اسلام آباد(ویب ڈیسک): وزیراعظم عمران خان نے کہا ہے کہ ملک میں سرمایہ کاری کرنے والوں کے لیے آسانیاں پیدا کر رہے ہیں اور وہ قدم اٹھارہے ہیں جس سے مستقبل میں ڈالر کی کمی نہیں ہوگی۔اسلام آباد میں تقریب سے خطاب کرتے ہوئے وزیراعظم نے کہا کہ روپے کی قدر کم ہونے پر صبح سے بہت سی کالز آئیں، جو لوگ گھبرائے ہوئے ہیں وہ فکر نہ کریں، موجودہ مشکل عارضی ہے، ہم وہ قدم اٹھارہے ہیں جس سے مستقبل میں ڈالر کی کمی نہیں ہوگی۔ وزیراعظم نے کہا کہ پہلی بار پاکستان میں ایک پورا کار مینوفیکچرنگ پلانٹ لگ رہا ہے جو پاکستان میں مکمل کارسازی کا پہلا منصوبہ ہے، اس جوائنٹ وینچر سے 45 ہزار پاکستانیوں کو ملازمتیں ملیں گی اور منصوبے سے 900 ملین ڈالر کی سرمایہ کاری ہونے جارہی ہے۔ انہوں نے کہا کہ جو لوگ پاکستان میں سرمایہ کاری کرنا چاہتے ہیں ان کے لیے آسانیاں پیدا کرنی ہیں، اس وقت ملک کا سب سے بڑا مسئلہ کرنٹ اکاو¿نٹ خسارہ ہے۔وزیراعظم کا کہنا تھا کہ ہم نے چین سے قرض کے بجائے ٹیکنالوجی ٹرانسفر کا مطالبہ کیا، ہم پاکستان میں ایسی سرمایہ کاری چاہتے ہیں جس میں ٹیکنالوجی ٹرانسفر ہو تاکہ لوگ ہنرمند ہوں۔ وزیراعظم عمران خان نے کہا کہ پاکستان میں بہت صلاحیت موجود ہے، بیرون ملک لوگ پاکستان میں سرمایہ کاری کے خواہشمند ہیں، یہاں بننے والی گاڑیاں اگر ایکسپورٹ ہوئیں تو مزید ڈالرز آئیں گے۔وزیراعظم کا کہنا تھا کہ ہر سال 10 ارب ڈالرز کی منی لانڈرنگ ہورہی ہے، ہم منی لانڈرنگ ، ہنڈی اور حوالہ روکنے کی کوشش کررہے ہیں اور ہمارا روپیہ جلد مضبوط ہوگا اور ہمیں ڈالرز کی کمی نہیں ہوگی۔

کراچی(ویب ڈیسک) شہر کے مختلف رہائشی علاقوں میں گھروں میں قائم دکانوں کوبھی مسمار کرنے کے لیے نوٹس موصول ہونا شروع ہوگئے۔سندھ بلڈنگ کنٹرول اتھارٹی کی جانب سے جاری نوٹس میں کہا گیا ہے کہ رہائشی مکانات میں قائم دکانیں فی الفور بند کی جائیں۔نوٹس میں گھروں میں بنی دکانوں کو گرانے اور مقدمہ درج کرنے کا بھی کہا گیا ہے اور نوٹس کے متن کے مطابق ایسےگھروں کے مالکان کے شناختی کارڈ بھی بلاک کیے جاسکتے ہیں۔دوسری جانب شہریوں نے الزام عائد کیا ہے کہ پہلا ہی نوٹس فائنل نوٹس کے طور پر بھیجا گیا ہے اور عدالتی احکامات کی آڑ میں عام شہریوں کو نشانہ بنایا جارہا ہے۔یاد رہے کہ شہر بھر میں عدالتی احکامات پر تجاوزات کیخلاف بڑے پیمانے پر ا?پریشن جاری ہے اور صدر و اطراف میں ایمپریس مارکیٹ میں قائم تجاوزات بھی گرادی گئی ہیں۔

اسلام آباد (ویب ڈیسک)وزیراعظم عمران خان نے کہا ہے کہ دنیا میں کچھ بھی ناممکن نہیں ہے، کشمیر کا مسئلہ حل ہو سکتا ہے۔اسلام آباد میں بھارتی صحافیوں سے گفتگو کرتے ہوئے وزیراعظم عمران خان کا کہنا تھا کہ امن ہی آگے بڑھنے کا واحد راستہ ہے۔ان کا کہنا تھا کہ پاکستان اور بھارت کے درمیان مسائل عوام کے درمیان نہیں حکومتوں کے درمیان ہیں، ہم کوشش کرتے رہیں گے کہ مذاکرات کے ذریعے مسائل حل ہوں۔انہوں نے کہا کہ پاکستان خطے میں امن کا خواہاں ہے، یہ ہمارے مفاد میں ہی نہیں کہ ہماری سرزمین کسی ملک کے خلاف استعمال ہو۔وزیراعظم نے کہا کہ حکومت کی سب سے بڑی ترجیح اس کی غریب عوام ہوتی ہے، ہماری حکومت پاکستان کو ویلفیئر ریاست بنانا چاہی ہے۔حافظ سعید اور ممبئی حملوں کے ملزمان سے متعلق سوال پر عمران خان کا کہنا تھا حافظ سعید پر اقوام متحدہ کی جانب سے سخت پابندیاں لگی ہوئی ہیں جب کہ ممبئی حملوں کے ملزمان سے متعلق کیس عدالت میں زیر سماعت ہے۔انہوں نے کہا کہ میں نے کرتار پور راہداری کی افتتاحی تقریب کے دوران بھی کہا تھا کہ ماضی صرف سیکھنے کے لیے ہوتا ہے رہنے کے لیے نہیں، پاکستان اور بھارت کے درمیان بات یہیں پر آ کر رک جاتی ہے، میرے پاس بھی بھارت کی جانب سے پاکستان کے ساتھ زیادتیوں کی طویل فہرست ہے لیکن ہمیں آگے بڑھنا چاہیے۔ان کا کہنا تھا کہ پاکستان کا مائند سیٹ بل چکا لیکن بھارت کا مائنڈ سیٹ نہیں بدلا، ہم پاکستان میں کسی مسلح گروہ کو آپریٹ نہیں ہونے دیں گے۔عمران خان نے کہا امریکا کا الزام تھا کہ افغانستان میں اس لیے نہیں جیت سکے کہ یہاں سے عسکریت پسند آتے ہیں، اب ہم پاک افغان سرحد پر باڑ لگا رہے ہیں۔انہوں نے کہا کہ دنیا میں کچھ بھی ناممکن نہیں، کشمیر کا مسئلہ بھی حل ہو سکتا ہے۔ان کا کہنا تھا کہ فرانس اور جرمنی میں تجارت کھلنے سے وہاں کے عوام کی زندگی بہتر ہوئی، یورپی یونین میں شامل ہونے کے بعد ان تمام ممالک میں معیار زندگی بلند ہوا، برصغیر میں بھی اسی طرح عوام کا معیار زندگی بہتر کیا جاسکتا ہے۔انہوں نے کہا کہ جب بات چیت نہیں ہوتی تو چیزیں کیسے حل ہوں گی، بھارتی حکومت اس وقت بات کرنے کے لیے تیار نہیں، ٹھیک ہے ہم الیکشن کے بعد بات کریں۔وزیراعظم نے کہا کہ ہندو زائرین کے مسائل حل کریں گے، بدھ مت سیاحت کے لیے بھی تیاری کر رہے ہیں، پاکستان میں مذہبی سیاحت کی تیاری کر رہے ہیں، حسن ابدال اور کٹاس راج سمیت بہت چیزیں ہندوو¿ں کے لیے ہیں۔ان کا کہنا تھا کہ ہم نے پہلے بھی کوشش کی لیکن بھارت نے یو این جنرل اسمبلی کی میٹنگ منسوخ کر دی، ہم انتظار کر رہے ہیں، ہم سمجھتے ہیں دونوں میں عوام کے درمیان کوئی مسئلہ نہں، حکومتوں کے مسائل ہیں۔عمران خان نے کہا کہ یہ دنیا کا وہ حصہ ہے جو بہت امن دے سکتا ہے، بھارت کو امن سے بہت بڑا فائدہ ہو سکتا ہے، کبھی بھی یک طرفہ کوشش زیادہ دیر تک نہیں چلے گی، الیکشن تک ہم مان لیتے ہیں لیکن بھارت کو بھی جواب دینا ہے۔انہوں نے کہا کہ میں ماضی کا جواب نہیں دے سکتا، ماضی کا ذمہ دار نہیں، ہم جب ایک مرتبہ معاہدہ کریں گے تو میں معاہدے سے پیچھے ہٹوں تو مجھے کہیں، کبھی نہیں کہوں گا کہ ا?پ کے ساتھ تھا لیکن فوج نے بات نہیں مانی، اس وقت فوج اور سیاسی حکومت سب ایک پیج پر ہیں، جو میں کہہ رہا ہوں اس پر سب کا اتفاق ہے۔ان کا کہنا تھا کہ جب ایک طرف سے جواب نہیں ا?تا، الٹی سیدھی خبریں ا?نے سے دباو¿ پیدا ہوتا ہے اور امن کے امکان کم ہوجاتے ہیں، اقتدار میں ا?ئے تین ماہ ہوئے ہیں، بھارت سمیت افغانستان سے حالات ٹھیک کرنے کی پوری کوشش کریں گے۔وزیراعظم نے کہا کہ ہم ا?گے دیکھنا چاہتے ہیں، چاہتا ہوں کشمیر کا مسئلہ علاقے کی نظر سے نہیں کسی اور نظر سے دیکھیں، 25 سال سے طاقت سے مسئلہ حل کرنے کی کوشش چل رہی ہے، ہم چاہتے ہیں کہ بھارتی حکومت کچھ نہیں کرسکتی تو کشمیر کے لوگوں کے لیے کچھ کرے اور وہاں ظلم بند کرے۔

سکھر(ویب ڈیسک) پاکستان پیپلزپارٹی کے چیئرمین بلاول بھٹو زرداری کا کہنا ہے کہ ایک اور لاڈلہ میدان میں اتارا گیا ہے جو کہ انوکھا لاڈلہ ہے جس نے کھیلنے کو چاند مانگا تو پورا اسے ملک دے دیا گیا۔سکھر میں ہونے والے پاکستان پیپلزپارٹی کے یوم تاسیس کے جلسے سے خطاب میں بلاول بھٹو زرداری کا کہنا تھا کہ آمروں نے جعلی اقتدار کو طول دینا چاہا تو مذہب کو آلے کے طور پر استعمال کیا جس کا نتیجہ آج ہم سب بھگت رہے ہیں، آج ملک جل رہا ہے تو یہ آگ آمروں نے لگائی ہے۔انہوں نے کہا کہ اسلام امن پرستی کا مذہب ہے لیکن اس کو دہشت گردی کے نام سے بدنام کیا گیا اور اب وہ انتہا پسندی کی آگ ہمارے گھروں کی دہلیز تک پہنچ چکی ہے جس نے سارے سماج کو لپیٹ میں لے لیا ہے۔ان کا کہنا ہے کہ پاکستان کو بچانا ہے، اس آگ کو اس وقت تک بھجانے میں کامیاب نہیں ہوں گے جب تک ملک کا وزیر اعظم اس جنگ کو اپنی جنگ تسلیم نہیں کرے گا، ملک کا وزیر اعظم یوم شہدائ پر یہ کہے کہ یہ جنگ ہماری جنگ نہیں تو شہداء کے ورثا پر کیا گزری ہوگی؟ بلاول بھٹو زرداری کا کہنا تھا خان صاحب میں پوچھتا ہوں کہ بہادر افواج اور پولیس کی قربانیاں کس لیے تھی؟ خان صاحب آپ مانیں یا نا مانیں لیکن دہشت گردی کے خلاف جنگ ہماری جنگ ہے۔انہوں نے کہا کہ پی پی کا مقابلہ غیر جمہوری قوتوں اور ان کے لاڈلوں سے رہا ہے لیکن ایک اور لاڈلہ میدان میں اتارا گیا ہے جو انوکھا لاڈلہ ہے جس نے کھیلنے کو چاند مانگا تو پورا ملک اس کے حوالے کر دیا گیا۔پی پی چیئرمین کا کہنا ہے کہ یہ ایسا لاڈلہ ہے جو چوری بھی کرتا ہے اور سینا زوری بھی کرتا ہے لیکن اس لاڈلے کا نتیجہ بھی پہلے لاڈلوں سے مختلف نہیں ہو گا، یہ لاڈلہ دن کو کچھ رات کو کچھ کہتا ہے، اپنی باتوں سے مکر جاتا ہے اور پھر کہتا ہے کہ یوٹرن کے بغیر لیڈر نہیں بن سکتا۔ان کا کہنا تھا کہ لیڈر وہی ہوتا ہے جو عوام سے کیا ہوا وعدہ پورا کرتا ہے، لیڈر بننا ہے تو شہید محترمہ بینظیر بھٹو سے سیکھو جس نے آمروں کے سامنے سر نہیں جھکایا۔بلاول بھٹو نے کہا کہ عوام 100 دن میں نئے پاکستان سے تنگ آچکے ہیں، مہنگائی نے عوام کی کمر توڑ دی ہے لیکن یہ حکومت کنٹینر سے اترنے کا نام ہی نہیں لے رہی، احتساب کے نام پر انتقام کا بازار گرم کیا ہوا ہے اور خود کے پی کے میں احتساب کمیشن کو بند کر دیا، بلین ٹری سونامی اور بی آر ٹی کی فائل بندکر دی اور مقدمات کا سامنا کرنے والے کو وزیر بنا دیا۔ان کا کہنا ہے کہ خان صاحب، آپ نے اداروں کو غیر سیاسی کرنے کی بات کی لیکن ا?پ نے گائے کے مقدمے میں ا?ئی جی کو گھر بھیج دیا، ڈی پی او اور ا?ئی جی پنجاب کا تبادلہ کر دیا، ا?پ سیاسی مداخلت میں مصروف تھے تو اس وقت اسلام آباد سے ایس ایس پی پشاور اغوا ہوتا ہے جس کی لاش افغانستان سے مسخ شدہ ملتی ہے۔بلاول کا خطاب میں کہنا تھا کہ 100 دن میں انقلاب لانے کی بات کی تھی لیکن انہوں نے جنوبی پنجاب صوبے کیلئے کچھ نہیں کیا، جنوبی پنجاب کا سہانا خواب چند وزارتوں کیلئے بیچ دیا گیا اور یہ صوبائی خود مختاری کو ختم کرنے کی کوشش کر رہے ہیں، یہ ملک کو ون یونٹ بنانے کی کوشش کر رہے ہیں، اگر وفاق اور 18 ویں ترمیم پر حملہ ہوا تو بھرپور مخالفت کریں گے اور اس کوشش کو ناکام بنا دیں گے۔انہوں نے کہا کہ عمران خان نے غربت مکانے کا وعدہ کیا تھا لیکن یہ تو غریب مکاو¿ پر کام کر رہے ہیں، کیا یہی ہے تمہارا نیا پاکستان، جواب دو عمران خان، آپ لاکھوں لوگوں کو بے گھر اور بے روزگار کر رہے ہیں، اگر یوٹرن لینا ہے تو مہنگائی اور مہنگی بجلی پر یوٹرن لو، اگر یوٹرن لینا ہے تو مہنگے پیٹرول پر یوٹرن لو اور یوٹرن لینا ہے تو عوام دشمن پالیسیوں پر یوٹرن لو۔ چیئرمین پیپلز پارٹی نے کہا کہ آپ تو بیرونی سرمایہ کاری کرنے آئے تھے، 100 دن میں کمی کیوں آئی اور سرکلر ڈیٹ پچھلے سارے ریکارڈ کیوں توڑ گیا؟ان کا کہنا تھا کہ تحریک انصاف کی حکومت نے پاکستان کے عوام کا مستقبل خطرے میں ڈال دیا ہے، ہم اس یوٹرن حکومت کا راستہ روکیں گے اور پاکستان کے عوام کے حقوق کے تحفظ کو سیاست کا مرکز بنائیں گے، اقتدار کوئی بھی کرے اسے ملک کو آگے لےجانا پڑے گا۔

اسلام آباد (ویب ڈیسک)اسٹیٹ بینک نے اگلے دو ماہ کے لیے شرح سود ساڑھے 8 فیصد سے بڑھا کر 10 فیصد کر دی۔اسٹیٹ بینک کی جانب سے جاری اعلامیے کے مطابق مانیٹری پالیسی کمیٹی نے شرح سود میں 150 بیسز پوائنٹس کا اضافہ کر دیا ہے۔اعلامیے میں کہا گیا ہے کہ اگلے دو ماہ کے لیے شرح سود ساڑھے 8 فیصد سے بڑھا کر 10 فیصد کر دی گئی ہے۔خیال رہے کہ اسٹیٹ بینک کی جانب سے شرح سود میں اضافے کے بعد پاکستان میں شرح سود کافی عرصے بعد ڈبل فیگر میں داخل ہو گیا ہے۔

کراچی(ویب ڈیسک) پاکستان میں سونے کی قیمت تاریخ کی بلند ترین سطح پر پہنچ گئی۔ملک میں ڈالر کی قدر میں اضافے اور روپے کی قدر گرنے سے سونے کی قیمت میں فی تولہ ایک ہزار روپے تاریخ کا بلند ترین اضافہ ہواہے۔ایک ہزار روپے اضافے کے ساتھ ملک میں سونے کی فی تولہ قیمت 64 ہزار 500 روپے ہوگئی ہے جب کہ 10 گرام سونے کی قدر 857 روپے اضافے سے 55 ہزار 298 روپے ہوگئی ہے۔دوسری جانب عالمی مارکیٹ میں سونےکی قدر 3 ڈالر کم ہوکر ایک ہزار 122 ڈالر فی اونس ہوگئی ہے۔واضح رہےکہ ا?ج انٹربینک میں ڈالر کی قدر تاریخ کی بلند ترین سطح 142 روپے تک گئی اور کاروبار کے اختتام پر ڈالر 138.50 روپے پر بند ہوا۔