاج اور مظاہرے جاری ہیں جس کی وجہ سے بالخصوص لاہور کی کئی سڑکوں کو ٹریفک کے لیے بند کر دیا گیا ہے۔ صوبہ پنجاب میں سیکورٹی خدشات کے باعث رینجرز کو بھی طلب کیا گیا۔ رینجرز پنجاب کے حساس مقامات کی حفاظت کریں گے۔

اسلام آباد( ویب ڈیسک ) وزیر خزانہ اسد عمر نے غیر قانونی طور پر بیرون ملک رقم کی منتقلی اور اکتوبر 2013 سے جون 2018 میں مقامی و بیرونی ذرائع سے حاصل کیے گئے قرضوں کی تفصیلات قومی اسمبلی میں پیش کردیں۔ اسپیکر اسد قیصر کی زیر صدارت قومی اسمبلی کے اجلاس کے دوران وقفہ سوالات کے دوران وزیر خزانہ اسد عمر نے تحریری جواب جمع کرایا۔وزیر خزانہ کے تحریری جواب میں کہا کہ 5 سالوں میں غیر قانونی طور پر منتقل رقم سے متعلق درست اعداد و شمار دستیاب نہیں تاہم دیگر ممالک میں پاکستانیوں کے اثاثوں سے متعلق معلومات حاصل کرنے کے اقدامات جاری ہیں۔تحریری جواب کے مطابق ایف بی آر ٹیکس قوانین کے اطلاق کے لیے دیگر ملکوں میں پاکستانیوں کے اثاثوں کی معلومات لے رہا ہے اور دیگر ادارے بھی اثاثوں کی ریکوری پر کام کر رہے ہیں۔اسد عمر کے تحریری جواب میں کہا گیا ہے کہ پاکستان اب 50 علاقوں سے بینک مالی اکاو¿نٹس کی معلومات کے باہمی تبادلے کی حیثیت میں ہے۔تحریری جواب کے مطابق او ای سی ڈی کامن رپورٹنگ اسٹینڈرڈ کے تحت پہلا ڈیٹا تبادلہ کی حیثیت میں ہے، اس فریم ورک کے تحت پہلا ڈیٹا تبادلہ 30 ستمبر 2018 کو ہوا جب کہ ایف بی آر اس ڈیٹا کی تطہیر کر رہا ہے۔مقامی اور بیرونی ذرائع سے حاصل قرضہ جات کی تفصیلات بھی پیش وزیر خزانہ اسد عمر کی جانب سے اکتوبر 2013 سے جون 2018 میں مقامی اور بیرونی ذرائع سے حاصل قرضہ جات کی تفصیلات بھی پیش کیں۔اسد عمر کے تحریری جواب کے مطابق مقامی ذرائع سے کل 6517 ارب روپے اوربیرونی ذرائع سے 44956 ملین ڈالر کے قرضے حاصل کیے گئے جب کہ آئی ایم ایف سے 5829 ملین ڈالر کے قرضے لیے گئے۔تحریری جواب کے مطابق بیرونی کمرشل بینکوں سے 9938 ملین ڈالر سے قرضے لیے گئے، دو طرفہ ذرائع سے 7177 ارب ڈالر کے قرضے حاصل کیے گئے۔

لاہور(ویب ڈیسک) مظاہرین کے خلاف حکومتی رٹ بحال کروانے کا فیصلہ کرلیا گیا۔رینجرز اور پنجاب رجمنٹ اپنے اپنے اہداف کی جانب روانہ ہو گئیں۔تفصیلات کے مطابق چیف جسٹس کی سربراہی میں تین ر±کنی بینچ نے فیصلہ سنایا۔جسٹس آصف سعید کھوسہ اور جسٹس مظہر عالم خان بھی بنچ کا حصہ تھے۔ سپریم کورٹ نے لاہور ہائیکورٹ کا فیصلہ کالعدم قرار دیتے ہوئے آسیہ بی بی کو الزامات سے بری کیا اور رہا کرنے کا حکم جاری کر دیا۔جس کے بعد ملک بھر میں مذہبی جماعتوں کی جانب سے مظاہرے کئیے جارہے ہیں۔ملک کے بڑے شہروں میں حالات بدستور کشیدہ ہیں اور تاحال بہتری کی کوئی امید نظر نہیں آ رہی۔جس کے وزیر اعظم عمران خان کو اس حساس معاملے پر قوم سے خطاب کرنا پڑا۔وزیر اعظم کا کہنا تھا کہ سپریم کورٹ کے فیصلے پرجوزبان استعمال ہوئی اس پر آپ سے بات کرنے پرمجبورہوں۔ جوججزنے فیصلہ دیا وہ آئین کے مطابق دیا ہے۔ہم نے پہلی بار او آئی سی میں معاملہ اٹھایا اور یو این میں معاملہ اٹھایا۔ کسی کاایمان اس وقت تک مکمل نہیں ہوتاجب تک نبی کریم ﷺسےعشق نہیں کرتا۔ نبی کریم صلی اللہ علیہ والہٰ وسلم کی شان میں گستاخی آزادی رائے نہیں۔ ہم نبی کریم ?کی شان میں کسی قسم کی گستاخی نہیں دیکھ سکتے۔ تاہم آسیہ بی بی کیس پر ججز نے آئین و قانون کے مطابق فیصلہ دیا ہے۔پاکستان کا آئین و قانون قرآن کے تابع ہیں۔ سپریم کورٹ کے فیصلے پرچھوٹے سے طبقے نے ردعمل دیا ہے۔ مدینہ کی ریاست کے بعد پاکستان واحد ملک ہے جو اسلام کے نام پر بنا۔ اسلام کے نام پر بننے والے ملک میں کوئی قانون اسلام کے منافی نہیں ہوسکتا۔ بعض لوگ فوج اور جرنیلوں کوکہہ رہے ہیں کہ آرمی چیف کیخلاف بغاوت کریں۔ فیصلے کے بعد بعض لوگ کہہ رہے ہیں کہ سپریم کورٹ کےججرواجب القتل ہیں۔جوزبان استعمال کی گئی کون سی حکومت چل سکتی ہے۔ اس معاملے میں حکومت کا کیا قصورہے۔ سپریم کورٹ کے ججوں نے جو فیصلہ دیا وہ آئین کے مطابق ہے۔ یہ لوگ کوئی اسلام کی خدمت نہیں کررہے،یہ ملک دشمن عناصراس قسم کی باتیں کرتے ہیں۔ اپنی سیاست اور ووٹ بینک کے چکر میں ملک کے خلاف کام نہ کریں۔ ملک دشمن عناصرایسی باتیں کرتے ہیں کہ ججوں کوقتل کردوفوج میں بغاوت ہوجائے۔

اسلام آباد (ویب ڈیسک) نیشنل ہائی ویز اینڈ موٹر وے پولیس (این ایچ اینڈ ایم پی) نے بدھ کو عوام الناس کو ہدایت کی ہے کہ قومی شاہراہوں اور موٹر ویز پر غیر ضروری سفر سے گریز کیا جائے کیونکہ ملک بھر اور خصوصاً پنجاب میں مختلف مقامات پر احتجاج کیا جا رہا ہے۔موٹر وے پولیس نے اپنی پریس ریلیز میں کہا ہے کہ لاہور اسلام آباد موٹروے ایم 2 کو ٹھوکر نیاز بیگ، راوی، کالا شاہ کاکو اور شیخوپورہ انٹرچینجز سے ٹریفک کے لئے بند کیا گیا ہے جبکہ اسلام آباد سے لاہور آنے والی ٹریفک کو خانقاہ ڈوگراں انٹرچینج سے متبادل راستہ فراہم کیا گیا ہے۔بیان کے مطابق لاہور سے اسلام آباد جانے والی گاڑیاں ہرن مینار سے موٹر وے پر داخل ہو سکتی ہیں۔ موٹر وے پولیس نے مزید کہا ہے کہ کئی مقامات پر جی ٹی روڈ بلاک ہے جس میں ٹیکسلا، مندرہ، گوجر خان، سوہاوہ، دینہ اور سرائے عالمگیر کے مقامات شامل ہیں جبکہ کھاریاں، گجرات، گوجرانوالہ، کامونکی اور مریدکے میں بھی ٹریفک کے بہاﺅ میں رکاوٹ ہے۔ بیان کے مطابق لاہور، مانگا منڈی، چوہنگ، مرالا، رینالہ خورد، چیچہ وطنی، میاں چنوں اور خانیوال میں بھی ٹریفک بلاک ہے۔ موٹر وے پولیس سے اس حوالے سے ہیلپ لائن نمبر 130 پر رابطہ کیا جا سکتا ہے۔

کراچی/ لاہور/ اسلام آباد (ویب ڈیسک ) سپریم کورٹ آف پاکستان کی جانب سے مسیحی خاتون آسیہ بی بی کو بری کیے جانے کے بعد مذہبی جماعتوں کی جانب سے ہونے والے احتجاج کا سلسلہ آج بھی جاری ہے اور ملک کے مختلف شہروں میں سڑکیں بند ہونے سے ٹریفک کی روانی متاثر ہے۔ملک کے بڑے شہروں میں کن کن مقامات پر سڑکیں بند ہیں، اس کی تفصیلات ذیل میں دی جارہی ہیں۔
کراچی
کراچی میں صبح سویرے 15 سے زائد مقامات پر ٹریفک کی روانی متاثر تھی، جس کی بحالی کا سلسلہ شروع ہوگیا۔

ضلع شرقی میں نمائش اور اسٹار گیٹ کے مقام پر سڑکیں بند ہونے سے ٹریفک بلاک ہے۔

ضلع جنوبی میں ٹاور، تین تلوار، رنچھوڑ لائن اور شو مارکیٹ پر سڑکیں بند ہونے سے ٹریفک بلاک ہے۔

حب ریور روڈ بلدیہ، ماڑی پور روڈ، سہراب گوٹھ، اورنگی ٹاو¿ن نمبر5 اور کورنگی روڈ پر بھی سڑکیں بند ہونے سے ٹریفک بند ہے۔

پاور ہاو¿س چورنگی، ناگن چورنگی اور تین ہٹی پر گزشتہ روز سے سڑکیں بند اور ٹریفک بلاک ہے۔

دوسری جانب ٹاور، ماڑی پور اور ایم ٹی خان روڈ پر بھی ٹریفک کی روانی شدید متاثر ہے اور مولوی تمیز الدین خان روڈ کا ایک ٹریک ٹریفک کے لیے استعمال ہو رہا ہے۔

اسلام آباد
اسلام آباد میں فیض آباد انٹرچینج ، ڈھوک کالا خان، کرال چوک پر ٹریفک کی روانی متاثر ہے۔

جبکہ ترامڑی چوک کو ٹرک کھڑے کر کے بند کر دیا گیا ہے۔

دوسری جانب اسلام آباد سے راولپنڈی جانے کے لیے اہم راستہ بھی بند کر دیا گیا ہے۔

لاہور
مذہبی جماعتوں کے احتجاج کے باعث لاہور میں پانچ مقامات پر راستے بند ہیں۔

لاہور میں ایئرپورٹ کو جانے والے راستے بند ہونے سے اندرون ملک اور بیرون ملک جانے والے مسافروں کو پریشانی کا سامنا ہے۔

عسکری 10 اور بھٹہ چوک سے ایئرپورٹ تک جانے والے راستے بھی بند ہیں۔

مسافروں کی جانب سے ایئرپورٹ کے راستے کھلوانے کی اپیل کی گئی تاہم پولیس اور انتظامیہ ایئرپورٹ کے راستے کھلوانے میں ناکام ہے۔

اس کے علاوہ مال روڈ پر چیئرنگ کراس، داتا دربار اور شاہدرہ میں بھی ٹریفک بلاک ہے۔

اسلام آباد( ویب ڈیسک ) وزیراعظم عمران خان زیرصدارت وفاقی کابینہ کا ہنگامی اجلاس جاری ہے۔ذرائع کے مطابق کابینہ اجلاس میں 8 نکاتی ایجنڈا زیر غور آئاے گا جس میں ایل این جی ٹرمینلز اور پاکستان ایل این جی لمیٹڈ کے ڈائریکٹرز کی منظوری دی جائے گی۔ذرائع کا کہنا ہے کہ اجلاس کے دوران ملک کی سیاسی و معاشی صورت حال پر غور کیا جائے گا جب کہ کابینہ کو وزیراعظم کے دورہ چین سے متعلق بریفنگ بھی دی جائے گی۔ذرائع کا کہنا ہے کہ اجلاس میں آسیہ بی بی سے متعلق سپریم کورٹ کے فیصلے کے بعد پیدا ہونے والی صورت حال بھی زیر غور آنے کا امکان ہے۔کابینہ اجلاس کے ایجنڈے میں پاکستان ریڈیو براڈ کاسٹنگ کے بورڈ کی تشکیل نو، آٹھویں ویج بورڈ کے چیئرمین کے استعفے کی منظوری اور نئے چیئرمین کا تقرر ایجنڈے کا حصہ ہے۔ ذرائع کے مطابق پاک چین دفاعی اداروں کے درمیان یو این امن مشن سے متعلق ایم او یو کی منظوری، ایف سی بلوچستان اور ایف سی کے پی شمالی کے انسپکٹر جنرلز کے تقرر کی توثیق کی جائے گی۔سپریم کورٹ کی جانب سے آسیہ بی بی سے متعلق فیصلے کے بعد ملک بھر میں مذہبی جماعتوں کی جانب سے احتجاج کیا جارہا ہے جس کے باعث تعلیمی ادارے بند اور سڑکیں بند ہیں۔

لاہور (ویب ڈیسک) عمران خان صاحب کی تعریف کرنا چاہتا ہوں کہ انہوں نے بہت دلیری کا مظاہرہ کیا۔ان کے لہجے میں کوئی لغزش نہیں تھی۔اور انہوں نے کھل کر بات کی کہ کسی کو یہ اجازت نہیں دی جائے گی کہ وہ سپریم کورٹ کے ججز یا پھر آرمی چیف کو دھمکی دے۔اور فوج کو بغاوت پراکسائے۔
کیونکہ اس طرح سے نہ تو پھر حکومتیں رہتی ہیں نہ ریاستیں رہتی ہیں۔عامر متین کا مزید کہنا تھا کہ سپریم کورٹ کے پاس کوئی فوج نہیں ہوتی اس کا سارا اختیار حکومت اور ریاستی اداروں پر ہوتا ہے۔اور ان کا فرض بنتا ہے کہ وہ عدالت کو سپورٹ کریں گے۔ماضی میں بھی کچھ اس طرح کے واقعات پیش آتے رہے ہیں۔پاکستان میں مختلف مسلک کے لوگ رہتے ہیں اور آئین ان تمام مسلک کی نمائندگی کرتا ہے۔جب آئین کی بات کریں تواس پر تمام مسلک کے لوگ متفق ہوتے ہیں۔تو میں کہوں کہ عمران خان نے دلیری کا مظاہرہ کیا۔کیونکہ ماضی میں سیاسی لیڈرشپ کمزور رہی جس وجہ سے میڈیا اور ادارے بھی کمزور پڑ جاتے تھے اور چند لوگ اکھٹے ہو کر پورے ملک کو بند کرنا چاہتے ہیں۔خیال رہے وزیراعظم عمران خان کی جانب سے قوم سے خطاب کیا گیا ہے۔ اپنے خطاب میں وزیراعظم عمران خان نے آسیہ بی بی کیس فیصلے کے بعد اعلی عدلیہ اور عسکری قیادت کیخلاف استعمال کی جانے والی زبان کی شدید مذمت کی ہے۔وزیراعظم عمران خان کا کہنا ہے کہ ایسے ملک یا حکومت نہیں چل سکتی۔ وزیراعظم عمران خان کا کہنا ہے کہ پاکستان مدینہ کی ریاست کے بعد دوسرا ملک ہے جو اسلام کے نام پر بنا، پاکستان کا آئین اور قانون قرآن کے تابع ہے، ججز نے اس قانون اور آئین کے تحت ہی فیصلہ دیا۔ ججز اور آرمی چیف کو قتل کرنے کی دھمکیاں دینا اسلام نہیں ہے۔ وزیراعظم نے عوام سے اپیل کی ہے کہ ایسے عناصر کی باتوں میں نہ آیا جائے۔یہ اسلام کی خدمت کرنے کی بجائے اپنے ووٹ بنانے کی کوشش میں ہیں۔ وزیراعظم عمران خان کا مزید کہنا ہے کہ سپریم کورٹ کے فیصلے پرجوزبان استعمال ہوئی اس پر آپ سے بات کرنے پرمجبورہوں۔ جوججزنے فیصلہ دیا وہ آئین کے مطابق دیا ہے۔ ہم نے پہلی بار او آئی سی میں معاملہ اٹھایا اور یو این میں معاملہ اٹھایا۔ کسی کاایمان اس وقت تک مکمل نہیں ہوتاجب تک نبی کریم ﷺسےعشق نہیں کرتا۔ نبی کریم صلی اللہ علیہ والہٰ وسلم کی شان میں گستاخی آزادی رائے نہیں۔ ہم نبی کریم ﷺکی شان میں کسی قسم کی گستاخی نہیں دیکھ سکتے۔ تاہم آسیہ بی بی کیس پر ججز نے آئین و قانون کے مطابق فیصلہ دیا ہے۔

اسلام آباد (ویب ڈیسک ) آئی جی اسلام آباد جان محمد نے دوبارہ عہدے کا چارج سنبھال لیا۔میڈیا رپورٹس کے مطابق چیف جسٹس آف پاکستان میاں ثاقب نثار کی سربراہی میں تین رکنی بنچ نے اٹارنی جنرل خالد جاوید کی جانب سے نئے آئی جی کی تعیناتی سے متعلق درخواست کی سماعت کی۔اٹارنی جنرل نے عدالت سے استدعا کی کہ امن و امان کی صورتحال کے باعث اسلام آباد میں کسی دوسرے آئی جی کی اجازت دی جائے۔جس پر چیف جسٹس ریمارکس دئیے کہ ریاست امن و امان کے لیے اپنی ذمہ داری پوری کرے۔جیسا گذشہ رات وزیراعظم نے بھی کہا کہ لیکن اگر کسی کے خلاف کیس بنتا ہی نہیں تون سزا کیسے دیں۔ پاکاور اب آئی جی اسلام آباد جان محمد نے دوبارہ عہدے کا چارج سنبھال لیا ہے۔ آئی جی اسلام آباد جان محمدگذشتہ رات ملائشیا سے واطن واپس پہنچے۔جان محمد کورس کے سلسلے میں ملائشیا گئے تھے۔وزرات داخلہ نے جان محمد کو فوری طور پر واپسی کی ہدایت کی تھی۔ذرائع کے مطابق آئی جی اسلام آباد جان محمد دو نومبرتک ملائشیا میں کورس پرتھے۔ لیکن وزارت داخلہ کی جانب سے انہیں ہدایت کی گئی تھی کہ وہ کورس چھوڑ کر واپس آجائیں۔ اور فوری طور پر وطن واپس آکر اپنی ذمہ داریاں سنبھالیں۔جس کے بعد وہ گذشتہ رات پاکستان پہنچے اور دوبارہ سے اپنی ذمہ داریاں سنبھال لیں۔واضح رہے آئی جی اسلام آباد جان محمد کے اچانک تبادلے پر چیف جسٹس آف پاکستان جسٹس ثاقب نثار نے نوٹس لیا اور آئی جی اسلام آباد جان محمد کے تبادلے کا نوٹی فکیشن معطل کیا تھا۔دور روز قبل سپریم کورٹ میں آئی جی اسلام آباد کے اچانک تبادلے پر چیف جسٹس آف پاکستان جسٹس ثاقب نثار کے از خود نوٹس کی سماعت ہوئی تھی۔ جس پر سپریم کورٹ نے وزیراعظم عمران خان کے زبانی احکامات پر آئی جی اسلام آباد جان محمد کے تبادلے کا جاری ہونے والا نوٹیفکیشن معطل کرتے ہوئےآئی جی اسلام آباد کو کام جاری رکھنے کی ہدایت کی۔سماعت کے دوران اٹارنی جنرل نے آئی جی اسلام آباد کے تبادلے سے متعلق تما م ریکارڈ سپریم کورٹ میں پیش کردیا۔ عدالت میں چیف جسٹس سپریم کورٹ سمیت تینوں ججز نے سیکرٹری اسٹیبلشمنٹ ڈویڑن اور حکومت پر برہمی کا اظہار کیا۔ چیف جسٹس نے کہا کہ کیا یہ نیا پاکستان ہے؟ وزیراعظم کو بتا دیں کہ آئی جی کے تبادلے کا حکم معطل کرنے جارہے ہیں۔پاکستان کے معاملات کو اس طرح نہیں چلایا جاسکتا۔آپ کو معلوم نہیں تھا کہ آئی جی کا سواتی سے جھگڑا چل رہا ہے۔سچ کو سامنے لائیں گے۔ ایک اور بزدار کیس نہیں بننے دیں گے۔اٹارنی جنرل صاحب ہم نے عثمان بزدار کویہاں بلایا تھا۔آپ نے سچ بولا یا جھوٹ اس پر کمیٹی بنائیں گے۔ پاکستان کو اپنی مرضی سے نہیں قانون کی حکمرانی سے چلایا جائے گا۔عدالت نے استفسارکیا کہ کیا وزیراعظم کے احکامات پر کوئی سمری ہوئی تھی؟ جس پر اٹارنی جنرل نے عدالت کو بتایا کہ آئی جی اسلام آباد کو وزیراعظم کے زبانی حکم پر ہٹایا گیا تھا۔جسٹس اعجازالاحسن نے کہا کہ اعظم سواتی کی درخواست پر آئی جی کو ہٹایا گیا۔عدالت میں پیش کی گئی سمری میں لکھا ہے کہ وزیراعظم کے زبانی احکامات پر تبادلہ کیا گیا ہے۔ سیکرٹری اسٹیبلشمنٹ نے بتایا کہ دو تین ہفتوں سے نیا آئی جی ڈھونڈ رہے تھے۔آئی جی کے تبادلے کا معاملہ کافی زور سے چل رہا تھا۔ وزیراعظم کا کہنا تھا کہ آئی جی کا بعض معاملات پر ردعمل کافی سست ہوتا ہے۔عدالت نے سیکرٹری اسٹیبلشمنٹ سے کہا کہ وزیراعظم نے ٹیلیفون پر کہا کہ تبادلہ کردیں ؟ تو آپ نے کردیا؟جس پر سیکرٹری اسٹیبلشمنٹ اور داخلہ نے آئی جی کے تبادلے کی سمری پیش کردی۔ جس پر سپریم کورٹ نے وفاقی حکومت کو بدھ تک تفصیلی جواب جمع کروانے کا حکم دے دیا ہے۔عدالت جائزہ لے گی کہ آئی جی کا تبادلہ بدنیتی پر مبنی تو نہیں تھا؟ دوسری جانب اعظم سواتی نے خود چیف جسٹس کے سامنے پیش ہونے کا فیصلہ کیا، اور کہا کہ مجھے ا±مید ہے کہ میں چیف جسٹس کو اپنا موقف سمجھا سکوں گا۔

اسلام آباد (ویب ڈیسک) سپریم کورٹ میں چیف جسٹس آف پاکستان جسٹس ثاقب نثار کی زیر صدارت نئےآئی جی اسلام آباد کی تقرری سے متعلق کیس کی سماعت ہوئی۔ دوران سماعت چیف جسٹس آف پاکستان جسٹس ثاقب نثار نے آسیہ بی بی کے مقدمے پر آنے والے رد عمل سے متعلق ریمارکس دیتے ہوئے کہا کہ آسیہ بی بی کے کیس کا فیصلہ کرنے والے ججز میں سے کوئی بھی عاشق رسولﷺ سے کم نہیں ہے۔انہوں نے کہا کہ نبی پاک ﷺکی حرمت کے لیے ہم سب شہید ہونے کے لیے تیار ہیں۔ ہم نے انصاف کرنا ہے ، ہم صرف مسلمانوں کےقاضی ہی نہیں بلکہ پورے پاکستان کے قاضی ہیں۔ ہمارےبینچ میں ایسے ججز ہیں، جو ہر وقت درود پڑھتے رہتے ہیں، ہم نے فیصلے کے آغاز ہی کلمہ سے کیا ہے۔ چیف جسٹس کا کہنا تھا کہ فیصلہ پڑھیں، فیصلے میں لکھا ہے کہ ہمارا ایمان نبی کریم ﷺپر ایمان لائے بغیر ممکن نہیں ہے۔ہم نے اللہ کو نہیں دیکھا لیکن حضرت محمدﷺکے ذریعے ہم نے اللہ کو پہچانا ہے۔انہوں نے کہا کہ اگر کسی پر ج±رم ثابت نہ ہو تو کیا ہم اس کو سزا دے دیں؟ کیا اب ہمیں ہر شخص کو اپنے ایمان کا ثبوت دینا پڑے گا؟ چیف جسٹس ثاقب نثار نے کہا کہ وزیراعظم عمران خان نے بھی کہا ہے کہ امن وامان ریاست کی ذمہ داری ہے، اور ریاست اپنی ذمہ داری پوری کرے۔ یاد رہے کہ گذشتہ روز چیف جسٹس کی سربراہی میں تین ر±کنی بینچ نے آسیہ بی بی کیس کا فیصلہ سنایا۔جسٹس آصف سعید کھوسہ اور جسٹس مظہر عالم خان بھی بنچ کا حصہ تھے۔ سپریم کورٹ نے لاہور ہائیکورٹ کا فیصلہ کالعدم قرار دیتے ہوئے آسیہ بی بی کو الزامات سے بری کیا اور رہا کرنے کا حکم جاری کر دیا۔چیف جسٹس آف پاکستان جسٹس ثاقب نثار نے تحریری فیصلے کا آغاز کلمہ شہادت سے کیا۔ فیصلہ 56 صفحات پر مشتمل ہے جسے چیف جسٹس نے تحریر کیا۔ فیصلے میں علامہ اقبال کا نعتیہ کلام ”کی محمدﷺ سے وفا تو نے تو ہم تیرے ہیں” بھی درج ہے۔فیصلے میں قرآنی آیات اور احادیث کا حوالہ بھی دیا گیا۔خیال رہے کہ توہین رسالت کے مقدمے میں آسیہ بی بی کو سزائے موت سنائی گئی تھی جس پر آسیہ بی بی نے سزائے موت کے خلاف عدالت عظمیٰ میں اپیل دائر کی تھی۔ چیف جسٹس کی سربراہی میں تین رکنی بنچ نے 8 اکتوبر 2017ئ کو توہین رسالت کے مقدمے میں سزا پانے والی آسیہ بی بی کی سزا کے خلاف اپیل پر سماعت کے بعد فیصلہ محفوظ کیا تھا۔