لاہور (مانیٹرنگ ڈیسک) چینل۵ کے تجزیوں و تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ شہباز شریف کو کریڈٹ جاتا ہے کہ امن و امان اور دیگر سہولتوں کے حوالے سے ان کا دور ایک بہتر دور تھا لیکن بہت ساری چیزیں اب سامنے آ رہی ہیں جیسے پانی کی کمپنیوں پر وہ چیف جسٹس کے سوال کا جواب نہیں دے سکے۔ میری اور امتنان صاحب کی ان سے ملاقات ہوئی تھی، ان سے کہا تھا کہ آپ کی حکومت کے بہت اچھے کام ہیں، لاہور میں بڑی بہتر صورتحال رہی لیکن اس کا مطلب یہ نہیں کہ باقی سب بھی ٹھیک ہے۔ ہمیشہ کہا کہ آپ پر الزام عائد ہوتے ہیں لوگ کہتے ہیں کہ اورنج ٹرین و میٹرو پر جو خرچ کیا انہی اخراجات سے اس سے بہتر فوائد حاصل کئے جا سکتے تھے۔ شہباز حکومت میں صرف ایک شہر قصور میں 300 لڑکوں کے ویڈیو سکینڈل 3 سال پہلے رانا ثناءنے کہا کہ زمینوںکا مسئلہ ہے، ایسے مسئلے میں بچے کہاں سے آ گئے؟ 2 ماہ سے زائد ہو گئے چیف جسٹس آف پاکستان کو ایک تحریری درخواست لکھی ہوئی ہے کہ آپ نے زینب قتل کیس پر از خود نوٹس لیا تھا، زینب کے بعد یہ تعداد اب 140 سے تجاوز کر گئی ہے۔ اگر ایسے واقعات میں کمی آئی ہوتی تو چیف جسٹس و شہباز شریف کو سلیوٹ کرتا لیکن یہ سلسلہ تو بڑھتا جا رہا ہے۔ اپنے پروگرام کے ذریعے چیف جسٹس سے درخواست کرتا ہوں کہ سب سے بڑے مسئلے کو ایک دفعہ چھیڑ کر آپ توجہ دینے کو تیار نہیں، کوئی کمیشن یا کمیٹی بنائیں جو ایسے واقعات کی روک تھام کے لئے کام کرے۔ انہوں نے مزید کہا کہ اصغر خان کیس میں جونام آئے اور وہ جس قیمت پر بک گئے سن کر حیرت ہوئی۔ حیرت ہے صف اول کا لیڈر بھی 10 لاکھ میں بک جاتا ہے، جن ناموںکی لسٹ آئی ہے ان کی شان و شوکت، عزت، رتبہ و مقام دیکھیں پھر وہ رقم دیکھیں جتنے میں فروخت ہو گئے حیرانگی ہے۔ عابدہ حسین نے اچھا کیا رقم واپس ددے گئی لیکن پہلے پیسے لئے کیوں تھے۔ اتنے بڑے نام جن کے پاس پہلے ہی کسی چیز کی کمی نہیں، ایک چھوٹی سی رقم پر ان کے بک جانے پر شرم آتی ہے۔ الطاف حسین قریشی میرے استاد ہیں وہ 10 لاکھ میں بِک گئے۔ نواز شریف نے میری موجودگی میں کئی دفعہ طالبعلموں کی مختلف سہولتوں کے لئے 20,20 لاکھ دیے، لاکھوں روپے وہ خیرات میں دے دیتے تھے وہ خود 60 لاکھ میں بک گئے۔ اس کا مطلب کہ ہم اس قدر گھٹیا قسم کا بکاﺅ مال ہیں کہ کوئی بھی تھوڑی سے رقم میں خرید سکتا ہے۔ انہوں نے کہا کہ خیبرپختونخوا میں جو بھی نگران وزیراعلیٰ آیا اچھا ہے۔ اپوزیشن لیڈر پنجاب محمودالرشید میں کوئی میچورٹی نہیں۔ عمران خان کو 2 دفعہ کہا کہ ان کی تربیت کرنی چاہیے۔ انہوں نے وعدہ بھی کیا۔ قومی اسمبلی میں تحریک انصاف کے سرگرم اراکین تھے، محنتی تھے لیکن پنجاب میں نالائق ٹیم تھی، لوگوں کی موجودگی میں یہ بات عمران خان سے کہی۔ ان سے کہا کہ اگر اس قسم کے معیار کے لوگوں کے ساتھ اسمبلیوں میں جانا ہے تو پھر کوئی مستقبل نہیں۔ آج پنجاب حکومت کے جتنے بھی سکینڈل منظر عام پر آرہے ہیں۔ تحریک انصاف کی 34ارکان کی ا پوزیشن کی طرف سے 5 سالوں میں کبھی کسی ایک سکینڈل کا نہیں سنا۔ پرانے لوگوں کو محنت کرتے دیکھا تھا وہ پوری تیاری کرتے تھے اور حکومتوں کو ٹف ٹائم دیتے تھے۔ انہوں نے کہا کہ عمران خان کی پہلی بیگم جمائما بہت اچھی و باوقار خاتون ہیں۔ ان کی شادی پر بہت مبارکباد بھی دی تھی اور یہ شادی ختم ہونے پر ذاتی طور پر دکھ ہواتھا۔ وقت نے ثابت کیا وہ ایک اچھی خاتون ہیں۔ طلاق کے باوجود مشکل وقت میں انہوں نے نہ صرف بچوں کی دیکھ بھال کی بلکہ عمران خان کی منی ٹریل میں بھی سب سے زیادہ محنت کی۔ دوسری شادی عمران خان کی واحد شادی ہے جس پر کبھی مبارکباد دی نہ ملنے گیا۔ ریحام خان سے آج تک نہیں ملا۔ ابھی شادی نہیں ہوئی تھی کہ جنرل(ر) حمید گل نے مجھے فون کر کے کہا کہ عمران خان کو منع کریں۔ میں نے کہا کہ عشق و مشک چھپائے نہیں چھپتے اوراس وقت عمران خان اس میں پھنسا ہوا ہے۔ بات کرنا فضول ہے۔ ریحام سے عمران خان کی شادی کے چھٹے روز مجھے برطانیہ سے خبر ملی ان کی شادی ختم ہو جائے گی۔ ریحام 6دنوں میں اپنے شوہر کی اتنی برائیاں کر رہی ہے حیران ہیں کہ شادی کیسے چلے گی۔ وہی ہوا دیکھتے دیکھتے شادی ختم ہو گئی۔ حمید گل نے مجھے بتایا کہ جب ریحام خان ان سے ملنے آئیں تو میں نے ان سے پوچھا کہ کیا آپ فلاں شخص، ادارے کو جانتی ہیں، کیا یہ درست ہے کہ انہوں نے آپ کو یہاںبھیجا ہے اور میرے حساب سے عمران خان کو ٹریپ کرنے کا مشن سونپا گیا ہے۔ یہ ساری باتیں میرے پروگرام میں بھی نشر ہوئیں اور خبریں میں بھی چھپی تھیں۔ حمید گل اس وقت آئی ایس آئی کے سربراہ تھے۔ دنیا کی حساس ایجنسیوں کے بارے میں بڑی معلومات رکھتے تھے۔ میں اب بھی متفق ہوں کہ ریحام خان سے عمران خان کو ٹریپ کیا۔ شادی کی اور پھر فوری ان کے فلم بنانے کی خبریں آنے لگیں۔ یہ کیسے ممکن ہے کہ شادی کے 11ویں روز انہوں نے فلم بنانے کا ذکر چھیڑ دیا۔ ایک مہینے کے اندر اندر کروڑوں روپے اکٹھے کرنے شروع کر دئیے۔ انہوں نے فیصل واڈا سے 3کروڑ، علیم خان سے1 کروڑ فلم بنانے کےلئے مانگے۔ وہ کروڑوں روپے اکٹھے کر کے فلم بنانا چاہتی تھیں، کیا انہوں نے پہلے کبھی کوئی فلم بنائی تھی؟ اس سے زیادہ خوفناک بات یہ کہ مجھے برطانیہ سے کسی نے ان کے پہلے شوہر کے ساتھ مقدمہ سازی کی دستاویزات بھیجیں۔ معلوم نہیں وہ درست تھیں یا غلط لیکن ان کے مطابق ان کی شوہر سے لڑائی یہ تھی کہ ان کی ایک بچی تھی جس پر شوہر نے الزام لگایا کہ یہ میری بیٹی نہیں ہے پھر اس پر کیس چلا، ڈی این اے ٹیسٹ بھی ہوا اور اسی وجہ سے طلاق ہوئی تھی۔ یہ سب بھی ہمارے اخبار میں چھپا تھا۔ برطانیہ میں جب طلاق ہوتی ہے تو اثاثوں کی تقسیم 50,50 فیصد ہوتی ہے۔ اس سے پہلے ان کے نام جانتا ہوں جنہوں نے سیتا وائٹ کیس پر ساری دستاویزات اکٹھی کیں۔ ان کے نام بھی جانتا ہوں جنہوں نے بہت پہلے یہ دعویٰ کیا تھا، انہی ایجنسیوں نے ان کے ڈی این اے ٹیسٹ بھی کروا کر رکھے ہوئے تھے۔ عمران خان پر الزامات کی بوچھاڑ بنانے کےلئے پورے کیس تیار کر رہے تھے۔ حنیف عباسی ایفی ڈرین کیس کا لٹیرا، میں اسے راولپنڈی میٹروبس کا لٹیرا کہتا ہوں۔

لاہور (مانیٹرنگ ڈیسک) چینل فائیو کے تجزیوں اور تبصروں پر مشتمل کالم نگار میں گفتگو کرتے ہوئے تجزیہ نگار ناصر نقوی نے کہا ہے کہ جمہوری عمل مکمل ہونے کی سب سے زیادہ خوشی فوج کو ہوئی کیونکہ ماضی میں انہی پر الزامات لگتے تھے ملک کی 70 سالہ تاریخ میں فوج کی سیاست میں مداخلت اگل رہی ہے اور فوج کو شب خون مارنے کی دعوت بھی سیاستدان رہتے رہے ہیں پاکستانی انتخابات میں فوج پر مداخلت کا الزام نیا نہیں۔ انہوں نے کہا کہ عوام صرف کرپشن اور ملک کا لوٹا ہوا مال واپس لانے کی بات کر رہے ہیں۔ گزشتہ 40 سال سے ملک پر قابض گروپ نے ملک میں ایسی تباہی مچائی ہے جسے ٹدی دل فصل پر حملہ کرتا ہے۔ عوام دودھ کا دودھ پانی کا پانی چاہتا ہے۔ آنے والے انتخابات میں انٹرنیشنل میڈیا پر نظر رکھی جانی چاہیے وہ عوام کو مس گائیڈ نہ کرے۔ انہوں نے کہا کہ انتخابات میں 70 فیصد لوگ ووٹ نہیں ڈالتے اس نظام کو پارلیمنٹ نے درست کرنا ہے مگر سیاسی جماعتوں میں خود جمہوریت نہیں ہے۔ ناصر نقوی نے مزید کہا کہ ملک کو ڈیم کی اشد ضرورت ہے مگر حکومتوں نے قوم کو ڈیم فول بنایا اور پوری قوم کےساتھ مذاق کیا۔ اب انہیں حساب دینا پڑے گا قوم بدھو نہیں بنے گی۔ جیساکہ شہباز شریف نے کہا کہ لوڈشیڈنگ کے ہم ذمہ دار نہیں ہیں۔ ریحام خان کی متنازعہ کتاب کے حوالے سے ان کا کہنا تھا کہ کتابیں وہی شہرت حاصل کرتی ہیں جو لکھی نہیں لکھوائی جاتی ہیں۔ ریحام خان کی کتاب پلان کی گئی سازش ہے۔ الیکشن کے دنوں میں عمران خان کو نقصان پہنچانے کے لیے اور پاکستان میں سازشیں سی آئی پیٹا گون امریکہ اور لندن سے ہوتی ہیں پروگرام می شریک کالم نگار وتجزیہ کار علی جاوید نقوی کا کہنا تھا کہ عوام مسائل کے انبار میں راحیل شریف کی طرح عمران خان میں نجات دہندہ دیکھ رہے ہیں۔ جعلی اکاﺅنٹ بنا کر افغانستان اور بھارت سوشل میڈیا پر انتخابات کے وقت میں پرایوگنڈا کی بات فوج نے کی ہے اور اس سے قبل فیس بک کے بانی امریکی کانگریس کمیٹی میں کہہ چکے ہیں کہ فیس بک پاکستانی انتخابات پر اثرانداز ہوسکتی ہے۔ انہوں نے کہا کہ ملک میں الیکشن ملتوی کروانے کی بات کرنیوالوں کی تعداد بڑھتی جارہی ہے نوازشریف اپنی ناکامیاں چھپانے کیلئے لوڈشیڈنگ کے جن کاملبہ نگران حکومت پر ڈال رہے ہیں جبکہ ذمہ دار دعوے کرنے والے شاہد خاقان عباسی ہیں مگر (ن) لیگ ایسا پراپیگنڈہ کررہی ہے کہ جھوٹ بھی سچ لگنے لگے۔ ان کا کہنا تھا کہ سیاسی جماعتوں نے قومی و صوبائی اسمبلیوں کے ٹکٹ بیچ کر ایک ارب اکٹھا کرلیا ہے۔ پارٹیاں بدلنے والے کونسی تبدیلی لائینگے۔ سینئر تجزیہ نگار میاں حبیب کا کہنا تھا کہ پاکستان کی اندرونی اور خطے کی صورتحال پاک فوج کا بنیادی کردار ہے اور رہیگا۔ سیاسی قائدین نقصان پہنچانے اور فائدہ اٹھانے کے لیے فوج کا نام استعال کرتے ہیں۔ قوم مشکل صورتحال میں فوج اور عدلیہ پر اعتماد کرتے ہیں اور سیاستدان بھی الیکشن فوج کی نگرانی میں چاہتے ہیں۔ انہوں نے کہا کہ موجودہ الیکشن قوم کی دانش کا امتحان ہیں۔ بدقسمتی سے روٹی کپڑا اور مکان پر الجھے 5سال دینے والے لوگ ایک پلیٹ بریانی آٹے گھی کے ڈؓبے پر بک جاتے ہیں۔ انہوں نے کہا کہ 5سال میں گونگے بہرے اسمبلی میں ایک لفظ نہ بولنے والے ممبران اسمبلی سے حرام پیسے کمائے ہیں۔ ضیا شاہد صاحب نوازشریف کے حوالے سے اہم تحریر لکھ رہے ہیں جو پڑھنے کے قابل ہے۔ قوم کو ایسے حکمران و ارکان چاہیئں جو سیاست میں کردار ادا کریں۔ حالات بدل چکے ہیں۔ حساب دینا پڑیگا۔ تجزیہ نگار مریم ارشد نے کہا کہ پاک فوج جاگتی ہے تو قوم چین کی نیند سوتی ہے۔ جمہوریت بیلٹ بکس سے آگے نہ آئی تو کیسے رائج ہوگی۔ ملک میں بحران کی کیفیت ہے ہماری 60فیصد معیشت کالا دھن ہے ٹیکس ادا نہ کرنیوالے ان لوگوں کا حساب لینا ہے۔ 20,15ہزار کمانے والے کا گھر نہیں چلتا ٹیکس کیسے دے۔ نوازشریف نے ملکی خزانے میں کچھ نہیں چھوڑا کہ بجلی فراہم کرنیوالی کمپنیوں کو دیا جائے۔ اور شہبازشریف نے رات 12بجے لوڈشیڈنگ کی ذمہ داری سے انکار کا بیان دیدیا۔ انہوں نے کہا سوشل میڈیا پر ریحام خان کی کتاب پر عمران خان کے لوگ انہیں مس گائیڈ کررہے ہیں۔ ریحام خان کی کتاب امیدوں کے ڈرائنگ روم میں ڈسکس ہوگی۔