کابل (ویب ڈیسک) افغان وزارت دفاع نے کالعدم تحریک طالبان کے سربراہ ملا فضل اللہ کی امریکی ڈرون حملے میں ہلاکت کی تصدیق کردی۔افغان وزارت دفاع کے ترجمان محمد ردمنیش نے کالعدم تحریک طالبان کے سربراہ ملا فضل اللہ کی ہلاکت کی تصدیق کرتے ہوئے بتایا کہ افغان صوبے کنڑ میں امریکی فوجی کارروائی میں ملا فضل اللہ مارا گیا۔طالبان نے عیدالفطر کے موقع پر غیر مشروط جنگ بندی کا اعلان کردیادوسری جانب ترجمان امریکی فوج نے بھی ملا فضل اللہ کی ہلاکت کی تصدیق کی۔ترجمان امریکی فوج لیفٹینینٹ کرنل مارٹن کا کہناتھا کہ 13 اور14 جون کی درمیانی شب امریکی فوج نےکنڑ میں کارروائی کی جس میں دہشت گرد تنظیم کو نشانہ بنایا گیا اور اس حملے میں کالعدم تحریک طالبان کا سربراہ ملا فضل اللہ ہلاک ہوگیا۔ملا فضل اللہ 2014 میں پشاور کے آرمی پبلک اسکول پر ہونے والے حملے کا ماسٹر مائنڈ تھا اور اس پر ملالہ یوسفزئی پر قاتلانہ حملہ کرنے کا بھی الزام تھا جب کہ وہ پاکستان میں دہشت گردی کی متعدد کارروائیوں میں ملوث رہا۔امریکا نے ملا فضل اللہ کو عالمی دہشت گردوں کی فہرست میں شامل کر رکھا تھا اور اس سے متعلق اطلاع دینے والے کے لیے 50 لاکھ ڈالر انعام کا بھی اعلان کیا تھا۔

پاکستان (ویب ڈیسک )تحریک انصاف کے سربراہ عمران خان جب برہنہ پا طیارے سے سعودی سرزمین پر اترے تو ان کی آمد سے قبل ہی ان کا یہ دورہ متنازع ہو چکا تھا اور وجہ تھی ان کے دوست اور قریبی ساتھی زلفی بخاری کی شخصیت جو اس دورے میں ان کے ہمراہ تھی۔سید ذوالفقار عباس بخاری المعروف زلفی بخاری کے لیے پیر کو وزارتِ داخلہ کی جانب سے خصوصی اجازت نامہ جاری کیا گیا تاکہ وہ عمران خان کے ساتھ مدینہ جا سکیں۔وزارتِ داخلہ کے ایگزٹ کنٹرول سیکشن کی جانب سے نوٹیفکیشن میں کہا گیا تھا کہ سید ذوالفقار عباس بخاری کو عمرہ پر جانے کی اجازت دی گئی ہے اور وہ صرف ایک بار ہی چھ دن کی خصوصی اجازت کے تحت بیرون ملک سفر کر سکتے ہیں۔یہ نوٹیفکیشن میڈیا پر آتے ہی تنازعہ کھڑا ہو گیا کہ وزارتِ داخلہ نے کس کے کہنے پر زلفی بخاری کا نام ایگزٹ کنٹرول لسٹ سے ہٹانے کی خصوصی اجازت دی اور یہ بات اتنی آگے بڑھی کہ نگران وزیراعظم ناصر الملک نے بھی اس کا نوٹس لے کر رپورٹ طلب کی ہے۔عمران خان کی جماعت تحریک انصاف میں زلفی بخاری کا کوئی عہدہ نہیں ہے لیکن ان کی نجی زندگی کے بارے میں بات کی جائے تو ماضی قریب میں شاید ہی کوئی ایسا اہم واقعہ ہو جس میں زلفی بخاری کا نام سامنے نہ آیا ہو۔وہ عمران خان کی جانب سے ان کی دوسری اہلیہ ریحام خان کو طلاق دینے کے بعد کے معاملات طے کرنا ہو یا موجودہ اہلیہ بشریٰ بی بی سے نکاح کی گواہی زلفی بحاری کا نام ہی سرفہرست نظر آتا ہے۔زلفی بخاری کے قریبی رشتہ دار اور مسلم لیگ نون کے سابق سینیٹر سید ظفر علی شاہ نے بی بی سی کو بتایا کہ زلفی بخاری عمران خان کو سیاست میں آنے سے پہلے سے جانتے ہیں۔
ان کا کہنا تھا کہ زلفی بخاری برطانوی شہری ہیں اور وہ اپنی اہلیہ اور دو بیٹوں کے ہمراہ مستقل طور پر تو لندن میں رہتے ہیں تاہم ان کے والدین اور دیگر رشتہ دار پاکستان میں ہی ہیں۔
ظفر علی شاہ کے مطابق زلفی بخاری جائیداد کی خریدوفروخت کے کاروبار سے منسلک ہیں جو کہ انگلستان میں ہے اور ان کے علم کے مطابق پاکستان میں زلفی کا کوئی کاروبار نہیں ہے۔

لاہور،قصور (ویب ڈیسک) ) لاہور میں گھر سے میاں بیوی اور بچے اور اٹک میں ایک ہی خاندان کے 5افراد کی لاشیں برآمد ہوئی ہیں جبکہ دیگر واقعات میں 6افراد ہلاک ہو گئے۔ تفصیلات کے مطابق غالب مارکیٹ کے علاقہ کینال پارک کا 45سالہ ندیم احمد بٹ اہلیہ نیلم اور 9سالہ بیٹے فائق کے ساتھ رہائش پذیر تھا ، ندیم بٹ پی پی اے میں ملازم تھا گزشتہ روز تینوں مردہ حالت میں اپنے گھر میں پائے گئے۔پولیس کو قتل کی اطلاع مقتول کی بہن نے دی۔ محلے داروں کے مطابق مقتول نہایت شریف،اسکا کسی سے کوئی جھگڑا نہ تھا۔ پولیس نے ہمسائے کے گھر سے سی سی ٹی وی فوٹیج حاصل کرلی۔مقتول نے دو شادیاں کررکھی تھیں ، اسکی پہلی بیوی نے خلع لے رکھا تھا۔ پولیس کا کہنا ہے کہ مقتولین کو نشہ آور چیز کھلا کر بے ہوش کیا گیا جسکے بعد مقتول ندیم کے سر پر آہنی راڈ اور تیز دھار آلہ کے وار کرکے قتل کیا گیااسکے بیٹے کوے ذبح کیا گیا جبکہ اسکی بیوی کو تشدد کے بعد گردن کی ہڈی توڑ دی گئی۔ہڈیارہ کے علاقہ دیو سانی میں پیر بخش اوراسکی بوڑھی والدہ کوڑی مائی طیب کے ڈیرے پر ملازمت کرتے تھے۔ گزشتہ روز پیر بخش نے اپنی 78سالہ والدہ کو پائپ رینچ کے وار کرکے قتل کر دیا۔پولیس کے مطابق ملزم کا کہنا تھا کہ اسکے پیرنے کہا تھا کہ اسکی ماں نے اس پر تعویز کرائے ہوئے ہیں۔ ڈیفنس سی کے نواحی گاﺅں کے رہائشیوں اور ڈیفنس کے سکیورٹی سٹاف کے درمیان پراپرٹی کے تنازع پر فائرنگ ہو گئی جس سے ایک گارڈ نجم گولیاں لگنے سے ہلاک ہو گیا۔ ٹھوکر نیاز بیگ سے نامعلوم شخص کی بوری بند لاش ملی ہے۔ پولیس کے مطابق شبہ ہے کہ نامعلوم ملزمان نے کسی اور جگہ قتل کرنے کے بعد لاش یہاں پھینک دی ہے۔ قصور میں تعینات ٹیچر شبیر بھٹی اپنے دوست ٹیچر شفیق ڈوگر کے ہمراہ پرانا لاری اڈا کے نزدیک ٹی سٹال پر چائے پینے کے لیے گئے جہاں پر40روپے کے لین دین کے تنازعہ پر ہوٹل مالک امدادلطیف ، محمد عمر وغیرہ نے اپنے ساتھیوں کے ہمراہ دونوں پر ڈنڈوں سے حملہ کر انہیں شدید تشدد کا نشانہ بنایا جس سے ٹیچر شبیر بھٹی جاں بحق ہو گیا۔منڈی بہا و¿الدین میں موٹر سائیکل سواروں کی فائرنگ سے بیوہ شہناز بی بی جاں بحق ہو گئی۔ وہاڑی میں پرانی رنجش پر مرتضیٰ اور مشتاق احمد نے فائرنگ کرکے محنت کش اعجاز احمد کو قتل کردیا۔ اٹک کی تحصیل حضرو میں ایک ہی خاندان کے 5 افراد کی لا شیں گھر سے برآ مد ہوئی ہیں۔پولیس کے مطابق مقتولین میں گھرکے سربراہ وسیم کی 2 بیگمات علشبہ اور نائلہ، جبکہ 3 بچے حسن، کاشان اور عثمان شامل ہیں جبکہ وسیم کی جان بچ گئی۔قتل دشمنی کا شاخسانہ لگتا ہے۔سب کو باندھ کر تیز دھار آلے سے قتل کیا گیا۔

لندن(ویب ڈیسک)مسلم لیگ(ن) کے تاحیات قائد نوازشریف،مریم نواز،حسن نواز اورحسین نوازسمیت ان کی تمام فیملی اوررشتہ دار بھی لندن کے ہارلے سٹریٹ کلینک میں موجود ہیں۔ ذرائع کے مطابق کلثوم نوازدل کی تکلیف کے باعث آئی سی یومیں گرپڑیں اور انہیں اب تک ہوش نہیں آیا،گزشتہ رات کلثوم نوازکوحالت بگڑنے پر ہسپتال کے ایمرجنسی یونٹ منتقل کیاگیا تھا۔ ذرائع کے مطابق بیگم کلثوم نواز گزشتہ 20 گھنٹے سے وینٹی لیٹر ہیں اورانہیں ہوش میں لانے کیلئے ڈاکٹروں کو کوئی کامیابی نہیں ملی۔ حسین نواز نے کہا والدہ کی طبعیت بہت خراب ہے ،قوم دعا کرے۔خیال رہے کینسر کے عارضے میں مبتلا بیگم کلثوم نواز پچھلے کئی ماہ سے علاج کی غرض سے لندن میں مقیم ہیں جہاں ان کی کئی کیمو تھراپیز ہو چکی ہیں۔دوسری جانب سابق وزیراعظم نواز شریف اور ان کی صاحبزادی مریم نواز،بیگم کلثوم نواز کے ساتھ عید منانے اور ان کی عیادت کیلئے لاہور سے صبح ساڑھے نو بجے نجی ایئرلائن کی پرواز کیو آر چھ سو انتیس سے براستہ دوحہ لندن پہنچے اور ایئرپورٹ سے سیدھے ہسپتال چلے گئے ،ان کے ہمراہ شہباز شریف کے بیٹے سلمان شہباز بھی تھے۔ لندن روانگی سے قبل مریم نواز نے کہا قوم والدہ کی صحتیابی کے لیے خصوصی دعا کرے ،مریم نواز نے کہاا? آپ سب پر اپنا خصوصی کرم کرے۔دریں اثنا کلثوم نواز کی حالت کی اطلاع ملتے ہی مسلم لیگ ن کے کارکنوں کی بڑی تعداد کلینک کے باہر پہنچ گئی۔مریم نواز نے ٹویٹ کرتے ہوئے بتایا کہ امی کو صبح دل کا دورہ پڑا، اس وقت ہم طیارے میں تھے ، اس وقت سے امی آئی سی یو میں اور وینٹی لیٹر پر ہیں۔

کراچی (این این آئی) چیئرمین رویت ہلال کمیٹی مفتی منیب الرحمان نے اعلان کیا ہےکہ پاکستان میں کسی بھی حصے سے چاند نظر آنے کی شہادت موصول نہیں ہوئی۔ جمعرات کو مرکزی رویت ہلال کمیٹی کا اجلاس چیئرمین رویت ہلال کمیٹی مفتی منیب الرحمان کی زیر صدارت کراچی میٹ کمپلیکس میں ہوا۔اجلاس میں مرکزی اور زونل رویت ہلال کمیٹی کے اراکین سمیت محکمہ موسمیات کے نمائندے بھی شریک تھے۔اس کے علاوہ زونل رویت ہلال کمیٹیوں کے اجلاس تمام صوبائی دارالحکومت اور وزارت مذہبی امور اسلام آباد کے دفتر میں ہوئے۔ مفتی منیب الرحمن کی زیر صدارت اجلاس میں 1439 ہجری کے شوال کے چاند کی رویت کا جائزہ لیا گیا اور شوال کے چاند سے متعلق ملک بھر سے شہادتیں جمع کی گئیں۔ اجلاس کے بعد پریس کانفرنس کرتے ہوئے مرکزی رویت ہلال کمیٹی کے چیئرمین مفتی منیب الرحمان نے کہا کہ پاکستان کے کسی بھی حصے سے شوال المکرم کا چاند نظر آنے کی شہادت موصول نہیں ہوئی جس کے بعد متفقہ طور پر یہ فیصلہ کیا گیا ہے کہ پاکستان میں عید الفطر 16 جون بروز ہفتہ ہوگئی۔قبل ازیں ڈائریکٹر محکمہ موسمیات کا کہنا تھا کہ شوال کے چاند کی پیدائش 13 جون کو رات 12 بجے ہوگئی ہے اور جمعرات کی شام تک چاند کی عمر 19 گھنٹے 3منٹ ہوگی۔انہوں نے بتایا تھا کہ غروب آفتاب کے بعد 39منٹ تک چاند نظر آنے کا وقت ہے اور جمعرات کو شوال کا چاند نظر آنے کے امکانات کم ہیں۔اس حوالے سے ماہر فلکیات پروفیسر جاوید اقبال نے کہا تھا کہ مغرب کے وقت چاند کی عمر اتنی کم ہوگی کہ عام آنکھ سے دکھائی دینا مشکل ہوگا البتہ سندھ اور بلوچستان کے ساحلی علاقوں میں چاند دور بین سے دکھائی دیا جاسکتا ہے البتہ ایسا نہیں ہوا۔

کابل(مانیٹرنگ ڈیسک) کالعدم تحریک طالبان پاکستان کے سربراہ ملا فضل اللہ کی ہلاکت کی غیر مصدقہ اطلاعات۔ نجی ٹی وی کے مطابق افغانستان کے علاقے کنڑ میں ڈرون حملے میں ہلاکت کی اطلاعات موصول ہوئی ہیں۔ امریکی نشریاتی ادارے و غیر مصدقہ اطلاعات کے مطابق امریکی ڈرون حملے میں ملا فصل اللہ کی ہلاکت کی اطلاع ہے۔

اسلام آباد (مانیٹرنگ ڈیسک) پیپلزپارٹی کے سینئر رہنما اعتزاز احسن نے کہا ہے کہ میں نے پہلے ہی کہا تھا کہ مشرف واپس نہیں آئے گا۔ چیف جسٹس نے اہتمام حجت کر کے اچھا کیا تاکہ مشرف یہ نہ کہہ سکیں کہ مجھے موقع نہیں دیا گیا۔ نجی ٹی وی سے گفتگو کرتے ہوئے اعتزاز احسن نے کہا کہ کمانڈر نے ساری فوج کا امیج خراب کر دیا ہے کمانڈو اب صرف باہر بیٹھا نعرے لگاتا رہے گا واپس نہیں آئے گا۔ وہ پاکستان سے بھاگا ہوا ہے مفرور ہے اپنی مرضی سے کبھی واپس نہ آئے گا کیا اسے واپس لایا جائے گا۔ اس حوالے سے زیادہ پرامید نہیں ہوں میرے نزدیک مشرف پاکستان کا سازشوں سے بھرا ایک تاریک ماضی ہے۔ اس باب کو اب بند کر دینا چاہیے۔ نواز شریف کیس کا ایک ماہ میں فیصلہ آنا مشکل نظر آتا ہے اب نیا وکیل پھر وقت مانگے گا اس سے پہلے خواجہ حارث بڑی کامیابی سے کیس سے طول دینے میں کامیاب رہے۔ نواز شریف اس وقت لندن میں انہی متنازع فلیٹس میں مفرور بیٹوں کے ساتھ بیٹھا ہے لیکن کوئی اس سے یہ سوال نہیں پوچھے گا۔